ভারতকী প্রধানমন্ত্রী

ঐনা য়দোম অমসুং নিংথৌগী ইমুং পুম্বগী মফমদা অদোমগী চীঙ লেম্লবা ৱাহৈশিং, তরাম্না ওকপিবায়, অমসুং মীওক মীচানগীদমক থম্মোয়নুংদগী থাগৎচবা  ফোঙদোকচরি‍।

অহান্বদা, ভারত মচা বিলিয়ন ১.৪গী মহুৎ শিঞ্জরগা, ঐনা অদোম অমসুং ব্রুনৈগী মীওইশিংগী মফমদা অদোমগী নিংতম্বগী ৪০শুবা কুমওনগীদমক য়াইফ-পাউজেল পীজরি‍।

য়োর মাজেস্তী,

ঐখোয়গী চহিচা কয়া লিরবা নাৎকী ওইবা মরী লৈ‍। ঐখোয়গী মরুপ মপাং ওইবগী য়ুম্ফম অসি হায়রিবা অথোয়বা নাৎকী চৎনবী অসিনি‍। অদোমগী লুচিং মখাদা, ঐখোয়গী মরী নোংম-নোংমগী মপাঙ্গল কনখৎলক্লি‍। ভারতকী মীয়াম্না ২০১৮দা ঐখোয়গী রিপব্লিক দে থৌরমদা অথোয়বা মীথুং ওইনা ভারত্তা লেঙবিরক্লম্বা চাউথোকচবগা লোয়ননা নীংশিংলি‍।

য়োর মাজেস্তী,

ঐগী অহুমসুবা তর্মগী অহৌবদা, ঐনা ব্রুনৈ চৎনবগী তাঞ্জা ফংবদা অমসুং অদোমগা তুংগী ৱাফম কয়া খন্নবা ফংলিবা অসিদা ঐ তশেংনা অপেন্বা পোকই‍। ঐখোয়গী নাকল অনিগী ওইবা মরীগী ৪০শুবা কুমওন থৌরম পাঙথোক্লিবা অসিসু নুংঙাইরবা তাঞ্জা চানরুবা অমনি‍। ব্রুনৈনা ভারতকী এক্ত ইস্ত পোলিসীগী মরুওইবা খোঙবু অমা ওইবগা লোয়ননা ইন্দো-পেসিফিক ভিজন অসি ঐখোয়গী তরং তরংবা তুংলমচৎকী থাজবা অমা ওইরি‍। ঐখোয়না অমনা অমগী পুক্নিংগী ইহুলবু ইকায় খুম্নৈ‍। খোঙচৎ অসি অমদি ঐখোয়না খন্নরিবা অসিনা তুংদা ঐখোয়গী মরীগী লম্বী তাক্কনি হায়না ঐহাক্না থাজৈ‍। অমুক্কা হন্না, থৌরম অসিদা, ঐনা অদোমগী মফমদা তৌবিমল খঙবা উৎচরি‍।

দিসক্লেমর – মসি প্রধান মন্ত্রীনা ফোঙদোকখিবা ৱাফমগী চাউরাকপা ৱাহন্থোক্নি‍। অশেঙবা ৱারোলদি হিন্দীদা ফোঙদোকখিবনি‍।

***