ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা লুচিংদুনা ৭, লোক কলয়ান মার্গতা লৈবা মহাক্কী য়ুমদা নোর্থ বে ওফ বেঙ্গল  মথক্তা লৈরিবা নোংলৈ-নুংশিৎ ‘রেমাল”গী শেম-শারিবশিং হন্না য়েংশিনবগী মীফম অমা পাংথোকখ্রে।

আই.এম.দিনা মাঙজৌননা লাউথোকখিবগী মতুংইন্না, নোংলৈ-নুংশিৎ অসি ঙসি অহিং বাংলাদেস অমসুং মোঙ্গলা(বাংলাদেস)গী সাউথ ৱেস্ত নক্না লৈবা নোংচুপ বেঙ্গলগা নক্নবা সাগার ইথৎশিং অমসুং খেপুপারাগী মরক্তা ফাওদুনা চৎখিবা য়ারি। নোংলৈ নুংশিৎ অসিনা নোংচুপ বেঙ্গল অমসুং অৱাং-নোংপোক রাজ্যশিংদা নোং চুহল্লবা য়ারি।

নেসনেল ক্রাইসিস মেনেজমেন্ত কম্মিতি অমসুং নোংচুপ বেঙ্গল সরকারনা প্রধান মন্ত্রীদা চাং নাইনা পাউদম্লি। সাউথ বে ওফ বেঙ্গল অমসুং অন্দমান সিদা চৎতনবা ঙামীশিংদা পাউতাক পীখ্রে। চাউরাক্নবা মীওই লাখ ১ রোম শাফগদবা মফমশিংদা হোংদোকখ্রে। আই.এম.দিনা বাংলাদেসতা চাং নাইনা নোংলৈ-নুংশিৎকী মতাংদা ই-পাউশিং পীরি।

প্রধান মন্ত্রীনা হায়খি ভারত সরকারনা রাজ্য সরকারশিংদা মপুংফানা মতেং পাংগনি অমসুং মখা তানা মতেং পীগনি। ফিবম অসি হোম এফেয়ার্স মিনিস্ত্রিনা য়েংশিনগনি অমসুং শেম-শাজিন্নবা সরকার ওইবা মতেং পাংনবা নোংলৈ-নুংশিৎ মতুংদা অমুক হন্না য়েংশিনগনি। হৌজিক নোংচুপ বেঙ্গল অমসুং ওরিসাদা থম্লিবা এন.দি.আর.এফ তিমশিংগা লোয়ননা, অহেনবা তিমশিং থৌরাং তৌদুনা লৈনবা অমসুং পুং অমগী মনুংদা চৎনবা থৌরাং তৌনবা প্রধান মন্ত্রীনা পাউতাক পীখ্রে। খুদক্কী ওইনা মতেং পাংনবা ইন্দিয়ান কোস্ত কার্দনা মসিগী এসেতশিং থৌরাং তৌদুনা থমখ্রে। মহাক্না হায়খি পামদবা থৌদোকশিং থোক্তনবা হিথাংফমশিং, রেলৱেজশিং অমসুং হায়ৱেজশিং মীকুপ-নাহুম শিংনা লৈহনখ্রে। 

মীফম অদুদা প্রধান মন্ত্রীগী প্রিন্সিপাল সেক্রেতরি, কেবিনেত সেক্রেতরি, হোম সেক্রেতরি, দি.জি এন.দি.আর.এফ, দি.জি আই.এম.দি অমসুং মেম্বর সেক্রেতরি এন.দি.এম.এশু শরুক য়াখি।

*****