ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা বেজ ইরোজন অমসুং প্রোফিৎ শিফতিং ঙাক্তোক্নবগীদমক তেক্স ত্রিতীগা মরী লৈনবা খোংথাংশিং থবক্তা ওন্থোক্নবা মল্তিলেতরেল কনভেন্সনগী সন্ধি অদু অয়াবা পীখ্রে।

শাফু:

কনভেন্সন অসিনা ভারতকী ত্রিতীশিং নৌনা শেম্দোক্তুনা বেজ ইরোজন অমসুং প্রোফিৎ শিফতিংগী থোংদা রেভেন্যু মাংলিবা অসি লাকশিনবা ঙম্লগনি।

মচা খাইবা ৱাফম:

1.      ভারতনা বেজ ইরোজন অমসুং প্রোফিৎ শিফতিং ঙাক্তোক্নবগীদমক তেক্স ত্রিতীগা মরী লৈনবা খোংথাংশিং থবক্তা ওন্থোক্নবা মল্তিলেতরেল কনভেন্সনগী সন্ধি অসি ভারতকী মায়কৈদগী শেল-থুমগী মন্ত্রী শ্রী অরুন জেৎলিনা ০৭/০৬/২০১৭তা পেরিসতা খুৎয়েক পীখি।
2. মল্তিলেতরেল কনভেন্সন অসি ও.ই.সি.দি./জি২০গী বেজ ইরোজন অমসুং প্রোফিৎ শিফতিং লাকশিন্নবা প্রোজেক্ত অদুগী মহয় অমনি।

iii.    ভারত অসি লৈবাক ১০০ হেনবগী এদ হোক গ্রুপকী অমসু জি২০, ও.ই.সি.দি., বি.ই.পি.এস. মরী লৈনবা অমদি থৱাই য়াওবা অতোপ্পা লৈবাকশিংগী জুরিদিক্সনগী শরুক অমা ওইখি।

1. কনভেন্সন অসিদা খুৎয়েক পীরিবা খুদিংমকপু এক্সন ৬কী মখাদা ত্রিতী এব্যুজ প্রিভেন্ত তৌনবগীদমক খ্বাইদগী তাবা স্তেন্দর্দশিং য়াওনা ফাইনেল বি.ই.পি.এস. পেকেজগী শরুক ওইনা য়ান্নরবা অদুগুম্লবা ত্রিতীগী মরী লৈনবা খ্বাইদগী তাথবা স্তেন্দর্দশিং অসি ফংনবা য়াওরি।
2. কনভেন্সন অসিনা কনভেন্সন অসিদা অনি নত্ত্রগা অনিদগী হেনবা পার্তীশিংগী মরক্তা তেক্স ত্রিতীশিং নৌনা শেমদোক্নবা ওপরেৎ তৌরগনি। মসিনা বি.ই.পি.এস.কী খোংথাংশিং থবক্তা ওন্থোক্নবা হৌজিক লৈরিবা তেক্স ত্রিতীশিং, মখোয়গী এপ্লিকেসনশিং নৌনা শেমদোক্তুনা চৎনহল্লগনি।
3. কনভেন্সন অসিনা ত্রিতী এব্যুজ অমদি বেজ ইরোজন অমসুং প্রোফিৎ শিফতিংগী থোংদা রেভেন্যু মাংলিবশিং লাকশিন্নবা ভারতকী ত্রিতীশিং নৌনা শেমদোক্কনি।

য়ুম্ফম:

কনভেন্সন অসি বেজ ইরোজন অমসুং প্রোফিৎ শিফতিং লাকশিন্নবা ও.ই.সি.দি./জি২০ প্রোজেক্তকী মহৈ অমনি, ভারত মদুগী মীহুৎ অমনি। কনভেন্সন অসিনা লৈবাকশিংবু এন্তি-এব্যুজ বি.ই.পি.এস.কী কান্নবা ফংনবা তেক্স ত্রিতীগা মরী লৈনবা অহোংবশিং থবক্তা ওন্থোকপা ঙমহল্লি। এম.এল.আই. অসিগী সন্ধিগী কেবিনেৎ নোৎ অদু খন্ন-নৈননবগীদমক ১৬.০৪.২০১৯দা মন্ত্রীমন্দলদা থাখি। য়াম্না থুনা দরকার ওইবনা মরম ওইদুনা মন্ত্রীমন্দলদা পুখৎপা ঙমখিদবনা মরম ওইদুনা ইকাই খুম্নরিবা প্রধান মন্ত্রীনা গবর্নমেন্ত ওফ ইন্দিয়া (ত্রাঞ্জেক্সন ওফ বিজিনেস) রুল্স, ১৯৬১গী ১২শুবা রুলগী মখাদা কেবিনেৎ সেক্রেতরিয়েৎ আই.দি. নম্বর. ২১৬/১/২/২০১৯-কেব তারিক ২৭.০৫.২০১৯দা এম.এল.আই. সন্ধি অমসুং ভারতকী অরোইবা পোজিসন অয়াবা পীখি। রুল ১২গী মখাদা অয়াবা লৌনবা তোঙান্না হায়জবা অমা এল এন্দ তি দিভিজন্দা ভারতকী রাস্ত্রপতিদগী সন্ধি অসিগী মচাকশিং ফংনবগীদমক ওফিস অসিগী ও.এম. এফ.নং.৫০০/৭১/২০১৫-এফ.তি.দি-l/১৫০ তারিক ৩১/০৫/২০১৯দা হান্ননা থাখ্রে।