ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদী বেঙ্কোক্তা ইস্ত এসিয়া অমসুং আর.সি.ই.পি. সমিৎতা শরুক য়াগনি। মসিগী মথক্তা মহাক ঙসি নুমিদাং দিল্লীদা হল্লক্ত্রিঙৈ মমাংদা, বেঙ্কোক্তা জাপানগী প্রধান মন্ত্রী সিনজো অবে, ভিয়েতনামগী প্রধান মন্ত্রী ঙুয়েন সুৱান ফুক অমসুং ওস্ত্রেলিয়াগী প্রধান মন্ত্রী স্কোত মোরিসন উনগনি।

রিজনেল কমপ্রিহেন্সিব ইকোনোমিক পার্তনরসিপ্তা ভারতকী মন্তিক্নবগী থবকশিং প্রধান মন্ত্রীনা লমজিংগনি। আর.সি.ই.পি. অসি অসিয়ানগী মেম্বর লৈবাক ১০ অমসুং অসিয়ানগা মনীং তম্না ললোন-ইতিক চৎথরিবা ওস্ত্রেলিয়া, চাইনা, ভারত, জাপান, কোরিয়া অমসুং ন্যু জিলেন্দগী মরক্তা লৈনবা ফ্রি ত্রেদ এগ্রিমেন্ত অমনি।

ভারতনা আর.সি.ই.পি.দা শরুক য়ানিংদবগী অনীংবা অদু প্রধান মন্ত্রী মোদীনা ফোংদোকখি। বেঙ্কোক পোস্ততা পীখিবা অকুপ্পা ইন্তর্ভ্যু অমদা মহাক্না হায়খি হৌজিক চৎথরিবা আর.সি.ই.পি.গী ৱারী শানবা অসিদা থোং মান্নবা অমা পুরক্কনি হায়না ভারতনা থাজবা থম্লি অমসুং ভারতনা লৈবাক খুদিংমক মাইপাকপা পাম্মি।

নাকল খুদিংমক মরম চানা ওইজবা ফংবা, অমসু অমসু কান্নবা ফংবা আর.সি.ই.পি. অমা লৈনবা প্রধান মন্ত্রীনা থাজবা ফোংদোকখি, মসিনা ভারতকী অমসুং চৎমিন্নরিবা পুম্নমক্কী অপাম্বশিংদা ৱারী শান্ননবা তকশিনখি।

ললোন-ইতিক, ইনভেস্তমেন্ত, কৈথেল, শেল-থুমগী মতেং পাংনবা, এন্তিলেকচুয়েল প্রোপর্তী অমসুং ই-কমর্স য়াওনা হিরম কয়াদা ২০১২দগী কম্বোদিয়াদা আর.সি.ই.পি. ৱারী শানবা হৌখিবনি।