ভারতকী প্রধানমন্ত্রী

ফোর জি.গী স্পেক্ত্রম পীদুনা, শেন্দোন কোক্নবা সোভরেন্ত গেরেন্তীগা লোইননা বোন্দশিং খোমগৎতুনা, ইমপ্লোয়ীশিংগী চাদিং হন্থহন্দুনা, লন-থুমশিং শেন ওন্থোক্তুনা অমসুং বি.এস.এন.এল. অমসুং এম.তি.এন.এল. পুনশিন্নবগী অয়াবা পীদুনা বি.এস.এন.এল. অমসুং এম.তি.এন.এল. অমুক হিঙ্গৎহন্নবা থৌরাং কেন্দ্রগী মন্ত্রীমন্দলনা য়ারে।

মখাগী ৱাফমশিং অসি মন্ত্রীমন্দলনা য়ারে :-

1. বি.এস.এন.এল. অমসুং এম.তি.এন.এল.দা সরকারনা ফোর জি. স্পেক্ত্রম পীদুনা পি.এস.য়ু.শিং অসিনা ব্রোদবেন্দ অমসুং দেতা পীবা ঙমহনগনি। হায়রিবা স্পেক্ত্রমশিং অসি লৌনবগী শেনফম ভারত সরকারনা পি.এস.য়ু.শিং অসিদা লুপা ক্রোর ২০,১৪০ কেপিতেল ওইনা পীগনি; মসিগী স্পেক্ত্রম অসিগী লুপা ক্রোর ৩,৬৭৪গী জি.এস.তি.গী শেনফম বজেৎকী খুৎথাংদগী সরকারনা পুথোক্কনি। পীরিবা স্পেক্ত্রম অসি শীজিন্নদুনা বি.এস.এন.এল. অমসুং এম.তি.এন.এল.না খুঙ্গংশিং য়াওনা মফম কয়াদা লৈরিবা মখোয়গী নেতৱার্কশিং শীজিন্নদুনা চাংদম্নদুনা অয়াংবা ফোর জি. দেতা পীবা ঙমগনি।

2. বি.এস.এন.এল. অমসুং এম.তি.এন.এল.না ভারত সরকারনা পুথোক্তুনা লুপা ক্রোর ১৫,০০০গী লোং-তার্ম বোন্দশিং খোমগৎকনি। হায়রিবা শেনফমশিং অসিনা বি.এস.এন.এল. অমসুং এম.তি.এন.এল.না মখোয়গী হৌজিক লৈরিবা শেন্দোল শিংদোক্কনি অমসুং কাপেক্স, ওপেক্স অমসুং অতোপ্পা দরকার ওইবশিং পীথোক্কনি।

3. বি.এস.এন.এল. অমসুং এম.তি.এন.এল.না চহি ৫০ অমসুং মসিগী মথক্ত লৈবা মখোয়গী ইমপ্লোয়ীশিংদা খুদোংচাবা কয়া য়াওরবা ভোলুন্তরী রিত্যারমেন্ত স্কিম (ভি.আর.এস.) পীগনি অমসুং মসিগী অচংবা শেনফম ভারত সরকারনা বজেৎকী খুৎথাংদা পুথোক্কনি। ভি.আর.এস.কী এক্স-গ্রেসিয়াগী শরুক লুপা ক্রোর ১৭,১৯৬ দরকার ওইগনি, পেসন্স, গ্রেজুইতী অমসুং কম্যুতেসনগী শেনফম ভারত সরকারনা পুথোক্কনি। স্কিম অসিগী অকুপ্পশিং বি.এস.এন.এল. অমসুং এম.তি.এন.এল.না অরোইবা ওইনা লেপকনি।

4. শেন্দোল শিংদোক্নবা, বোন্দশিং মথৌ পাংথোক্নবা, নেতৱার্ক ফগৎহন্নবা, দরকার ওইবা ফন্দশিং ফংনবা বি.এস.এন.এল. অমসুং এম.তি.এন.এল.না মখোয়গী লন-থুমশিং শেল ওন্থোক্কনি।

5. বি.এস.এন.এল. অমসুং এম.তি.এন.এল. পুনশিনবা ইন-প্রিন্সিপাল ওইনা য়ানরে

অমুক হিঙ্গৎনবা থৌরাং অসি থবক ওইনা পাংথোকপা মতমদা বি.এস.এন.এল. অমসুং এম.তি.এন.এল.না মসিগী লৈবাক শীনবা থুংনা লৈরিবা তেলিকম্যুনিকেসন নেতৱার্কশিংগী খুৎথাংদা অফবা অমসুং থাজনীংঙাই ওইবা সর্বিস পীবা ঙমগনি।