ভারতকী প্রধানমন্ত্রী

বালিদা হৌজিক পাংথোক্লিবা জি.২০ সম্মিত মনুংদা প্রধান মন্ত্রী, শ্রী নরেন্দ্র মোদী অমসুং ওস্ত্রেলিয়াগী প্রধান মন্ত্রী, ঐচ.ই. শ্রী এন্থোনী অল্বানিজকা ঙসি উন্নখ্রে।

কম্প্রিহেন্সিব স্ত্রেতজিক পার্ত্নরশিপকী মখাদা অমসুং ভারত অমসুং ওস্ত্রেলিয়াগী মরক্তা চাং নাইনা পাংথোক্লিবা অৱাংবা থাক্কী ৱারী শাবগী থৌওংনা মরম ওইরগা লৈবাক অনিগী লৈনরিবা মরীনা অফবা ফিভমদা লৈবসিদা লুচিংবা অনিনা নুংঙাইবা ফোংদোক্নখি। মখোয়না দিফেন্স, ত্রেদ, এজুকেসন, ক্লীন ইনর্জী অমসুং পীপল-তু-পীপল তাইস য়াওনা তোঙানবা সেক্তরশিংদা তেংবাংনবগী থৌওং হেন্না চেৎশিলহন্নবা পাংথোক্লিবা থৌওংশিংগী ফিভমশিংসু য়েংশিনখি। এজুকেসনগী লমদা, মরু ওইনা হাইয়র এজুকেসন, ভোকেস্নেল এজুকেসন, ত্রেনিং অমসুং কেপাসিতী বিলদিংগী মতাংদা ইন্সতিত্যুসনশিংগী ওইবা পার্ত্নরশিপকী মতাংদসু মখোয়না কুপ্না খন্ন-নৈনখি। 

লুচিংবা অনিগী মান্নবা অপাম্বা লৈবা রিজনেল অমসুং মালেমগী হীরম কয়াগী মতাংদসু মখোয়না ৱাখল্লোন লান্নখি। হায়রিবা হীরমশিং অসিগী মনুংদা তংদু লৈতাবা অমসুং শান্তি লৈবা ইন্দো-পেসিফিক্কী লমদম, ক্লাইমেতকা মরী লৈনবা ৱাফম অমসুং ভারতকী জি.২০ প্রসিদেন্সীগী ৱাফম য়াওখি।

প্রধান মন্ত্রী শ্রী নরেন্দ্র মোদীনা প্রধান মন্ত্রী অল্বানিজপু য়াম্না অথুবা মতমদা ভারত্তা তরাম্না ওকপা পাম্মি হায়না ফোংদোকখি।

***