ভারতকী প্রধানমন্ত্রী

• দীনদয়াল হস্তকালা জাতিদা কৎথোকপা

• বারাণসী অমসুং বডোদরাগী মরক্তা মহামানা এক্সপ্রেস লমথাবা

• চাওখৎ থৌরাংগী প্রোজেক্ত কয়ামরুম হৌদোকপা

প্রধানমন্ত্রী শ্রী নর্ন্দ্র মোদীনা ঙসি বারাণসীদা হেন্দিক্রাফকী ত্রেদ ফেসিলিতেসন সেন্তর, দীনদয়াল হস্তকালা সংকুল জাতিদা কৎথোকখ্রে। প্রধানমন্ত্রীনা মসিগী উরেপ-উয়ুং ২০১৪গী নবেম্বরদা তমখিবনি। মহাক্না ঙসি সেন্তর অদুদা চৎখি অমসুং কৎথোক্নবগীদমক ফম্বাক্তা কাদ্রিঙৈগী মমাংদা মফম অদুদা শেমগৎলিবা খুদোংচাবশিংগী মতাংদা শম্লপ্না পাউদমখি ।

শ্রী নরেন্দ্র মোদীনা ভিদিও লিঙ্ক অমগী থোংদা মহামানা এক্সপ্রেস লমথাখি। ত্রেন অসি গুজরাত্তা সুরৎ অমসুং বডোদরাগা বারাণসীগা শম্নহনগনি।

প্রধানমন্ত্রীনা শহরদা তোঙান তোঙানবা চাওখৎ-থৌরাংগী থবক কয়া উরেপ-উয়েং তম্নবগী প্লেক মাইখুম হাংদোকখি অমসুং মীয়ামদা কৎথোকখি। মহাক্না উৎকর্ষ বেঙ্ককী বেঙ্কিং সর্বিসশিং শঙ্গাখি অমসুং বেঙ্ক অসিগী হেদক্বাতরশিংগী বিল্দিং শানবা উরেপ-উয়ুং তম্বগী প্লেক মাইখুম হাংদোকখি।

প্রধানমন্ত্রীনা ভিদিও লিঙ্ক অমগী থোংদা বারাণসীগী মীয়ামদা জল এম্বুলেন্স সর্বিস, অমসুং জল শব ৱাহন সর্বিস অমা কৎথোকখি । মহাক্না ফী-শাবীশিং অমসুং মখোয়গী মচা-মশুশিংদা তুল-কিৎস অমসুং সোলর লেম্পশিং য়েন্থোকখি।

থৌরম অদুদা ৱা ঙাংলদুনা প্রধানমন্ত্রীনা হায়খি মদুদি ফম্বাক অমদগী থৌরম অমদা, লুপা কোতি ১০০০গী প্রোজেক্তশিং কৎথোকখ্রে নত্রগা উরেপ-উয়ুং তমখ্রে।

মহাক্না হায়খি মদুদি ত্রেদ ফেসিলিতেসন সেন্তর অসি মতম কুইনা চৎলগদবা বারাণসীগী খ্বাইদগী চাওবা প্রোজেক্তশিংগী মনুংদা অমনি। মহাক্না হায়খি মদুদি সেন্তর অসিনা মরম ওইদুনা আর্তিস্তশিং অমসুং ফি-শাবশিংনা মখোয়গী হৈ-শিংবা অদু মালেমদা উৎথোকপা ঙমহল্লগনি, লোইননা মখোয়গী হেন্না মঙাল নাইরবা তুংলমচৎ অমা ফংহল্লগনি। মহাক্না মীয়ামদা সেন্তর অসিদা লাকপা লমকোইবা পুম্নমক্কী পুক্নীং থৌগৎনবা ফোংদোকখি। মহাক্না হায়খি মদুদি মসিনা হেন্দিক্রাফশিং হেন্না পাম্নবা হেনগৎকনি অমসুং বারাণসীগী তুরিজমদা মপাঙ্গল হাপকনি লোইননা শহরগী শেন্মিৎলোনসু ফগৎহনগনি।

প্রধানমন্ত্রীনা হায়খি মদুদি অৱাবা পুম্নমক চাওখৎ-থৌরাংগী পাম্বৈনা কোকহনবা ঙমগনি। মহাক্না হায়খি মদুদি সরকার অসিনা লাইরবশিংগী অমসুং তুংগী মীরোলগী পুন্সিদা অফবা অহোংবা পুরকপদা মিয়েং চংলি। মসিগী মতাংদা, উৎকর্ষকী থৌদাং অদুবু থাগৎপা ফোংদোকখি।

ঙসি হৌদোকখিবা জল এম্বুলেন্স অমসুং জল শব ৱাহিনীগী মতাংদা পল্লদুনা প্রধানমন্ত্রীনা হায়খি মদুদি মসিনা ঈশিংগী লম্বীদা পাইখৎপা চাওখৎ-থৌরাংগী মরম অমা ওইরি।

মহামানা এক্সপ্রেসকী মতাংদা পল্লদুনা প্রধানমন্ত্রীনা হায়খি মদুদি মহাক্না ২০১৪গী পার্লিমেন্তরী ইলেক্সন্দা মীহুৎ ওইখিবা কোন্সতিত্যুএন্সী অনি, বডোদরা অমসুং বারাণসী, হৌজিক রেলৱেগী পাম্বৈনা শম্নহল্লে।

প্রধানমন্ত্রীনা হায়খি মদুদি ঙসি লৈবাক অসি খোংজেল য়াংনা চাওখৎলক্লি, লোইননা লৈবাক্কী কান্ননবগীদমক অচেৎপা ৱারেপ কয়া লৌরি। মহাক্না হায়খি মদুদি নোংপোক ভারত অসি লৈবাক অসিগী নোংচুপ থংবা শরুক্কী খোংজেলগা মান্নহনগদবনি লোইননা ঙসি হৌদোক্লিবা প্রোজেক্তশিং অসিনা পান্দম অসি ফংনবা হোৎনবদা মতেং কয়ামরুম পীরগনি।