ভারতকী প্রধানমন্ত্রী

ঐহাক কাশীগী মীয়ামগী মীহুৎনি অমদি কাশীগী লমদমদা অসুক য়ামখ্রবা লাইনিংবশিংগী থৌজাল ফংজনবা তঞ্জা ফংজবা অসি ঐহাক্কী লাইবক ফবনি। অদুগা কাশীগী মীহুৎ ওইবনা ময়াম পুম্নমকপু থমোয় শেংনা তরাম্না ওকচরি। সংস্কৃত অমসুং সংস্কৃতিগী পুনফম অসিদা ময়াম পুম্নমক্কী মরক্তা লাকচবা অসি ঐহাক্কীদমক লাইবক ফবনি। বাবা বিশ্বনাথকী নাক্তা, ইমা গঙ্গাগী মশাইকোলদা, সন্তৱানিগী সাখী ওইবগী তাঞ্জা অসি তোইনা লাকপা নত্তে।

থৌরম অসিদা লাক্নবগীদমক ইফমদা জগদগুরুজীনা চেবাও পীবিরকখি। লাইনিবশিং উনবগী, পুক্নিং লৌশিং ফংবগী খুদোংচাবা তঞ্জা অসি ফংবা খুদিং নান্থোকহল্লোইদবনি। অদোমসু লৈবাক্কী মফম পুম্বদগী অসুক য়াম্না মফম অসিদা লাকপীরি। মীওই কয়া অমা কর্নাতকাদগীনি, কয়া অমা মহারাস্ত্রদগীনি অদুগা বাবা ভোলেগী লমদমগী মীহুৎশিংদি মফম অসিদা লৈবীরি।

ঐহাক্না ময়াম পুম্নমকপু তরাম্না ওকচরি অমসুং তৌবীমল খঙবা উৎচরি।

মরূপশিং,

তুলসীদাসজীনা হায়বিরম্মি- ‘সন্ত সমাগম হরি কথা তুলসী দুর্লভ দোউ।’ লমদম অসিগী অখন্নবা মগুন মসিমক্নি। অসিগুম্বা অসিদা বীরশৈবগুম্লবা সন্তকী ত্রেদিসনবু নহাওইরিবশিং ফাওবা য়ৌহল্লিবা জগদগুরু বিশ্বরাধ্য গুরুকুলগী সেন্তিনরী চহী লোইশিলকপা অসি চাউথোকনিঙাই মীকুপ অমনি। মীকুপ অসিগী সাখী, বীরশৈব ত্রেদিসনগী শম্নরিবা অদোম মরূপশিংগা লোয়ননা শম্নবা অসি ঐহাক্কীদমক য়াম্না হরাওনীংঙাইনি। বীর ৱাহৈ অসি অয়াম্বা মীয়াম্না বীরতাগা শম্নহল্লি অদুবু বীরশৈব ত্রেদিসন, অদুগুম্লবা ত্রেদিসন অমনি মদুদা বীর ৱাহৈ অসি অধ্যাতমিক অর্থগা ইলাবোরেত তৌরি।

বিরোধ রহিত শৈব বীরশৈব বিদুর্বুধা:।

হায়বদি, কনফ্লিককী, বৈরগী ৱাখল্লোনগী মথক্তা লৈখিবা অদু বীরশৈবনি। মীওইবা জাতিগী অসুক য়াম্না অথোইবা পাউজেল অসি মসিগী মমিংগা শম্নরি। মরম অসিমক্ননি সমাজপু বৈর, কনফ্লিক অমসুং দিসওর্দরদগী মপান থোকলক্নবগীদমক বীরশৈব ত্রেদিসন অসি মতম পুম্নমক্তা অকনবা ৱাফম্না লমজিংলি।

মরূপশিং,

ভারত্তা লৈবাক্কী ৱাহন্থোক অসি কৈদৌনুংদা মসি ওইখিদ্রি মদুদি কনানা কদায়দা লানঙম ফিরাল থেৎখি, কনাগী কদায়দা মায়থিখি। ঐখোয়গী মফম অসিদদি লৈবাক অসি ফমনা নত্তে, সংস্কৃতি অমসুং চৎন লোনচৎনা শেম্বনি, মফম অসিদা লৈরিবশিংগী শক্তিনা শেম্বনি। অসিগুম্বা অসিদা ভারতকী অশেংবা শক্তম অদু তুংগী মীরোল ফাওবা য়ৌহনবগী দাইত ঐখোয় পুম্নমক্কীনি, গুরুশিং, লাইনিংবশিং অমসুং খঙ হৈরবশিংগীনি।

ঐখোয়গী মন্দির অসি ওইগেরা, বাবা বিশ্বনাথ য়াওনা লৈবাক অসিদালৈরিবা জ্যোতির্লি ১২ ওইগেরা, চার ধাম ওইগেরা নত্রগা বীরশৈব সম্প্রাদয়গী মহাপীথ ৫ ওইগেরা, শক্তিপীথ ওইগেরা, মসি দিবাইন এরেঞ্জমেন্তশিংনি। ধামশিং অসি থাজবা অমসুং স্পেরিচুয়েলিতীগী সেন্তর খক্তা নত্তনা এক ভার, শ্রেস্থ ভারতকীসু লম্বী তাক্লিবনি। মসিনা ঐখোয় পুম্নমকপু, লৈবাক্কী মীয়াম পুম্নমকপু, লৈবাক্কী দাইবরসিতীবু অমগা অমগা শম্নহল্লি।

মরূপশিং,

মসি মতাং চানরুবা হায়বদুনি, গুরুকুলগী সেন্তিনরী সেলেব্রেসন অসি অনৌবা দিকেদ হৌরকপদা পাংথোক্লি। দিকেদ অসি ২১শুবা চহী চাগী গ্যান বিগ্যান্দা ভারতকী থৌদাংবু মালেমগী ফম্বাক্তা অমুক ঙালহল্লগনি। অসিম্বা অসিদা ভারতকী ফিলোসোফী অমসুং গ্যানগী সাগর, শ্রীসিদ্ধান্ত শিখমনিবু ২১শুবা চহী চাগী মওং পীনবীবগীদমক ঐহাক্না অদোম্বু তৌবীমল খঙবা উৎচরি।

ভক্তিনা অৱাবা পুম্নমক কোকপগী লম্বী উৎলিবা দর্শন অসিবু তুংগী মীরোল ফাওবা য়ৌহনগদবনি। এপ্লিকেসন অমগী খুত্থাংদা অসিগুম্লবা শেংলবা শ্রী সিদ্ধান্ত শিখামনি গ্রন্থ দিজিতেলাইজ তৌবনা নহা ওইরিবা জেনরেসনগা লোয়ননা লৈনরিবা মদুগী মরীশিংবু হেন্না চেৎশিলহল্লগনি অমদি মখোয়গী পুন্সিবু ইন্সপায়রসু তৌরগনি। মোবাই এপ্লিকেসন অসিগী থোংদা গ্রন্থকা মরী লৈনবা তোপিকশিংদা চহীগী ওইবা ক্ব্যুইজ কম্পিতিসন অমা পাংথোকপসু ঐহাক্না পামজৈ অমসুং রাজ্য খুদিংমক্তগী মকোকথোংবা অহুম্বু মনা পীগদবনি। পুম্নমক ওলাইন্দা পাংথোকপা য়াই।

লৈবাক অসিগী অমসুং মালেম অসিগী কাচিন কোয়া খুদিংদা শ্রী জগদগুরু রেনুকাচার্যগী শেংলবা পাউজেলবু য়ৌহন্নবগীদমক শ্রী সিদ্ধান্ত শিখামনি গ্রন্থপু লোন ১৯দা অনুবাদ তৌখ্রে। ঙসি মসিগীসু লিবরেসন মফম অসিদা তৌখ্রে। লাইনিংবশিংগী গ্যান অসিবু মীপুম খুদিংমক্তা য়ৌহনবা অসি মীওইবা জাতিগী য়াম্না চাউবা সেবানি। মসিগীদমক ঐখোয় পুম্নমক্তগী পাংথোকপা য়াবা পুম্নমক পাংথোক্কদবনি।

মরূপশিং,

বীরশৈবকা শম্নরিবশিং, লিংগায়ত কাংলুপকা শম্নরিবা লাইনিংবশিংনা নত্ত্রগনা অতোপ্পা মরূপশিংনা শিক্ষা অমসুং সংস্কৃতিবু মীপুম খুদিংমক্কী মফমদা য়ৌহনবদা য়াম্না চাউবা থৌদাং লৌরি। কর্নাতকা য়াওনা লৈবাক্কী মফম কয়াদা মথশিংগী থোংদা ইগনোরেন্তকী অমম্ববু লাপথোকহল্লি, হ্যুমেন দিগনিতীবু অনৌবা মায়কৈ পীরি, মদু থাগৎনিঙাইনি। জংগমবারী মথতি ইমোস্নেল অমসুং সাইকোলোজিকেল ওইবা মওংদা নাথৈবিরবা মরূপশিংগীদমক ইন্সপিরেসন অমসুং হিংনবগী লম্বীসু ওইরি। অদোম্না হোৎনরিবা অসি য়াম্না থাগৎনীংঙাইনি।

মতাং অসিৱাইদা ঐহাক্না শ্রী কাশী জগদগুরু শ্রী চন্দ্রশেখর শিবাচার্য়জীগীসু অখন্ননা থাগৎপা ফোংদোকচরি, মহাক্না ভারতিয়া ধর্শন কোসকী রচনাদা অচৌবা থৌদাং লৌবিখি। শ্রীসিদ্ধান্ত শিখামনিদদি মহাক্না পি.ঐচ.দি. তৌখি। মহাক্না ইবীখিবা লাইরিক কয়ানা নহাশিংবু লমজিং লমতাকপীরি, মখোয়বু লৈবাক শেম্বগী সংস্কার পীবিরি।

মরূপশিং,

লৈবাক অসি সরকার খক্তনা শেম্বা নত্তে, মসিদি নাগরিক অমমমগী সংস্কারনা শেম্বনি। নাগরিক্কী সংস্কারবু মহাক্কী থৌদাংনা মকোক থোংহল্লি। নাগরিক অমা ওইনা ঐখোয়না লমজিংবনা ভারতকী তুংলমচৎ চপ চানা লেপ্লগনি, অনৌবা ভারত অমগী মায়কৈ লেপ্লগনি। লাইনিংবশিংনা উৎপীরিবা লম্বীদা চৎতুনা, ঐখোয়না ঐখোয়গী পুন্সিগী এস্পিরেসন মপুং ফাহল্লগনি অমসুং নেস্নেল বিলদিংদা মপুংফানা তেংবাং পীবা মখা চত্থরগনি। ঐখোয়না লৈবাক্কী সংকল্পশিংগা লোয়ননা ঐখোয় ইশাবু শম্নহনগদবনি।

হৌখিবা চহী মঙাদা ভারত্তা লু-নানবগী মীকপ থোকহনবদা লাইনিংবশিংগী, মথশিংগী. গুরুকুলশিংগী, স্কুলশিংগী, কোলেজশিংগী অচৌবা থৌদাং য়াওরি। কাশী অমসুং লৈবাক অসিগী নহাশিংনা স্বচ্ছ ভারত অভিয়ানবু লৈবাক্কী কাচিন কোয়া থুংনা য়ৌহনখিবগুম্না অতৈ সংকল্পশিংসু ঐখোয়না মাংলোমদা পুখৎকদবনি। অসিগুম্লবা অচৌবা সংকল্প অমসু লৈরি, ভারত্তা শাবা পোৎশিংবু, ঐখোয়গী ৱেভরশিং, ঐখোয়গী ক্রাফমেনশিংনা শাবা পোৎপু ইকায় খুম্নবা উৎপনি। ঐখোয়না ইশামকপুসু অমসুং ঐখোয়গী মনাক নকপদা লৈবা মীওইশিংবুসু ভারত্তা শাবা পোৎশিং শিজিন্নবদা পুক্নিং থৌগৎকদবনি। ঙসি ভারত্তা মালেমগী থাক্কী পোত্থোকশিং শারি।

মতৌ অসুম্না, লৈবাক অসিদা জলজীবন মিসন্দা অদোম ময়ামগী থৌদাং, লৈবাক্কী থৌদাং য়াম্না মরু ওইরগনি। য়ুম ওইগেরা, লৌবুক ওইগেরা, নত্রগা অতোপ্পা মফম ওইগেরা, ঐখোয়না ঈশিং য়োক্তুনা থম্বদা, রিসাইক্লিং তৌবদা পুক্নিং চংগদবনি। ভারতপু ইকং কোকহনবদা অমসুং ঈশিং মরাং কাইনা ফংহনবদা ভারত মচা অমমমগী থৌদাং কানবা পুরক্লগনি।

মরূপশিং,

লৈবাক অসিদা অসুক চাউখ্রবা কেম্পেনশিং সরকার খক্তগী খুত্থাংদা চত্থবা ঙম্লোই। মায় পাক্নবগীদমক য়াম্না দরকার ওইরিবদি মীয়াম্না শরুক য়াবনি। হৌখিবা চহী ৫-৬ অসিদা গঙ্গা ঈশিংদা মমাংদা অমুক্তা ওইখিদ্রিবা মওংদা ফগৎলক্লিবা অসি মীয়াম্না শরু য়াবনা মরম ওইদুনা ফংবা ঙম্লিবনি। নমামি গঙ্গে প্রোগ্রামগী মখাদা লুপা কোতি ৭০০০কী মমল ওইবা প্রোজেক্তশিং মপুং ফানা লোইশিনখ্রে, অদুগা লুপা কোতি ২১০০০গী মমল ওইবা প্রজেক্তশিংদা থবক চত্থরি। পায়খৎলিবা প্রোজেক্তশিং অসিসু অথুবা মতমদা মপুং ফানা লোইশিন্নবা ঐখোয়না হোৎনরি।

মরূপশিং,

সরকারনা হন্দক্তা রাম মন্দির শানবগীদমক ‘শ্রী রাম জন্মভুমী তির্থ ক্ষেত্র’ ত্রস্ত শেম্নবা লাউথোকখ্রে। ত্রস্ত অসিনা অয়োধ্যাদা শ্রী রাম মন্দির শাবা য়েংশিনগনি। সরকারনা ত্রস্ততা একর ৬৭কী লম ত্রান্সফর তৌনবসু ৱারেপ লৌরে। খন্দুনা য়েংবিয়ু, নাকল অমরোমদা অয়োধ্যাদা রাম মন্দির শাবা অদুগা অতোপ্পা নাকল অমদা মফম অসিদা বরানসীদা কাশী বিশ্বনাথ ধাম, ভারতকী ইতিহাসতা মসি পুৱারীনি।

মরূপশিং,

ময়াম পুম্নমক্কী থৌজালদগী ঙসি লৈবাক অসিদা অমসুং কাশীদা থৌরম কয়া অমা পাংথোক্লি। হৌজিক মফম অসিদা পাংথোক্লিবা থৌরম অসিগী মতুংদা বরানসী মক্তদা ঐহাক্কী থৌরম অনী অমগা লৈরি মদুদা লুপা কোতি লিশিং কয়াগী প্রোজেক্তশিং শঙ্গাগনি অমসুং উরেপ উয়ুং তমগনি। থৌরম পুম্নমক অসিনা কাশীবু হেন্না মপাঙ্গল কনখৎহল্লগনি, অনৌবা ভারতপু মপাঙ্গল কনখৎহল্লগনি।

লাকপীরো, গুরুকুলগী সেন্তিনরী চহীগী অরোইবা নুমিৎ অসিদা ঐখোয় ৱারেপ লৌরসি মদুদি অনৌবা ভারত শেমগৎপদা ঐখোয়না লৌবা য়াবা থৌদাং পুম্নমক লৌগনি। লৈবাক্কী কাননবা হেন্না ফবা অমসুং থৌদাং খঙবা নাগরিক অমা ওইদুনা সমাজ পুম্ববু মাংলোমদা পুখৎকনি। ঐহাকপু থৌরম অসিগী শরুক অমা ওইহনবিবগীদমক অমুক হন্না অদোমগী লমন তোনশিঞ্জরে।