ভারতকী প্রধানমন্ত্রী

ফ্রেঞ্চ প্রসিদেন্ত, ঐচ.ই. ইমান্যুএল মেক্রোনগী দিপ্লোমেতিক এদভাইজর, শ্রী ইমান্যুএল বোন্না জনুৱারী ৫, ২০২৩দা প্রধান মন্ত্রী শ্রী নরেন্দ্র মোদীগা উনখ্রে।

প্রধান মন্ত্রীনা দিফেন্স, সেক্যুরিতী অমসুং ইন্দো-পেসিফিক য়াওনা মখোয়গী স্ত্রেতেজিক পার্তনরশিপকী তোঙান-তোঙানবা দোমেনশিংদা ভারত অমসুং ফ্রান্সকী মরক্তা লৈনরিবা অচেৎপা মরীগী মতাংদা পাউদমখি। ভারতকী জি-২০ প্রসিদেন্সীগীদমক ফ্রান্সনা সপ্পোর্ত তৌরকপবু প্রধান মন্ত্রীনা তরাম্না ওকখি।

শ্রী বোন্না প্রধান মন্ত্রীনা প্রসিদেন্ত ইমান্যুএল মেক্রোনগী মরুপ ওইবগী পাউজেল পীরকপা অদু পাউদমখি অমসুং নুমিৎ অদুগী অঙনবদা এন.এস.এ., শ্রী অজিত দোবলগা লোয়ননা তৌখিবা স্ত্রেতেজিক দাইলোগকী মতাংদা প্রধান মন্ত্রীদা তেনতক্না পাউদমখি।

ইনর্জী অমসুং কলচর য়াওনা নাকল অনিগী য়াইফনবা অমসুং তেংবাং পীনবগী অতোপ্পা লমশিংদা খন্ন-নৈনবশিং পাঙথোকখি।

প্রধান মন্ত্রীনা বালীদা প্রসিদেন্ত মেক্রোনগা লোয়ননা হন্দক উনখিবা অদু নীংশিংখি অমসুং ভারত্তা প্রসিদেন্ত মেক্রোন লাক্নবা চে-পাউ পীখি। শ্রী বোন্না প্রসিদেন্ত মেক্রোন্না ভারত্তা অথুবদা লাক্নবা খৌরাংনা ঙাইরি হায়না ফোঙদোকখি।

***