ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা নিউ দিল্লিগী ভারত মন্দাপমদা ফেব্রুৱারি ২,২০২৪গী নুংথিল পুং ৪:৩০ তাবদা ভারতকী খ্বাইদগী চাউবা অমসুং মখল অসিগী অহানবা মোবিলিতি একজিবিসন-ভারত মোবিলিতি গ্লোবেল এক্সপো ২০২৪ থৌরমদা ৱা ঙাংগনি।

ভারত মোবিলিতি গ্লোবেল এক্সপো ২০২৪ দা মোবিলিতি অমসুং ওতোমোতিপ ভেলু চেনশিংদা ভারতকী তৌবা ঙম্বশিং উৎকনি। এক্সপো অদুদা একজিবিসনশিং, মীফমশিং, বয়ার-সেল্লর মীতশিং, স্তেৎ সেসনশিং, রোদ সেফতি পেভিলিয়ন অমসুং মীয়ামগী ওইবা গো-কার্তিংগুম্বা থৌরমশিং পাংথোক্কনি।

লৈবাক ৫০ হেনবগী একজিবিতর ৮০০ হেনবা শরুক য়াদুনা অৱাংবা থাক্কী তেক্নোলোজিশিং, স্তেনেবল সোলুসনশিং অমসুং মোবিলিতিগী অনৌবশিং উৎকনি। এক্সপো অসিদা গারি শাবা কম্পেনি ২৮ হেন্নবা অমসুং ওতো কম্পোনেন্ত শাবা কম্পেনি ৬০০ হেন্না শরুক য়াগনি। মালেমগী কৈথেল ১৩ হেনবগী ব্রান্দ ১০০০ হেনবনা মখোয়গী পোৎথোকশিং, তেক্নোলোজিশিং অমসুং সর্বিস থৌরম অদুদা উৎকনি।

একজিবিসন অমসুং কনফরেন্সশিংগা লোয়ননা থৌরম অদুদা মোবিলিতিগী থবকশিং ফগৎহন্নবা জাতি অমসুং রিজনেলগী থাকশিংদা পুন্না থবক তৌমিন্নদুনা রাজ্যশিংনা পায়খৎলিবা থবকশিং উৎকনি।

****