ভারতকী প্রধানমন্ত্রী

কোভিদ-১৯ লাইচৎনা মালেম পুম্বা কুপশিনখ্রে অমসুং মালেমগী মীওই মিল্লিয়ন কয়াগী হকশেল অমসুং শেন-থুমগী ফিবমদা য়াম্না চাউনা শিংনরে । ভারত্তসু কোরোনাভাইরস শন্দোরকপা অসি মীপাইরে অমসুং ঐখোয়গী লৈবাক্কী হকশেল অমসুং শেন-থুমগী ফিবমদা য়াম্না চাউনা শিংনরে । মসিগী অৱাবা তারবা মতম অসিদা সরকার শৌগৎপা ওইনা পুকচেল চাউনা মতেং পাংজগে হায়না প্রধান মন্ত্রীগী ওফিসতা মশিং খঙদনা হায়জরকপা লৈরে ।

অৱাবা তারকপা মতমদা খুদোংথিবা নংলবা মীওশিং মতেং পাংবা অমসুং দরকার ওইবা মচাক-মথুমশিং শেমগৎপা অসি য়াম্না দরকার ওই । মরম অদুনা অথু-অকায়গী ওইনা মতেং পাংবা ঙম্নবা অমসুং মীয়ামগী অৱাবা কোকহন্নবা য়াংনা মচাক-মথুমশিং শেমগৎপা অমসুং ইন্সতিতুৎশিং শেমগৎপা অসি পাংথোক্কদবনি । অসিগুম্বা থবক অসিদা অনৌবা তেক্নোলোজি অমসুং অফবা রিছাসশিংদগী ফংলকপশিং শীজিন্নবা হায়বসি তঙাইফদ্রবা অমনি ।

কোভিদ-১৯গী লাইচৎ অসিগুম্বা মখল অমগী অৱাবা তারকপা মতমদা মতেং পাংনবা লৈবাক্কী ওইবা ফন্দ অমা শেমগৎপা অসি দরকার ওই হায়না খন্দুনা , প্রাইম মিনিস্তরস সিতিজন এসিসতেন্স এন্দ রিলিফ ইন ইমরজেন্সি সিচুয়েসন ফন্দ(পি এম কিয়ারস ফন্দ)কৌবা মীয়াম্না কৎনবা ত্রস্ত অমা লিংখৎলে । মসিগী ত্রস্ত অসিগী চেয়রমেন প্রধান মন্ত্রীনা ওইগনি অমসুং মসিগী মেম্বরশিং ওইনা দিফেন্স মিনিস্তর, হোম মিনিস্তর অমসুং ফাইনান্স মিনিস্তর য়াওগনি ।

ৱাথোক অমা মপুংফানা লোইশিনবা মতমদা মীয়াম শরুক য়াব অসি খ্বাইদগী ফবনি হায়না মতম পুম্নমক্ত প্রধান মন্ত্রী নরেন্দ্র মোদীনা উৎলি অমসুং মসিসু অতোপ্পা খুদম অমনি । খ্বাইদগী পীকপা শেনফমদগী হৌরগা মশিং য়াম্লবা মীওইশিংনা কৎপা ঙমগদবা মরম্না মসিগী ফন্দ অসিনা মাইক্রো-দোনেসনশিং পাংথোকপা ঙমগনি ।

মীয়াম্না অমসুং লুপশিংনা ৱেবসাইত pmindia.gov.inদা চংবা য়াগনি অমসুংঅমসুং মখাগী অকুপ্পা ৱারোলশিং অসি শীজিন্নদুনা PM CARESদা কৎপা য়াগনি :

একাউন্ত মমিং : PM CARES

একাউন্ত নম্বর : 2121PM20202

IFSC Code : SBIN0000691

SWIFT Code : SBININBB104

বেঙ্ক মমি অমসুং ব্রাঞ্জ : State Bank of India, New Delhi Main Branch

UPI ID : pmcares@sbi

ৱেবসাইত pmindia.gov.inদামখাগী শেন পীনবা মওংশিং অসি ফংলি :

1. দেবিদ কার্দস অমসুং ক্রেদিৎ কার্দস
2. ইন্তরনেত বেঙ্কিং
3. য়ু পি আই(বিম, ফোনপে, অমাজোন পে, গুগল পে, পে তি এম , মোবিক্বিক অসিনচিংবা)
4. RTGS/NEFT

মসিগী ফন্দ অসি কৎলকপশিং সেক্সন ৮০(জি)গী মখাদা ইনকম তেক্স লৌরোই ।