য়ুনাইতেদ স্তেৎস ওফ অমেরিকাগী রাস্ত্রপতি জোসেফ আর. বাইদেন্না য়ুম্বু ওইদুনা সেপ্তেম্বর ২১,২০২৪ দা ৱিলমিংতন, দেলৱায়রদা পাংথোকপা ৬শুবা ক্বাদ লুচিংবশিংগী মীফমদা প্রধান মন্ত্রী শ্রী নরেন্দ্র মোদী শরুক য়াখ্রে। মীফম অদুদা অস্ত্রেলিয়াগী প্রধান মন্ত্রী এন্থোনি অলবানিস অমসুং জপানগী প্রধান মন্ত্রী ফুমিও কিসিদাশু শরুক য়াখি।
মহাক্কী ৱারোলদা, মালেমগী য়াইফনবা শাফু অমা ওইনা ক্বাদ মপাঙ্গল কনখৎহন্নবা মহাক মশানা পাংথোকখিবা থবকশিং অমসুং মীফম অসি য়ুম্বু ওইবগীদমক প্রধান মন্ত্রীনা রাস্ত্রপতি বাইদেন থাগৎপা ফোঙদোকখি। প্রধান মন্ত্রীনা হায়খি মদুদি মালেম অসি উংখৎনবা অমসুং মুক্নবা মতম অমদা, গনতন্ত্রগী চৎন-কাংলোনশিং অমসুং গুনশিং শরুক য়ামিন্নরিবা ক্বাদ লৈবাকশিং পুনবা অসি মীওইবা খুন্নাইগী য়াম্না মরুওই। ক্বাদনা নিয়মদা য়ুম্ফম ওইবা মালেমগী ওর্দর শৌগৎলি, মনিংতম্বা অমসুং ঙমখৈগী অপুনবা শক্তম ইকায়খুম্নরি অমসুং ৱাথোকশিং শান্তি ওইনা ৱারোইশিন পুরকপদা থাজবা থম্লি। অয়েৎপা লৈতবা, মনিংতম্বা অমসুং নুংঙাই-য়াইফবা ইন্দো-পেসিফিক অসি ঐখোয়না মরুওইনা লৌরি অমসুং থাজবা থম্লি অমসুং মসি ক্বাদ লৈবাকশিংগী পান্দম অমনি। ইন্দো-পেসিফিক লৈবাকশিং মতেং পাংন্নবা, মরুপ ওইনবা অমসুং অমনা অমবু চিংখৎনবা ক্বাদ লৈরি।
“মালেমগী য়াইফনবগীদমক শাফু” অমা ক্বাদনা ওইগনি হায়বা ৱাফম অমুক হন্না থম্লদুনা, মালেমগী অপুনবা মীওই অমসুং ইন্দো-পেসিফিক লমদমগী চাউখৎ-থৌরাংগী মরুওইশিং য়েংশিন্নবা লুচিংবশিংনা মখাগী ৱাফমশিং অসি লাউথোক্লে:
* সর্ভাইকেল কেন্সর থেংনদুনা ইন্দো-পেসিফিক লমদমদা থৱায় কয়া কন্নবা অনৌবা মরী অমা, “ক্বাদ কেন্সর মুনসুত”।
* আই.পি.এম.দি.এ অমসুং অতোপ্পা ক্বাদ ইনিসিয়েতিপশিংগী খুৎথাংদা ইন্দো-পেসিফিক লৈবাকশিং খুৎলায়শিং মশিং য়াম্না শীজিন্নবা ঙম্নবা “মেরিতাইম ইনিসিয়েতিপ ফোর ত্রেনিং ইন ইন্দো-পেসিফিক”(মাইত্রি)।
* ইন্তর ওপেরেবিলিতি অমসুং অৱাংবা থাক্কী সমুদ্রগী ঙাক-শেনগী থবক ফগৎনবা ২০২৫ দা অহানবা “ক্বাদ-এত-সি সিপ ওবজার্ভর মিসন”।
* ইন্দো-পেসিফিক শীনবা থুংনা তুংকোইনা চৎনবা য়াবা অমসুং খুদোংথিবা মায়োক্নবা ঙম্বা পোর্ত ইনফ্রাস্ত্রকচর শেমগৎনবা ক্বাদকী অপুনবা থবক হেনগৎনবা “তুংলমচৎকী মরীশিংগী ক্বাদ পোর্তশিং”।
* লমদম অসিদা অমসুং মসিগী ৱাংমদা “দিজিতেল পব্লিক ইনফ্রাস্ত্রকচর শেমগৎনবা অমসুং শীজিন্ননবা ক্বাদ প্রিন্সিপালশিং”।
* ক্বাদকী সেমিকন্দক্তর সপ্লাই চেনশিং ফিবম ফগৎনবা “সেমিকন্দক্তর সপ্লাই চেন্স কন্তিজেন্সি নেতৱার্ক মেমোরেন্দম ওফ কোওপরেসন” অমা।
* ইন্দো-পেসিফিক লমদমদা অফবা মখলগী কুলিং সিস্তেমশিং শাবা অমসুং শীজিন্নবা য়াওনা, ইনর্জি লিক্না শীজিন্নবা হেনগৎনবা ক্বাদকী অপুনবা থবক।
* অকনবা নোং-চিংগী ফিবমশিং অমসুং অইং-অশাগী ফিবমশিং স্পেসতগী য়েংশিন্নবা ওপন সাইন্সকী ৱাখল্লোন শৌগৎনবা, ভারতনা মাউরিসিয়সকী স্পেস-বেজ ৱেব পোর্তেল অমা লিংখৎপা।
* ভারত সরকারনা শেন পুথোকপা তেক্নিকেল ইন্সতিতুৎ অমদা ইন্দো-পেসিফিক লমদমগী মহৈরোয়শিং চহি ৪ গী বেচেলর থাক্কী ইঞ্জিনিয়ারিং প্রোগ্রাম অমা তম্নবা ক্বাদ স্তেম ফেল্লোসিপকী মখাদা অনৌবা সব-কেতেগোরি অমা ভারতনা লাউথোক্লে।
ভারতনা য়ুম্বু ওইদুনা ২০২৫ দা মথংগী ক্বাদ লুচিংবশিংগী মীফম পাংথোক্কদৌরিবা অসিদা লুচিংবশিংনা তরাম্না ওকখ্রে। ক্বাদ এজেন্দা থবক ওইনা পাংথোক্নবা, মখোয়না ক্বাদ ৱিলমিংতন দেক্লারেসন চৎনরে।
***
Glad to have met Quad Leaders during today’s Summit in Wilmington, Delaware. The discussions were fruitful, focusing on how Quad can keep working to further global good. We will keep working together in key sectors like healthcare, technology, climate change and capacity… pic.twitter.com/xVRlg9RYaF
— Narendra Modi (@narendramodi) September 22, 2024
PM @narendramodi participated in the Quad Leaders' Summit alongside @POTUS @JoeBiden of the USA, PM @kishida230 of Japan and PM @AlboMP of Australia.
— PMO India (@PMOIndia) September 22, 2024
During the Summit, the Prime Minister reaffirmed India's strong commitment to Quad in ensuring a free, open and inclusive… pic.twitter.com/TyOti2Rbc9