ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদী ২০১৯গী ফেব্রুৱরী ১৯দা উত্তর প্রদেশকী বরানসীদা চৎকনি। মফম অদুদা মহাক্না দিবেলপমেন্ত প্রোজেক্ত কয়া মায়খুম হাংদোক্কনি।
প্রধান মন্ত্রীনা বরানসীদা লৈরিবা দিজল লোকোমোতিব ৱার্ক্সতা অহানবা দিজলদগী ইলেক্ত্রিক ওন্থোক্লবা লোকোমোতিব লমথাগনি। মহাক্না লোকোমোতিব অদু য়েংশিনগনি অমসুং একজিবিসন্দসু চৎকনি।
দিজল লোকোমোতিব ৱার্ক্সনা WDG3A দিজল লোকো অনি ১০,০০০ হোর্স পৱারগী ত্বিন ইলেক্ত্রিক WAGC3 লোকো অমদা ওন্থোক্লে। মপুংফাবা মেক ইন ইন্দিয়া ইনিসিয়েতিব অমা ওইনা ওন্থোক্লিবা অসি মালেম পুম্বগীদমক ইন্দিয়ন আর.এন্দ.দি. ইনোবেসন অমনি। ওন্থোক্লবা লোকোশিং অসিনা গ্রীন হাউস গ্যাস থাদোকপা হন্থহল্লগনি অমদি ইন্দিয়ন রেলৱেগীদমক হেন্না ফবা ইফিসিয়েন্ত লোকোমোতিবস ওইরগনি।
প্রধান মন্ত্রীনা সীরগোবর্ধনপুরগী শ্রী গুরু রবিদাস জন্মস্থান তেম্পলদা গুরু রবিদাস বর্থ প্লেস দিবেলপমেন্ত প্রোজেক্তকী উরেপ উয়ুং তমগনি। মহাক্না শ্রী গুরু রবিদাসকী মীতমদা ইকায় খুম্নবা উৎকনি। মহাক্না মীয়াম তিনবা মীফম অমদসু ৱা ঙাংগনি।
প্রধান মন্ত্রীনা বনারস হিন্দু য়ুনিবর্সিতীগী নৌনা শাবা মদন মোহন মালবিয়া কেন্সর সেন্তর শঙ্গাগনি। হোস্পিতাল অসিনা উত্তর প্রদেশ, ঝার্খন্দ, বিহার, উত্তরাখন্দ অসুং নেপালগুম্বা য়ুমলোন্নবা লৈবাকশিংগী অনাবশিংদা অহোংবা মমলদা কেন্সর কেয়র ফংহল্লগনি।
প্রধান মন্ত্রীনা হোমী ভাভা কেনসর হোস্পিতাল লেহরতারাসু শঙ্গাগনি। কেন্সর হোস্পিতাল অনি অসি শঙ্গাবনা বনারস অসি কেন্সরগা মরী লৈনবা লৈনাশিংদা ক্বালিতী ত্রিৎমেন্ত অমসুং কেয়ারগীদমক মরুওইবা কেন্দ্র অমা ওইরগনি।
চপচাবা তেক্নোলোজী (মল্তি লিফ কোল্লিমেতর)গা লোয়ননা অহানবা ন্যু ভাভাত্রোন প্রধান মন্ত্রী মোদীনা জাতিদা কত্থোক্কনি।
মহাক্না বনারস হিন্দু য়ুনিবর্সিতীদা পন্দিৎ মদন মোহন মালবিয়াগী মীতম অমসুং বরানসী ঘাৎকী ফক্লাংদা য়েকপা লাইশিং মায়খুম হাংদোক্কনি। মহাক্না বনারস হিন্দু য়ুনিবর্সিতীদা পি.এম.-জে.এ.ৱাই. আয়ুশ্মান ভারতকী বেনেফিসরীশিংগসু উনদুনা ৱারী শান্নগনি।
মদুগী তুংদা, বরানসীগী ঔরে খুঙ্গংদা বরানসী অমসুং মনাক নকপা লমদমশিংদা হকশেল অমসুং অতোপ্পা সেক্তরশিংদা ইনোৎ পীনবা পান্দম থম্লিবা চাউখৎ থৌরাংগী প্রোজেক্ত কয়া অমা প্রধান মন্ত্রীনা হৌদোক্কনি। তোঙান তোঙানবা স্কিমশিংগী বেনেফিসরীশিংদা প্রধান মন্ত্রীনা সর্তিফিকেৎশিং য়েন্থোক্কনি। মহাক্না শোয়নাইরবশিংদা মতেং ওইনবা পোৎলমশিংসু য়েন্থোক্কনি। তুংদা প্রধান মন্ত্রীনা মীয়াম তিনবা মীফমদা ৱা ঙাংগনি।
