ভারতকী প্রধানমন্ত্রী

চহি অসিগী অঙনবা শরুক্তা পাংথোকখিবা লিদর অনিগী ভর্চুএল সম্মিত্তগী হৌরগা বাইলেতরেল রিলেসনশিংদা ফিভম ফগৎলকখিবা অদু মখোয় অনিনা য়েংশিনখ্রে অমদি ভর্চুএল সম্মিতকী মতমদা শিজিন্নখিবা রোদমেপ ২০৩০গী মখাদা মাংজৌননা লৌখৎখিবা খোঙথাংশিং অদুদা অপেনবা ফোংদোকখি৷ এনহান্স ত্রেদ পার্তনরশিপকী ফিভম ফগৎলকখিবা অদুসু মখোয়না য়েংশিনখি অমদি লৈবাক অনিগী মরক্তা ললোন-ইতিক অমসুং ইনবেস্তমেন্ত লিঙ্কেজশিং হেন্না খোঙজেল য়াংনা চাওথোকহনবদা অয়াবা পীখি৷

২০২১গী নবেম্বর অঙনবা শরুক্তা গ্লেসগোদা পাংথোক্কদৌরিবা য়ু.এন.এফ.সি.সি.সি. সি.ও.পি.-২৬কী ফিভম য়েংলগা ক্লাইমেত চেঞ্জকা মরী লৈনবা ইসুশিংদা লিদরশিংনা কুপথনা খন্ন-নৈনখি৷ হন্দক্তা লাওথোকখিবা নেস্নেল হাইদ্রোজেন মিসন অমদি রেনিৱেবল ইনর্জী পাকথোক-চাওথোকহন্নবগী থম্লিবা পান্দম অদুদা উরিবা অদুগুম্না ক্লাইমেত চেঞ্জতসু ভারতনা হোৎনরি হায়না প্রধান মন্ত্রীনা ফোংদোকখি৷

রিজনেল দিবেলপমেন্তশিং মরু ওইনা আফগানিস্তানগী ফিভমদা লিদরশিংনসু ৱাখল্লোনশিং ফোংদোক্নখি৷ ফিভম অসিদা, এক্সত্রিমিজম অমদি তেরোরিজমগা মরী লৈনবা ইসুশিং অমসুং মীওইবগী হকশিং অমদি নুপী অমসুং মাইনোরিতীশিংগী হকশিংগী মতাংদা লৈরিবা ইসুশিং অসিদা কম্মন ইন্তর্নেস্নেল পর্সপেক্তিব অমা শেমগৎনবগী তঙাই ফদবা লৈ হায়না মখোয়না য়ানখি৷

*****