ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ভেতনামগী প্রধান মন্ত্রী ঐচ.ই. ফাম মিন চিনগা ফোন্দা ৱারী শানখ্রে। 

প্রধান মন্ত্রী মোদীনা ঐচ.ই. ফাম মিন চিনবু ভেতনামগী প্রধান মন্ত্রী ওইরকপদা হরাওবা ফোংদোকখ্রে অমসুং মহাক্কী তৌবা ঙম্বা শক্তিগী মখাদা ভারত-ভেতনাম অনিগী মরীদা খুমাং চাওশিন্দুনা হেন্না চেৎপা মরী অমা ওইরগনি হায়না থাজবা ফোংদোকখি।

প্রধান মন্ত্রী মোদীনা লৈবাক অনিগী ওপন ওইবা, ইনক্লুসিব ওইবা, শান্তি ওইবা অমসুং লৈঙাক্তা য়ুমফম ওইবা ইন্দো-পেসিফিককী মফমশিংগী মান্নবা মিয়েং অসিদা তরাম্না ওকখি অমসুং মরম অদুনা ভারত-ভেতনাম খুমাং চাওশিনবা লালোংগী মরীনা রিজনেল স্তেবিলিতী, প্রোসপরিতী অমসুং চাওখৎ থৌরাংগী পুক্নিং থৌগৎপদা মতেং ওইগনি। হিরম অসিদা প্রধান মন্ত্রীনা ভারত অমসুং ভেতনাম অনিমক হৌজিক য়ু.এন.সেক্যুরিতী কাউন্সিলগী ফেলো-মেম্বর ওইরি হায়না পনখি।

প্রধান মন্ত্রীনা পি.এম. চিনবু ভেতনামগী সরকার অমসুং মীয়াম্না ভারত্তা কোবিদ-১৯ লায়চৎকী অনিশুবা ৱেব মনুংদা মমল য়াম্লবা মতেং পীরকপগীদমক থাগৎপা ফোংদোকখি। লুচিংবশিংনা লৈবাক অনিমক অমগা অমগা ৱা তান্নবা অমসুং মতেং পাংনদুনা লায়চৎ অসিবু মখা তানা থেংনবা হায়না য়ানখি।  

প্রধান মন্ত্রী অনিনা নাকন অনিগী মরীদা হন্না য়েংখি অমসুং কোওপরেসনগী মফম কয়া অমগী মিয়েং থম্নখি। ২০২২ অসি লৈবাক অনি অসিগী দিপ্লোমেতিক ওইবা মরীগী লিংখৎখিবা ৫০শুবা কুমোন ওইনা নিংশিংলদুনা, মখোয়না য়াইফরবা মায়পাকপা অসি নিংশিং থৌরম কয়া অমা পাংথোকপা হায়না য়ানখি।

প্রধান মন্ত্রী মোদীনা পি.এম. চিনবু ওফিসিএল অমা ওইনা য়াম্না অথুবা মতমদা কোইরক্নবা বার্তোনসু তৌখি।

***