ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি য়ুনাইতেদ স্তেতস ওফ অমেরিকাগী রাস্ত্রপতি হিজ মেজেস্তী শ্রী দোনাল্দ ত্রম্পকা লোয়ননা তেলিফোন্দা ৱারী শানখ্রে। মখোয়না মিনিৎ কুন্থরা ৱারী শান্নখিবা অদুদা লৈবাক অনিগী ওইবা অমসিং রিজনেলগী ওইবা হিরমশিং য়াওখি।

চহী অসিগী জুনগী লোইশিল্লকপদা ওসাকাদা পাংথোকখিবা জি-২০ মীফমদা মখোয়না উনখিবা অদু প্রধান মন্ত্রীনা নৌহৌনা নীংশিংখি।

ওসাকাদা পাংথোকখিবা লৈবাক অনিগী ওইবা মখোয়গী খন্ন-নৈনবা অদুগী মতুং ইন্না নাকল অনিগী কান্ননবগীদমক লৈবাক অনিগী ললোন ইতিক্কী উৎনীংঙাইশিং অদু খন্ন-নৈননবা ভারতকী কম্মর্স মন্ত্রী অমসুং য়ু.এস. ত্রেদ রিপ্রজেন্তেতিবনা অথুবা মতমদা উন্নগনি হায়না প্রধান মন্ত্রীনা থাজবা থমখি।

রিজনেলগী ওইবা ফিভমগী মতাংদা, প্রধান মন্ত্রীনা ফোংদোকখি মদুদি রিজন অসিদা লৈরিবা অকক্নবা লুচিংবশিংনা এন্তি-ইন্দিয়া হিংশাগীদমক খম-থেংবা ৱাহৈ ৱাতা শিজিন্নবা অমসুং থৌজিনবনা শান্তি লৈহন্দ্রে। মহাক্না তেরর অমসুং হিংশা লৈতবা ফিভম অমা শেমগৎপগী মরুওইবা অদু ফোংদোকখি।

লাইরবা, লাইরিক ময়েক চৎতবা অমসুং লায়না লায়ওংশিং থেংনবদা লম্বী অসিবু তুং ইল্লিবা মীপুম অমা হেক্তগা লোয়ননা তেংবাং পীননবা ভারতকী ফিরেপ অদু প্রধান মন্ত্রীনা অমুক হন্না ফোংদোকখি।

ঙসি অসি অফগানিস্তান্না নীংতম্বা ফংখিবগী চামা শুবা চহীনি হায়না নৌহৌনা নীংশিংলদুনা অফগানিস্তানগী য়ুনাইতেদ, সেক্যুর, দেমোক্রেতিক অমসুং অশেংবা নীংতম্বগীদমক থবক তৌনবা ভারতকী অচেৎপা ৱাফম অদু প্রধান মন্ত্রীনা নৌহৌনা নীংশিংখি।

রাস্ত্রপতি ত্রম্পকা লোয়ননা মহাক্না মখা তানা চাং নাইনা পাউ ফাওননীংবগী অপাম্বা অদু প্রধান মন্ত্রীনা ফোংদোকখি।