ভারতকী প্রধানমন্ত্রী

ঙসি প্রধান মন্ত্রী শ্রী ছতিসগরগী বিলাসপুরদা লুপা করোর ৩৩,৭০০ হেনবগী চাউখৎ-থৌরাংগী থবকশিং উরেপ-উয়ুং তমখ্রে, থবক শুবা হৌদোকখ্রে অমসুং মীয়ামদা কৎথোকখ্রে। ঙসি অনৌবা চহি হৌবা অমসুং নবরাত্রিগী অহানবা নুমিৎ অসিদা, প্রধান মন্ত্রীনা হায়খি মদুদি ছতিসগর অসি মাতা মহামায়াগী লমদমনি অমসুং মাতা কৌসাল্যাগী মপাম লমদমনি। হায়রিবা মরুওইবা নুমিৎ ৯ অসি রাজ্য অসিগীদমক লাইরেম্বী অসিদা কৎথোক্লে। নাবরাত্রিগী অহানবা নুমিত্ত মহাক ছতিসগরদা লাকপা অসি মহাক্কী ওইনা লাইবক ফবনি অমসুং হন্দক ভক্ত সিরোমনি মাতা কর্মা ইকায়খুম্নবা উৎতুনা পোস্তেল স্তাম্প অমা ফোঙদোকখিবা অসিগীদমক মীয়াম থাগৎপা ফোঙদোকচরি। প্রধান মন্ত্রীনা মখা তানা হায়খি নাবরাত্রি কুহ্মৈ অসি রাম নবামী থৌরমগা লোয়ননা লোইশিনগনি। ছতিসগরদা ভাগবান রামগী মফমদা অখন্নবা কৎথোকপা লৈরি, মরুওইনা ভাগবান রামগী মমিংদা রামনমী সমাজনা কৎথোক্লি। ছতিসগরগী মীয়াম অসি ভাগবান রামগী মমাগী ইমুং-মনুংগী মীওইশিংনি অমসুং রাজ্য অসিগী মীয়ামদা মহাক্না য়াইফ পাউজেল পীজরি।

প্রধান মন্ত্রীনা মখা তানা হায়খি মদুদি মোহভত্তা শ্বায়ামভু সিবলিং মহাদেবগী থৌজালগা লোয়ননা ছতিসগরদা চাউখৎ-থৌরাং য়াংখৎনবা খুদোংচাবা ফংলে। লায়রবগী য়ুম, স্কুলশিং, লম্বীশিং, রেলৱেশিং, ইলেক্ত্রিসিতি অমসুং গ্যাস পাইপলাইনশিং য়াওনা লুপা করোর ৩৩,৭০০ হেনবগী প্রোজেকশিং শঙ্গারে অমসুং উরেপ-উয়ুং তম্লে। হায়রিবা প্রোজেকশিং অসিনা ছতিসগরগী মীয়ামগী খুদোংচাবা হেনগৎহনগনি অমসুং অনৌবা থবক ফংনবা খুদোংচাবশিং পীগনি। হায়রিবা চাউখৎ-থৌরাংগী থবকশিং অসিগী খুৎথাংদা চাউখৎনবগীদমক মীয়ামগী মফমদা হরাওবা ফোঙদোকচরি।

প্রধান মন্ত্রীনা হায়খি লৈনবা য়ুম ফংহনবা হায়বসি  অফবা থবক অমনি অমসুং মসি নাৎকী ওইনা মরুওইবা অমনি। য়ুম অমা ফংনবগী কনাগুম্বা অমগী মঙলান মঙফাওনবা হায়বসি লাম্বা লৈতনা হরাওবা অমনি। অনৌবা চহি হৌবগী শেংলবা নবরাত্রি নুমিত্তা, ছতিসগরগী লায়রবা ইমুং লাখ অহুম মখোয়গী অনৌবা য়ুমশিংদা চঙলে। অনৌবা পুন্সি অমা হৌবগীদমক হায়রিবা ইমুংশিং অসিদা মহাক্না য়াইফ-পাউজেল পীখি। মহাক্না হায়খি মদুদি মহাক্না লুচিংবা অসিদা থাজবা থম্বদগী হায়রিবা য়ুমশিং অসি ফংহনবা ঙম্বনি, ছতিসগরগী ইমুং লাখ কয়াদা লেংদ্রবা য়ুম অমা ফংহন্নবা মঙলান মমাঙদা অঙম-অথৌশিংগী ফাইলশিংদা মাঙখ্রে। মঙলান অসি মঙফাওনবা ঙম্নবা সরকারনা থবক পায়খৎলে। শ্রী বিষ্ণু দিওগী লমজিং মখাদা, অহানবা কেবিনেতকী ৱারেপ য়ুম লাখ ১৮ শানবা লৌখি, মসিগী মনুংদা য়ুম লাখ ৩ শাবা লোইরে। হায়রিবা য়ুমশিং অসিগী অয়াম্বা শরুক ত্রাইবেলশিংগী লমশিংদনি অমসুং মসিনা বাসতার অমসুং সুরগুজাগী ইমুংশিংদা কান্নবা ফংহল্লে অমসুং মীরোল কয়া খাংপোক শঙশিংদা ৱানা লৈরক্লবা ইমুংশিংদা কান্নবা ফংহল্লে।

প্রধান মন্ত্রীনা হায়খি মদুদি য়ুমশিং অসি শাবদা সরকারনা মতেং পাংবগা লোয়ননা, বেনিফিসরিশিংনা কমদৌনা মখোয়গী য়ুমশিং দিজাইন তৌগনি হায়বগী ৱারেপ মখোয় মশানা লৌজখি। হায়রিবা য়ুমশিং অসি শুপ্নগী ফক্লাং মরি খক নত্তে, পুন্সি কয়াগী অহোংবা অমনি। য়ুমশিং অসিদা তঙাইফদবা খুদোংচাবশিং হায়বদি তোইলেতশিং, মৈ, গ্যাস অমসুং তোতি ঈশিং ফংহন্নবা থবকশিং পায়খৎলে। থৌরম অসিদা মশিং য়াম্লবা নুপীশিং শরুক য়ারি অমসুং য়ুমশিং অসিগী মপু অয়াম্বা নুপীশিংনা ওইরে। অহানবা ওইনা নুপী লিশিং কয়া মখোয়গী মিংদা য়ুমশিং রেজিস্তার তৌরে। য়ুমগী মপুশিং ওইরবা নুপীশিংগী মাইথোংদা হরাওবা অমসুং থৌজালগী মমি তাবা অসি মহাক্কী অচৌবা লন অমনি। য়ুম লাখ কয়া শাবা অসিদা খুঙ্গংশিংগী খুৎহৈবশিং, চেক শুবা মীওইশিং অমসুং শিন্মীশিংদা থবক ফংনবগী খুদোংচাবা ফংহনবা খক নত্তনা, হায়রিবা য়ুমশিং অসি শাবদা শীজিন্নবা মচাকশিং লৈকায়দগী লৈদুনা অপীকপা দুকান ফম্বা মীওইশিং অমসুং গারি মপুশিংদশু কান্নবা ফংহল্লে। হায়রিবা হাওসিং প্রোজেকশিং অসিনা ছতিসগরদা থবক কয়া ফংহন্দুনা মীওই কয়াগী হিংনবগী লম্বীশিং পীরে।

ছতিসগরগী মীয়ামদা ৱাশকখিবা খুদিংমক মখোয়গী সরকারনা থবক ওইনা পাংথোক্লে হায়রদুনা, প্রধান মন্ত্রীনা হায়খি থৌরম অসিদা তোঙান-তোঙানবা স্কিমশিংগী মশিং য়াম্লবা বেনিফিসিরি কয়া শরুক য়ারি অমসুং স্কিমশিং য়াংনা পায়খৎপা হায়বসি সরকারনা পীবা থাজবনি। ফৌ থাবা লৌমীশিংগী পন্দুনা লৈরকপা চহি অনিগী বোনসশিং য়েন্থোকপা অমসুং হেনগৎলবা এম.এস.পি রেতশিংদা ফৌ লৈবা য়াওনা ছতিসগরগী নুপীশিংদা ৱাশকখিবশিং থবক ওইনা পাংথোক্লে। থবকশিং অসিনা লৌমী ইমুং করোর কয়াদা লুপা করোর লিশিং কয়া ফংহল্লে। হৌখিবা সরকারশিংগী মতমদা থবক লৌনবগী পাংথোকপা পরিক্ষা ৱাথোক কয়া লৈখি অমসুং মখোয়গী সরকারনা অরোন-অথুপ লৈতনা থিজিনবগী থবকশিং পায়খৎলে অমসুং নিয়ম চুম্নবা পরিক্ষাশিং পাংথোক্লে। হায়রিবা পুকচেল শেংবা থবকশিং অসিনা মীয়ামগী থাজবা হেনগৎহল্লে অমসুং মসিগী খুদম ছতিসগরদা এশেমব্লি অমসুং লোক সভাদা মাইপাকখিবা অমসুং হৌজিক ম্যুনিসিপাল মীখলশিংদা মাইপাকপা অসিনা খুদমনি। মখোয়গী সরকারগী থবকশিংদা মীয়াম্না মপুংফনা শৌগৎপগীদমক মহাক্না তৌবীমল খঙবা উৎখি।

শ্রী মোদীনা হায়খি মদুদি চহি অসি ছতিসগরনা মপুংফাবা রাজ্য ওইখিবগী চহি ২৫ শুরকপনি, থৌরম অসি চহি অসিদা অতল বিহারি বাজপায়গীগী ১০০শুবা মপোক কুমওন থৌরমগা মপা চানরে। ছতিসর সরকারনা ২০২৫ অসি অতল নিরমান ভর্স হায়না থৌরম পাংথোক্লি অমসুং “মসি ঐখোয়না শেমগৎপনি, অমসুং ঐখোয়না মসি য়োকখৎকনি” হায়না অমুক হন্না থাজবা পীরি। ঙসি শঙ্গারিবা অমসুং হৌদোক্লিবা প্রোজেকশিং অসি ৱাশক অসিগী শরুক অমনি।

প্রধান মন্ত্রীনা হায়খি মদুদি চাউখৎপগী কান্নবশিং লমদম অসিদা য়ৌবা ঙমদবদগী ছতিসগর অসি তোখায়বা রাজ্য অমা ওইনা শেমখিবনি। মমাঙগী সরকারশিংনা চাউখৎ-থৌরাংগী থবকশিং পায়খৎখিদে অমসুং পায়খৎখিবা প্রোজেকশিংদা শেঞ্জা-থুমজা চৎথখি। মীয়ামগী য়াইফনবা, মখোয়গী পুন্সি মহিং ফগৎনবা, অঙাংশিংদা খুদোংচাবশিং ফংহন্নবা মখোয়গী সরকারনা মরুওইনা লৌরে। ছতিসগরগী খুঙ্গং খুদিংমক্ত চাউখৎ-থৌরাংগী স্কিমশিং য়ৌহন্নবা থবকশিং পায়খৎলে।   

প্রধান মন্ত্রীনা হায়খি মদুদি হৌজিক অহানবা ওইনা মনুং হুঞ্জিনবা ত্রাইবেলশিংগী লমদমশিংদা অফবা লম্বীশিং য়ৌরে অমসুং থৌরম অসিদা অনৌবা ত্রেন অমা লমথাখিবা য়াওনা তোঙান-তোঙানবা মফমশিংদা ত্রেনশিং চেনবা হৌরে। হান্না করি অমতা লৈরমদবা মফমশিংদা মৈ, তোতি ঈশিং অমসুং মোবাইল তৱারশিং য়ৌরে। অনৌবা স্কুলশিং, কলেজশিং অমসুং হোস্পিতালশিং শাবদগী হায়রিবা থবকশিং অসিনা ছতিসগরদা অওনবা পুরক্লে।

প্রধান মন্ত্রীনা হায়খি রেল নেতৱার্ক মপুংফানা ইলেক্ত্রিক ফংলবা রাজ্যশিংগী মনুংদা ছতিসগর য়াওবা অসি মাইপাকপা অমনি অমসুং হৌজিক রাজ্য অসিদা লুপা করোর ৪০,০০০ রোমগী রেল প্রোজেকশিং পায়খৎলি অমসুং রাজ্য অসিগী তোঙান তোঙানবা মফমশিংদা রেল য়ৌহন্নবা চহি অসিগী বজেত্ত লুপা করোর ৭০০০ কাইথোক্লে। চাউখৎপদা বজেতকী মতেং অমসুং পুকচেল শেংবা অনিমক দরকার ওই। হৌখিবা সরকারশিংনা শেঞ্জা-থুমজা অমসুং মতিক চাদবদগী ত্রাইবেলশিংগী লমদমদা চাউখৎপা থিন্থবনি। ছতিসগরদা কয়লা মরাং কাইনা ফংলবশু, হৌখিবা সরকারশিংনা পৱার প্লান্তশিংদা মীরাইবদগী রাজ্য অসিদা মৈ মরাং কাইনা ফংদবনি। মৈ মরাং কাইনা ফংবদগী অৱাবশিং কোকহন্নবা অমসুং রাজ্য অসিদা মপুংফানা মৈ ফংহন্নবা মখোয়গী সরকারনা অনৌবা পৱার প্লান্তশিং লিংখৎলে।

প্রধান মন্ত্রীনা মখা তানা হায়খি মদুদি সোলার ইনর্জিদা সরকারনা মীৎয়েং চঙলে অমসুং মৈগী বিল থিদনবা অমসুং ইমুং খুদিংমক মৈ পুথোকপা ঙম্নবা পি.এম সুর্জাঘর মুফ বিজলি স্কিম হৌদোক্লে। সোলার পনেলশিং খিনবগীদমক ইমুং অমদা সরকারনা লুপা ৭৮,০০০ সবসিদি পীরে। হৌজিক স্কিম অসিগীদমক ছতিসরদা ইমুং লাখ অনি হেনবনা রেজিস্তার তৌরে অমসুং কান্নবশিং ফংনবা অতোপ্পশিংশু রেজিস্তার তৌগদবনি।

প্রধান মন্ত্রীনা হায়খি মদুদি ছতিসগরদা গ্যাস ফংহনবদা থেংনরিবা খুদোংচাদবশিং কোকহন্নবা সরকারনা থবকশিং পায়খৎলে। হৌখিবা সরকারশিংনা গ্যাস ইনফ্রাস্ত্রকচরদা দরকার ওইবা শেন থাদবা মীরাইখি অমসুং হৌজিক লমদম অসিদা গ্যাস পাইপশিং ফুম্বগী থবকশিং চৎথরি। পাইপলাইনশিং অসিনা পেত্রোলিয়মগী পোৎথোকশিং ত্রকশিং পুবা হন্থহনগনি, কঞ্জুমরশিং চাদিং তৌবা হন্থহনগনি অমসুং সি.এন.জি গারিশিং শীজিন্নবা য়ারগনি। ইমুং লাখ ২ হেন্না য়ৌহন্নবা পান্দম থমদুনা, পাইপতা চাক থোংনবা গ্যাস য়ৌহনবা অসিগী কান্নবা ইমুংশিংনা ফংলগনি। গ্যাস ফংহনবা অসিনা ছতিসগরদা অনৌবা উদ্যোগশিং লিংখৎপদা খুদোংচারগনি অমসুং থবক ফংনবগী খুদোংচাবশিং পীরগনি।

প্রধান মন্ত্রীনা হায়খি চহি কয়া হৌখিবা সরকারশিংগী থৌশিলশিংদগী মখোয়না ছতিসগর অমসুং অতোপ্পা রাজ্যশিংদা নেক্সালজিম হেনগৎলকপদা মতেং পাংখি। চাউখৎপা ৱাৎপা মফমশিংদা নেক্সালিজম হেনগৎলকখি অমসুং ৱাফমশিং লোইশিন্নবা হোৎনবগী মহুত্ত অসিগুম্বা জিলাশিং অসি চাউখৎতবনি হায়না লাউথোকখি অমসুং মখোয়না দাইত্ব লৌখিদে। হৌখিবা সরকারশিংগী মতমদা ছতিসগরগী জিলা কয়াদা ত্রাইবেল ইমুং কয়া অৱাবা কয়া মায়োক্নখি। মসিগী ওন্ন-তৈনবদা, মখোয়গী সরকারনা ত্রাইবেল ফুরুপশিংগী দরকার ওইবশিং ফংহন্নবা থবকশিং পায়খৎলে। শ্বাছ ভারত অভিয়ানগী মখাদা তোইলেতশিং শারে, অয়ুস্মান ভারত স্কিমগী মখাদা লুপা লাখ ৫ ফাওবা লেম্না লায়েংবগী খুদোংচাবা পীরে অমসুং পি.এম জন ঔশাধি কেন্দ্রশিং লিংখৎতুনা হিদাক-লাংথকশিং মমল চাদা ৮০ তানা ফংহল্লে।

প্রধান মন্ত্রীনা হায়খি মদুদি ত্রাইবেলশিং মীরাইরগা খুন্নাইগী অচুম্বা মখোয়না পুরক্কনি হায়না মীওই খরনা লাউখি। ত্রাইবেলশিং চাউখৎনবা সরকারনা “ধর্তি অবা জনজাতিয়া উতকার্স অভিয়ান” হৌদোক্লে অমসুং মসিগী মখাদা ত্রাইবেলশিংগী লমদমশিংদা লুপা করোর ৮০,০০০ রোম থাদরে অমসুং ছতিসগরদা ত্রাইবেল খুঙ্গং ৭০০০ রোম কান্নবশিং ফংলে। মশিং য়ামদ্রবা মুৎখিগদরা হায়বগী অকিবা লৈরবা ত্রাইবেলশিংনা থেংনরিবা খুদোংচাদবশিং কোকহন্নবা “পি.এম জনমন য়োজনা” হৌদোক্লে, মসি ত্রাইবেলশিংগী অহানবা মখলগী থবক অমনি। স্কিম অসিগী মখাদা ছতিসগরদা জিলা ১৮ দা খুঙ্গং ২,০০০ হেনবদা চাউখৎ-থৌরাংগী থবকশিং পায়খৎলে। লৈবাক শীনবা থুংবগী ত্রাইবেলশিংগী খুঙ্গংশিংদা কিমি ৫,০০০গী লম্বীশিং শেমগৎপদা অয়াবা পীরে, য়োজনা অসিগী মখাদা ছতিসগরদা কিমি ২,৫০০ রোমগী লম্বী শেমগৎলে। থবক অসিগী মখাদা বেনিফিসরি কয়া মখোয়গী লেংদ্রবা য়ুমশিং ফংলে।

প্রধান মন্ত্রীনা হায়খি রাজ্য অমসুং কেন্দ্র সরকারগী মখাদা ছতিসগর য়াম্না য়াংনা চাউখৎলে অমসুং সুকমা জিলগী হেল্থ সেন্তর নেসনেল ক্বালিতি সর্তিফিগেত অমা ফংলে অমসুং চহি কয়াগী মতুংদা দানতেৱারাদা হেল্থ সেন্তর অমা অমুক হন্না হাংদোক্লে। পায়খৎলিবা থবকশিং অসিনা নেক্সালনা শোকহল্লবা মফমশিংদা তুংকোইবা শান্তি পুরক্নবা অনৌবা যুগ অমা লাক্লে। দিশেম্বর ২০২৪ দা মহাক্কী মন কি বাত মনুংদা পনখিবা বাস্তার ওলেম্পিক্স অদু ছতিসগরদা অফবা অহোংবা পুরকপগী খুদমনি অমসুং রাজ্য অসিগী চাউখৎলকপা মমি তাদুনা থৌরম অদুদা নহারোল লিশিং কয়া থৱায় য়াওনা শরুক য়াখি। ছতিসগরগী নহারোলশিংগী অফবা তুংলমচৎ লৈরি অমসুং রাজ্য অসিদা অনৌবা ইজুকেসন পোলিসি মপুংফানা পায়খৎলে। ছতিসগরগী স্কুল ৩৫০ য়াওনা লৈবাক শীনবা থুংনা অনৌবা পি.এম শ্রী স্কুল ১‌২,০০০ হেন্না লিংখৎলে অমসুং অতোপ্পা স্কুলশিংগী মোদেল স্কুলশিং ওইনা থবক তৌগনি অমসুং রাজ্য অসিগী লাইরিক-লাইশু তাকপী-তম্বীবগী থবক ফগৎহল্লে।

প্রধান মন্ত্রীনা হায়খি মদুদি ছতিসগরদা এক্লাব্যা মোদেল স্কুলশিংনা অফবা থবকশিং পাংথোক্লে অমসুং নেক্সালনা শোকহল্লবা মফমশিংদা স্কুলশিং অমুক হন্না হাংদোক্লে। রাজ্য অসিদা বিদ্যা সামিক্ষা কেন্দ্র হাংদোক্লে অমসুং মসি লৈবাক অসিগী লাইরিক-লাইশুগীদমক মরুওইবা থবক অমনি। থবক অসিনা মগুন লৈবা লাইরিক-লাইশু তম্বীবগী থবক ফগৎহনগনি অমসুং ওজাশিং অমসুং মহৈরোয়শিংদা ক্লারুমশিংদা খুদক্ত মতেং পাংগনি।

প্রধান মন্ত্রীনা হায়খি অনৌবা ইজুকেসন পোলিসিগী অতোপ্পা ৱাশক অমা থবক ওইনা পাংথোক্তুনা মেদিকেল অমসুং ইঞ্জিনিয়ারিং কোর্সশিং হিন্দীদা তম্বা য়ারে অমসুং থবক অসিনা খুঙ্গংশিংগী নহারোলশিং, লায়রবা অমসুং ত্রাইবেল ইমুংশিং মখোয়গী মঙলানশিং মঙফাওনবদা লোলগী খুদোংচাদবা লৈরম্বা অদু কোকহনবা ঙম্লগনি। হৌখিবা চহিশিংদা শ্রী রমন সিংহনা অকনবা য়ুম্ফম অমা থোল্লমখি অমসুং মসি মখা তানা ফগৎনবা হৌজিক পাল্লিবা সরকার অসিনা থবক পায়খৎলি। মসিগী য়ুম্ফম অসিদা মথং চহি ২৫ গীদমক অচৌবা য়ুম অমা শাগৎনবা মঙলান মঙলি। ছতিসগরগী লন-থুমশিং, মঙলানশিং অমসুং তৌবা ঙম্বা মরাংকাইনা লৈরি অমসুং রাজ্য অসিনা চহি ৫০ মপুংফারকপদা লৈবাক অসিদা মাংজিল থাবা রাজ্য  অমনা ওইনবা পান্দম থম্লি। ছতিসগরগী ইমুং খুদিংমক্ত চাউখৎপগী কান্নবশিং শোইদনা ফংহন্নবা সরকারনা পায়খৎপা য়াবা থবক খুদিংমক পায়খৎতনা তোক্লোই।

থৌরম অদুদা শরুক য়াখিবা শক্নাইরবা মীওইশিংগী মনুংদা ছতিসগরগী রাজ্যপাল শ্রী রামেন দেকা, চীফ মিনিস্তর শ্রী বিষ্ণু দিও সাই, য়ুনিয়ন মিনিস্তর শ্রী মনোহর লাল অমসুং শ্রী তোখান সাহু, ছতিসগর এশেমব্লিগী স্পিকর শ্রী রমন সিংহ য়াওখি।

নুঙগীৱারোল

লৈবাক শীনবা থুংনা পৱারগী থবকশিং ফগৎনবা প্রধান মন্ত্রীনা থবক পায়খৎলে। মসিগী পান্দম অসিগী শরুক অমা ওইনা, মমল হোংনা অমসুং ফজনা মৈ ফংহন্নবা অমসুং ছতিসর মশাগী ওক্নবা মৈ পুথোকপা ঙম্নবা তোঙান তোঙানবা থবকশিং পায়খৎলে। প্রধান মন্ত্রীনা বিলাসপুর জিলাদা লৈবা এন.তি.পি.সিগী লুপা করোর ৯৭৯০ হেনবগী সিপৎ সুপর থর্মেল পাৱর প্রোজেক্ত স্তেজ-৩ (১x৮০০ মেগাৱাৎ) গী উরেপ উয়ুং তমখ্রে। মসিগী পিৎ হেদ প্রোজেক্ত অসি অৱাংবা পাৱর জেনরেসন ইফিসেন্সী লৈবা খ্বাইদগী নৌবা স্তেত ওফ আর্ত অলত্রা-সুপরক্রিতিকেল তেক্নোলোজীদা য়ুম্ফম ওই। মহাক্না ছতিসগর স্তেত পাৱর জেনরেসন কম্পেনী লিমিতেদগী লুপা করোর 15,800 হেনবগী অহানবা সুপর ক্রিতিকেল থর্মেল পাৱর প্রোজেক্ত (২X৬৬৯ মেগা ৱাৎ)কী থবক হৌদোক্কনি। প্রধান মন্ত্রীনা লুপা করোর ৫৬০ হেনবগী ৱেস্তর্ন রিজন এক্সপান্সন স্কিমগী মখাদা পাৱরগ্রিদকী পৱার ত্রান্সমিসন প্রোজেক্ত অহুম লৈবাক মীয়ামদা কৎথোকখ্রে।

ভারতকী নেৎ জিরো ইমিসনগী পান্দমশিং, এয়র পোলুসন হন্থহনবা অমসুং ক্লিনর ইনর্জী সোলুসনশিং ফংহন্নবগী মায়কৈদা, প্রধান মন্ত্রীনা কোরিয়া, সুরজপুর, বলরামপুর অমসুং সুরগুজা জিলাশিংদা ভারত পেত্রোলিয়ম কোর্পোরেসন লিমিতেদ (বি পি সি এল) গী সিতী গ্যাস দিস্ত্রিব্যুসন (সি জি দি)গী উরেপ-উয়ুং তমখ্রে। মসিদা কিলোমীতর ২০০ হেন্না শাংবা হাই প্রেসর পাইপলাইন অমসুং কিলোমীতর ৮০০ হেন্না শাংবা মেদিয়ম দেন্সিতী পোলিইথিলিন পাইপলাইন অমসুং লুপা করোর ১২৮৫ হেনবগী সি.এন.জি দিস্পেন্সিং আউৎলেতশিং য়াওরি। মহাক্না হিন্দুস্তান পেত্রোলিয়ম কোর্পোরেসন লিমিতেদগী কিলোমিতর ৫৪০ শাংবা, লুপা করোর ২২১০ হেনবগী ভিসাখ-রাইপুর পাইপলাইন প্রোজেক্তকী উরেপ উয়ুংসু তমখি। মল্তি-প্রদক্ত (পেত্রোল, দিজেল, কেরোসিন) পাইপলাইন অসিনা চহি অমদা মেত্রিক তন মিলিয়ন ৩ হেনবগী কেপাসিতী লৈগনি।

লমদম অসিদা কন্নেক্তিবিতী ফগৎহন্নবা মীৎয়েং থমদুনা, প্রধান মন্ত্রীনা অপুনবা কিলোমীতর ১০৮ শাংবা রেলৱে প্রোজেক্ত তরেৎকী উরেপ উয়ুং তমখ্রে অমসুং লুপা করোর ২৬৯০ হেন্না চঙবা অপুনবা কিলোমীতর ১১১ শাংবা রেলৱে প্রোজেক্ত অহুম লৈবাক মীয়ামদা কৎথোকখি। মহাক্না অভানপুর- রাইপুর সেক্সনদা মন্দির হসৌদকী থোংদা মেমু ত্রেন সর্ভিস লমথাখি। মহাক্না ছত্তিসগরদা ইন্দিয়ন রেলৱেজগী রেল নেৎৱার্ক চাদা ১০০ ইলেক্ত্রিফাইদ তৌবগী থবকসু মীয়ামদা কৎথোকখি। প্রোজেক্তশিং অসিনা কঞ্জেসন হন্থহল্লগনি, কন্নেক্তিবিতী ফগৎহল্লগনি অমসুং লমদম অসিদা সোসিএল অমসুং ইকোনোমিক গ্রোথ হেনগৎহল্লগনি।

লমদম অসিদা লম্বীগী ইনফ্রাস্ত্রকচর হেনগৎহন্দুনা, প্রধান মন্ত্রীনা এন.ঐচ-৯৩০ অপগ্রেদ তৌরবা ঝালমালাদগী শেরপর সেক্সন (কিলোমীতর ৩৭) অমসুং পেব সোল্দরগা লোয়ননা এন.ঐচ-৪৩ অম্বিকাপুর-পাথলগাওন সেক্সন (কিলোমীতর ৭৫)গী ২ লেনিংগী লৈবাক মীয়ামদা কৎথোকখ্রে। প্রধান মন্ত্রীনা এন.ঐচ-১৩০দি (কিলোমিতর ৪৭.৫)গী কোন্দাগাওন-নারায়নপুর সেক্সনগী পেব শোল্দরগা লোয়ননা লেন অনি ওইহন্নবা অপগ্রেদেসনসু উরেপ উয়ুংসু তমখি। লুপা করোর ১২৭০ হেনবগী প্রোজেক্তশিং অসিনা ত্রাইবেল অমসুং ইন্দস্ত্রীএল রিজনশিংদা এক্সেসিবিলিতী য়াম্না ফগৎহল্লগনি মসিনা লমদম অসিগী হোলিস্তিক দিবেলপমেন্ত পুরক্কনি।

পুম্নমক্কীদমক এজুকেসন ফংহন্নবা মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা মরুওইবা এজুকেস্নেল ইনিসিএতিব অনি, রাজ্য অসিগী জিলা ২৯দা পি.এম. শ্রী স্কুল ১৩০ অমসুং রাইপুরদা বিদ্যা সমিক্ষা কেন্দ্র মীয়ামদা কৎথোকখ্রে। পি.এম. স্কুল ফোর রাইজিং ইন্দিয়া স্কিমগী মখাদা স্কুল ১৩০গী থাক হেনগৎহনগনি। স্কুলশিং অসিনা মওং চুম্না শেম্বা ইনফ্রাস্ত্রকচর, স্মার্ত বোর্দশিং, মোদর্ন লেবোরেতরীশিং অমসুং লাইব্রেরীশিংগী খুত্থাংদা অৱাংবা থাক্কী এজুকেসন পীবদা মতেং পাংগনি। রাইপুরদা ভি.এস.কেনা তোঙান তোঙানবা এজুকেসনগা মরী লৈনবা সরকারগী স্কিমশিংগী ওনলাইন মোনিতরিং অমসুং দেতা এনালাইসিস তৌবা ঙমহনগনি।

খুঙ্গংগী ইমুংশিংদা মতিক চাবা য়ুম ফংহন্নবা অমসুং মখোয়গী হকশেল, সেক্যুরিতী অমসুং পুন্সি মহিং ফগৎহন্নবা অচেৎপা ফিরেপ থুংহল্লদুনা, প্রধান মন্ত্রী অৱাস – গ্রামিন য়োজনাগী মখাদা বেনিফিসরী লাখ ৩ গী গৃহা প্রভেশ পাংথোকখি অমসুং প্রধান মন্ত্রীনা স্কিম অসিগী মখাদা বেনিফিসরী খরদা শোশিং খুৎশীন্নখ্রে।

छत्तीसगढ़ की जनता-जनार्दन से किए हर वादे को पूरा करने के लिए हम प्रतिबद्ध हैं। नवरात्रि के पहले दिन बिलासपुर में हजारों करोड़ रुपये की परियोजनाओं का शिलान्यास और लोकार्पण मेरे लिए सौभाग्य की बात है।https://t.co/0o7wibltEO

— Narendra Modi (@narendramodi) March 30, 2025

आज नवरात्र के शुभ दिन, नव वर्ष पर छत्तीसगढ़ के तीन लाख गरीब परिवार, अपने नए घर में गृह प्रवेश कर रहे हैं: PM @narendramodi pic.twitter.com/FZKTFSJubC

— PMO India (@PMOIndia) March 30, 2025

हमने गरीब आदिवासियों के इलाज की चिंता की: PM @narendramodi pic.twitter.com/PsCGIEalbI

— PMO India (@PMOIndia) March 30, 2025

हम आदिवासी समाज के विकास के लिए भी विशेष अभियान चला रहे हैं: PM @narendramodi pic.twitter.com/QupZy3elIK

— PMO India (@PMOIndia) March 30, 2025

***