ভারতকী প্রধানমন্ত্রী

নুপীশিংগী নুমিৎকী থৌরমদা, প্রধান মন্ত্রী শ্রী নরেন্দ্র মোদীনা ঙসি গুজরাতকী নভসারীদা লৈবা লাখপতি দিদিশিংগা উনদুনা ৱারী শানখ্রে, মহাক্না নুপীশিং শক্তি লৈহনবা অমসুং খুন্নাই অসিদা মখোয়গী থৌদাং অদু পনখি।

প্রধান মন্ত্রীনা হায়খি মদুদি মালেমনা ঙসি নুপীশিংগী নুমিৎ পাংথোক্লবসু, ঐখোয়গী চৎনবী অমসুং নাৎতা, মসি মমাগীদমক ইকায় খুম্নবা, ‘মাত্রু দেবো ভাবা’দগী হৌই। ঐখোয়গীদমক্তদি, চহিগী নুমিৎ খুদিংগী ‘মাত্রু দেবো ভাবা’নি,” হায়না মহাক্না মখা তাখি।

লাখপতি দিদিশিংগী মরক্তগী সৌরাস্ত্রগী চৎনবীগী ওইবা শিনফম অমা ওইরিবা শিৱানি মহিলা মন্দলদা থবক তৌবগী মহাক্কী এক্সপিরিয়েন্স অদু শেয়র তৌখি। মহাক্না হায়খি মদুদি মখোয়না ইচে-ইচল 400গী মথক্তা বীদৱার্ক্কী ত্রেনিং পীখ্রে, অমসুং অতোপ্পা ইচে-ইচলশিংনা মার্কেতিং অমসুং একাউন্তিংগী থবকশিং তৌরি। মার্কেতিং তীম্না রাজ্যগী মপান্দা চৎলিবরা হায়না প্রধান মন্ত্রীনা হংখি, মসিগী পাউখুম ওইনা মহাক্না মখোয়না ভারতকী মরুওইবা শহর পুম্নমক কভর তৌখ্রে হায়না ফোংদোকখি। শরুক য়ারিবা মীওই অদুনা লুপা 40,000 হেনবা তাল্লিবা অতৈ লাখপতি দিদি, পারুল বেহেনগী মাইপাকপগী মতাংদা পনখি অমসুং লাখপতি দিদিশিংগী মাইপাকপশিং অদুগীদমক থাগৎপা ফোংদোকখি। শ্রী মোদীনা লাখপতি দিদী করোর অহুম শেম্নবা মহাক্কী মঙলান অদু ফোংদোকখি অমসুং মখোয় অসি করোর মঙা য়ৌহনবা ঙমগনি হায়না থাজবা থমখি।

অতোপ্পা লাখপতি দিদিনা নুপী 65গা লোয়ননা মিশ্রি (শুকর কেন্দি) দগী সিরপ পুথোকপগী মহাক্কী খোঙচৎ অদু শন্দোক্না তাকখি অমসুং চহিগী ওইনা লুপা লাখ 25দগী 30 ফাওবগী তর্নওভর ফংখি। মহাক্না হায়খি মদুদি সরকারনা পীরকপা প্লেৎফোর্ম অসিনা মতেং ফংদ্রিবা নুপীশিংদা মতেং পাংবা অমসুং মখোয়গী অঙাংশিংদা মহৈ-মশিং তম্বীবা ঙমহল্লে। মহাক্না মখোয়গী হোৎনরিবশিং অদুগী মতাংদা মখা তানা পাউদমখি অমসুং মখোয়না মখোয়গী মার্কেতিং এক্তিবিতীশিংগীদমক ভেহিকলশিং ফাওবা ফংখ্রে হায়খি। শ্রী মোদীনা হায়খি মদুদি মহাক্না মুখ্য মন্ত্রী নৎত্রগা প্রধান মন্ত্রী অমা ওইবগী বেজ য়াওদনা লাখপতি দিদিশিংগী স্তোল কয়াদা চৎখি অমসুং মসি মহাক্কীদমক্তদি নোর্মেল ওই।

অতোপ্পা লাখপতি দিদি অমনা মহাক্কী এক্সপরিয়েন্স শেয়র তৌরদুনা মহাক্না থবক কন্না তৌদুনা চহি খরগী মনুংদা মহাক করোরপতি অমা ওইরগনি হায়না থাজবা পীখি। মখোয়বু মাইপাকপগী লম্বী তাকপীবগীদমক মহাক্না প্রধান মন্ত্রীবু থাগৎপা ফোংদোকখি। দ্রোন দিদি অমনা মহাক্কী এক্সপরিয়েন্স শেয়র তৌবদা মহাক্না লুপা লাখ 2গী চাংদা শেন্দোং ফংলি হায়না হায়খি। সাইকল ফাওবা থৌবা হৈতে, অদুবু দ্রোন পাইলোৎ ওইরিবা নুপী অমগী মতাংদা প্রধান মন্ত্রীনা মহাক্কী এক্সপরিয়েন্সকী মতাংদা পাউখুম পীখি। মহারাস্ত্রগী পুনেদা ত্রেনিং ফংলবা নুপী অদুনা মখা তারদুনা হায়খি মদুদি মহাকপু মহাক্কী মচিন-মনাও অমসুং মরুপশিংনা “পাইলোৎ” হায়না কৌনৈ। মহাক্না প্রধান মন্ত্রীবু মহাকপু দ্রোন দিদি অমা ওইনবা খুদোংচাবা পীবগীদমক অমসুং ঙসি লাখপতি দিদি অমা ওইবগী খুদোংচাবা পীবগীদমক থাগৎপা ফোংদোকখি। শ্রী মোদীনা হায়খি মদুদি দ্রোন দিদিশিং অসি হৌজিক খুঙ্গং খুদিংমক্কী মশক অমা ওইরে।

শ্রী মোদীনা থা খুদিংগী লুপা লাখ মরিদগী মঙা ফাওবগী ওপরেসনশিং পাংথোকপা বেঙ্ক সখি অমাগা ৱারী শানখি। অতোপ্পা নুপী অমনা মহাক্না ওইরক্লিবা অসিগুম্না অতোপ্পা নুপীশিংবুসু লাখপতি দিদী ওইহন্নবা মহাক্কী অপাম্বা ফোংদোকখি।

প্রধান মন্ত্রীনা ওনলাইন বিজিনেস মোদেলদা চঙবগী মরুওইবা অদু ফোংদোকখি অমসুং মখোয়গী থৌরাংশিং অসি অপগ্রেদ তৌনবা সরকারনা মতেং পাংগনি হায়না থাজবা পীখি। মহাক্না হায়খি মদুদি নুপী কয়ানা গ্রাসরুত থাক্তা শেল তান্নরি অমসুং মালেমনা খঙগদবনি মদুদি ভারতকী নুপীশিং অসি য়ুমদা থবক শুবতা নত্তনা শেন্মিৎলোনগী মরুওইবা শক্তম অমা ওইরি। শ্রী মোদীনা হায়খি মদুদি খুঙ্গংগী নুপীশিংনা ভারতকী শেন্মিৎলোনগী মপাঙ্গলদা মরুওইবা থৌদাং লৌরি। মহাক্না উখি মদুদি নুপীশিংনা তেক্নোলোজীদা য়াম্না থুনা খোংজেল য়াংশিল্লি, নুমিৎ হুমনিদগী মরিনি ফাওবগী মনুংদা দ্রোন শিজিন্নবা তমখি অমসুং পুকচেল শেংনা প্রেক্তিস তৌরিবা দ্রোন দিদিশিংদা মহাক্কী এক্সপরিয়েন্স অদু শেয়র তৌখি। মহাক্না ভারতকী নুপীশিংনা লান্থেংনবা, শেমগৎনবা, চাউখৎহন্নবা অমসুং লন পুথোক্নবা হোৎনবগী মপাঙ্গল অদু ফোংদোকখি। মহাক্না থাজবা থমখি মদুদি মসিগী পাঙ্গল অসিনা লৈবাক অসিদা কান্নবা কয়া অমা পীগনি।

Do watch this very special interaction with Lakhpati Didis, who epitomise confidence and determination! #WomensDay pic.twitter.com/lUvyIxjpOu

— Narendra Modi (@narendramodi) March 8, 2025

***