ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি অসামগী গুৱাহাতিদা মেগা ঝুমোইর প্রোগ্রাম অমা ওইরিবা ঝুমোইর বিনন্দিনী 2025দা শরুক য়াখ্রে। মীয়াম তিনখিবা অদুদা ৱা ঙাংলদুনা মহাক্না হায়খি মদুদি থৌরম অদুদা হরাও-তয়াম্বা, পুক্নিং থৌগৎপা অমসুং নুংঙাইবনা থনবগা লোয়ননা নুংঙাইরবা ফীভম অমা ওইখি। মহাক্না চাগী বাগানশিংগী অঙকপা মগুন অমসুং ফজবা অদু উৎলি ঝুমোইরগী আর্তিস্ত পুম্নমক্কী ফজরবা শেম-শারিবা অদু পনখি। মহাক্না হায়খি মদুদি ঝুমার অমসুং চাগী বাগানগী চৎনবীগা লোয়ননা মীয়ামগা অখন্নবা মরী লৈনবগুম্না, মহাক্কসু অসিগুম্বা মরী অমা লৈনৈ। মহাক্না মখা তাখি মদুদি ঙসি ঝুমার জগোয় অসি শারিবা মশিং য়াম্লবা আর্তিস্তশিংনা রেকোর্দ অমা শেম্লগনি। 2023দা মহাক্না অসামদা লাকখিবদা আর্তিস্ত 11,00না বিহু জগোয় শাদুনা রেকোর্দ অমা শেমখিবা অদু নীংশিংলদুনা প্রধান মন্ত্রীনা হায়খি মদুদি মহাক্কী ওইনা মদু কাউঙমদ্রবা থৌদোক অমা ওইখি অমসুং চপ মান্নবা নুংঙাইরবা পরফোর্মেন্স অদু মহাক্না আশা তৌরি। মহাক্না অসাম সরকার অমসুং মাগী মুখ্য মন্ত্রীবু শিংথানীংঙাই ওইবা কলচরেল পরফোর্মেন্স অমা শীনবগীদমক থাগৎপা ফোংদোকখি। ঙসি অসি অসামগীদমক্তা চাউথোকচনীংঙাই ওইবা নুমিৎ অমনি হায়না মহাক্না ফোংদোকখি। চাগী কম্ম্যুনিতী অমসুং ত্রাইবেলশিংনা থৌরম অসিদা শরুক য়াখি। অখন্নবা নুমিৎ অসিদা মহাক্না মীপুম খুদিংমক্তা মহাক্কী য়াইফ পাউজেল পীখি।

অসিগুম্বা অচৌবা থৌরমশিং অসি অসামগী চাউথোকচনীংঙাই ওইবতা নত্তনা ভারতকী চাউরবা মখল-মখা কয়াগী মশক অমসু উৎলি হায়না পল্লদুনা প্রধান মন্ত্রীনা হায়খি মদুদি মতম অমদা অসাম অমসুং অৱাং-নোংপোক লমদম অসি চাউখৎপা অমসুং কলচরগী লমদা মীৎয়েং চংবীদনা লৈরমখি। মহাক্না হায়খি মদুদি হৌজিত্তি মহাক মশামক অৱাং নোংপোক্কী কলচরগী ব্রান্দ এম্বেসেদর ওইরে। মহাক্না অসামগী কাজিরঙ্গাদা লৈখিবা অমসুং মসিগী বাইওদাইবর্সিতী মালেমদা শন্দোকখিবা অহানবা প্রধান মন্ত্রীনি হায়খি। থা খরগী মমাংদা, অসামীজ লোলবু ক্লাসিকেল লোলগী থাক পীখি, মসি অসামগী মীয়াম্না চহি কয়াগী মমাংদগী ঙাইদুনা লাকখিবনি হায়নসু মহাক্না পনখি। মসিগী মথক্তা, চেরাইদেও মোইদাম অসি UNESCO ৱার্ল্দ হেরিতেজ লিস্ততা য়াওহনখ্রে, মসি মখোয়গী সরকারনা হোৎনখিবগী মরুওইবা মায় পাকপা অমনি হায়না মহাক্না মখা তাখি।

মুগলশিংগী মায়োক্তা অসামগী চৎনবী অমসুং শক্তম ঙাকখিবা লান্মী লচিত বোর্ফুকানগী মরমদা পল্লদুনা শ্রী মোদীনা লচিত বোর্ফুকানগী 400শুবা মপোক কুমওনগী অচৌবা থৌরম অদু পনখি অমসুং রিপব্লিক দে পরেদতা মহাক্কী তেব্লোক্স য়াওখিবা অদুসু পনখি। প্রধান মন্ত্রীনা পনখি মদুদি অসামদা লচিত বোর্ফুকানগী ফুৎ 125গী শেঞ্জেংগী মীতম অমা শাখ্রে। মহাক্না ত্রাইবেল খুন্নাইগী হেরিতেজ অসি শিংথাননবা জনজাতি গৌরব দিবস হৌদোকখিবগী মতাংদসু পনখি। ত্রাইবেলগী থৌনা লৈরবা মীওইশিংগী থৌদাংশিংবু ইকায় খুম্নবা উৎনবা লৈবাক শীনবা থুংনা ত্রাইবেল ম্যুজিয়মশিং লিংখৎলি হায়না মহাক্না মখা তাখি।

মহাক্কী সরকারনা অসাম চাউখৎহল্লি অমসুং ‘তি ত্রাইব’ কম্ম্যুনিতীগীদমক থবক তৌরি হায়না পল্লদুনা প্রধান মন্ত্রীনা অসাম তি কোর্পোরেসনগী শিন্মীশিংদা মখোয়গী ইনকম হেনগৎহন্নবা বোনস পীনবা লাউথোকখিবা অদু পনখি। মহাক্না চাগী বাগানশিংদা চাউরাক্না নুপী লাখ 1.5দা তেংবাং পীরিবা অদুদা অকনবা ৱাফম থমখি, মখোয়না শেল-থুমগী অৱাবা হন্থহন্নবা মীরোনবা মতমদা লুপা 15,000 ফংলি। মসিগী মথক্তা, অসাম সরকারনা ইমুংশিংগী হকশেলগীদমক চাগী বাগানশিংদা আয়ুশ্মান আরোগ্য মন্দির 350 হেন্না হাংদোক্লি হায়না মহাক্না মখা তাখি। শ্রী মোদীনা হায়খি মদুদি তি ত্রাইবকী অঙাংশিংগীদমক মোদেল তি গার্দেন স্কুল 100 হেন্না হাংদোকখ্রে অমসুং অতোপ্পা স্কুল 100 হেন্না হাংদোক্নবা থৌরাং তৌরি। মহাক্না তি ত্রাইবকী নহারোলশিংগীদমক OBC কোতাদা 3% রিজার্বেসনগী প্রোভিজন অমসুং অসাম সরকারনা সেল্ফ-ইমপ্লোইমেন্তগীদমক পীরিবা লুপা 25,000গী মতেং অদুসু পনখি। প্রধান মন্ত্রীনা থাজবা ফোংদোকখি মদুদি চাগী ইন্দস্ত্রী অমসুং মসিগী শিন্মীশিংগী চাউখৎ থৌরাং অসিনা অসামগী অপুনবা চাউখৎপা পুরক্কনি অমসুং অৱাং নোংপোক লমদম অসি অনৌবা থাক্তা পুখৎকনি। মহাক্না শরুক য়ারিবা পুম্নমকপু মখোয়গী লাক্কদৌরিবা পরর্ফোমেন্সকীদমক মহাক্না মাংজৌননা থাগৎপা ফোংদোকখি অমসুং মখোয় পুম্নমকপু য়াইফ-মঙ্গোল পীখি।

অসামগী রাজ্যপাল শ্রী লক্ষ্মন প্রসাদ আচার্য়, অসামগী মুখ্য মন্ত্রী শ্রী হিমন্ত বিশ্ব শর্ম্মা, কেন্দ্রগী মন্ত্রীশিং দা. এস জয়শঙ্কর, শ্রী সর্বানন্দ সোনোৱাল, ত্রিপুরাগী মুখ্য মন্ত্রী, দা. মানিক সাহা, কেন্দ্রগী রাজ্য মন্ত্রী, শ্রী পবিত্রা মার্গেরিতা অমসুং অতোপ্পা মকোক থোংবা মীওইশিংসু শরুক য়াখি।

বেকগ্রাউন্দ

ঝুমোইর বিনন্দিনী (মেগা ঝুমোইর) 2025 অসি অসামগী তি ত্রাইব অমসুং আদিবাসি কম্ম্যুনিতীশিংগী নাৎকী ওইবা জগোই অমা ওইরিবা ঝুমোইর জগোয়দা শরুক য়ারিবা মীওই 8,000গা লোয়ননা অখন্নবা কলচরেল এক্ত্রাভাগেঞ্জা অমনি। মসিদা ইনক্লুসিবিতী, য়ুনিতী অমসুং কলচরেল প্রাইদকী ৱাখল্লোন য়াওরি। মসি অসামগী সিনক্রেতিক কলচরেলগী অপুনবা শক্তমগী খুদম অমনি। মেগা ঝুমোইর থৌরম অসিনা চাগী ইন্দস্ত্রীগী চহি 200 অমসুং অসামদা লৈরক্লিবা ইন্দস্ত্রীলাইজেসনগী চহি 200গী খুদম ওইরি।

Delighted to be amongst the wonderful people of Assam at the vibrant Jhumoir Binandini programme. Grateful for the warmth and affection. https://t.co/fER1Jfg2cf

— Narendra Modi (@narendramodi) February 24, 2025

***