ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি নই দিল্লীগী ভারত মন্দপমদা ভারত তেক্স 2025দা ৱা ঙাংখ্রে। থৌরম অদুদা উৎখিবা একজিবিসন অদু মহাক্না য়েংখি। মীয়াম তিনখিবা অদুদা ৱা ঙাংলদুনা, প্রধান মন্ত্রীনা ভারত তেক্স 2025দা মীপুম খুদিংমকপু তরাম্না ওকখি অমসুং ঙসি ভারত মন্দপমদা ভারত তেক্সকী অনিশুবা ইদিসন উবা ফংলি হায়না ফোংদোকখি। থৌরম অসিনা ঐখোয়গী হেরিতেজ অমদি ভারতকীদমক চাউথোকচনীংঙাই ওইরিবা ভিক্সিত ভারতকী মীৎয়েং অমা উৎলি হায়না মহাক্না মখা তাখি। শ্রী মোদীনা হায়খি, “ভারত তেক্সনা হৌজিক মালেমগী তেক্সতাইলগী অচৌবা থৌরম অমা ওইরক্লি।” মহাক্না মখা তাখি মদুদি ভেল্যু চেনগী স্পেক্ত্রমগা মরী লৈনবা কম্ম্যুনিতী তরানিথোই পুম্নমক থৌরম অসিগী শরুক ওইখি। মহাক্না মখা তানা পনখি মদুদি এসেসরিজ, গার্মেন্তস, মেছিনরি, কেমিকেল্স অমসুং দাইশিংসু উৎখি। প্রধান মন্ত্রীনা হায়খি মদুদি ভারত তেক্স অসি মালেম শিনবা থুংনা লৈরিবা পোলিসী মেকরশিং, CEOশিং অমসুং ইন্দস্ত্রীগী লুচিংবশিংগীদমক থবক তৌমিন্ননবা, চুংশিন্নবা অমসুং মপাং ওইনবগীদমক মপাঙ্গল কনবা ফম্পাক অমা ওইরক্লি। থৌরম অসি শীনবদা শরুক য়ারিবা স্তেকহোল্দর পুম্নমক্না হোৎনরিবশিংবু মহাক্না থাগৎপা ফোংদোকখি।

“ঙসি ভারত তেক্সতা লৈবাক 120 হেনবনা শরুক য়াখ্রে”, হায়না শ্রী মোদীনা হায়খি। মহাক্না মখা তাখি মদুদি মসিনা তাক্লিবদি একজিবিতর খুদিংমক্না লৈবাক 120 হেনবদা এক্সপোজ তৌখি, মসিনা মখোয়গী ললোন-ইতিক অসি লোকেলদগী গ্লোবেলদা পাকথোক চাউথোকহন্নবা খুদোংচাবা পীখি। অনৌবা কৈথেলশিং থিরিবা ওন্তপ্রিন্যুওরশিংনা মালেমগী তোঙান তোঙানবা কৈথেলশিংগী কলচরেলগী মথৌ তাবশিং অদু ফজনা খঙবা ঙম্লে হায়না মহাক্না মখা তাখি। থৌরম অদুদা মহাক্না একজিবিসন অদুদা চৎখিবা অদু নীংশিংলদুনা, প্রধান মন্ত্রীনা মহাক্না স্তোল কয়াদা চৎখি অমসুং ওন্তপ্রিন্যুওরশিংগা ৱারী শানখি হায়না ফোংদোকখি। মহাক্না হায়খি মদুদি শরুক য়ারিবা কয়া অমনা মমাং চহিদা ভারত তেক্সতা য়াওরকপগী মখোয়গী এক্সপিরিয়েন্সশিং অদু পনখি। মখোয়না অচৌবা স্কেলদা অনৌবা বায়র কয়া অমা ফংখি অমসুং মখোয়গী বিজিনেস পাকথোক চাউথোকহনখি হায়না পাউদমখি। প্রধান মন্ত্রীনা হায়খি মদুদি থৌরম অসিনা তেক্সতাইল সেক্তরদা ইনভেস্তমেন্ত, এক্সপোর্ত অমসুং অপুনবা গ্রোথতা চাউনা শাহৌ পীরি। শ্রী মোদীনা বেঙ্কিং সেক্তরদা তেক্সতাইল সেক্তরগী ওন্তপ্রিন্যুওরশিংগী মথৌ তাবশিং ফংহন্নবা অমসুং মখোয়গী বিজিনেস পাকথোক চাউথোকহনবদা মতেং পাংনবা তকশিনখি। মসিনা থবক পীবা অমসুং খুদোংচাবা কয়া ফংহনখি।

প্রধান মন্ত্রীনা হায়খি, “ভারত তেক্সনা ঐখোয়গী চৎনবীগী ওইবা পোৎশকশিংগী খুত্থাংদা ভারতকী চৎনবীগী ওইবা মখল-মখা কয়া অমা উৎলি।” ভারতনা নোংপোক থংবা অমসুং নোংচুপ থংবা, অৱাং থংবা অমসুং খা থংবা মফমশিংদা চৎনবীগী ওইবা পোৎশক কয়া লৈ হায়না মহাক্না মখা তাখি। মহাক্না রাজস্থান অমসুং গুজরাতকী লাখনৌৱি চিকনকারি, বন্ধনি, গুজরাতকী পতোলা, বারানসীগী বনারসী সিল্ক, খাদগী কাঞ্জিভরম সিল্ক অমসুং জম্মু অমসুং কাশ্মীরগী পশ্মিনাগুম্বা পোৎশক মখল কয়াগী মতাংদা পনখি। প্রধান মন্ত্রীনা হায়খি মদুদি অসিগুম্বা থৌরমশিং অসি ঐখোয়গী তেক্সতাইল ইন্দস্ত্রীগী মখল-মখা অমসুং অখন্নবা মওং-মতৌবু শৌগৎনবা, অমসুং মসিগী চাউখৎপা হেনগৎহন্নবা অচুম্বা মতমনি।

মমাং চহিদা মহাক্না তেক্সতাইল ইন্দস্ত্রীগী ফেক্তর মঙা হায়বদি ফার্ম, ফাইবর, তেক্সতাইল, ফেশন অমসুং ফোরেনগী মতাংদা খন্ন-নৈনখিবা অদু পল্লদুনা শ্রী মোদীনা হায়খি মদুদি ভিজন অসি ভারতকী মিসন অমা ওইরক্লি, মসিনা লৌমীশিং, ৱিভরশিং, দিজাইনরশিং অমসুং ত্রেদরশিংগীদমক্তা অনৌবা গ্রোথ এভেন্যুশিং হাংদোক্লি। মহাক্না হায়খি, “ভারতনা মমাং চহিদা তেক্সতাইল অমসুং এপারেল এক্সপোর্ত তৌবা চাদা 7 হেনগৎলকখি অমসুং হৌজিক্তি মালেমগী খ্বাইদগী চাউবা তেক্সতাইল অমসুং এপরেল এক্সপোর্ত তৌবদা তরুকশুবদা লৈরে।” মহাক্না হায়খি মদুদি ভারতকী তেক্সতাইল এক্সপোর্ত অসি লুপা করোর লাখ 3 য়ৌরে, মসি 2030 ফাওবদা লুপা করোর লাখ 9দা হেনগৎহন্নবা পান্দম থম্লি।

তেক্সতাইল সেক্তরদা মায় পাকপা অসি চহি তরাগী খুজিং কয়াগী লেপ্পা নাইদবা হোৎনরিবশিং অমসুং পোলিসীশিংগী মহৈনি হায়না পল্লদুনা প্রধান মন্ত্রীনা হায়খি মদুদি তেক্সতাইল সেক্তরদা ফোরেন ইনবেস্তমেন্ত অসি হৌখিবা চহি তরাগী খুজিং অমদা শরুক অনি হেনগৎখ্রে। তেক্সতাইল ইন্দস্ত্রী অসি লৈবাক অসিদা থবক ফংহন্নবা খ্বাইদগী চাউবা খুদোংচাবশিং পীরিবশিংগী মরক্তা অমনি, মসিনা ভারতকী মেনুফেকচরিং সেক্তরদা চাদা 11গী শরুক তম্লি।” মহাক্না বজেৎ অসিদা লাউথোকখিবা মিসন মেনুফেকচরিংগী মতাংদসু পনখি। সেক্তর অসিদা ইনবেস্তমেন্ত অমসুং চাউখৎপা অসিনা তেক্সতাইলগী শিন্মী করোর কয়া অমা কান্নবা ফংলি হায়না মহাক্না ফোংদোকখি।

শ্রী মোদীনা হায়খি মদুদি ভারতকী তেক্সতাইল সেক্তরগী খুদোংচাদবশিং থেংননবা অমসুং মসিগী পোতেন্সিএল অদু খঙদোক্নবা হোৎনরিবা অসি মখোয়গী অচেৎপা থৌদাংনি। মহাক্না হায়খি মদুদি হৌখিবা চহি তরাগী খুজিং অসিদা হোৎনখিবা অমসুং পায়খৎখিবা পোলিসীশিং অসি চহি অসিগী বজেৎ অসিদা উবা ফংলি। মহাক্না মখা তাখি মদুদি কতনগী থাজবা য়াবা সপ্লাই অমা লৈহন্নবা অমসুং ভারতকী কতনবু মালেমগী থাক্তা চাংদম্নবা ঙম্বা ওইহন্নবা অমসুং ভেল্যু চেন মপাঙ্গল কনখৎহন্নবা, মিসন ফোর কতন প্রদক্তিবিতী লাউথোকখি। প্রধান মন্ত্রীনা হায়খি মদুদি তেক্নিকেল তেক্সতাইলগুম্বা সনরাইজ সেক্তরশিংদা মীৎয়েং থম্লি অমসুং লমদমসিগী কার্বোন ফাইবর অমসুং মসিগী পোত্থোকশিং প্রমোৎ তৌরি। মহাক্না হায়খি মদুদি ভারতনা হাই-গ্রেদ কার্বোন ফাইবর পুথোকপগী মায়কৈদা খুমাং চাউশিল্লি। মখা তানা, তেক্সতাইল সেক্তরগীদমক মথৌ তাবা পোলিসীগী ৱারেপশিং লৌখৎলি হায়না প্রধান মন্ত্রীনা হায়খি। মহাক্না চহি অসিগী বজেৎতা MSMEশিংগী ক্লাসিফিকেসন ক্রাইতেরিয়া পাকথোক চাউথোকহনখিবা অমসুং ক্রেদিৎ ফংহনখিবা অদু পনখি। MSMEশিংদগী চাদা 80গী কন্ত্রিব্যুসন লৈবা তেক্সতাইল সেক্তরনা খোঙথাংশিং অসিদগী চাউনা কান্নবা ফংগনি হায়নসু মহাক্না অকনবা ৱাফম থমখি।

“তেক্সতাইল ইন্দস্ত্রীদা স্কিল লৈরবা ৱার্কফোর্স অমা লৈরবদি সেক্তর অমহেক্তদা অফবা ওইগনি অমসুং স্কিলনা মরুওইবা থৌদাং অমা লৌগনি।” স্কিল লৈবা তেলেন্ত পুল অমা শেমগৎনবা হোৎনরি হায়না পল্লদুনা মহাক্না নেস্নেল সেন্তর ওফ এক্সিলেন্স ফোর স্কিল্লিংগী থৌদাং অদু পনখি অমসুং সমর্থ স্কিমনা ভেল্যু চেনগীদমক মথৌ তাবা স্কিলশিং শেমগৎপদা মতেং পাংলি হায়খি। প্রধান মন্ত্রীনা তেক্নোলোজীগী মতম অসিদা হেন্দলুম ক্রাফমেনশিপকী অশেংবা মশক অদু ঙাক্না চৎপগী মরুওইবা অদু পনখি। মহাক্না হেন্দলুম আর্তিসানশিংগী স্কিলশিং অমসুং খুদোংচাবশিং হেনগৎহন্নবা হোৎনরিবা অদু পনখি। মসিনা মখোয়গী পোৎথোকশিং মালেমগী কৈথেলশিংদা য়ৌহন্নবগী খুদোংচাবা ফংহল্লগনি। হৌখিবা চহি 10 অসিদা, হেন্দলুম প্রমোৎ তৌনবা অচৌবা মার্কেতিং ইভেন্ত 2400 হেন্না পাংথোকখ্রে হায়না মহাক্না মখা তাখি। মহাক্না হেন্দলুম প্রদক্তশিংগী ওনলাইন মার্কেতিং হেনগৎহন্নবা ইন্দিয়া হেন্দমেদ ই-কমর্স প্লেৎফোর্ম শেমখিবগী মতাংদসু পনখি। মসিনা হেন্দলুম ব্রান্দ লিশিং কয়া অমা রেজিস্তর তৌহনখ্রে। প্রধান মন্ত্রীনা হেন্দলুম প্রদক্তশিংদা GI তেগিংগী মরুওইবা কান্নবশিং পনখি।

মমাং চহিদা ভারত তেক্সকী থৌরমদা তেক্সতাইল স্তার্ত-অপ গ্রান্দ চেলেঞ্জ হৌদোকখিবগী মতাংদা পল্লদুনা প্রধান মন্ত্রীনা হায়খি মদুদি তেক্সতাইল সেক্তরগীদমক নহারোলশিংগী মরক্তগী ইন্নোবেতিব সস্তেনেবল সোলুসনশিং কৌদুনা লৈবাক শিনবা থুংবদগী নহা ওইরিবা শরুক য়ারিবশিংনা চেলেঞ্জ অসিদা থৌনা লৈনা শরুক য়াখি অমসুং থৌরম অসিদা মনা ফংলবশিংবুসু কৌখি। মহাক্না হায়খি মদুদি নহা ওইরিবা ইন্নোবেতরশিং অসিবু মতেং পাংবা পাম্বা স্তার্তঅপশিংসু কৌখ্রে। লৈবাক অসিদা স্তার্ত-অপ কলচর চাউখৎহন্নবা পিচ ফেস্ত অসিদা IIT মাদ্রাস, অতল ইন্নোবেসন মিসন অমসুং মরুওইবা প্রাইবেৎ তেক্সতাইল ওর্গনাইজেসন কয়ানা মতেং পাংবীরকপগী মহাক্না থাগৎপা ফোংদোকখি। শ্রী মোদীনা নহাশিংবু অনৌবা তেক্নো-তেক্সতাইল স্তার্তঅপশিং পুখৎনবা অমসুং অনৌবা ৱাখল্লোনশিংদা থবক তৌনবা পুক্নিং থৌগৎখি। তেক্সতাইল ইন্দস্ত্রীনা অনৌবা খুৎলাইশিং শেমগৎনবা IITগুম্বা ইন্সতিত্যুসনশিংগা খুৎশম্নবা য়াই হায়না মহাক্না ফোংদোকখি। অনৌবা জেনরেসন অসিনা মোদর্ন ফেশন ত্রেন্দশিংগা লোয়ননা ত্রেদিস্নেল এতায়রশিংসু হেন্না পাম্নরক্লি হায়না মহাক্না ফোংদোকখি। মরম অসিনা, মহাক্না অনৌবা পুথোকপা অমসুং চৎনবীগা পুনশিন্নবা অমসুং মালেমগী থাক্তা অনৌবা চারোন-শুরোনবু পুক্নিং চিংশিনবা ঙম্নবগীদমক্তা চৎনবীগী ওইবা পোৎশকশিংদগী ইথিল লৌদুনা পোত্থোক পুথোকপগী মরুওইবা অদু পনখি। প্রধান মন্ত্রীনা অনৌবা চৎনবীশিং পুথোকপদা অমসুং অনৌবা স্তাইলশিং শেমগৎপদা তেক্নোলোজীগী চাউখৎলক্লিবা থৌদাং অদুগী মতাংদসু ৱা ঙাংখি। মহাক্না হায়খি মদুদি ত্রেদিস্নেল খাদি প্রমোৎ তৌবগা লোয়ননা IIT শিজিন্নদুনা ফেশন ত্রেনশিংসু এনালাইসিস তৌরি। মহাক্না গুজরাতকী মুখ্য মন্ত্রী ওইরিঙৈদা গুজরাতকী পোর্বন্দরদা খাদী প্রদক্তশিংগী ফেশন শো অমা পাংথোকখিবা অদু নীংশিংখি। শ্রী মোদীনা খাদি প্রমোৎ তৌবগী মরুওইবা পনখি। মহাক্না হায়খি মদুদি ঐখোয়গী নীংতম লানগী মতমদা ‘জাতিগীদমক খাদি’ ওইরম্মি, অদুবু হৌজিক্তি ‘ফেশনগীদমক খাদি’ ওইগদবনি।

মালেমগী ফেশন কেপিতেল হায়না খঙনবা পেরিসতা মহাক্না হন্দক্তা চৎখিবা খোংচৎতা লৈবাক অনিগী মরক্তা তোঙান তোঙানবা হীরমশিংদা মরু ওইবা পার্তনরশিপশিং শেমখি হায়না পল্লদুনা শ্রী মোদীনা হায়খি মদুদি অকোয়বগী ফিভম অমসুং অইং-অশা হোংলকপগী মতাংদা খন্ন-নৈনখিবা অদুদা মালেমগী ওইনা তুংকোইনা চৎনগদবা পুন্সি মহিংগী মরুওইবা খঙমিন্নবগী ৱাফমদা অকনবা ৱাফম থমখি। মসিনা ফেশনগী মালেমদসু ইথিল পীরি। প্রধান মন্ত্রীনা হায়খি, ” মালেম অসিনা ফেশন ফোর এনভাইর্নমেন্ত অমসুং এম্পাৱরমেন্তকী মীৎয়েং অসি লৌখৎলি, অমসুং ভারতনা মসিগী মতাংদা লমজিংবা ঙম্মি।” মহাক্না হায়খি মদুদি সস্তেনেবিলিতী অসি মতম পুম্নমক্তা ভারতকী তেক্সতাইলগী চৎনবীগী অপুনবা শরুক অমা ওইদুনা লাক্লি। মহাক্না খাদি, ত্রাইবেল তেক্সতাইল অমসুং নেচরেল দাইশিং শিজিন্নবগী খুদমশিং পনখি। মহাক্না হায়খি মদুদি ভারতকী ত্রেদিস্নেল সস্তেনেবল তেক্নিকশিং অসি হৌজিক্তি খ্বাইদগী নৌবা তেক্নোলোজীশিংগা লোয়ননা হেনগৎলক্লি। মসিনা আর্তিসানশিং, ৱিভরশিং অমসুং ইন্দস্ত্রীগা মরী লৈনবা নুপী করোর কয়াদা কান্নবা ফংহল্লি।

তেক্সতাইল ইন্দস্ত্রীদা রিসোর্স শিজিন্নবা অমসুং ৱেস্ত জেনরেসন হন্থহনবগী মরুওইবা অদু প্রধান মন্ত্রীনা ফোংদোকখি। মহাক্না “ফাস্ত ফেশিং ৱেস্ত”গী ইসু অদু ফোংদোকখি, মফম অসিদা ত্রেনশিং হোংলকপনা মরম ওইদুনা থা খুদিংগী পোৎশক মিলিয়ন কয়া অমা থাদোকই, মসিনা অকোইবগী ফিভম অমসুং ইকোলোজীদা অচৌবা খুদোংথীবা থোকহল্লি। মহাক্না হায়খি মদুদি 2030 ফাওবদা ফেশন ৱেস্ত তন মিলিয়ন 148 য়ৌরকপা য়াই অদুবু ঙসিদি তেক্সতাইল ৱেস্তকী ক্বার্তর অমখক্তমক রিসাইকল তৌরি। শ্রী মোদীনা হায়খি মদুদি ভারতকী তেক্সতাইল ইন্দস্ত্রীনা মসিগী খুদোংচাদবা অসি খুদোংচাবা অমা ওইনা ওন্থোকপা ঙম্মি। তেক্সতাইল রিসাইক্লিং অমসুং অপ-সাইক্লিংদা লৈবাক অসিগী তোঙান তোঙানবা ত্রেদিস্নেল স্কিলশিং শিজিন্নবা ঙম্মি। মহাক্না মহারাস্ত্রদা অরিবা নৎত্রগা লেমহৌরিবা ফেব্রিকশিংদগী মেৎশিং, কার্পেতশিং, অমসুং কোভরিংশিং শেম্বা, অমসুং অরিবা নৎত্রগা লেমহৌরিবা ফেব্রিকশিংদগী ফাইন ক্বিল্তশিং শেম্বা অসিনচিংবা খুদমশিং পনখি। মহাক্না অকনবা ৱাফম থমখি মদুদি ত্রেদিস্নেল আর্তশিংদা অনৌবা পুথোকপা অসিনা মালেমগী কৈথেলগী খুদোংচাবশিং ফংহল্লি। তেক্সতাইল মন্ত্রালয়না স্তেন্দিং কনফরেন্স ওফ পব্লিক এন্তর্প্রাইজশিং অমসুং ই-মার্কেৎ প্লেসকা লোয়ননা অপ-সাইক্লিং প্রমোৎ তৌনবা MoU অমা সাইন তৌনখ্রে লোয়ননা অপ-সাইক্লর কয়া অমা রেজিস্তর তৌখ্রে হায়না মহাক্না লাউথোকখি। তেক্সতাইল ৱেস্ত দোর তু দোর কলেক্সনগী পাইলোৎ প্রোজেক্তশিং অসি নবি মুম্বাই অমসুং বেঙ্গলোরগুম্বা শহরশিংদা পাংথোক্লি। প্রধান মন্ত্রীনা স্তার্ত-অপশিংবু মসিগী হোৎনবা অসিদা শরুক য়ানবা, খুদোংচাবশিং থিজিনবা অমসুং মালেমগী কৈথেলদা মকোক থোংনবা ঙল্লিঙৈদা খোংথাং লৌনবা পুক্নিং থৌগৎখি। লাক্কদৌরিবা চহি খরদা ভারতকী তেক্সতাইল রিসাইক্লিং মার্কেত অসি দোল্লর মিলিয়ন 400 য়ৌগনি হায়না মহাক্না পানখি। মালেমগী রিসাইকল তৌরবা তেক্সতাইল মার্কেৎ অসি দোল্লর বিলিয়ন 7.5 য়ৌগনি হায়না পানরি। মহাক্না হায়খি মদুদি অচুম্বা মাইকৈদা চৎলবদি, ভারতনা কৈথেল অসিদা হেন্না চাউবা শেয়র ফংলগনি।

চহি চা কয়াগী মমাংদা, ভারতনা চাউখৎপগী পন্দোম লোম্বা তাঙ্কক্তা, তেক্সতাইল ইন্দস্ত্রীনা চাউখৎপদা মরুওইবা থৌদাং লৌখি হায়না শ্রী মোদীনা ফোংদোকখি। ভারতনা ভিক্সিত ভারত ওইবগী পান্দমদা খুমাং চাউশিল্লকপদা তেক্সতাইল সেক্তরনা অমুক হন্না মরু ওইবা থৌদাং অমা লৌগনি হায়না মহাক্না অকনবা ৱাফম থমখি। প্রধান মন্ত্রীনা হায়খি মদুদি ভারত তেক্সকুম্বা থৌরমশিংনা সেক্তর অসিদা ভারতকী থাক অসি মপাঙ্গল কনখৎহল্লি। মহাক্না মহাক্কী ৱারোল লোইশিল্লদুনা থৌরম অসিনা মায় পাকপগী অনৌবা রেকোর্দশিং থম্বা অমসুং চহি খুদিংগী অনৌবা থাক্তা য়ৌরকপা ওইরসনু হায়না থাজবা থমখি।

তেক্সতাইল্সকী কেন্দ্রগী মন্ত্রী, শ্রী গিরিরাজ সিংহ অমসুং তেক্সতাইল্সকী রাজ্য মন্ত্রী, শ্রী পবিত্রা মার্গেরিতা অমসুং অতৈ মকোক থোংবা মীওইশিংসু থৌরম অদুদা শরুক য়াখি।

বেকগ্রাউন্দ

ভারত তেক্স 2025 অসি ফেব্রুৱারী 14দগী 17 ফাওবা ভারত মন্দপমদা পাংথোক্কদৌরিবা মেগা গ্লোবেল ইভেন্ত অমনি মরমদি মফম অমদা রো মেতরিএলশিংদগী হৌরগা এসেসরীশিং য়াওনা ফিনিশ প্রদক্তশিং ফাওবা তেক্সতাইল্সকী অপুনবা ভেল্যু চেন পুম্নমক অমত্তা ওইনা পুনশিল্লি।

ভারত তেক্স প্লেৎফোর্ম অসি তেক্সতাইল ইন্দস্ত্রীগী খ্বাইদগী চাউবা অমসুং খ্বাইদগী মপুং ফাবা থৌরমনি। মফম অনিদা শন্দোকপা মেগা এক্সপো অমা য়াওরি অমসুং তেক্সতাইল ইকোসিস্তেম পুম্নমক উৎলি। কনফরেন্স সেসন 70 হেনবা, রাউন্দ তেবলশিং, পেনেল দিস্কসনশিং অমসুং মাস্তর ক্লাসশিং য়াওবা গ্লোবেল স্কেলগী কনফরেন্স অমসু য়াওরগনি। মসিদা স্পিসিএল ইনোবেসন অমসুং স্তার্ত অপ পেভিলিয়নশিং য়াওবা একজিবিসন অমা য়াওগনি। মসিদা হেকাথোনদা য়ুম্ফম ওইবা স্তার্তঅপ পিৎচ ফেস্ত অমসুং ইন্নোবেসন ফেস্তশিং, তেক তেঙ্কশিং অমসুং দিজাইন চেলেঞ্জশিংসু য়াওদুনা মকোক থোংবা ইনভেস্তরশিংগী খুত্থাংদা স্তার্তঅপশিংগীদমক ফন্দিং খুদোংচাবশিং ফংহল্লগনি।

ভারত তেক্স 2025না পোলিসী মেকরশিং অমসুং গ্লোবেল CEOশিং, এক্সিবিতর 5000 হেনবা, লৈবাক 120 হেনবগী ইন্তর্নেস্নেল বায়র 6000 অমসুং অতোপ্পা ভিজিতেতর কয়াবু পুক্নিং চিংশিনগনি হায়না পানরি। ইন্তর্নেস্নেল তেক্সতাইল মেনুফেকচররস ফেদরেসন (ITMF), ইন্তর্নেস্নেল কতন এদভাইজরী কম্মিতী (ICAC), য়ুরাতেক্স, তেক্সতাইল এক্সচেঞ্জ, US ফেশন ইন্দস্ত্রী এসোসিএসন (USFIA) য়াওনা মালেম শিনবা থুংবদগী মমিং লৈরবা গ্লোবেল তেক্সতাইল বোদী অমসুং এসোসিএসন 25 হেন্না শরুক য়াগনি।

***