ভারতকী প্রধানমন্ত্রী

ঙসি ভিদিও মেসেজগী খুৎথাংদা প্রধান মন্ত্রী শ্রী নরেন্দ্র মোদীনা ইন্দিয়া ইনর্জি ৱিক ২০২৫ দা ৱা ঙাংখ্রে। য়াসোভুমিদা পাংথোকপা মীয়ামগী থৌরমদা ৱা ঙাংবদা, প্রধান মন্ত্রীনা হায়খি মদুদি শরুক য়ারিবা মীওইশিং অসি ইনর্জি ৱিক্কী শরুক অমা ওইবা খক নত্তনা, ভারতকী ইনর্জিগী থাজবশিংগী থাদোক্নবা য়াদ্রবা শরুক অমশু ওইরি। থৌরম অসিদা শরুক য়াখিবা মপান লৈবাকশিংগী শক্নাইরবশিং য়াওনা মীওই খুদিংমক মহাক্না তরাম্না ওকখি।

প্রধান মন্ত্রীনা হায়খি মদুদি ২১শুবা চহিচা অসি ভারতকীনি হায়না মালেমগী অখঙ-অহৈশিংনা হায়রি। ভারতনা লৈবাক অসি চাউখৎহনবা খক নত্তনা মালেমগী ওইনা চাউখৎনবশু হোৎনরি অমসুং মসিদা ইনর্জি সেক্তরনা মরুওইবা থৌদাং অমা লৌরি। ভারতকী ইনর্জিগী থবকশিং অসি য়ুম্বী মরি: রিছোর্স লৌশিনবা, ইন্নোবেসন পুক্নিং থৌগৎপা, শেন-থুমগী মপাঙ্গল অমসুং রাজনিতিগী তংদু লৈতাবা, ইনর্জিগী ললোন-ইতিক পাম্নহনবা অমসুং লাইহনবা অমসুং মালেমগী তুংকোইনা চৎনবা য়াবা থবকশিংদা শেমগৎপনি। হায়রিবা থবকশিং অসিনা ভারতকী ইনর্জি সেক্তরগী অনৌবা খুদোংচাবশিং পীরে।

প্রধান মন্ত্রীনা হায়খি মদুদি মথংগী চহি ২০ অসি বিকসিত ভারতকীদমক য়াম্না মরুওই অমসুং মথং চহি ৫ দা মরুওইবা থবক কয়া পাংথোকপা ঙমগনি। রিন্যুএল ইনর্জি গিগাৱাত ৫০০ পুথোকপা, ভারত রেলৱেনা কার্বোন অমতা থাদোক্তবা অমসুং চহিগী ওইনা গ্রিন হায়দ্রোজেন মেত্রিক তন মিল্লিয়ন ৫ পুথোকপা য়াওনা ২০৩০ ফাওবগী মনুংদা ভারতকী ইনর্জিগী পান্দমশিং ফংবা ঙমগনি। হৌখিবা চহি ১০ দা ফংখিবা পান্দমশিং অসি য়েংলগা হায়রিবা পান্দমশিং ফংবা ঙমগনি হায়বগী থাজবা লৈরে।

প্রধান মন্ত্রীনা হায়খি হৌখিবা চহি ১০ দা ভারত ১০শুবা খ্বাইদগী চাউবা ইকোনোমি ওইরম্বদগী ৫শুবা খ্বাইদগী চাউবা ইকোনোমিদা হাইগৎলক্লে। হৌখিবা চহি ১০ দা ভারতকী সোলার ইনর্জি পুথোকপা শরুক ৩২ হেনগৎতুনা মালেমদা সোলার পৱার পুথোকপা ৩শুবা খ্বাইদগী চাউবা লৈবাক ওইরে। ভারতকী নন-ফোসিল ফ্যুএল কেপাসিতি শরুক অহুমদা হেনগৎলে অমসুং পেরিস এগ্রিমেন্তগী পান্দমশিং ফংবা অহানবা জি২০ লৈবাক ভারতনা ওইরে। ইথানোল চাদা ১৯ পেত্রোলদা য়ানশিন্দুনা হিরম অসিদা ভারতকী মাইপাকপশিং লৈরে অমসুং মসিনা ফোরেন একচেঞ্জশিং কল্লে, লৌমীশিংগী শেন্থোক হেনগৎহল্লে অমসুং কার্বোনদাইওক্সাইদ থাদোকপা হন্থহল্লে।

প্রধান মন্ত্রীনা হায়খি মদুদি ওক্তোবর ২০২৫ ফাওবগী মনুংদা ইথানোল চাদা ২০ য়ান্নবা ভারতকী পান্দম থম্লে। মেত্রিক তন মিল্লিয়ন ৫০০ গী ফিদস্তোক থমদুনা ভারতকী বাইওফ্যুএল ইন্দস্ত্রি চাউখৎলক্লি। ভারতনা জি২০ গী প্রসিদেন্ত ওইবা মনুংদা গ্লোবেল বাইওফ্যুএল এল্লাইন্স লিংখৎলে অমসুং মখা তানা পাকথোক-চাউথোক্লি অমসুং হৌজিক মসিদা লৈবাক ২৮ অমসুং মালেমগী লুপ ১২ শরুক য়ারে। এল্লাইন্স অসিনা অমোৎপা পোৎলমশিং শেন ওন্থোক্লে অমসুং সেন্তর ওফ এক্সলেন্স লিংখৎলে।

প্রধান মন্ত্রীনা মখা তানা হায়খি হায়দ্রোকার্বোনগী রিছোর্সশিং থিদোক্নবা ভারতনা লেপ্তনা থবক পায়খৎলি। অচৌবা ইনর্জি ফংফমশিং অমসুং গ্যাস ইনফ্রাস্ত্রকচর পাকথোকপা অসিনা গ্যাস সেক্তর চাউখৎহনবদা মতেং পাংলি অমসুং ভারতকী ইনর্জিগী লমদা নেচরেল গ্যাসকী চাকথুং হেনগৎলক্লি। হৌজিক ভারত মরিশুবা খ্বাইদগী চাউবা রিফাইনিং হব ওইরে অমসুং মসিগী থবক চাদা ২০ হেনগৎহন্নবা থবক পায়খৎলি।

প্রধান মন্ত্রীনা হায়খি মদুদি ভারতকী সেন্দিমেন্তরি বেসিনশিং হায়দ্রোকার্বোন রিছোর্স কয়া লৈরি, মখোয় খর মশক খঙলে, অতোপ্পশিং মশক খঙদোক্নবা ঙাইরি, সরকারনা ওপন এগ্রিএজ লাইসেন্সিং পোলিসি( ও এ এল পি) হৌদোক্লে। এক্সক্লুসিপ ইকোনোমিক জোন হাংদোকপা অমসুং শিঙ্গল-ৱিন্দো ক্লিয়ারেন্স সিস্তেম লিংখৎপা য়াওনা সেক্তর অসিদা সরকারনা মতেং পাংলি। ওইলফিল্দস রিগুলেন্স এন্দ দিবলপমেন্ত এক্ত অহোংবা পুরক্লে অমসুং মসিনা লিজশিং শাংদোকহল্লে অমসুং শেন-থুমগী তার্মশিং ফগৎহল্লে। অওনবা থবকশিং অসিনা সমুদ্রগী শরুক্ত থাউ অমসুং গ্যাস থিবদা খুদোংচাবা পীগনি অমসুং পোৎথোক পুথোকপা হেনগৎহনগনি অমসুং স্ত্রাতেজিক পেত্রোলিয়ম রিজার্বশিং লেংদনা লৈহনগনি। ভারত্ত মফম কয়াদা ইনর্জি পুথোকপদগী অমসুং পাইপলাইনশিং শাংদোকহনবদগী নেচরেল গ্যাস ফংহনবা হেনগৎলক্লি। মসিনা তুংদা নেচরেল গ্যাস শীজিন্নবা হেনগৎলক্কনি। হায়রিবা হিরমশিং অসিদা শেন থাদনবগী খুদোংচাবা কয়াশু লৈরি।

প্রধান মন্ত্রীনা মখা তানা হায়খি মেক ইন ইন্দিয়া অমসুং লোকেল সপ্লাই চেনশিংদা ভারতনা মীৎয়েং চঙলি। ভারত্তা পি.ভি মোদুলশিং য়াওনা মখল কয়াগী হার্দৱায়ারশিং শানবগী খুদোংচাবা লৈরে। হৌখিবা চহি ১০ অসিদা সোলার পি.ভি মোদুল শাবা গিগাৱাত ২ দগী গিগাৱাত ৭০ দা হেনগৎহন্দুনা ভারতনা লোকেল মেনুফেকচরিং শৌগৎলি। প্রদক্সন লিঙ্ক ইন্সেন্তিপ (পি এল আই) স্কিমনা সেক্তর অসি হেন্না পাম্নহল্লে অমসুং অফবা মখলগী সোলার পি.ভি মোদুলশিং শাবা পুক্নিং থৌগৎলে।

প্রধান মন্ত্রীনা মখা তানা হায়খি বেত্তরি অমসুং স্তোরেজ কেপাসিতি সেক্তরদা ইন্নোবেসন অমসুং মেনুফেকচরিংগী খুদোংচাবা কয়া পীরে। ইলেক্ত্রিক মোবিলিতিগী লমদা ভারত য়াংনা চাউখৎলক্লি অমসুং হিরম অসিদা ভারতগুম্বা অচৌবা লৈবাক অমগী দরকার ওইবশিং ফংহন্নবা য়াংনা থবক পায়খৎপা দরকার ওইরে। চহি অসিগী বজেত্ত সরকারনা গ্রিন ইনর্জি শৌগৎপগী ৱাফম কয়া লাউথোক্লে। ই.ভি শাবা অমসুং মোবাইল ফোন বেত্তরিশিং শাবদা চঙবা পোৎলমশিংদগী বেসিক কস্তম দ্যুতি লৌদনবা সরকারনা লাউথোক্লে। পোৎলমশিংগী মনুংদা কোবাল্ত পাউদর, লিথিয়ম-আইওন বেত্তরি ৱেস্ত, লিদ, জিঙ্ক অমসুং অতোপ্পা মরুওইবা মিনরেলশিং য়াওরি।

প্রধান মন্ত্রীনা মখা তানা হায়খি ভারত্ত অফবা সপ্লাই চেন অমা শেমগৎপদা নেসনেল ক্রিতিকেল মিনরেলস মিসন্না মরুওইবা থৌদাং অমা লৌগনি। লিথিয়ম য়াওদবা বেত্তরি শানবা থবকশিং পুক্নিং থৌগৎলি। চহি অসিগী বজেত্ত ন্যুক্লিয়ার ইনর্জি সেক্তর হাংদোক্লে অমসুং ইনর্জিদা শেন থাদবা খুদিং নহারোলশিংদা অনৌবা থবক পীরি অমসুং গ্রিন জোবশিংগী খুদোংচাবশিং পীরি। ভারতকী ইনর্জিগী সেক্তর চাউখৎনবা সরকারনা মীয়ামগী ফিবম ফগৎহল্লি। ইচম চম্বা ইমুংশিং অমসুং লৌমীশিংনা ইনর্জি পুথোক্লে। হৌখিবা চহিদা পি.এম সুর্য়াঘর ফ্রি ইলেক্তিসিতি স্কিম হৌদোক্লে অমসুং মসিদগী ইনর্জি পুথোক্নবা থবক অসি মপান নাইদে। স্কিম অসিনা সোলার সেক্তরদা অনৌবা স্কিল কয়া অমসুং অনৌবা থবক কয়া শেমগৎলি অমসুং শেন থাদবগী খুদোংচাবশিং হেনগৎহল্লে।

লোইশিল্লকপদা, প্রধান মন্ত্রীনা হায়খি, চাউখৎপা হেনগৎহন্নবা অমসুং মহৌশাগী অকোয়বগী ফিবম ফগৎনবা ভারতনা ইনর্জিগী পাম্বৈশিং পীরি। চহি অসিগী ইনর্জি ৱিক অসিনা মাইকৈ অসিদা অফবা থবক কয়া পায়খৎকনি হায়বগী থাজবা থম্লি। ​মীওই খুদিংমক্না ভারত্ত ফংলিবা খুদোংচাবশিং মশক খঙদোক্নবা হোৎনগদবনি অমসুং শরুক য়াখিবা মীওই খুদিংমক্ত য়াইফ-পাউজেল পীজরি।

****