ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা ভিদিও কনফরেন্সকী খুৎথাংদা রাজ্য ১০ অমসুং য়ুনিয়ন তেরিতোরি ২ শীনবা থুংবগী জিলা ২৩০ দা খুঙ্গং ৫০০০০ হেনবদা শ্বামিতবা স্কিমগী মখাদা লৌ-ইংখোলগী মপুশিংদা প্রোপর্তি কার্দ লাখ ৬৫ হেন্না য়েন্থোকখ্রে। থৌরম অদুদা মীয়ামদা ৱা ঙাংবদা প্রধান মন্ত্রী শ্রী নরেন্দ্র মোদীনা হায়খি ঙসি অসি ভারতকী খুঙ্গংশিংগী পুৱারি ওইরবা নুমিৎ অমনি অমসুং থৌরম অসিদা বেনিফিসরিশিং অমসুং মীয়ামগী মফমদা য়াইফ পাউজেল পীজরি।

প্রধান মন্ত্রী শ্রী নরেন্দ্র মোদীনা হায়খি খুঙ্গংগী মীয়াম্না মখোয়গী লৌ অমসুং ইংখোলগী কার্দশিং পায়নবগীদমক চহি মঙাগী মমাঙদা শ্বামিতভা স্কিম হৌদোকখিবনি। তোঙান তোঙানবা রাজ্যশিংনা লৌ অমসুং ইংখোলগী সর্তিফিকেদশিং অসি তোঙান তোঙানবা মমিশিং হায়বদি ঘারোনি, আধিকার অভিলেখ, প্রোপর্তি কার্দ, মালমাত্তা পাত্রাক অমসুং অৱাসিয়া ভুমি পাত্ত হায়না কৌনরি। হৌখিবা চহি ৫ অসিদা মীওই করোর ১.৫ হেনবদা শ্বামিতভা কার্দশিং য়েন্থোকখ্রে। ঙসিগী থৌরম অসিদা ইমুং লাখ ৬৫ হেন্না হায়রিবা কার্দশিং অসি ফংলে। য়োজনা অসিগী মখাদদা খুঙ্গংশিংগী মীওই করোর ২.২৫ রোম মখোয়গী য়ুমশিংগী আইন্না য়ারবা চে-চাংশিং পায়রে। বেনিফিসরিশিংগী মফমদা হরাওবা ফোঙদোকচরি অমসুং য়াইফ পাউজেল পীজরি।

প্রধান মন্ত্রী শ্রী নরেন্দ্র মোদীনা হায়খি ২১শুবা চহিচা অসিদা ক্লাইমেত চেঞ্জ, ঈশিং ফংদবা, হকশেলগী অৱাবশিং অমসুং লাইচৎশিং মায়োক্নরি। হৌজিক মালেম অসিনা মায়োক্নবা অতোপ্পা খুদোংচাদবা অমনা লৌ অমসুং ইংখোলগী হকশিং অমসুং আইন্না য়ারবা লৌ অমসুং ইংখোলগী চে-চাংশিং লৈতবা অসিনি। য়ুনাইতেদ নেসন্সনা থিজিনবা অমগী মতুংইন্না লৈবাক কয়াগী মীওইশিং মখোয়গী লৌ অমসুং ইংখোলগী চপ চাবা আইন্না য়ারবা চে-চাংশিং লৈতে। মীয়াম লায়রবা কোকহন্নবগীদমক মখোয় লৌ অমসুং ইংখোলগী হকশিং লৈহন্নবা দরকার ওই হায়না য়ু.এন্না ফোঙদোক্লি। লৌ অমসুং ইংখোলগী হকশিং ফংনবা হোৎনবদা মায়োক্নরিবা খুদোংচাদবশিংগী মতাংদা শক্নাইরবা ইকোনোমিস্ত অমনা ইবা লাইরিক অমদা হায়খি, মদুদি খুঞ্জাশিংনা মপু ওইরিবা অপীকপা লম অসি “দেদ কেপিতেল” নি। হায়বদি লম অসি শেন ওন্থোকপা য়ারোই অমসুং মসিনা ইমুং-মনুংগী শেন্থোক হেনগৎহনবদা মতেং পাংদে। লমগী হকশিং ফংনবা হোৎনবদা মালেম্না মায়োক্নরিবা খুদোংচাদবশিং অসি ভারতশু থেংনরি। লুপা করোর কয়াগী লম লৈজরবশু, খুঞ্জাশিংগী আইন্না য়ারবা চে-চাংশিং পায়দে, মসিনা মরম ওইদুনা খৎন-চৈনবা অমসুং শক্তি লৈনবা লনাই মীওইশিংনা নমদুনা লম মুনবা ফাওবা থেংনরি। আইন্না য়ারবা চে-চাংশিং য়াওদনা, অসিগুম্বা লমশিং অসিদা বেঙ্কশিংনা হন্না য়েংবীদে। মসিগী খুদোংচাদবা অসি কোকহন্নবা হৌখিবা সরকারশিংনা চপ চাবা থবকশিং পায়খৎলমদে। শ্বামিতভা স্কিমগী মখাদা লমগী চে-চাং পীনবা হোৎনবদা মায়োক্নরিবা খুদোংচাদবা কোকহন্নবা ২০১৪ দা সরকারনা ৱারেপ লৌখিবনি।

প্রধান মন্ত্রী শ্রী নরেন্দ্র মোদীনা হায়খি মীয়ামগী খনবা সরকার অমতনা খুঞ্জাশিং অসিগুম্বা খুদোংচাদবা ফিবম অমদা থম্লোইদবনি। স্কিম অসিগী মখাদা দ্রোনশিং শীজিন্নদুনা খুঙ্গংশিংদা য়ুমশিং অমসুং লমশিংগী মেপ লৌগনি অমসুং খুঞ্জাশিংগী লৌ অমসুং ইংখোলগী আইন্না য়ারবা চে-চাংশিং পীগনি। স্কিম অসিগী কান্নবা হৌজিক উবা ফংলে। য়োজনা অসিগী মখাদা কান্নবা ফংলবা বেনিফিসরিশিংগা মহাক্কা ৱারি শানবদা কমদৌনা স্কিম অসিনা মখোয়গী পুন্সিদা অহোংবা পুরকপগে হায়বগী মতাংদা মখোয়না পাউদমখি। হৌজিক মখোয়না মখোয়গী লমগীদমক বেঙ্কশিংদগী শেন্থং ফংলে অমসুং মখোয় হরাওবা অমসুং অপেনবা পোকপা উরে। মসি অচৌবা থৌজাল অমনি।

প্রধান মন্ত্রী শ্রী নরেন্দ্র মোদীনা হায়খি ভারতকী খুঙ্গং লাখ ৬ হেন্না লৈবগী মনুংদা তংখায় অমা হেন্না দ্রোন সর্ভে লোইশিনখ্রে। লমগী চে-চাংশিং পায়রবা মতুংদা, মীওই লাখ কয়া মখোয়গী লম অদুদগী বেঙ্কশিংদগী লোন লৌরে অমসুং মখোয়গী খুঙ্গংশিংদা অপীকপা ললোন-ইতিক্কী থবকশিং হৌরে। বেনিফিসরিশিং অসি অপীকপা অমসুং ময়াই ওইবা লৌমীশিংগী ইমুংশিংনি অমসুং হায়রিবা লমগী চে-চাংশিং অসিনা শেন-থুমগী ফিবম ফগৎনবা মশক থোকপা গরেন্তি অমা ওইরে। দলিত, তোল্লবশিং অমসুং ত্রাইবেল ইমুংশিং আইন্না য়াদনবা লম লৌশিনবা অমসুং মতম শাংনা কোর্তকী কেসশিংগী খুদোংচাদবশিং মায়োক্নরি। আইন্না য়ারবা চে-চাংশিং পায়বদগী, মখোয় হৌজিক মসিগী অৱাবা অসি লৈত্রে। করিগুম্বা খুঙ্গংশিংদা লমগী কার্দশিং পীবা হেক লোইবদা, মসিনা লুপা করোর লাখ ১০০ হেনবগী শেন-থুমগী থবকশিং পায়খৎপা ঙমগনি হায়না পানরি। য়াম্লবা শেনফম অসি লৈবাক্কী ইকোনোমিদা হাপচিনগনি।

প্রধান মন্ত্রী শ্রী নরেন্দ্র মোদীনা হায়খি ঙসি ঐখোয়গী সরকারনা পুকচেল শেংনা গ্রাম শ্বারাজ পায়খৎনবা হোৎনরি। শ্বামিতভা য়োজনাগা লোয়ননা, হৌজিক খুঙ্গং চাউখৎনবা থৌরাং তৌবা অমসুং থবক ওইনা পায়খৎপা য়াম্না ফগৎলে। মী তাবা মফমশিংগী নাখৈ শেংবা মেপশিং অমসুং লৌশিং লৈবা অসিনা, চপ চানা চাউখৎ-থৌরাংগী শেম-শাবা ঙমগনি, থৌরাং ফজনা তৌদবগী অমাঙবশিং অমসুং খুরৌথাংবশিং কোকহনগনি। লমগী মপু মশক খঙদোকপা অসিনা লম মুন্নবগী খৎনবশিং ৱারোইশিন পুরক্কনি, পঞ্চায়াতগী লমশিং অমসুং শা-ষনগী শজিক চাফমশিং মশক খঙদোক্কনি,মসিনা গ্রাম পঞ্চায়তশিংগী শেন-থুমগী ফিবম ফগৎহনগনি। লমগী কার্দশিংনা খুঙ্গংশিংদা দিজাস্তার মেনেজমেন্তগী থবক ফগৎহনগনি অমসুং মসিনা মৈ চাকপা, ঈশিং চাউবা অমসুং চীঙ নিংখায়বদা কম্পেসেসন তানবদা লাইহনগনি। লৌমীশিংনা য়াম্না তোইনা লমগী খৎনবা থেংনৈ অমসুং লমগী চে-চাং পায়নবা হোৎনবদা খুদোংচাদবা কয়া মায়োক্নৈ, কনাগুম্বা অমনা ওফিসিএলশিংগী মনাক্ত য়াম্না তোইনা চৎপা অমসুং শেঞ্জা-থুমজা তৌবা দরকার ওই। শ্বামিতভা অমসুং ভু-আধার অসি খুঙ্গং চাউখৎনবা থবকশিংগী য়ুম্ফমনি। ভু-আধারনা লমগী তোপ-তোপ্পা মশক অমতা পীরি, চাউরাক্নবা ভু-আধার নম্বর করোর ২৩ রোম পীখ্রে, মসিনা লমশিং মশক খঙদোকপদা লাইহল্লে। হৌখিবা চহি ৭-৮ দা, চাউরাক্না লমশিংগী রেকোর্দশিংগী চাদা ৯৮ রোম দিজিতেল ওন্থোক্লে অমসুং লমগী মেপ অয়াম্বা হৌজিক দিজিতেল ওইনা ফংলে।

প্রধান মন্ত্রী শ্রী নরেন্দ্র মোদীনা হায়খি ভারতকী থৱায় লৈবাক অসিগী খুঙ্গংশিংদা লৈ হায়না মহাত্মা গান্ধীনা থাজখি। হৌখিবা চহি ১০ দা মসিগী মঙলান অসি তশেংনা থবক ওইনা পাংথোক্লে। হৌখিবা চহি ১০ দা, ইমুং করোর ২.৫ হেন্না ইলেক্ত্রিসিতি ফংলে, মখোয় অয়াম্বা খুঙ্গংশিংগী ইমুংশিংনি, অদুগা ইমুং করোর ১০ হেন্না তোইলেতশিং লৈরে অমসুং উজৱালা স্কিমগী মখাদা নুপী করোর ১০ হেন্না গ্যাস ফংলে, মখোয়গী মনুংদা অয়াম্বনা খুঙ্গংশিংদনি। হৌখিবা চহি ৫ দা ইমুং করোর ১২ হেন্না তোতি ঈশিং ফংলে অমসুং মীওই করোর ৫০ হেন্না বেঙ্ক একাউন্তশিং হাংদোক্লে। অয়ুস্মান ভারত অরোগ্যা মন্দির লাখ ১.৫ হেন্না লিংখৎলে অমসুং মখোয় অয়াম্বা খুঙ্গংশিংদনি। চহি কয়া, দলিতশিং, তোল্লবশিং অমসুং ত্রাইবেল ইমুংশিং য়াওনা খুঞ্জা লাখ কয়া তঙাইফদবা খুদোংচাবশিং ফংদনা লৈরকখি, অদুবু হৌজিক হায়রিবা ইমুংশিং অসি হায়রিবা খুদোংচাবশিং অসি ফংলবা মরুওইবা মীওইশিং ওইরে।

মমাঙদা অমুক্ত ওইখিদ্রিবা মওংদা হৌখিবা চহি ১০ অসিদা খুঙ্গংশিংগী লম্বীশিংগী ফিবম ফগৎনবা পায়খৎলিবা থবকশিংগী মতাংদা, প্রধান মন্ত্রী শ্রী নরেন্দ্র মোদীনা হায়খি ২০০০ দা অতল জিগী সরকারনা প্রধান মন্ত্রী গ্রাম সরক য়োজনা হেক হৌদোকপদগী, খুঙ্গংশিংদা কিমি লাখ ৮.২৫ গী লম্বীশিং শেমগৎলে, মসিগী তংখায় অমদি হৌখিবা চহি ১০ দা শেমগৎখিবনি। ভাইব্রেন্ত ভিলেজ প্রোগ্রাম্না মনুং-হুঞ্জিনবা ঙমখৈগী খুঙ্গংশিংগী লম্বী-থোংগী ফিবম ফগৎহনগনি। খুঙ্গংশিংদা ইন্তরনেত ফংহনবা অসি মরুওইনা লৌরি। ২০১৪ গী মমাঙদা, পঞ্চায়ত ১০০ য়ৌদনা ব্রোদবেন্দ ফাইবর কন্নেক্সনশিং লৈরমখি, অদুবু হৌখিবা চহি ১০ অসিদা, পঞ্চায়ত লাখ ২ হেন্না ব্রোদবেন্দ ইন্তরনেতনা শম্নরে। ২০১৪ গী মমাঙদা খুঙ্গংশিংদা কম্মন সার্বিস সেন্তর লাখ ১ রোম লৈরম্বা অদু হৌজিক সেন্তর লাখ ৫ হেল্লে। হায়রিবা মশিং অসিনা, মতম অমদা সহরশিং খক্তদা উরম্বা চাউখৎ-থৌরাংগী থবকশিং খুঙ্গংশিংদা পায়খৎলকপা অদু ফোঙদোকপনি। মসিনা মীয়ামগী খুদোংচাবা হেনগৎহনবা খক নত্তনা খুঙ্গংশিংগী শেন-থুমগী ফিবমশু ফগৎহল্লে।

প্রধান মন্ত্রী শ্রী নরেন্দ্র মোদীনা হায়খি ২০২৫ হৌরকপদা খুঙ্গংশিং অমসুং লৌমীশিংগী শিংথানিঙাই ওইরবা ৱারেপশিং লৌরে। প্রধান মন্ত্রী ফাসাল বিমা য়োজনা মখা চৎথদুনা লৌমীশিংনা চাউরাক্না লুপা করোর লাখ ২.২৫ রোমগী শেনফমশিং ফংলে। মালেমগী ওইনা দি.এ.পি মমল হেনগৎলক্লবশু, লৌমীশিংদা অহোংবা মমলদা হার ফংহন্নবা সরকারনা লুপা করোর লিশিং কয়া কাইথোক্লে। হৌখিবা চহি ১০ দা, লৌমীশিংদা অহোংবা মমলদা হার ফংহন্নবা চাউরাক্না লুপা করোর লাখ ১২ রোম চাদিং তৌখ্রে, মসি ২০১৪ গী মমাঙদা চাদিং তৌখিবা শেনফমদগী শরুক অনি হেল্লবনি। প্রধান মন্ত্রী কিষান সম্মান নিধিগী মখাদা, লৌমীশিংগী একাউন্তশিংদা লুপা করোর লাখ ৩.৫ হেন্না থাদোকখ্রে, মসিনা লৌমীশিংগী য়াইফনবা কেন্দ্র সরকারনা পায়খৎলিবা থবকশিং উৎথোক্লে।

প্রধান মন্ত্রী শ্রী নরেন্দ্র মোদীনা হায়খি বিকসিত ভারত অমা শেমগৎপদা মখোয়না লৌরিবা শিংথানিঙাই ওইরবা থৌদাং শকখঙবা ওইনা, হৌখিবা চহি ১০ দা অচৌবা স্কিম খুদিংমক্ত ইমাশিং অমসুং ইচানুপীশিংগী ফিবম ফগৎনবা থবক ময়াইদা থম্লি। বেঙ্ক শখি অমসুং বিমা শখিগুম্বা থবকশিংনা খুঙ্গংশিংদা নুপীশিংদা অনৌবা খুদোংচাবশিং ফংহল্লে। লাখপতি দিদি য়োজননা নুপী করোর ১.২৫ হেন্না লাখপতিশিং ওইহল্লে। শ্বামিতভা য়োজননা নুপীশিং লমগী মপু ওইহল্লে, রাজ্য কয়াদা লমগী মিং পানবদা মখোয়গী মপুরোইবশিংগী মমিংগা লোয়ননা নুপীশিংগী মমিংশু য়াওরে। প্রধান মন্ত্রী অৱাস য়োজনাগী মখাদা লায়রবশিংগী শারিবা য়ুমশিং নুপীশিংগী মিংদা রেজিস্তার তৌরে। শ্বাতমিভা য়োজনা অসিনা নুপীশিংনা লমগী মপু ওইইবদা মতেং পাংলে। য়োজনা অসিগী মখাদা দ্রোনশিংনা মেপ লৌবগী থবক পাংথোক্লি অমসুং নোম দ্রোন দিদি য়োজনাগী মখাদা, খুঙ্গংগী নুপীশিং দ্রোন পাইলোতশিং ওইরে অমসুং লৌউ-শিংউদা মতেং পাংলে অমসুং অহেনবা শেনফম তাল্লে।

প্রধান মন্ত্রী শ্রী নরেন্দ্র মোদীনা হায়খি শ্বামিতভা য়োজননা খুঞ্জাশিংগী ফিবম ফগৎহল্লে, ভারত্তা খুঙ্গংগী পুন্সি অওনবা পুরক্লে। খুঙ্গংশিং অমসুং লায়রবশিংগী ফিবম ফগৎলকপা মতমদা, বিকসিত ভারত অমগী মাইকৈদা চঙশিল্লবা খোঙচৎ হেন্না নুংঙাইহনগনি। হৌখিবা চহি ১০ দা খুঙ্গংশিংগী কান্নবা পীনবা থবক কয়া পায়খৎলে অমসুং মীওই করোর ২৫ লায়রবা কোকহন্নবা মতেং পাংলে। শ্বামিতভাগুম্বা স্কিমশিংনা খুঙ্গংশিং চাউখৎপগী অফবা মফমশিং ওইহনগনি হায়বগী থাজবা থম্লি।

থৌরম অসিদা রাজ্য কয়াগী রাজ্যপালশিং, জম্মু অমসুং কাস্মির অমসুং লাদাখকী লেপ্তনেন্ত গভর্নরশিং, ওরিসা, ছতিসগর, মধ্য প্রদেস, রাজস্থান, উত্তর প্রদেস, মহারাস্ত্রা অমসুং গুজরাতকী চীফ মিনিস্তরশিং, পঞ্চায়তি রাজগী য়ুনিয়ন মিনিস্তর অমসুং ফিসরিজ, এনিমেল হসবেন্দরি অমসুং দাইরিইংগী মিনিস্তর শ্রী রজিব রঞ্জন সিংহ অমসুং অতোপ্পা শক্নাইরবা মীওই কয়া ভিদিও কনফরেন্সকী খুৎথাংদাং শরুক য়াখি।

নুঙগীৱারোল

শ্বামিতবা স্কিম অসি, খ্বাইদগী নৌবা দ্রোন সর্ভে তেক্নোলোজি শীজিন্নদুনা খুঙ্গংশিংদা মী তাদবা মফমশিংদা য়ুম শাদুনা লৈরিবা য়ুম্বুশিংদা ‘ রেকোর্দ ওফ রাইতস’ পীদুনা ভারতকী খুঙ্গংগী শেন-থুমগী ফিবম ফগৎনবা পান্দম অমগী মখাদা প্রধান মন্ত্রী শ্রী নরেন্দ্র মোদীনা হৌদোকখিবনি।

লৌ-ইংখোল য়োনবা অমসুং  বেঙ্ক লোনশিং লৌবা; লৌ-ইংখোলগা মরী লৈনবা খৎন-চৈনা হন্থহন্নবা; লৌ-ইংখোলশিং য়েংশিন্নবা হেন্না খুদোংচানবা অমসুং খুঙ্গংগী লমশিংদা লৌ-ইংখোলগী খজনা থিনবা অমসুং খুঙ্গং থাক্কী অপুনবা প্লান্নিং অমা পাংথোকপদা শ্বামিতবা স্কিমনা মতেং পাংগনি।

পান্দম থমখিবা খুঙ্গংশিংগী চাদা ৯২ কোনশিন্দুনা, খুঙ্গং লাখ ৩.১৭ হেনবদা দ্রোন সর্ভে পাংথোকপা লোইখ্রে। হৌজিক ফাওবদা খুঙ্গং লাখ ১.৫৩ রোমগী প্রোপর্তি কার্দ করোর ২.২৫ রোম শেম্লে।

শ্বামিতবা স্কিম অসি ত্রিপুরা, গৱা, উত্তরখন্দ অমসুং হরিয়ানা রাজ্যশিংদা চাদা ১০০ পায়খৎলে। মধ্য প্রদেস, উত্তর প্রদেস অমসুং ছতিসগর রাজ্যশিং অমসুং য়ু.তি কয়াদা দ্রোন সর্ভে লোইশিনখ্রে।

Speaking at the distribution of property cards under SVAMITVA scheme. https://t.co/9J04CE9iiA

— Narendra Modi (@narendramodi) January 18, 2025

हमने स्वामित्व योजना शुरू की।

हमने तय किया कि ड्रोन की मदद से देश के गांव-गांव में घरों की… जमीनों की मैपिंग कराई जाएगी… गांव के लोगों को उनकी आवासीय संपत्ति के कागज दिए जाएंगे: PM @narendramodi

— PMO India (@PMOIndia) January 18, 2025

आज हमारी सरकार पूरी ईमानदारी से ग्राम स्वराज को जमीन पर उतारने का प्रयास कर रही है।

स्वामित्व योजना से गांव के विकास की प्लानिंग और उस पर अमल अब काफी बेहतर हो रहा है: PM @narendramodi

— PMO India (@PMOIndia) January 18, 2025

विकसित भारत के निर्माण में नारीशक्ति की बहुत बड़ी भूमिका है।

इसलिए बीते दशक में हमने माताओं-बेटियों के सशक्तिकरण को, हर बड़ी योजना के केंद्र में रखा है: PM @narendramodi

— PMO India (@PMOIndia) January 18, 2025

***