ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা মুম্বাইগী নেভেল দোগয়ার্দতা লালগী জহাজ অহুম আই.এন.এস সুরত, আই.এন.এস নিলগিরি অমসুং আই.এন.এস বাঘসীর লৈবাক অসিগী মীয়ামদা কৎথোকখ্রে। থৌরম অদুদা তিনখিবা মীয়ামদা ৱা ঙাংবদা প্রধান মন্ত্রী শ্রী নরেন্দ্র মোদীনা হায়খি জনুৱারি ১৫ অসি লান্মীগী নুমিৎ হায়না থৌরম পাংথোক্লি অমসুং লৈবাক অসি অশোই-অঙাম থোক্তনবা অমসুং ঙাক-শেন্নবগীদমক মখোয়গী থৱায় কৎথোকখ্রবা থৌনা ফরবা লান্মীশিংদা থৌরম অসিদা ইকায়খুম্নবা উৎচরি।

নেভি অমসুং অত্মানিভর্র ভারত অভিয়ানগী পুৱারি ওইনা ঙসি অসি ভারতকী সমুদ্রগী হেরিতেচগী অচৌবা নুমিৎ অমনি হায়না শিংথারদুনা, প্রধান মন্ত্রী শ্রী নরেন্দ্র মোদীনা হায়খি ভারত্ত ছত্রপতি সিবাজী মহারাজনা নেভিদা অনৌবা থৌনা অমসুং মঙলান অমা পীখি। সিবাজী মহারাজগী লমদমদা ভারতকী ২১শুবা চহিচাগী নেভি মপাঙ্গল কনখৎহন্নবা মাইকৈদা ঙসি সরকারনা অচৌবা খোঙথাং অমা থাংজিল্লে। অহানবা ওইনা, দেস্ত্রোয়র অমা, ফ্রিগেদ অমা অমসুং সবমেরিন অমা অমুক্তদা কম্মিসন তৌরে। ভারত্ত লালগী মরুওইবা জহাজ অহুম শেমগৎপা অসি য়াম্না চাউথোকচনিংঙাই ওইবনি। শেমগৎ-শাগৎপগী থবকশিংদা শরুক য়াখিবা ভারত নেভি অমসুং মরী লৈনবশিং অমসুং মাইপাকপা অসিগীদমক মহাক্না থাগৎপা ফোঙদোকখি।

প্রধান মন্ত্রী শ্রী নরেন্দ্র মোদীনা হায়খি  ঙসিগী থৌরম অসি ঐখোয়গী ফজরবা হেরিতেচ অমসুং ঐখোয়গী তুংগী অনিংবশিংগা মরী লৈনৈ। শাংলবা সমুদ্রগী খোঙচৎশিং, ললোন-ইতিক, নেভি অমসুং জহাজ শাবগী ভারতগকী ইনাকখুল্লবা পুৱারি অমা লৈরি। মসিগী ইনাকখুল্লবা পুৱারি অসিদগী মখা শমথরক্তুনা, ঙসিগী ভারত মালেমদা অচৌবা মেরিতাইম পৱার অমা ওইরে। ঙসি থবক হৌরিবা জহাজশিং অসিনা লৈবাক অসিগী থৌনা অদু উৎথোক্লে। আই.এন.এস নিলগিরি অসিনা চোলা শাগৈগী সমুদ্রগী মপাঙ্গল অদুদা কৎথোকপনি, অমসুং লালগী জহাজ সুরত অসিনা গুজরাতকী হিথাংফমশিংগা ভারত অমসুং নোংচুপ এসিয়াগা শম্নবা অদু নিংশিংহল্লে। চহি খরগী মমাঙদা অহানবা সবমেরিন কালবারি কম্মিসন তৌখ্রবা মতুংদা, পি৭৫ গী ৬শুবা বাঘসির সবমেরিন কম্মিসন তৌরে। হায়রিবা অনৌবা জহাজশিং অসিনা লৈবাক অসিগী সেকুরিতি অমসুং চাউখৎপা অনিমক হেনগৎহনগনি।

প্রধান মন্ত্রী শ্রী নরেন্দ্র মোদীনা হায়খি ঙসি, মরুওইনা গ্লোবেল সাউথতা ভারত অসি থাজবা য়াবা অমসুং দাইত্ব খঙবা মালেমগী মরুপ অমা ওইনা খঙনরে। লম লৌশিন্নবা ৱাখল্লোন নত্তনা, চাউখৎপগী ৱাখল্লোন অমগা লোয়ননা ভারতনা থবক তৌরি। ভারতনা মতম পুম্নমক্ত মনিংতম্বা, অশোই-অঙাম লৈতবা, খুদিংমক কোনশিনবা অমসুং নুংঙাই-য়াইফবা ইন্দো-পেসিফিক লমদম অমা শৌগৎলি। সমুদ্রগা নক্নবা লৈবাকশিং চাউখৎনবগীদমক ভারতনা সাগর (সেকুরিতি এন্দ গ্রোথ ফোর ওল ইন রিজন) লাইৱা ভারতনা হৌদোক্লে অমসুং মসিগী পান্দম খুমাঙচাউশিনহল্লে। ভারতনা জি-২০ গী প্রসিদেন্ত ওইরিঙৈদা “মালেম অমা, ইমুং অমা, তুংলমচৎ অমা” গী লাইৱা পুক্নিং থৌগৎখি। মালেম্না কোবিদ-১৯ লাইচৎ মায়োক্নবা মনুংদা ভারতকী “মালেম অমা, হকশেল অমা’ পান্দম থমখি। মসিগা লোয়ননা মালেম অসি ইমুং অমনি হায়না ভারতনা থাজখি অমসুং অপুনবা ওইনা চাউখৎমিন্নবগীদমক লৈবাক অসিনা থবক পায়খৎখি। লমদম অসি শীনবা থুংবগী ঙাক-শেনবা অসি লৈবাক অসিগী থৌদাংনি হায়না ভারতনা খল্লি।

মালেমগী ঙাক-শেনগী ফিবম, শেন্মিৎলোন অমসুং মালেমগী রাজনিতিগী ফিবমশিং শেমগৎপদা ভারতগুম্বা সমুদ্র মপান্দা লৈবা লৈবাক অমগী মরুওইবা থৌদাং লৈরি। ঈশিংগী ঙমখৈগী শরুকশিং ঙাক-শেনবা, অথিংবা লৈতনা জহাজ হোনবা অমসুং শেন-থুম চাউখৎনবা অমসুং ইনর্জি ৱাৎহন্দনবা ললোন-ইতিক্কী লম্বীশিং অমসুং সমুদ্রগী লম্বীশিং ঙাক-শেনবা অসি য়াম্না মরুওই। লমদম অসি তেরোরিজম, খুৎলায়সিং অমসুং দ্রগশিং পুথোক-পুশিন তৌবদগী ঙাকথোকপা দরকার ওই। সমুদ্রগী শরুকশিং অশোই-অঙাম থোকহন্দবা, পোৎ-চৈ পুথোক-পুশিনগী থবকশিং ফগৎহনবা অমসুং সিপ্পিং ইন্দস্ত্রি মতেং পাংনবা মালেমগী লৈবাকশিংগা পুন্না থবক তৌমিন্নবা দরকার ওই।

প্রধান মন্ত্রী শ্রী নরেন্দ্র মোদীনা হায়খি অতাংবা ধাতুশিংগুম্বা সমুদ্রগী লন-থুমশিং লান্না শীজিন্নবা অমসুং মখোয়না ফজনা শীজিন্ননবা থবক পায়খৎপা দরকার ওইরে। জহাজ হোন্নবা অনৌবা লম্বীশিংগীদমক শেন থাদবা য়াম্না মরুওই অমসুং মাইকৈ অসিদা ভারতনা লেপ্তনা থবক কয়া পায়খৎপা অসিদা অপেনবা ফাওই। ভারত মহাসাগর লমদম শীনবা থুংনা অহানবা ওইনা মতেং পাংনা চঙশিল্লকপা লৈবাক ভারতনা ওইরক্লি। হৌখিবা থা খর অসিদা ভারত নেভিনা মীওই চা কয়াগী থৱায়শিং কনখ্রে অমসুং লুপা করোর লিশিং কয়াগী লৈবাক অসিগী অমসুং মালেমগী কার্গোশিং অশোই-অঙাম থোকহনখিদ্রে, মসিদা মালেম্না ভারত, ভারতকী নেভি অমসুং কোস্ত গার্দতা থম্বা থাজবা হেনগৎলে। অসিয়ান, অস্ত্রেলিয়া, গল্ফ লৈবাকশিং অমসুং অফ্রিকাগী লৈবাকশিংগা ভারতকা শেন-থুমগী মতেং পাংনবা হেনগৎলে অমসুং ভারত মহাসাগর লমদমদা ভারতকী তৌবা ঙম্বা হেনগৎলে। ঙসিগী থৌরম অসি মিলিতির অমসুং শেন-থুমগী হিরম অনিমক্কী মরুওইবা অমনি।

২১শুবা চহিচাদা ভারত লান্মী মতমগা চুনবা মওংদা শেমগৎপা অমসুং মপাঙ্গল কনখৎহনবগী মরুওইবা পল্লদুনা, প্রধান মন্ত্রী শ্রী নরেন্দ্র মোদীনা হায়খি কংফাল, ঈশিং, অতিয়া, অরুবা সমুদ্র নত্ত্রগা মপান নাইদ্রবা স্পেস ওইবা য়াই, ভারতনা লৈবাক অসিগী মরুওইবা মফমশিং ঙাক-শেল্লি। চীফ ওফ দিফেন্স স্তফ লিংখৎপা য়াওনা মরুওইবা অওনবা কয়া লেপ্তনা পুরক্লি। লান্মীশিং হেন্না মপাঙ্গল কনখৎনবা থিয়েতর কমান্দশিং থবক ওইনা পায়খৎনবা মাইকৈদা ভারতনা য়াংনা চঙশিল্লি।

হৌখিবা চহি ১০ অসিদা ভারতকী লান্মীনা অত্মা নির্ভরতা ওইরকপা অসিগী মতাংদা থাগৎপা ফোঙদোক্লদুনা, প্রধান মন্ত্রী শ্রী নরেন্দ্র মোদীনা হায়খি অৱাবা মতম মনুংদা অতোপ্পা লৈবাকশিংগী মখা পোনবা হন্থহন্নবা শিংথানিঙাই ওইবা থবকশিং পায়খৎলে। মখা তানা মপান লৈবাকশিংদগী লৈবা দরকার ওইদ্রবা পোৎলম ৫,০০০ হেন্না আর্মদ ফোর্সশিংনা মশক খঙদোক্লে। লৈবাক অসিদা পুথোকপা খুৎলায়শিং শীজিন্নবদগী ভারত লান্মীশিংগী থাজবা হেনগৎলে। কর্নাতকাদা লৈবাক অসিগী খ্বাইদগী চাউবা হেলিকোপ্তর শানবা ফেক্তরি লিংখৎলে অমসুং লান্মীগী ত্রান্সপোর্ত এয়রক্রাফ ফেক্তরি লিংখৎলে। তেজাস ফাইত্তর প্লেন পুথোক্লে অমসুং উত্তর প্রদেস অমসুং তামিল নাদুদা দিফেন্স কোরিদোরশিং শেমগৎতুনা ঙাক-শেনগী খুৎলায়শিং য়াম্না য়াংনা পুথোকপা ঙম্লে।

প্রধান মন্ত্রী শ্রী নরেন্দ্র মোদীনা হায়খি মেক ইন ইন্দিয়াগী থবক্ত ভারত নেভিনা শিংথাবা য়াবা থবকশিং পায়খৎলে অমসুং মসিদা মাজাগোন দোকয়ার্দনা মরুওইবা থৌদাং লৌরি। হৌখিবা চহি ১০ দা নেভিদা জহাজ ৩৩ অমসুং সবমেরিন ৭ শীন্নখ্রে, জাহাজ ৪০ গী মনুংদা ৩৯ দি ভারতকী সিপয়ার্দশিং শাবনি। জাহাজশিংগী মনুংদা আই.এন.এস বিক্রান্ত এয়রক্রাফ কেরিয়র অমসুং আই.এন.এস অরিহান্ত অমসুং আই.এন.এস অরিঘাতগুম্বা ন্যুক্লিয়ার সবমেরিনশিং য়াওরি। ভারতনা ঙাক-শেনগী খুৎলায়শিং পুথোকপা লুপা করোর লাখ ১.২৫ হেল্লে অমসুং ভারতনা মপানগী লৈবাক ১০০ হেনবদা ঙাক-শেনগী খুৎলায়শিং থাদোক্লে। ভারতকী ঙাক-শেনগী লমদা য়াংনা অওনবশিং পুরক্কনি হায়বগী থাজবা থম্লি।

প্রধান মন্ত্রীনা শ্রী নরেন্দ্র মোদীনা হায়খি মেক ইন ইন্দিয়াগী থবক অসিনা ভারত লান্মীগী শক্তি হেনগৎহনবা খক নত্তনা শেন-থুম চাউখৎনবগী অনৌবা খুদোংচাবশিংশু পীরে। জাহাজ শাবদা লুপা অমা থাদবা খুদিংগী ইকোনোমিদা শরুক অনি হেনগৎহল্লি হায়না অখঙ-অহৈশিংনা হায়রি। হৌজিক লৈবাক অসিদা লুপা লাখ করোর ১.৫ রোমগী মমল ওইগদবা অচৌবা জাহাজ ৬০ শারি। মসিদা থাদরিবা শেনফম অসিনা লুপা করোর লাখ ৩ রোমগী ইকোনোমিক সর্কুলেসন অমা পীগনি অমসুং মসিনা থবক পীরকপা মতমদা শরুক তরুক হেন্না কান্নবা ফংগনি। জাহাজগী পার্তশিংগী অয়াম্বা শরুকশিং লৈবাক অসিগী এম.এস.এম.ইশিংনা শাবনি অমসুং জাহাজ অমা শাবদা চাউরাক্না শিন্মী ২,০০০ রোম শীজিন্নরবদি, মসিনা অতোপ্পা উদ্যোগশিংদা চাউরাক্না থবক ১২,০০০ রোম ফংহনগনি।

মালেমদা ৩শুবা খ্বাইদগী চাউবা ইকোনোমি অমা ওইনবা মাইকৈদা ভারতনা য়াংনা চঙশিল্লিবা অসিগী মতাংদা, প্রধান মন্ত্রীনা শ্রী নরেন্দ্র মোদীনা হায়খি মেনুফেকচরিং অমসুং মপান্দা থাদোকপদা মখা তানা চাউখৎলক্তুনা তুংদা অনৌবা জাহাজশিং অমসুং কন্তেন্নর চা কয়া দরকার ওইগনি। হিথাংফমনা লমজিংবা চাউখৎপগী নমুনা অসিনা অপুনবা শেন্মিৎলোন অমা চাউখৎহনগনি অমসুং অনৌবা থবক লিশিং কয়া ফংহনগনি। সমুদ্রগী থবকশিংদা থবক ফংবা হেনগৎলক্তুনা ভারত্ত জাহাজদা থবক তৌবা মীওই ২০১৪ দা ১,২৫,০০০ লৈরম্বদগী হৌজিক ৩,০০,০০০ য়ৌরে। ভারত হৌজিক মালেমদা জাহাজদা থবক তৌবা মীওই য়াম্না লৈবা মঙাশুবা লৈবাক ওইরে।

প্রধান মন্ত্রীনা হায়খি মদুদি মরুওইবা ৱারেপশিংগা লোয়ননা মহাক্কী সরকারগী অহুমশুবা তার্ম হৌরে অমসুং লৈবাক অসিগী দরকার ওইবশিং ফংহন্নবা অনৌবা থৌশিলশিং শেম্লে অমসুং অনৌবা প্রোজেক কয়া পায়খৎলে। মঙলান অসিগী শরুক অমা ওইনা পোর্ত সেক্তর পাকথোক-চাউথোকহনবগা লোয়ননা, লৈবাক অসিগী হিরম খুদিংমক অমসুং কাচিন-কোয়া খুদিংমক চাউখৎহন্নবা পান্দম থমলে। অহুমশুবা তার্ম অসিগী অহানবা মরুওইবা ৱারেপতি মহারাস্ত্রাদা বধাবন হিথাংফমগী অয়াবা পীখিবা অদুনি। হিথাংফম অসি লুপা করোর ৭৫,০০০ থাদদুনা শাবা হৌখ্রে অমসুং মহারাস্ত্রাদা অনৌবা থবক লিশিং কয়া পীরে।

ঙমখৈগী শরুকশিং অমসুং সমুদ্র মপানশিংদা লম্বী-থোং শেমগৎনবা হৌখিবা চহি ১০ অসিদা মমাঙদা অমুক্ত ওইখিদ্রিবা মওংদা থবক কয়া পায়খৎখিবা অসিগী মতাংদা, প্রধান মন্ত্রী শ্রী নরেন্দ্র মোদীনা হায়খি হন্দক জম্মু অমসুং কাস্মিরদা সোনামার্গ তন্নেল শঙ্গাখিবা অসিনা কার্গিল অমসুং লাদাখগুম্বা ঙমখৈগী লমশিং য়ৌবদা নুংঙাইহল্লগনি। হৌখিবা চহিদা অরুনাচল প্রদেসতা সেলা তন্নেল শঙ্গাখিবা অসিদগী লান্মীনা এল.এ.সি য়ৌবদা লাইহল্লে। হৌজিক সিনকুন লা তন্নেল অমসুং জোজিলা তন্নেলগুম্বা মরুওইবা ইনফ্রাস্ত্রকচর প্রোজেকশিং য়াংনা পায়খৎলি। ভারতমালা প্রোজেক্না ঙমখৈগী শরুকশিংদা অফবা নেসনেল হায়ৱেশিং শেমগৎলে অমসুং ঙমখৈদা লৈবা খুঙ্গংশিং চাউখৎহনবদা ভাইব্রেন্ত ভিলেজ প্রোগ্রাম্না মরুওইবা থৌদাং অমা লৌরি। মী তাদবা ইথৎশিং য়েংশিনবা অমসুং মমিং থোনবা য়াওনা, হৌখিবা চহি ১০ দা অরাপ্পদা লৈরিবা ইথৎশিং সরকারনা পুক্নিং চঙলে। ভারত মহাসাগরদা লৈবা ঈশিং মনুংগী সিমাউন্তশিংগী মমিং থোল্লে, মালেমগী লুপ অমনা হৌখিবা চহিদা অসিগুম্বা মফম মঙা মমিং থোনখ্রে। মখোয়গী মনুংদা ভারত মহাসাগরগী অশোক সিমাউন্ত, হর্সবর্ধন সিমাউন্ত, রাজা রাজা চোলা সিমাউন্ত, কালপাতারু রিজ অমসুং চন্দ্রগুপ্ত রিজ য়াওবা অসিদা ভারতকী চাউথোকচবা হেনগৎলে। তুংদা আউতর স্পেস অমসুং সমুদ্রগী অরুবা ইরোন্নু অনিমক মরুওই। হায়রিবা হিরমশিং অসিদা লৈবাক অসিগী তৌবা ঙম্বশিং হেনগৎনবা ভারতনা থবক কয়া পায়খৎলে। সমুদ্রয়ান প্রোজেক্না সমুদ্রগী ইরোন্নুংদা মিতর ৬,০০০ লুবা মফমদা সাইন্তিস্তশিং কুম্না পান্দম থম্লি, মসি লৈবাক খর খক্তনা পাংথোকপা ঙম্লি। তুংগী ওইথোকপা য়াবশিং মশক খঙদোক্নবা পায়খৎপা য়াবা থবক খুদিংমক সরকারনা পায়খৎলি। 

লোয়লম লৈঙাক্কী খুদমশিংদগী ভারত মনিংতমহন্দুনা ২১শুবা চহিচাদা থাজবগা লোয়ননা মাঙলোমদা চঙশিনবগী মরুওইবা পল্লদুনা, প্রধান মন্ত্রীনা হায়খি হিরম অসিদা ভারত নেভিনা মাঙজিল থাবা অদু উৎলে অমসুং ভারত নেভিনা মসিগী ফিরালদা ছত্রপতি সিবাজী মহারাজগী চৎনবী য়াওহল্লে অমসুং মসিগী এদমিরেল রেঙ্ক অমুক হন্না দিজাইন তৌরে। মেক ইন ইন্দিয়াগী থবক অমসুং অত্মানির্ভর ভারতকী খোঙজংনা লোয়লম লৈঙাক্কী ৱাখল্লোনশিংদগী মনিংতমহল্লে। লৈবাক অসিনা মখা তানা চাউথোকচবগী মিকুপশিং ফংগনি অমসুং বিকসিত ভারত অমা শেমগৎপদা মতেং পাংগনি। থৌদাংশিং খেন্নরবশু, বিকসিত ভারত অমগী পান্দমশিং চপ মান্নৈ। ঙসি হৌদোক্লিবা লালগী জাহাজ অহুম অসিনা লৈবাক অসিগী ৱাশক মপাঙ্গল কনখৎহনগনি অমসুং মীয়ামদা মহাক্কী য়াইফ-পাউজেল পীজরি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা মহারাস্ত্রাগী রাজ্যপাল শ্রী সি.পি রাধাকৃষ্ণন, দিফেন্সকী য়ুনিয়ন মিনিস্তর শ্রী রাজনাথ সিংহ, মহারাস্ত্রাগী চীফ মিনিস্তর শ্রী দেবেন্দ্র ফদনাবিস, দিফেন্সকী রাজ্য মন্ত্রী শ্রী সঞ্জয় সেথ, মহারাস্ত্রাগী দিপুতি চীফ মিনিস্তরশিং শ্রী একনাথ সিন্দে, শ্রী অজিত পৱার য়াওখি।

নুঙগীৱারোল

লালগী জহাজ অহুম থবক হৌবা অসি ঙাক-শেনগী মেনুফেকচরিং অমসুং সমুদ্রগী ঙাক-শেনগী লমদা মালেমগী লুচিংবা অমা ওইরক্নবা ভারতকী মঙলান মঙফাওনবা ঙম্নবা মাইকৈদা থাংজিনবা মরুওইবা খোঙথাং অমনি। পি১৫বি গাইদেদ মিসাইল দেস্ত্রোয়র প্রোজেক্কী মরিশুবা অমসুং অরোইবা জহাজ আই.এন.এস সুরত অসি মালেমদা খ্বাইদগী চাউবা অমসুং অনৌবা দেস্ত্রোয়রশিংগী মনুংদা অমনি। মসি লৈবাক অসিদা শাজবা মচাক চাদা ৭৫ য়াওবা জহাজ অমনি অমসুং খ্বাইদগী নৌবা ৱিপন-সেন্সর পেকেজশিং অমসুং অৱাংবা থাক্কী নেতৱার্ককী খুদোংচাবশিং য়াওরে। পি১৭এ স্ত্রিল্থ ফ্রিগেদ প্রোজেক্কী অহানবা জহাজ আই.এন.এস নিলগিরি অসি ইন্দিয়ান নেভেগী ৱারশিপ দিজাইন ব্যুরোনা দিজাইন তৌবনি অমসুং মসি তুংগী মীরোলগী লৈবাক অসিদা শাজবা ফ্রিগেদশিংগী মমি তাবা ওইনা সর্ভাইবেল, সিকিপ্পিং অমসুং স্ত্রিল্থগী খুদোংচাবশিং মপুংফানা য়াওরে। পি৭৫ স্কোর্পেন প্রোজেক্কী তরুকশুবা অমসুং অরোইবা সবমেরিন আই.এন.এস ভাঘসির অসি সবমেরিন শাবদা ভারতকী হৈথোই-শিংথোইবা উৎলে অমসুং ফ্রান্সকী নেভেল গ্রুপকী মতেংগা লোয়ননা শাখিবনি।

The commissioning of three frontline naval combatants underscores India’s unwavering commitment to building a robust and self-reliant defence sector. Watch LIVE from Mumbai. https://t.co/d1fy14qcrT

— Narendra Modi (@narendramodi) January 15, 2025

A significant step towards empowering the Indian Navy of the 21st century. pic.twitter.com/WWIXfTQiV7

— PMO India (@PMOIndia) January 15, 2025

Today’s India is emerging as a major maritime power in the world. pic.twitter.com/gSXgzKsEAJ

— PMO India (@PMOIndia) January 15, 2025

Today, India is recognised as a reliable and responsible partner globally, especially in the Global South. pic.twitter.com/Edls5QqnCB

— PMO India (@PMOIndia) January 15, 2025

India has emerged as the First Responder across the entire Indian Ocean Region. pic.twitter.com/nxBF4ejb2d

— PMO India (@PMOIndia) January 15, 2025

Be it land, water, air, the deep sea or infinite space, India is safeguarding its interests everywhere. pic.twitter.com/YhADsQns7y

— PMO India (@PMOIndia) January 15, 2025

***