ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা জম্মু অমসুং কাস্মিরদা সোনামার্গ তন্নেল শঙ্গাখ্রে। থৌরম অদুদা মীয়ামদা ৱা ঙাংবদা, জম্মু অমসুং কাস্মির অমসুং ভারত চাউখৎনবা থবক শুখিবা অমসুং মখোয়গী পুন্সিশিং খুদোথিবা কয়া মায়োক্নখিবা শিন্মীশিং মহাক্না থাগৎপা ফোঙদোকখি। প্রধান মন্ত্রী শ্রী নরেন্দ্র মোদীনা হায়খি খুদোংচাদবা কয়া মায়োক্নরবশু, ঐখোয়গী ৱাশক নিংহন্নদে। মখোয়গী অচেৎপা ফিরেপশিংগীদমক অমসুং থবক লোইশিন্নবা খুদোংচাদবা কয়া মায়োক্নবগীদমক শিন্মীশিং থাগৎপা ফোঙদোকচরি। শিন্মী ৭ লৈখিদবদা প্রধান মন্ত্রী শ্রী নরেন্দ্র মোদীনা অৱাবা ফোঙদোকখি।

ফজরবা উন্না কুপ্পা চীঙজাউশিং অমসুং নুংঙাইরবা নোং-চিংগী ফিবম অসিগীদমক থাগৎলদুনা, প্রধান মন্ত্রী শ্রী নরেন্দ্র মোদীনা হায়খি হন্দক জম্মু অমসুং কাস্মিরগী চীফ মিনিস্তরনা সোসিএল মেদিয়াদা ফোতো খর থাগৎলকপা অদু উরুবদগী মহাক জম্মু অমসুং কাস্মিরদা চৎনিংবগী ইখৌ লাংবা হেনগৎলকখি। মহাক্না নহা ওইরিঙৈদা মহাক্কী দলগী থবক্কীদমক মহাক লমদম অসিদা য়াম্না তোইনা লাকখ্রে। সোনামার্গ, গুলমার্গ, গান্দরবাল অমসুং বারামুল্লাগুম্বা মফমশিংদা লৈখ্রে অমসুং পুং কয়া, কিলোমিতর কয়া চৎখি। উন য়াম্না তারবশু, জম্মু অমসুং কাস্মিরগী মীয়াম্না তরাম্না ওকপা অসিদগী অইংবা ফাওদ্রে।

প্রধান মন্ত্রী শ্রী নরেন্দ্র মোদীনা হায়খি ঙসি অসি অখন্নবা নুমিৎ অমনি। লৈবাক শীনবা থুংনা কুহ্মৈগী ফিবম অমদা লৈরি। মীওই মিল্লিয়ন কয়া ঈরুপ্নবা পুন্দুনা প্রায়াগ্রাজদা মহা কুম্ভ হৌরে। পঞ্জাবতা লোহরি অমসুং অৱাং ভারতকী অতোপ্পা মফমশিংদা উত্তরায়ান, মকর সংক্রান্তি অমসুং পোঙ্গালগুম্বা কুহ্মৈশিং পাংথোক্লি। কুহ্মৈশিং অসি পাংথোক্লিবা মীয়ামগী মফমদা য়াইফ-পাউজেল পীজরি। তম্পাক অসিদা নুমিৎ ৪০ গী চিল্লাইকান মায়োক্নরি অমসুং মীয়াম্না কা হেন্না ইংবগী অৱাবা অসি খাংবগীদমক থাগৎপা ফোঙদোকচরি। চহি অসিদা সোনামার্গগুম্বা লমকোয়ফমশিংদা অনৌবা খুদোংচাবা কয়া পীরে, কাস্মিরগী ফজবা য়েংনবা লৈবাক শীনবা থুংবগী মীওইশিংগী পুক্নিং চিংশিল্লে।

প্রধান মন্ত্রী শ্রী নরেন্দ্র মোদীনা হায়খি হন্দক জম্মু রেল দিবিজনগী উরেপ-উয়ুং তমখ্রে। মসি মীয়াম্না মতম কয়াগী মমাঙদগী তক্নদুনা লাক্লবনি। সোনামার্গ তন্নেল শঙ্গাদুনা জম্মু অমসুং কাস্মির অমসুং লাদাখকী মীয়াম্না মতম কয়াগী মমাঙদগী তক্নদুনা লাকপা অদু থবক ওইনা পাংথোক্লে। তন্নেল অসিনা সোনামার্গ, কার্গিল অমসুং লেহগী মীয়ামগী পুন্সি হিংবদা লাইবা হেনগৎহল্লগনি। উন নিংখায়রকপা, উন য়াম্না কন্নবা তাবা অমসুং চীং নিংখায়রকপা মতমদা তোইনা লম্বীশিং থিংজিনবগী খুদোংচাদবশিং তন্নেল অসিনা কোকহল্লগনি। তন্নেল অসিনা অচৌবা হোস্পিতালশিং য়ৌবা নুংঙাইহল্লগনি অমসুং মীয়াম্না থেংনরিবা অৱাবশিং হন্থহন্দুনা তঙাইফদবা পোৎলমশিং ফংহনবা ঙম্লগনি।

প্রধান মন্ত্রী শ্রী নরেন্দ্র মোদীনা হায়খি মহাক্কী সরকার লাক্লবা মতুংদা ২০১৫ দগী সোনামার্গ তন্নেল শেমগৎপা হৌখিবনি। মহাক্কী লৈঙাক মখাদা তন্নেল শেমগৎপদা লোইশিনখিবদা মহাক অপেনবা ফাওই। তন্নেল অসিনা নিংথম থা মনুংদা চৎথোক-চৎশিন য়াহনগনি অমসুং লমদম অসিগী তুরিজম চাউখৎহনগনি। লাক্লিবা নুমিৎ খরনি অসিদা জম্মু অমসুং কাস্মিরদা লম্বী অমসুং রেলগী প্রোজেক কয়া লোইশিল্লগনি। অনৌবা জম্মু অমসুং কাস্মিরগী শরুক অমা ওইনা নৌবা লম্বীশিং, রেলৱেশিং, হোস্পিতালশিং অমসুং কলেজশিং শেমগৎলে। তন্নেল অসিগীদমক অমসুং চাউখৎপগী অনৌবা যুগ অমগীদমক মীওই খুদিংমক হরাওবা ফোঙদোকচরি। 

প্রধান মন্ত্রী শ্রী নরেন্দ্র মোদীনা হায়খি ২০৪৭ দা বিকসিত ভারত অমা ওইনবা ভারত মাঙলোলমদা চঙশিল্লি অমসুং মসিদা লমদম অমতা নত্ত্রগা ইমুং অমা চিৎথরম্লোই। “সবকা সাথ, সবকা বিকাস” গী ৱাখল্লোন্দা সরকারনা থবক পায়খৎলি অমসুং হৌখিবা চহি ১০দা, জম্মু অমসুং কাস্মির য়াওনা লৈবাক অসিদা লায়রবা ইমুং করোর ৪ হেন্না পাক্কাগী য়ুমশিং ফংলে। মীওই করোর কয়া লেম্না লায়েংবগী খুদোংচাবশিং ফংলে, মসিদা জম্মু অমসুং কাস্মিরগী মীয়ামশু কান্নবা ফংলে। নহারোলশিংগী লাইরিক-লাইশু তম্নবা লৈবাক শীনবা থুংনা অনৌবা আই.আই.তিশিং, আই.আই.এমশিং, এ.আই.আই.এম.এসশিং, মেদিকেল কলেজশিং, নর্সিং কলেজশিং অমসুং পোলিতেক্নিক কলেজশিং লিংখৎলে। হৌখিবা চহি ১০দা রাজ্য অসিদা অৱাংবা থাক্কী মহৈলোয়শঙ কয়া লিংখৎলে অমসুং লমদম অসিগী নহারোলশিং কান্নবা ফংলে।

জম্মু অমসুং কাস্মিরদগী অরুনাচল প্রদেস ফাওবা ইনফ্রাস্ত্রকচর চাউখৎনবা পায়খৎলিবা থবকশিংগী মতাংদা, প্রধান মন্ত্রী শ্রী নরেন্দ্র মোদীনা হায়খি রাজ্য অসিদা মালেমদা খ্বাইদগী ৱাংবা তন্নেলশিং অমসুং খ্বাইদগী ৱাংবা রেল-রোদ থোঙশিং শেমগৎতুনা, জম্মু অমসুং কাস্মির অসি তন্নেলশিং, অৱাংবা থোঙশিং অমসুং রোপৱেশিংগী মফম অমা ওইরে। চেনাব ব্রিজ অসি ইঞ্জিনিয়ারিংগী অঙকপা অমা ওইনা, হন্দক পেসেঞ্জর ত্রেন অমা চাংয়েং ওইনা চেনখ্রে। কেবল ব্রিজ, জোজিলা, চেনানি নাসর অমসুং সোনামার্গ তন্নেল প্রোজেকশিং অমসুং উধাম্পুর-শ্রীনগর-বারামুল্লা রেল লিঙ্ক প্রোজেক্না কাস্মিরগী রেলৱে ফগৎহল্লে। সঙ্করাচার্য়া লাইশঙ, সিবখোরি অমসুং বালতাল-অমরনাথ রোপৱেশিং অমসুং কাত্রা-দিল্লি এক্সপ্রেসৱে স্কিমশিং রাজ্য অসিদা পায়খৎলি। নেসনেল হায়ৱে প্রোজেক মরি অমসুং রিং রোদ অনি য়াওনা হৌজিক জম্মু অমসুং কাস্মিরদা লুপা করোর ৪২,০০০ হেনবগী লম্বী-থোংগী প্রোজেকশিং পায়খৎলি। সোনামার্গকী অসিগুম্বা তন্নেল ১৪ হেন্না শেমগৎলে অমসুং জম্মু অমসুং কাস্মির লৈবাক অসিদা লম্বী-থোং খ্বাইদগী য়াম্না লৈবা মফম অমা ওইরে।

বিকসিত ভারত অমা ওইরক্নবা ভারতকী খোঙচত্তা তুরিজম সেক্তরনা লৌরিবা থৌদাংগী মতাংদা, প্রধান মন্ত্রী শ্রী নরেন্দ্র মোদীনা হায়খি লম্বী-থোঙ ফগৎলকপা অসিনা জম্মু অমসুং কাস্মিরগী হান্না মশক খঙলমদবা মফমশিং লমকোয়বা লাকপা মীওইশিং য়ৌবা ঙম্লগনি। হৌখিবা চহি ১০ অসিদা লমদম অসিদা শান্তি অমসুং চাউখৎপা পুরকপগী কান্নবা তুরিজম সেক্তরনা মাঙজৌননা ফংখ্রে। ২০২৪ দা জম্মু অমসুং কাস্মিরদা লমকোয়বা মীওই করোর ২ হেন্না লাকখি, হৌখিবা চহি ১০ দা সোনামার্গতা লাকপা লমকোয়বা মীওইশিং শরুক তরুক হেনগৎলে। মসিনা লমদম অসিগী হোতেলশিং, হোমস্তেশিং, ধাবাশিং, ফিরোল য়োনবা দুকানশিং অমসুং তেক্সি চেল্লিবশিং কান্নবা ফংলে।

প্রধান মন্ত্রী শ্রী নরেন্দ্র মোদীনা হায়খি ২১শুবা চহিচাগী জম্মু অমসুং কাস্মিরনা চাউখৎপগী অনৌবা পন্দুব অমা ইরে। হৌখ্রবা মতমগী অৱাবশিং অদু কাউথোক্লগা, ঙসিদি লমদম অসি মালেমদা লৈবা লাইরৈবাক অমনি হায়না অমুক হন্না মশক তাক্লে। ঙসি মীয়াম্না অহিংদা লাল চোকতা হাওনা আইজ ক্রিম চারে অমসুং মফম অসি য়াম্না নুংঙাইরে। মফম অসিদা য়াম্না তোইনা ঈশৈগী থৌরমশিং পাংথোক্তুনা, লমদম অসিগী কলাকারশিংনা পোলো ভিয়ু মার্কেত অসি অনৌবা মফম অমা ওন্থোক্লে। হৌজিক শ্রীনগরগী মীয়াম্না মখোয়গী ইমুং-মনুংশিংগা সেনিমা হোলশিংদা নুংঙাইনা সেনিমাশিং য়েংলে অমসুং নুংঙাইনা পোৎ-চৈ লৈরে। অসিগুম্বা শিংথাবা য়াবা মাইপাকপা অসি সরকার খক্তনা পুরকপা ওইথোক্লোই অমসুং গনতন্ত্র মপাঙ্গল কনখৎহনবা অমসুং মখোয়গী তুংগী পুন্সি অশোই-অঙাম থোকহন্দবা অসি জম্মু অমসুং কাস্মিরগী মীয়ামনা হোৎনবদগীনি। শান্নবদা জম্মু অমসুং কাস্মিরগী নহারোলশিংগী তুংগী অফবা কয়া লৈরি। থা খরগী মমাঙদা শ্রীনগরদা অহানবা ইন্তরনেসনেল মরাথোন পাংথোকখ্রে অমসুং মসি উবদা নহারোল কয়া হরাওখি। চীফ মিনিস্তরনা মরাথোন শরুক য়াখিবগী ভিদিও ভাইরেল চৎখি অমসুং মখোয়না থৱায় য়াওখিবা অদু দিল্লিদা পাংথোকখিবা মীফম অমদা খন্নখি।

হৌজিক জম্মু অমসুং কাস্মিরগী অশেংবা যুগ অমনি হায়না থাগৎলদুনা, প্রধান মন্ত্রী শ্রী নরেন্দ্র মোদীনা হায়খি চহি ৪০ গী মতুংদা লমদম অসিদা ইন্তরনেসনেল ক্রিকেত লিগ পাংথোকখ্রে অমসুং ফজরবা দাল পাৎকী অকোয়বদা কার লমজেল তান্নবা উরে। খেলো ইন্দিয়া ৱিন্তর গেমস মরি পাংথোক্তুনা অমসুং মথং থা খরগী মতুংদা মঙাশুবা ইদিসন পাংথোক্তুনা, গুলমার্গ ভারতকী ৱিন্তর গেমসকী কোনুং ওইরে। হৌখিবা চহি অনিদা, জম্মু অমসুং কাস্মিরদা পাংথোকখিবা তোঙান তোঙানবা শান্নবগী তুর্নামেন্তশিংদা লৈবাক শীনবা থুংবগী শান্নোয় ২,৫০০ হেন্না শরুক য়াখ্রে। লমদম অসিদা খেলো ইন্দিয়া সেন্তর ৯০ হেন্না লিংখৎতুনা, লমদম অসিগী নহারোল ৪,৫০০ হেন্না ত্রেনিং পীরে।

জম্মু অমসুং কাস্মিরগী নহারোলশিংগী অনৌবা খুদোংচাবশিং পীরিবা অসিগী মতাংদা, প্রধান মন্ত্রী শ্রী নরেন্দ্র মোদীনা হায়খি জম্মু অমসুং অবান্তিপোরাদা এ.আই.আই.এম.এস শাগৎপা য়াংনা পায়খৎলি, মসিনা লায়েংনবা লৈবাক অসিগী অতোপ্পা মফমশিংদা চৎপা হন্থহল্লগনি। জম্মুদা লৈরিবা আই.আই.তি, আই.আই.এম অমসুং সেন্ত্রেল য়ুনিভর্সিতি কেম্পসনা অফবা লাইরিক-লাইশু তম্বগী খুদোংচাবশিং ফংহল্লে। লমদম অসিগী খুৎহৈবশিং পি.এম বিশ্বকর্মা স্কিমনা অমসুং জম্মু অমসুং কাস্মির সরকারগী অতোপ্পা থবকশিংনা শৌগৎলি। লমদম অসিদা অনৌবা উদ্যোগশিং লিংখৎনবা মখা তানা থবকশিং পায়খৎলি, লুপা করোর ১৩,০০ রোম থাদদুনা নহারোলশিংগী থবক লিশিং কয়া ফংহল্লে। জম্মু অমসুং কাস্মরি বেঙ্কগী থবক ফগৎলক্তুনা, হৌখিবা চহি ৪ অসিদা লুপা করোর লাখ ১.৬ দগী লুপা করোর লাখ ২.৩ দা হেনগৎলকপা অসি থাগৎনিঙাইনি। লমদম অসিগী নহারোলশিং, লৌমীশিং, উহৈ থাবা লৌমীশিং, দুকান ফম্বশিং অমসুং ওন্ত্রাপ্রেনিউয়রশিংদা লোনশিং ফংহনবা বেঙ্ক অসিনা হেনগৎলে।

জম্মু অমসুং কাস্মিরদা অওনবশিং পুরক্তুনা হৌজিক ওইরিবা চাউখৎপগী ফিবম অমদা লাকখিবা অসিগী মতাংদা, প্রধান মন্ত্রী শ্রী নরেন্দ্র মোদীনা হায়খি লৈবাক অসিগী লুহুপ ওইরিবা কাস্মিরগদা চাউখৎপগী সনাগী লৈতেংগী পোৎলমশিং থোল্লবা মতমদা বিকসিত ভারত অমগী মঙলান মঙফাওনবা ঙমগনি। কাস্মির হেন্না ফজহনবা অমসুং নুংঙাই য়াইফহনবা অসি মহাক্কী অপাম্বনি। থবক অসিগীদমক লমদম অসিগী নহারোলশিং, অহলশিং অমসুং অঙাংশিং মখা তানা শৌগৎকনি। মখোয়গী মঙলানশিং মঙফাওনবা ঙম্নবা রাজ্য অসিগী মীয়াম পুকচেল শেংনা থবক তৌরি অমসুং লমদম অসি অমসুং লৈবাক অসি চাউখৎনবা মতেং পাংলি। মীয়ামগী থবকশিংদা মহাক্না মতেং পাংগনি অমসুং চাউখৎ-থৌরাংগী প্রোজেকশিং অসিগীদমক জম্মু অমসুং কাস্মিরগী ইমুং খুদিংমক্ত হরাওবা ফোঙদোকচরি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা জম্মু অমসুং কাস্মিরগী লেপ্তনেন্ত গভর্নর শ্রী মনোজ সিনহা, জম্মু অমসুং কাস্মিরগী চীফ মিনিস্তর শ্রী ওমর অবদুল্লাহ, রোদ ত্রান্সপোর্ত অমসুং হায়ৱেজগী য়ুনিয়ন  মিনিস্তর শ্রী নিতিন গাদকরি, কেন্দ্রগী রাজ্য মন্ত্রী দোক্তর জিতেন্দ্র সিংহ অমসুং শ্রী অজয় তামতা য়াওখি।

নুঙগীৱারোল

চাউরাক্না কিমি ১২ রোম শাংবা সোনামার্গ তন্নেল প্রোজেক অসি লুপা করোর ২,৭০০ হেন্না চঙনা শেমগৎপনি। মসিদা সোনামার্গ মেন  তন্নেল, এগ্রেস তন্নেল অমা অমসুং তন্নেল ফাওবা য়ৌরক্নবা লম্বীশিং য়াওরি। সমুদ্রা ইমায়দগী ফিত ৮,৬৫০ হেন্না ৱাংবা মফম অমদা লৈদুনা, মসিনা চীং অমসুং উন নিংখায়বা লম্বীশিং নাথৈরম্লগা, শ্রীনগর অমসুং সোনামার্গতগী লেহ ফাওবা চহি চুপ্পা চৎপা য়াবা লম্বী লৈহনগনি অমসুং য়াম্না মরুওইবা লাদাখ লমদমদা অশোই-অঙাম থোকহন্দনা অমসুং অপনবা পীদনা চৎথোক-চৎশিন য়াহনগনি। সোনামার্গ চহি চুপ্পা লমকোয়বা লাকপা য়াবা মফম অমা ওইহন্দুনা তুরিজমদা অচৌবা ইনোৎ অমা পীগনি, নিংথম থাগী তুরিজম, এদভেঞ্জর স্পোর্তসশিং অমসুং লমদম অদুগী হিংনবা লম্বীশিং ফগৎহনগনি।

২০২৮ দা লোইশিন্নবা পান্দম থম্লিবা জোজিলা তন্নেলগা লোয়ননা, মসিনা লম্বীগী অশাংবা কিমি ৪৯ দগী কিমি ৪৩ দা হন্থহনগনি অমসুং গারিগী অয়াংবা পুংদা কিমি ৩০ দগী পুংদা কিমি ৭০ দা হেনগৎহনগনি অমসুং শ্রীনগর তম্পাক অমসুং লাদাখকী মরক্ত এন.ঐচ-১ না শম্নহগনি। মসিগী চৎথোক-চৎশিনগী খুদোংচাবা ফগৎহনবা অসিনা জম্মু অমসুং কাস্মির অমসুং লাদাখ লমদম শীনবা থুংনা প্রোজেক অসিনা ঙাক-শেনগী খুৎলায়শিং পুথোক-পুশিন তৌবা শেন-থুম চাউখৎপা অমসুং নাত অমসুং চৎনবীগী অপুনবা শক্তম শাগৎপা হেনগৎহনগনি।

খুদোংচাদবা ফিবমশিংদা হৈশিংনা থবক শুরিবা শিন্মীশিংগা প্রধান মন্ত্রীগা উনখি অমসুং ইঞ্জিনিয়ারিংগী মাইপাকপা অসিদা মখোয়না পাংথোকখিবা থবকশিংগীদমক ইকায়খুম্নবা উৎখি।

Delighted to be amongst the wonderful people of Sonamarg. With the opening of the tunnel here, connectivity will significantly improve and tourism will see a major boost in Jammu and Kashmir. https://t.co/NQnu19ywpi

— Narendra Modi (@narendramodi) January 13, 2025

The Sonamarg Tunnel will give a significant boost to connectivity and tourism. pic.twitter.com/AuIw5Kqla3

— PMO India (@PMOIndia) January 13, 2025

Improved connectivity will open doors for tourists to explore lesser-known regions of Jammu and Kashmir. pic.twitter.com/QCd4aCcMRA

— PMO India (@PMOIndia) January 13, 2025

Jammu and Kashmir of the 21st century is scripting a new chapter of development. pic.twitter.com/WddTnuNAxv

— PMO India (@PMOIndia) January 13, 2025

कश्मीर तो देश का मुकुट है…भारत का ताज है। इसलिए मैं चाहता हूं कि ये ताज और सुंदर हो… और समृद्ध हो: PM @narendramodi pic.twitter.com/HwvBJXhUxb

— PMO India (@PMOIndia) January 13, 2025

****