ভারতকী প্রধানমন্ত্রী

জাতিগী নহারোলগী নুমিৎ থৌরমদা, শ্বামী বিবেকানন্দগী মপোক নুমিৎ পাংথোকপা ওইনা, ঙসি নিউ দিল্লিগী ভারত মান্দপমদা প্রধান মন্ত্রী শ্রী নরেন্দ্র মোদীনা বিকসিত ভারত য়ং লিদর্স দাইলোগ ২০২৫ শরুক য়াখ্রে। মহাক্না ভারত শীনবা থুংবগী নহা ওইরিবা লুচিংবা ৩০০০ উনখি। থৌরম অদুদা মীয়ামদা ৱা ঙাংবদা, প্রধান মন্ত্রী শ্রী নরেন্দ্র মোদীনা হায়খি ভারতকী নহারোলশিংগী থৌনা অসিনা ভারত মান্দপমদা পুন্সি অমসুং থৌনা পুরক্লে। লৈবাক অসিগী নহারোলশিংগী থৌনাদা থাজবা লৈখিবা শ্বামী বিবেকানন্দগী মফমদা লৈবাক শীনবা থুংনা ইকায়খুম্নবা উৎলি অমসুং মহাক নিংশিংলি। মহাক্কী সেবকশিং, নোংশাগুম্না খুদোংচাদবা খুদিংমক কোকহনবা ঙম্বা নহারোলশিংদগী ওইগদবনি হায়বা শ্বামী বিবেকানন্দনা থাজবা থমখি। শ্বামীজিনা নহারোলশিংদা থাজবা থম্বগুম মহাক্না শ্বামীজি অমসুং মহাক্কী ফিদমশিংদা থাজবা থম্লি। নহারোলশিংদা থম্লিবা মহাক্কী মঙলান অসিগীদমক মহাক্না শ্বামীজি মপুংফানা থাজৈ। করিগুম্বা ঙসি শ্বামীজি ঐখোয়গী ইরক্ত লৈরম্লবদি ২১শুবা চহিচাগী নহারোলশিংগী হোৎনবা কনবা অমসুং শক্তি উবদা মহাক অনৌবা থাজবনা থনগনি।

ভারত মান্দপমদা জি-২০ মীফম পাংথোকখিবা অদু নিংশিংলদুনা, প্রধান মন্ত্রী শ্রী নরেন্দ্র মোদীনা হায়খি মালেমগী তুংগীদমক খন্ননবা মফম অসিদা মালেমগী লুচিংবশিং পুনখি অমসুং ভারতকী মথং চহি ২৫ গী লম্বী শেম্নবা ঙসি ভারতকী নহারোলশিং পুল্লি। থা খরগী মমাঙদা মহাক্কী য়ুমদা নহা ওইরিবা শান্নরোয়শিংগা উনখি। উনবা অদুদা শান্নরোয় অমনা হায়খি, “মালেমগী ওইনা অদোম প্রধান মন্ত্রী অমনি, অদুবু, ঐখোয়গী ওইনা, অদোম পারম মিত্রানি”। ভারতকী নহারোলশিংগা মহাক্কা অচেৎপা মরী লৈনরি অমসুং মরুপ-মপাং  ওইবগী খ্বাইদগী কনবা মরী অসি থাজনবনি। নহারোলশিংদা থাজবা লৈবদগী MY Bharat শেম্নবা অমসুং বিকসিত ভারত য়ং লিদর্স দাইলোগকী য়ুম্ফম থোনখিবনি। ভারতকী নহারোলশিংগী থৌনাদগী অথুবা মতমদা ভারত চাউখৎলবা লৈবাক অমা ওইরগনি। নহারোল মিল্লিয়ন কয়াগী অপুনবা থবকশিংনা চাউখৎপগী চকাশিং চেনহল্লি অমসুং লৈবাক অসি চিংনবা লৈতনা মসিগী পান্দম য়ৌবা ঙমগনি।

প্রধান মন্ত্রী শ্রী নরেন্দ্র মোদীনা হায়খি পুৱারিনা ঐখোয়দা তম্বীরি অমসুং ঐখোয়দা ইথিল পীরি। অচৌবা মঙলানশিং অমসুং ৱাশক কয়া লৈখিবা লৈবাকশিং মখোয়গী পান্দমশিং ফংখি। য়ু.এস.এদা ১৯৩০ গী মতমদা শেন-থুমগী অৱাবশিং মায়োক্নবা মতমদা, অমেরিকামচাশিংনা অনৌবা থবক অমা খনখি অমসুং অৱাবা কোকহনবা খক নত্তনা মখোয়গী চাউখৎপা য়াংখৎহনখি। হিংবদা চঙবা তঙাইফদবশিং ফাওবা ফংদবগী অৱাবা মায়োক্নখিবা শিঙ্গাপুর থকশি-খাশি লৈবা অমসুং অপুনবগী থবকশিংদগী মালেমগী শেন-থুম অমসুং ললোন-ইতিক্কী মফম অমা ওইখি। ভারতকী মসিগা মান্নবা খুদমশিং লৈরি। নিংতম্নবগী ইহৌ লৈখি অমসুং নিংতম্লবা মতুংদা চীঞ্জাক ৱাৎপগী অৱাবা কোকহনখি। অচৌবা পান্দমশিং থম্বা অমসুং অকক্নবা মতম অমগী মনুংদা মখোয় ফংবা হায়বসি অরুবা অমা নত্তে। নাখৈ শেংবা পান্দম অমা লৈতনা, করিগুম্বা অমতা ফংবা ঙম্লোই অমসুং মসিগী ৱাখল্লোন অসিদা ঙসিগী ভারত থবক তৌরি।

প্রধান মন্ত্রী শ্রী নরেন্দ্র মোদীনা হায়খি হৌখিবা চহি ১০ দা পান্দম কয়া ফংবা ঙম্লে। ভারতনা লমহাংদা খোঙহাম্বগী অৱাবা কোকহল্লে অমসুং থা ৬০ গী মনুংদা মীওই করোর ৬০ পান্দম অসি ফংবা ঙম্লে। হৌজিক ভারতকী ইমুং খুদিংমক বেঙ্কগী খুদোংচাবশিং ফংলে অমসুং গ্যাস কন্নেক্সন মিল্লিয়ন ১০০ হেন্না পীদুনা নুপীশিং চাকখুমগী মৈখুদগী মনিংতম্লে। তোঙান-তোঙানবা হিরমশিংদা ভারতনা পান্দমশিং ফংবা ঙম্লে। কোবিদ-১৯ লাইচৎ মনুংদা, মালেম্না তিকাশিংগী লান্থেংনরিঙৈদা, ভারতকী সাইন্তিস্তশিংনা মাঙজৌননা তিকা অমা পুথোকখি। ভারত্ত মীওই খুদিংমক তিকা থাবদা চহি ৩-৪ চঙগনি হায়না মাঙজৌননা লাউথোক্লবশু, অকক্নবা মতমগী মনুংদা লৈবাক অসিদা মালেমদা খ্বাইদগী চাউবা তিকা থাবগী থবক পাংথোকখি। গ্রিন ইনর্জগী মতাংদা পীখিবা থাজবশিং ভারতনা থবক ওইনা পাংথোক্লে। থানখিবা মতমদগী চহি ৯ ঙনখৎনা, পেরিস এগ্রিমেন্তদা য়ানখিবশিং থবক ওইনা পাংথোকপা মালেমগী অহানবা লৈবাক ভারতনা ওইরে। ২০৩০ ফাওবগী মনুংদা পেত্রোলদা ইথানোল চাদা ২০ য়ানশিন্নবা থমখিবা পান্দম অদু ভারতনা ঙনখৎনবা ফংবা ঙম্লে। হায়রিবা মাইপাকপশিং অসিনা ইথিল অমা ওইরে অমসুং বিকসিত ভারত অমগী পান্দম ফংনবা ভারত নকশিল্লক্লে।

প্রধান মন্ত্রী শ্রী নরেন্দ্র মোদীনা হায়খি অচৌবা পান্দমশিং ফংবা অসি সরকার খক্তগী দাইত্ব নত্তে, মসিদা মীওই খুদিংমক্কী অপুনবা থবক দরকার ওই। লৈবাক্কী পান্দমশিং ফংনবা হোৎনবদা খন্ন-নৈনবা, মাইকৈ তাকপা অমসুং মপু ওইবগী ৱাখল্লোন চেনবা য়াম্না মরুওই। নহারোলশিং কুইজশিং, এসে ইবা চাংদম্নবশিং অমসুং প্রসেন্তেসনশিংদা শরুক য়াহন্দুনা বিকসিত ভারত য়ং লিদর্স দাইলোগনা মসিগী থবক অসি খুদম ওইনা উৎলে। বিকসিত ভারত অমগী পান্দম ফংনবা মখোয়গী থৌদাং উৎপগীদমক নহারোলশিং থাগৎপা ফোঙদোক্লি অমসুং মখোয়গী থবকশিং অদু ঙসি ফোঙখিবা এসেগী লাইরিক অমসুং প্রসেন্তেসন ১০ অসিদা উবা ফংলে। লৈবাক অসিনা মায়োক্নরিবা খুদোংচাদবশিং নহারোলশিংনা খঙলে। মখোয়গী ৱাখল খনবা পাকথোক-চাউথোকহনবা অমসুং অখঙ-অহৈশিং, মিনিস্তরশিং অমসুং থৌশিল শেম্বশিংগা খন্ন-নৈনবদা থৱায় য়াওনা শরুক য়াবগীদমক নহারোলশিং থাগৎচরি। য়ং লিদর্স দাইলোগ অসিদগী ফংলবা অনৌবা ৱাখলশিং অমসুং পাউতাকশিং হৌজিক লৈবাক্কী থৌশিলশিংগী শরুক অমা ওইরগনি, লৈবাক অসিগী চাউখৎপদা লমজিংগনি। নহারোল লাখ ১ রাজনিতিদা শরুক য়াহন্নবা থবক পায়খৎপা হৌরে অমসুং মখোয়গী পাউতাকশিং থবক ওইনা পায়খৎপদা নহারোলশিং থৱায় য়াওনা শরুক য়াগদবনি।

প্রধান মন্ত্রী শ্রী নরেন্দ্র মোদীনা হায়খি বিকসিত ভারত অমা ওইহনবদা লৈবাক অসিগী শেন-থুম, লাল্লোং, খুন্নাই অমসুং নাত মপাঙ্গল কনখৎহনবা য়াম্না দরকার ওই। চাউখৎলবা ভারত অমদা, ইকোনোমি অমসুং ইকোলোজি অনিমক চাউখৎকনি, মগুন লৈবা লাইরিক-লাইশু তম্বা অমসুং শেন্থোক লম্বীগী খুদোংচাবা কয়া ফংগনি। ভারত্তা মালেমদা খ্বাইদগী মশিং য়াম্বা হৈথোই-শিংথোইরবা নহারোলশিং লৈরে অমসুং মখোয়গী মঙলানশিংগীদমক পাক-চাউবা অতিয়া অমা পীরে। মসিগী পান্দম অসি ফংনবগীদমক, ৱারেপ খুদিংমক, খোঙথাং খুদিংমক অমসুং থৌশিল খুদিংমক ভিকসিত ভারত অমগী পান্দমগা চৎমিন্নগদবনি। লাক্কদৌরিবা চহিশিংদা লৈবাক অসি খ্বাইদগী নহা ওইবা লৈবাক ওইদুনা, ভারত মাঙলোমদা চঙশিল্লে। মালেমগী এজেন্সিশিংনা নহারোলশিংগী থৌনা খঙবদগী ভারতকী জি.দি.পি শিংথাবা য়ানা ফগৎলে। মহার্ষি অর্বিন্দ্রো, গুরুদেব তেগোর অমসুং হোম জে. ভাভাগুম্বা শক্নাইরবশিংনা নহারোলশিংগী থৌনাদা থাজবা থমখি। মালেম শীনবা থুংনা মখোয়গী তৌবা ঙম্বশিং উৎতুনা ভারতকী নহারোলশিংনা মালেমগী অচৌবা কম্পেনিশিংগী লুচিংবা ওইরে। মথং চহি ২৫ ‘অমৃত কাল’ অসি য়াম্না মরুওই অমসুং নহারোলশিংনা বিকসিত ভারত অমগী মঙলান মঙফাওনহনগনি হায়বগী থাজবা থম্লি। নহারোলশিংগী মাইপাকপশিংনা ভারতনা মালেমগী ওইনা স্তার্দঅপকী থবকশিংদা অহুমশুবদা লৈরে। মেনুফেকচরিং চাউখৎলে, মালেমগী ওইনা দিজিতেল ইন্দিয়া চাউখৎলে অমসুং শান্নবদা মীথোই-মীহেল্লে। ভারতকী নহারোলশিংনা ওইথোক্লোই হায়না খনবা থবকশিং ওইথোকহনবা মতমদা, চিংননিঙাই লৈতনা বিকসিত ভারত অমা ফংবা ঙমগনি।

ঙসিগী নহারোলশিং চাউখৎনবা সরকারনা পায়খৎলিবা থবকশিংগী মতাংদা, প্রধান মন্ত্রী শ্রী নরেন্দ্র মোদীনা হায়খি ভারত্ত চয়োল খুদিংগী য়ুনিভর্সিতি অমা লিংখৎলি অমসুং নুমিৎ খুদিংগী অনৌবা আই.তি.আই অমা লিংখৎলি। মসিগী মথক্ত, নুমিৎ হুম্নি খুদিংগী, অতল তিনকরিং লেব অমা হাংদোক্লি অমসুং নুমিৎ খুদিংগী অনৌবা কলেজ অনি লিংখৎলি। হৌজিক ভারত্ত আই.আই.তি ২৩ লৈরে অমসুং হৌখিবা চহি ১০ দা, আই.আই.আই.তি মশিং ৯ দগী ২৫ দা হেনগৎলে অমসুং আই.আই.এম.এস মশিং ১৩ দগী ২১ দা হেনগৎলে। এ.আই.আই.এম.এস মশিং শরুক অহুম হেনগৎলে অমসুং হৌখিবা চহি ১০দা মেদিকেল কলেজ মশিং শরুক অনি হেনগৎলে। মশিং অমসুং মগুনশিংদা ভারতকী মহৈলোয়শঙশিংগী অফবা ফলশিং উবা ফংলে অমসুং ২০১৪ দা ক্ব্যু এস রেঙ্কিংশিংদা য়াওবা অৱাংবা থাক্কী মহৈলোয়শিং মশিং ৯ ওইরম্বদগী হৌজিক ৪৬ য়ৌরে। ভারতকী মহৈলোয়শঙশিং ফগৎলকপা অসি বিকসিত ভারত অমগী অকনবা য়ুম্ফম অমনি।

প্রধান মন্ত্রী শ্রী নরেন্দ্র মোদীনা হায়খি ২০৪৭ দা বিকসিত ভারত অমগী পান্দম ফংনবা নোংমগী পান্দমশিং অমসুং লেপ্তনা হোৎনবা দরকার ওই। ভারত অথুবা মতমদা মালেমদা অহুমশুবা খ্বাইদগী চাউবা ইকোনোমি ওইরগনি। হৌখিবা চহি ১০দা, মীওই মিল্লিয়ন ২৫০ লায়রবা কোকহল্লে অমসুং লৈবাক শীনবা থুংনা অথুবা মতমদা লায়রবা কোক্লগনি হায়বগী থাজবা লৈরে। চৎলিবা দেকেদ অসি লোইশিল্লকপদা, গিগাৱাত ৫০০গী রিন্যুএবল ইনর্জি পুথোক্নবা ভারতনা পান্দম থম্লি অমসুং ২০৩০ দা রেলৱেনা কার্বোন অমতা থাদোক্তনবা পান্দম থম্লি। মথং চহি ১০দা ওলেম্পিক্স য়ুম্বু ওইনা অচৌবা পান্দম অমা থম্লি অমসুং মসি ফংনবা লৈবাক অসিনা কৎথোকপা দরকার ওই। ২০৩৫ দা স্পেস স্তেসন অমা শেমগৎনবা পান্দম থমদুনা, স্পেস পৱার অমা ওইনা ভারত য়াংনা চাউখৎলক্লি। থাদা ভারতমচা অমা থানবা পান্দম অমগা লোয়ননা, গগানয়ানগী শেম-শাবা হৌজিক চৎথরি অমসুং চন্দ্রয়ান মিসন মাইপাকখ্রে। অসিগুম্বা পান্দমশিং ফংবা ঙম্বা অসিনা ২০৪৭ দা বিকসিত ভারত অমগী লম্বী য়াৎলে।

প্রধান মন্ত্রী শ্রী নরেন্দ্র মোদীনা হায়খি শেন-থুমগী ফিবম ফগৎলকপদগী পুন্সিগী হিরম খুদিংমক্ত কান্নবা ফংলে। চৎলিবা চহিচা অসিগী অহানবা দিকেদতা, ভারত ত্রিল্লিয়ন-দোল্লর ইকোনোমি অমা ওইরে, অদুবু অপীকপা ইকোনোমি সাইজ অমা ওইখি, লৌউ-শিংউগী বজেত করোর লিশিং খর খক ওইখি অমসুং ইনফ্রাস্ত্রকচরগী বজেত লুপা করোর লাখ ১ য়ৌখিদে। মতম অদুদা, খুঙ্গংশিংদা লম্বীশিং ফজনা লৈখিদে অমসুং নেসনেল হায়ৱেশিং অমসুং রেলৱেশিংগী ফিবম য়াম্না ফবা ওইখিদে অমসুং লৈবাক অসিগী মশিং য়াম্লবা শরুক্কী মীওইশিংদা মৈ অমসুং ঈশিংগুম্বা চঙদ্রবা য়াদ্রবশিং ফংহনখিদে। দোল্লর ত্রিল্লিয়ন ২ গী ইকোনোমি ওইরবা মতুংদা, ভারতকী ইনফ্রাস্ত্রকচরগী বজেত লুপা করোর লাখ ২ য়ৌখিদে। অদুবু লম্বীশিং, রেলৱেশিং, এয়রপোর্তশিং, কেনেলশিং, লায়রবশিংগী য়ুমশিং, স্কুলশিং অমসুং হোস্পিতালশিং শাবদা ফগৎলকপা লৈবাক অসিনা উখি। ভারত য়াম্না য়াংনা দোল্লর ত্রিল্লিয়ন ৩ গী ইকোনোমি অমা ওইরে, এয়পোর্তশিং শরুক অনি হেনগৎলে, বন্দে ভারতগুম্বা অনৌবা ত্রেনশিং চেল্লে অমসুং বুল্লেত ত্রেন অমগী মঙলান থবক ওইনা পায়খৎপা হৌরে। ভারতনা য়াম্না য়াংনা মালেম শীনবা থুংনা ৫-জি শীজিন্নবা ঙম্লে অমসুং গ্রাম পঞ্চায়ত লিশিং কয়াদা ব্রোন্দবেন্দ ইন্তরনেত ফংহল্লে অমসুং খুঙ্গং ৩০০,০০০ হেনবগী লম্বীশিং শেমগৎলে। নহারোলশিংদা লুপা করোর লাখ ২৩ গী গরেন্তি য়াওদবা মুদ্রা লোনশিং পীরে অমসুং মালেমদা খ্বাইদগী চাউবা লেম্না লায়েংবগী স্কিম অয়ুস্মান ভারত হৌদোক্লে। চহিগী ওইনা লৌমীশিংগী বেঙ্ক একাউন্তশিংদা লুপা করোর লিশিং কয়া হকথেংন্না হাপচিনগদবা স্কিম অমা হৌদোক্লে। শেন-থুমগী ফিবম ফগৎলকপগা লোয়ননা, চাউখৎ-থৌরাংগী থবকশিং য়াংখৎলে, খুদোংচাবা কয়া ফংহল্লে অমসুং হিরম খুদিংমক অমসুং খুন্নাইগী কাংলুপ খুদিংমক চাদিং তৌবা ঙম্বগী শক্তি হেনগৎলে।

প্রধান মন্ত্রী শ্রী নরেন্দ্র মোদীনা হায়খি ঙসিদি ভারত দোল্লর ত্রিল্লিয়ন ৪ গী ইকোনোমি অমা নকশিল্লক্লে। হৌজিক ইনফ্রাস্ত্রকচর বজেত লুপা করোর লাখ ১১ য়ৌরে, মসি চহি ১০ গী মমাঙদগী শরুক তরুক হেল্লবনি অমসুং ২০১৪ গী অপুনবা বজেতকী শেনফমদগী হেন্না রেলৱে মথন্থদা শীজিন্নরে। লৈবাক অসিগী বজেত হেনগৎলকপগী ফজরবা খুদম অমা ভারত মান্দপম্না ওইরে। ভারত দোল্লর ত্রিল্লিয়ন ৫ গী ইকোনোমি অমগী মাইকৈদা য়াংনা চঙশিল্লি, মসিনা চাউখৎ-থৌরাং অমসুং খুদোংচাবশিং হেনগৎহনগনি। মথংগী চহি ১০ লোইশিল্লকপদা, ভারত দোল্লর ত্রিল্লিয়ন ১০ য়ৌবা ঙম্লগনি। শেন-থুমগী ফিবম ফগৎলকপা লোয়ননা নহারোলশিংগী খুদোংচাবশিং মরাংকাইনা ফংলগনি। লৈবাক অসিগী পুৱারিগী খ্বাইদগী চাউবা অওনবা মখোয়না লমজিংবা খক নত্তনা মখোয়না মসিগী খ্বাইদগী কান্নবা ফংবা মীওইশিং ওইরে। নহারোলশিংনা পেন্থোক্তুনা লৈরোইদবনি, খুদোংচাদবা মায়োক্নবা ঙমগদবনি অমসুং য়ং লিদর্স দাইলোগ শরুক য়ারিবশিংনা উৎপগুম মখোয়গী কমফোর্ত জোনশিংদগী খোঙ থাংদোরক্কদবনি।

প্রধান মন্ত্রী শ্রী নরেন্দ্র মোদীনা হায়খি ভারতকী তুংগী লম্বী য়াৎপদা বিকসিত ভারত য়ং লিদর্স দাইলোগনা মরুওইবা থৌদাং লৌরি। বিকসিত ভারত অমগী অনৌবা ৱাখলশিং অসি মমল নাইদে, অফবনি অমসুং খ্বাইদগী ফবনি। হায়রিবা অনৌবা ৱাখলশিং অসি নহারোলশিংনা লৈবাক অসিগী মফম খুদিংমক য়ৌহনগদবনি, বিকসিত ভারত অমগী থৌনাগা লোয়ননা জিলা, খুঙ্গং অমসুং য়ুম্লোন্নবা খুদিংমক্কী নহারোলশিংগা পাউ ফাওনগদবনি। ২০৪৭ দা বিকসিত ভারত অমা ওইহন্নবা মঙলান অসি মঙফাওনবা ঙম্নবা মীওই খুদিংমক হিংগদবনি অমসুং মখোয় মশামক কৎথোক্কদবনি। জাতিগী নহারোলগী নুমিৎ অসিদা ভারতকী নহারোলশিং অমুক হন্না থাগৎপা ফোঙদোকচরি।

থৌরম অদুদা শরুক য়াখিবা শক্নাইরবা মীওইশিংগী মনুংদা য়ুথ এফেয়ার্স অমসুং স্পোর্তসকী য়ুনিয়ন মিনিস্তর দোক্তর মনসুখ মন্দাবিয়া, ইজুকেসনগী য়ুনিয়ন মিনিস্তর শ্রী ধর্মেন্দ্র প্রধান, কেন্দ্রগী রাজ্য মন্ত্রীশিং শ্রী জয়ান্ত চৌধুরি অমসুং শ্রীমতি রাক্ষা খাদসে য়াওখি।

নুঙগীৱারোল

মহৌশাগী মওং অমদা নেসনেল য়ুথ ফেস্তিবেল পাংথোকপগী চহি ২৫ শুরবা চৎনবী থুগায়বা বিকসিত ভারত য়ং লিদর্স দাইলোগনা পান্দম থম্লি। রাজনিতিগা শম্নদবা নহারোল লাখ ১ রাজনিতি শরুক য়াহন্নবা অমসুং বিকসিত ভারত অমগী মঙলানা মঙফাওনবা ঙম্নবা মখোয়গী অনৌবা ৱাখলশিং শেমগৎনবা মখোয়দা জাতিগী মফম অমা পীনবা নিংতম্বা নুমিৎতা প্রধান মন্ত্রীনা লাউথোকখিবা মতুংইন্না থৌরম অসি পাংথোক্কদবনি। মসিগা লোয়ননা, জাতিগী নহারোলগী নুমিৎ অসিদা, লৈবাক অসিগী তুংগী নহারোলশিং ইথিল পীনবা, পুক্নিং থৌগৎনবা অমসুং শক্তি পীনবা দিজাইন তৌবা তোঙান-তোঙানবা থবকশিংদা প্রধান মন্ত্রী শরুক য়াগনি। ভারত চাউখৎহন্নবা মরুওইবা থিম ১০ গী হিরমশিংদা পৱারপোইন্ত প্রসেন্তেসন ১০ নহা ওইরিবা লুচিংবশিংনা প্রধান মন্ত্রীগী মমাঙদা উৎকনি। ভারতকী খ্বাইদগী খুদোংচাদবা খর কোকহন্নবা অনৌবা ৱাখলশিং অমসুং পাম্বৈশিং মমি তাহন্দুনা, নহা ওইরিবা লুচিংবশিংনা প্রধান মন্ত্রীদা থবকশিং অদু উৎকনি।

থিম ১০ দা শরুক য়ারিবশিংনা ইবা খ্বাইদগী ফজরবা এশেশিংগী খোমজিনবা লাইরিক অমশু প্রধান মন্ত্রীনা ফোংখ্রে। হায়রিবা থিমশিং অদুদি তেক্নোলোজি, স্তেনেবিলিতি, নুপীশিংদা শক্তি পীবা, মেনুফেকচরিং অমসুং লৌউ-শিংউনি।

অঙকপা থবক অমা ওইনা, প্রধান মন্ত্রীগা নহারোলশিংগা অয়ুক্কী চাক্লেন চামিন্নখি অমসুং মখোয়গী অনৌবা ৱাখলশিং, থবকশিং অমসুং অনিংবশিং হকথেংননা ফোঙদোক্নবা খুদোংচাবা অমা নহারোলশিংনা ফংখি। মসিগী হকথেংননা উনবা অসিনা লৈঙাক অমসুং নহারোলশিংগী অনিংবশিংগী মরক্ত লৈনবা অহোবশিং মেনশিনগনি, শরুক য়ারিবশিংগী মরক্ত থৌদাং লৌনিংবগী ৱাখল্লোন হেন্না পোকহনগনি। 

জনুৱারি ১১ দগী হৌখিবা দাইলোগ অসিগী মনুংদা, নহারোল লুচিংবশিংনা চাংদম্নবশিং, থবকশিং অমসুং নাত অমসুং থিমশিং উৎপা শরুক য়াগনি। থৌরম অসিদা থিমশিংদা ওজাশিং অমসুং হিরম কয়াগী অখঙ-অহৈশিংনা ৱা ঙাংবশু য়াওরি। থৌরম অসিদা লৈবাক অসিগী অনৌবা চাউখৎপশিং খুদম ওইনা উৎপগা লোয়ন্না ভারতকী কলাগী হেরিতেচশিং উৎপা নাতকী থৌরমশিং পাংথোক্কনি।

লৈবাক শীনবা থুংবগী খ্বাইদগী পুক্নিং থৌগৎপা ৰঅমসুং মশক থোকপা খোল্লাউশিং উৎনবা অমসুং মশক খঙদোক্নবা নিংথিনা শেম শারবা, হৈশিংবদা য়ুম্ফম ওইদুনা, তাঙ্কক কয়া থোক্না পাংথোকপা অফবা মীওইশিং খন্নবা থবক, বিকসিত ভারত চেলেঞ্জগী খুৎথাংদা, বিকসিত ভারত য়ং লিদর্স দাইলোগ শরুক য়াগদবা চঙ চঙ লাওবা নহারোল ৩০০০ খল্লে। তাঙ্কক অহুম থোক্না পাংথোকখিবা খনবগী থবকশিং অদুদা চহি ১৫ দগী চহি ২৯ ফাওবগী নহারোলশিং শরুক য়াখি। অহানবা তাঙ্কক্ত লোল ১২ দা পাংথোকখিবা বিকসিত ভারত কুইজদা রাজ্য শীনবা থুংনা শরুক য়াখি অমসুং নহারোল লাখ ৩০ শরুক য়াখি। কুইজ শরুক য়াবদা মাইপাক্লবা নহারোলশিং অনিশুবা তাঙ্কক এসে রাউন্দদা পুখৎখি, মখোয়না বিকসিত ভারত অমগী মঙলান অমা থবক ওইনা পাংথোক্নবা মরুওইবা থিম ১০ দা এশে লাখ ২ হেন্না পীশিনখি। অহুমশুবা তাঙ্কক্ত, স্তেৎ রাউন্দশিংদা, থিম অমদা কেন্দিদেত ২৫ অকনবা চাংদম্বদা শরুক য়াহনখি। রাজ্য খুদিংমক্না হিরম অমদা মকোক থোংবা মীওই অহুম খনগৎখি অমসুং দিল্লিদা পাংথোক্কদবা জাতিগী থৌরমগী অফবা তিমশিং শেমখি।

স্তেৎ চেম্পিয়নশিপশিংদগী মকোক থোংবা তিম ৫০০ গী মহুৎশীন্দুনা, বিকসিত ভারতর চেলেঞ্জ ত্রেক্তগী মীওই ১৫০০ খনখি; সাইন্স অমসুং তেক্নোলোজিগী রাজ্য থাক্কী য়ুথ ফেস্তিবেলশিং, নাতকী থৌরমশিং অমসুং একজিবিসনশিংদগী ত্রেদিসনেল ত্রেক্তগী মীওই ১০০০ খনখি; অমসুং দাইলোগ অসিদা শরুক য়ানবা তোঙান-তোঙানবা হিরমশিংদা মখোয়গী অনৌবা থবকশিংগীদমক অনৌবা থবক পায়খৎপা মীওই ৫০০ বার্তন তৌখি।

India’s Yuva Shakti is driving remarkable transformations. The Viksit Bharat Young Leaders Dialogue serves as an inspiring platform, uniting the energy and innovative spirit of our youth to shape a developed India. #VBYLD2025 https://t.co/gjIqBbyuFU

— Narendra Modi (@narendramodi) January 12, 2025

The strength of India’s Yuva Shakti will make India a developed nation. pic.twitter.com/GoF0uLZK0g

— PMO India (@PMOIndia) January 12, 2025

India is accomplishing its goals in numerous sectors well ahead of time. pic.twitter.com/idaPkm6u83

— PMO India (@PMOIndia) January 12, 2025

Achieving ambitious goals requires the active participation and collective effort of every citizen of the nation. pic.twitter.com/Edxnx84TSc

— PMO India (@PMOIndia) January 12, 2025

भारत के युवा की सोच का विस्तार आसमान से भी ऊंचा है। pic.twitter.com/uHkgt8ZYEU

— PMO India (@PMOIndia) January 12, 2025

A developed India will be one that is empowered economically, strategically, socially and culturally. pic.twitter.com/ieYuPmauIn

— PMO India (@PMOIndia) January 12, 2025

भारत की युवाशक्ति विकसित भारत का सपना जरूर साकार करेगी। pic.twitter.com/oPHpGh7F6S

— PMO India (@PMOIndia) January 12, 2025

***