ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা দিল্লীদা লুপা করোর 12,200 হেনবগী দিবেলপমেন্ত প্রোজেক্ত কয়া শঙ্গাখ্রে অমসুং উরেপ উয়ুংসু তমখ্রে। প্রোজেক্তশিংগী মরুওইবা মীৎয়েং অসি রিজনেল কন্নেক্তিবিতী হেনগৎহনবা অমসুং ইজ ওফ ত্রেবেল ফংহনবনি। প্রধান মন্ত্রীনা সাহিবাবাদ RRTS স্তেসনদগী ন্যু অশোক নগর RRTS স্তেসন ফাওবা নমো ভারত ত্রেন তোংদুনা চৎখি।

থৌরম অদুদা ৱা ঙাংলদুনা, প্রধান মন্ত্রীনা হায়খি মদুদি ঙসিদি দিল্লী- NCRনা ভারত সরকারদগী মরু ওইবা খুদোংচাবা অমা ফংলি অমসুং মহাক্না হায়খি মদুদি ভারতকী অর্বান মোবিলিতী অসি মখা তানা পাকথোক চাউথোক্লে। ভারতকী চাউখৎলবা সহরশিংদা পব্লিক ত্রান্সপোর্তকী তুংলমচৎ উৎলিবা নমো ভারত ত্রেনদা মহাক্না সাহিবাবাদতগী ন্যু অশোক নগর ফাওবা তোংদুনা চৎখিবা অদু নৌহৌননা নীংশিংলদুনা শ্রী মোদীনা হায়খি মদুদি মহাক্না হরাও-তয়াম্বা অমসুং আশানা থনবা নহা কয়াগা ৱারী শানখি। নমো ভারত প্রোজেক্ত অসি লোইরবা মতুংদা দিল্লী-মীরুত রুত্তা ত্রাফিক্কী মওং-মতৌদা চাউনা অহোংবা লাক্কনি হায়না প্রধান মন্ত্রীনা অকনবা ৱাফম থমখি। মহাক্না দিল্লী- NCRগী মীয়ামদা থম্মোয় শেংনা নুংঙাইবা ফোংদোকখি।

“ঙসি অসি ভারতকী মোদর্ন ইনফ্রাস্ত্রকচরগী খোঙচৎতা অতোপ্পা মরুওইবা মাইলস্তোন অমনি”, হায়না শ্রী মোদীনা হায়খি। মহাক্না হায়খি মদুদি ভারতকী মেত্রো নেৎৱার্ক অসি হৌজিক কিলোমিতর 1,000  য়ৌরে অমসুং মসি য়াম্না চাউবা মায়পাকপা অমনি হায়না মহাক্না থাগৎখি। মহাক্না হায়খি মদুদি, 2014দা লৈবাক অসিনা মখোয়দা খুদোংচাবা পীখিবা মতমদা, ভারত অসি মালেমগী ওইনা মেত্রো কন্নেক্তিবিতীগী লমদা খ্বাইদগী মকোক থোংবা লৈবাক 10গী মনুংদা য়াওরমদে। অদুম ওইনমক, হৌখিবা চহি 10 অসিদা, ভারত অসি মেত্রো নেৎৱার্ক্কী ‌ওইনা মালেমগী খ্বাইদগী চাউবা লৈবাক অহুম ওইরে। প্রধান মন্ত্রীনা অকনবা ৱাফম থমখি মদুদি মহাক্কী সরকারগী হৌজিক লৈরিবা তেনর মনুংদা, ভারতনা মালেমগী অনিশুবা খ্বাইদগী চাউবা মেত্রো নেৎৱার্ক ফংলগনি।

প্রধান মন্ত্রীনা হায়খি মদুদি 2014গী মমাংদা, ভারতকী মেত্রো নেতৱর্ক অসি কিলোমিতর 248 খক্তনি অমসুং সহর মঙা খক্তদা য়ুম্ফম ওইখি। মহাক্না হায়খি মদুদি হৌখিবা চহি 10দা ভারত্তা কিলোমিতর 752 হেন্না শাংবা অনৌবা মেত্রো লাইনশিং শঙ্গাখ্রে। মহাক্না মখা তারদুনা হায়খি ঙসিদি লৈবাক অসিগী সহর 21দা মেত্রো সর্ভিসশিং মথৌ পাংথোক্লি লোয়ননা হৌজিক্তি মেত্রো রুতকী কিলোমিতর 1000 হেন্না খোঙজেল য়াংনা শেমগৎলি।

অনৌবা লম্বী অনি শঙ্গাদুনা শ্রী মোদীনা দিল্লী মেত্রো পাকথোক চাউথোকহনবগী মতাংদা পল্লদুনা হায়খি মদুদি গুরগাওগী মতুংদা হরিয়ানাগী অতোপ্পা শরুক অমা হৌজিক মেত্রো নেৎৱার্ক্কা শম্নহল্লে। মহাক্না মখা তাখি মদুদি রিথালা-নরেল্লা-কুন্দলি কোরিদোর অসি দিল্লী মেত্রো নেতৱার্ক্কী খ্বাইদগী চাউবা সেক্সন অমা ওইগনি। মসিনা দিল্লী অমসুং হরিয়ানাগী মরুওইবা ইন্দস্ত্রীএল সেন্তরশিংগী মরক্তা কন্নেক্তিবিতী মপাঙ্গল কনখৎহল্লগনি অমসুং মীয়ামগীদমক চৎথোক-চৎশিন তৌবদা লাইহল্লগনি। ভারত সরকারনা লেপ্পা লৈতনা হোৎনবনা মরম ওইদুনা দিল্লীদা মেত্রো রুতশিং লেপ্তনা হেনগৎলক্লিবা অসিদা প্রধান মন্ত্রীনা নুংঙাইবা ফোংদোকখি। মহাক্না হায়খি মদুদি 2014দা দিল্লী-NCRদা অপুনবা মেত্রো নেৎৱার্ক অসি কিলোমিতর 200গী মখাদা লৈরম্মি, অমসুং ঙসিদি মসি শরুক অনি হেনখ্রে।

শ্রী মোদীনা হায়খি মদুদি “nহৌখিবা চহি তরা অসিদা সরকারগী মরুওইবা মীৎয়েং অসি ইনফ্রাস্ত্রকচর দিবেলপমেন্ততা ওইরি। চহি 10গী মমাংদা, ইনফ্রাস্ত্রকচরগীদমক বজেৎ অসি লুপা করোর লাখ 2রোম ওইরম্মি, মসি হৌজিক লুপা করোর লাখ 11 হেনখ্রে হায়না মহাক্না পনখি। মহাক্না মখা তাখি মদুদি মোদর্ন কন্নেক্তিবিতীদা মরুওইনা সহরশিংগী মনুংদা অমসুং সহর অমগা অতোপ্পা সহর অমগা শম্নহনবদা মরুওইবা পীরি। প্রধান মন্ত্রীনা হায়খি মদুদি হৌজিক দিল্লীদগী তোঙান-তোঙানবা সহরশিংদা এক্সপ্রেসৱেশিং শেমগৎলি, অমসুং দিল্লী অসি ইন্দস্ত্রীএল কোরিদোরশিংগা শম্নহল্লি। NCRদা, অচৌবা মল্তি-মোদেল লোজিস্তিক্স হব অমা শেমগৎলি, অমসুং দিল্লী-NCRদা ফ্রেৎ কোরিদোর অনি পুনশিল্লি হায়না মহাক্না ফোংদোকখি। শ্রী মোদীনা হায়খি মদুদি প্রোজেক্তশিং অসিনা লৈবাক অসিগী ইকনোমিক গ্রোথতা মতেং পাংলি অমসুং নহারোলশিংদা থবক ফংহন্নবগী খুদোংচাবা পীরি। মহাক্না মখা তাখি, “মোদর্ন ইনফ্রাস্ত্রকচর অসিনা লায়রবশিং অমসুং মিদ্দল ক্লাস য়াওনা মীপুম খুদিংমক্কীদমক ইকাই খুম্নবা অমসুং ক্বালিতী লৈবা পুন্সি অমা ফংহনবদা মতেং পাংলি”।

সরকারনা লায়রবশিংগী মরক্তগী খ্বাইদগী লায়রবশিংদসু হেল্থকেয়র ফংহন্নবা মীৎয়েং থম্লিবা অদু পল্লদুনা প্রধান মন্ত্রীনা হায়খি মদুদি সরকারনা আয়ুশ অমসুং আয়ুর্বেদকুম্বা ত্রেদিস্নেল ইন্দিয়ন মেদিসিন সিস্তেমশিংসু প্রমোৎ তৌরি। মহাক্না মখা তাখি মদুদি হৌখিবা দিকেদ অমদা, আয়ুশ সিস্তেম অসি লৈবাক 100 হেনবদা শন্দোকখ্রে। শ্রী মোদীনা হায়খি মদুদি ভারত্তা ত্রেদিস্নেল মেদিসিনগা মরী লৈনবা অহানবা ৱার্ল্দ হেল্থ ওর্গনাইজেসন (WHO)  অসি ভারত্তা লিংখৎখি। মহাক্না মখা তাখি মদুদি চয়োল খরগী মমাংদা, মহাক্না ওল ইন্দিয়া ইন্সতিত্যুৎ ওফ আয়ুর্বেদকী অনিশুবা ফেজ হৌদোকখি। ঙসি সেন্ত্রেল আয়ুর্বেদ রিসর্চ ইন্সতিত্যুৎকী উরেপ উয়ুং তম্বগী থৌরম পাংথোকখ্রে হায়না শ্রী মোদীনা ফোংদোকখি অমসুং মসিগী মায়পাকপা অসিগীদমক্তা মহাক্না দিল্লীগী মীয়ামদা অখন্নবা নুংঙাইবা ফোংদোকখি।

প্রধান মন্ত্রীনা হায়খি, “ভারত অসি মালেমগী হেল্থ অমসুং ৱেলনেস কেপিতেল ওইনবগী অচৌবা পোতেন্সিএল লৈরে।” মহাক্না হায়খি মদুদি “মেক ইন ইন্দিয়া”গা লোয়ননা মালেমনা “হিল ইন ইন্দিয়া”বুসু মন্ত্র ওইনা শীজিন্নগদবা নুমিৎ অদু লাপত্রে। মহাক্না মখা তাখি মদুদি ভারত্তা আয়ুশ লায়েংবদা মপানগী নাগরিকশিং মতেং পাংনবা, অখন্নবা আয়ুশ ভিসা ফেসিলিতী অমা হৌদোক্লে অমসুং অতেনবা মতমগী মনুংদা, মপানগী নাগরিক চা কয়া অমা মসিগী খুদোংচাবা অসিদগী কান্নবা ফংখ্রে। ভারত সরকারনা হোৎনরিবা অসিনা দিল্লীবু চাউখৎপগী অনৌবা অৱাংবা থাক্তা পুখৎকনি হায়না থাজবা থম্লদুনা প্রধান মন্ত্রীনা মহাক্কী ৱারোল লোইশিনখি।

কেন্দ্রগী হাউসিং অমসুং অর্বান এফিয়র্সকী মন্ত্রী, শ্রী মনোহর লাক, দিল্লীগী লেফততেন্ত গভর্নর, শ্রী বিনয় কুমার সক্সেনা, দিল্লীগী মুখ্য মন্ত্রী মিস অতিশীসু দিগনিতরীশিংগা লোয়ননা থৌরম অসিদা শরুক য়াখি।

বেকগ্রাউন্দ

রিজনেল কন্নেক্তিবিতী হেনগৎহনবদা মরুওইবা মাইলস্তোন অমা ওইনা, প্রধান মন্ত্রীনা চাউরাক্না লুপা করোর 4600গী শেনফম থাদদুনা সাহিবাবাদ অমসুং ন্যু অশোক নগরগী মরক্তা কিলোমিতর 13 শাংবা দিল্লী-গাজিয়াবাদ-মীরুত নমো ভারত কোরিদোর শঙ্গাখ্রে। মসি শঙ্গাবগা লোয়ননা দিল্লীনা মাগী অহানবা নমো ভারত কন্নেক্তিবিতী ফংলগনি। মসিনা দিল্লী অমসুং মীরুতকী মরক্তা চৎথোক-চৎশিনদা য়াম্না লাইথোকহনগনি অমসুং মীওই লাখ কয়াবু হায়-স্পীদ অমসুং কম্ফোর্তেবল ওইবা ত্রেবেলগী খুত্থাংদা অতৈগা মান্নদবা সেফতী অমসুং রিলাইএবিলিতী ফংহনগনি।

প্রধান মন্ত্রীনা দিল্লী মেত্রোগী ফেজ-IVগী ওইনা লুপা করোর 1,200 রোমগী শেনফম থাদদুনা জনকপুরী অমসুং কৃষ্ণ পার্কগী মরক্তা কিলোমিতর 2.8 শাংবা স্ত্রেচ অমসু শঙ্গাখ্রে। মসি দিল্লী মেত্রোগী ফেজ-IVগী অহানবা স্তেসন ওইগনি। নোংচুপ দিল্লীগী মফমশিং হায়বদি কৃষ্ণ পার্ক, বিকাসপুরী, জনকপুরীগী শরুকশিং অমসুং অতোপ্পা মফমশিংনা কান্নবা ফংলগনি।

প্রধান মন্ত্রীনা লুপা করোর 6,230 রোম চংগদবা দিল্লী মেত্রো ফেজ-IVগী কিলোমিতর 26.5 শাংবা  রিথালা-কুন্দলী সেক্সনগী উরেপ উয়ুং তমখ্রে। কোরিদোর অসিনা দিল্লীগী রিথালাবু হরিয়ানাগী নাথুপুর (কুন্দলি) গা শম্নহল্লগনি। মসিনা দিল্লী অমসুং হরিয়ানাগী অৱাং নোংচুপ থংবা শরুকশিংদা কন্নেক্তিবিতী য়াম্না হেনগৎহল্লগনি। কান্নবা ফংলগদবা মরুওইবা লমশিং অদুদি রোহিনি, বাৱানা, নরেলা অমসুং কুন্দলি অসিনি, মসিনা রেসিদেন্সিএল, কম্মর্সিএল অমসুং ইন্দস্ত্রীএল জোনশিংদা এক্সেস ফগৎহনগনি। মথৌ তৌবা হৌরবা মতুংদা, মসিনা দিল্লী, হরিয়ানা অমসুং উত্তর প্রদেশ শিনবা থুংনা এক্সতেন্দ রেদ লাইনগী খুত্থাংদা চৎথোক-চৎশিন তৌবদা মতেং পাংগনি।

প্রধান মন্ত্রীনা লুপা করোর 185 রোম চংদুনা নই দিল্লীগী রোহিনিদা সেন্ত্রেল আয়ুর্বেদ রিসর্চ ইন্সতিত্যুৎ (CARI) গী অনৌবা স্তেৎ-ওফ-দি-আর্ত বিল্দিং শানবা উরেপ উয়ুংসু তমখ্রে। কেম্পস অসিদা খ্বাইদগী নৌবা হেল্থকেয়র অমসুং মেদিসিন ইনফ্রাস্ত্রকচর ফংহনগনি। অনৌবা বিল্দিং অসিদা এদমিনিস্ত্রেতিব ব্লোক, OPD ব্লোক, IPD ব্লোক অমসুং দিদিকেতেদ ত্রিৎমেন্ত ব্লোক অমা লৈগনি। মসিনা অনাবশিং অমসুং রিসর্চ তৌরিবশিংগীদমক্তা ইন্তিগ্রেতেদ অমসুং অপনবা লৈতবা হেল্থকেয়র এক্সপরিয়েন্স অমা ফংহল্লগনি।

***