ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দপমদা গ্রামীন ভারত মহোৎসব 2025 হৌদোকখ্রে। 2025 ফাওবদা ভিকসিৎ ভারতকীদমক রেসিলিয়েন্ত রুরেল ইন্দিয়া অমা শেমগৎপা হায়বসি মহোৎসব অসিগী থিমনি। থৌরম অদুদা মীয়াম তিনখিবা অদুদা ৱা ঙাংলদুনা প্রধান মন্ত্রীনা মফম অদুদা লৈরিবা মীপুম খুদিংমক্তা 2025গী য়াইফ পাউজেল পীখি। চহি অসিগী হৌরকপদা গ্রামীন ভারত মহোৎসব চাউনা পাংথোকপা অসিনা ভারতকী চাউখৎপগী খোঙচৎকী মতাংদা খরা খঙহল্লি অমসুং মশক অমা শেমলি হায়না মহাক্না হায়খি। থৌরম অসি শীনবগীদমক মহাক্না নাবার্দ অমসুং অতৈ মরী লৈনবশিংবু থাগৎপা ফোংদোকখি।

প্রধান মন্ত্রীনা হায়খি মদুদি ঐখোয়না খুঙ্গংশিংদা পোকপা অমসুং হৌরকপশিংনা খুঙ্গংশিংগী পোতেন্সিএল অদু খঙই। মহাক্না মখা তাখি মদুদি খুঙ্গংগী স্পিরিত অসি খুঙ্গংশিংদা লৈবা মীওইশিংদসু লৈ। মহাক্না মখা তারদুনা হায়খি মদুদি খুঙ্গংশিংদা লৈরম্বা মীওইশিংনা খুঙ্গং অমগী অশেংবা পুন্সি মহিং করম্না হিংগদগে হায়বদুসু খঙই। শ্রী মোদীনা হায়খি মদুদি মহাক্না অঙাং ওইরিঙৈগী মতম অসি অচম্বা অকোয়বগী ফিভম লৈবা অপীকপা সহর অমদা লৈরম্বা অসি মহাক্কী খুদোংচাবা অমনি। মহাক্না মখা তারদুনা মহাক্না শহর থাদোকখিবা মতমদা খুঙ্গংদা মতম কুইনা লৈরম্মি হায়খি। প্রধান মন্ত্রীনা হায়খি, “ঐহাক্না খুদোংচাদবশিং অসি থেংনখি অমসুং খুঙ্গংগী ওইথোকপা য়াবশিং অদুসু খঙই।” মহাক্না মখা তাখি মদুদি অঙাং ওইরিঙৈদগী মহাক্না য়েংদুনা লাক্লি মদুদি খুঙ্গংগী মীওইশিংনা কন্না হোৎনরবসু, মখোয়গী মফমদা কেপিতেল লৈতবনা মরম ওইদুনা অচুম্বা খুদোংচাবশিং ফংদ্রে। মহাক্না মখা তারদুনা হায়খি মদুদি খুঙ্গংগী মীওইশিংনা হীরম কয়াদা মপাঙ্গল লৈজরবসু, মখোয়গী তঙাইফদবা খুদোংচাবশিং ফংহন্নবা হোৎনবদা মাংখি। মহৌশাগী ওইবা খুদোংচাদবশিং, কৈথেলশিংদা য়ৌহন্নবগী এক্সেস লৈতবা অসিগুম্বা তোঙান তোঙানবা শীংনবশিং লৌমীশিংনা মায়োক্নরি হায়না প্রধান মন্ত্রীনা পনখি। মহাক্না মখা তারদুনা হায়খি মদুদি হায়রিবা পুম্নমক অসি উরবা মতুংদা, মহাক্কী ৱাখল্লোন অদু লেপখি অমসুং মখোয়না থেংনরিবা শীংনবশিং অসি থেংননবা পুক্নিং থৌগৎখি। মহাক্না মখা তারদুনা হায়খি মদুদি খুঙ্গংগী লমশিংদা ঙসি পায়খৎলিবা চাউখৎ-থৌরাংগী থবকশিং অসি খুঙ্গংশিংদগী তম্লকপা অমসুং এক্সপরিয়েন্সশিংদগী ইথিল ফংলি। শ্রী মোদীনা হায়খি মদুদি 2014দগী হৌনা মহাক্না ভারতকী খুঙ্গংগী সেবাদা লেপ্পা লৈতনা হোৎনরি। প্রধান মন্ত্রীনা হায়খি, “ভারতকী খুঙ্গংগী মীয়ামগীদমক ইকাই খুম্নবা পুন্সি অমা লৈহনবা অসি ঐহাক্কী সরকারগী মরুওইবা অমনি।” মহাক্না মখা তাখি মদুদি মখোয়গী ৱাখল্লোনদি শক্তি লৈরবা রুরেল ইন্দিয়া অমা লৈহন্নবা, খুঙ্গংগী মীওইশিংদা খুদোংচাবা কয়া ফংহন্নবা, মাইগ্রেসন হন্থহন্নবা অমসুং খুঙ্গংগী মীয়ামগী পুন্সি মহিং লাইহন্নবা ওইখি। মরম অসিনা, মহাক্না হায়খি, সরকারনা খুঙ্গং খুদিংমক্তা মরুওইবা খুদোংচাবশিং ফংহন্নবা প্রোগ্রাম অমা পায়খৎলি। শ্রী মোদীনা হায়খি মদুদি স্বচ্ছ ভারত মিসনগী শরুক অমা ওইনা য়ুম খুদিংদা তোইলেৎ অমা ফংহনখ্রে। ভারতকী খুঙ্গংগী মীওই করোর কয়াদা পি.এম. আৱাস য়োজনাগী শরুক অমা ওইনা পক্কা হাউসশিং ফংহনখ্রে। জল জীবন মিসনগী খুত্থাংদা খুঙ্গংগী য়ুম লাখ কয়াদা থক্নবা ঈশিং ফংহনখ্রে।

প্রধান মন্ত্রীনা হায়খি, “ঙসিদি, আয়ুশ্মান আরোগ্য মন্দির লাখ 1.5 হেনবদা মীয়ামদা হকশেলগী খুদোংচাবশিং ফংহল্লে।” মহাক্না মখা তাখি মদুদি দিজিতেল তেক্নোলোজীনা মতেং পাংলিবা তেলিমেদিসিন্না খুঙ্গংশিংদা খ্বাইদগী ফবা দোক্তরশিং অমসুং হোস্পিতালশিংগী ওপ্সন ফংহনখ্রে। ই-সঞ্জীবিনীগী খুত্থাংদা খুঙ্গংগী লমদা লৈরিবা মীওই করোর কয়া তেলিমেদিসিনগী কান্নবা ফংখ্রে হায়না মহাক্না মখা তাখি। শ্রী মোদীনা হায়খি মদুদি কোবিদ-19গী লাইচৎ মনুংদা, মালেম অসিনা ভারতকী খুঙ্গংশিং অসি করম্না মায়োক্নবা ঙমগদগে হায়বগী চিংনবা লৈখি। অদুম ওইনমক, সরকারনা ভেক্সিন অসি খুঙ্গং খুদিংগী অরোইবা মীওই ফাওবা য়ৌহন্নবা হোৎনখি হায়না মহাক্না মখা তাখি।

প্রধান মন্ত্রীনা খুঙ্গংগী শেন্মিৎলোনবু মপাঙ্গল কনখৎহন্নবা খুঙ্গংগী খুন্নাইগী শরুক খুদিংমক খন্নগদবা শেন্মিৎলোনগী পোলিসীশিং শেমগৎপগী মরুওইবা অদু পনখি। হৌখিবা চহি 10 অসিদা সরকারনা খুঙ্গংগী শরুক খুদিংমক্কীদমক অখন্নবা পোলিসীশিং শেমখ্রে অমসুং ৱারেপশিং লৌখ্রে হায়না মহাক্না নুংঙাইবা ফোংদোকখি। শ্রী মোদীনা হায়খি মদুদি নুমিৎ খরনিগী মমাংদা মন্ত্রীমন্দলনা পি.এম. ক্রোপ ইন্সুরেন্স স্কিমগী মতম চহি অমা অমুক শাংদোকপদা অয়াবা পীখি অমসুং DAP সরকারগী পান্দমশিং, পোলিসীশিং অমসুং ৱারেপশিং অসিনা ভারতকী খুঙ্গংদা অনৌবা ইনর্জী পীরি হায়না মহাক্না অকনবা ৱাফম থমখি। প্রধান মন্ত্রীনা মখোয়গী খুঙ্গংশিংগী মনুংদা খুঞ্জাশিংদা শেল-থুমগী মতেং খ্বাইদগী হেন্না পীনবা পান্দম থম্লিবা অসিগী মতাংদা পনখি। মসিনা মখোয়বু লৌউ-শিংউবদা শরুক য়াবা ঙমহনগনি অমসুং অনৌবা থবক পীবা অমসুং মশাগী থবক পীবগী খুদোংচাবশিং লৈহল্লগনি। পি.এম. কিসান সম্মান নিধিগী খুত্থাংদা লৌমীশিংনা চাউরাক্না লুপা করোর লাখ 3গী শেলগী তেংবাং ফংখ্রে হায়না মহাক্না পনখি। হৌখিবা চহি 10দা লৌউ-শিংউগী লোনগী শেনফম অসি শরুক 3.5 হেনগৎলে হায়না পল্লদুনা শ্রী মোদীনা হায়খি মদুদি হৌজিক শা-শন লোইবা অমসুং ঙা য়োকপা লৌমীশিংদা কিসান ক্রেদিৎ কার্দ ফংহল্লি। মসিগী মথক্তা, লৈবাক অসিদা লৈরিবা ফার্মর প্রদ্যুসর ওর্গনাইজেসন (FPO) 9,000 হেনবনা শেলগী তেংবাং ফংলি হায়না মহাক্না মখা তাখি। মহাক্না মখা তানা হায়খি মদুদি সরকারনা হৌখিবা চহি 10দা মহৈ-মরোং কয়াগী MSP অসি লেপ্তনা হেনগৎলকখি।

শ্রী মোদীনা স্বামীত্ব য়োজনাগুম্বা কেম্পেন হৌদোকখিবগী মতাংদা পনখি। মসিগী খুত্থাংদা খুঙ্গংগী মীওইশিংনা প্রোপর্তী পেপর ফংলি। মহাক্না হায়খি মদুদি হৌখিবা চহি 10দা MSMEশিং প্রমোৎ তৌনবা পোলিসী কয়া অমা পায়খৎলে। MSMEশিংনা ক্রেদিৎ লিঙ্ক গরেন্তী স্কিমদগী কান্নবা ফংলি, খুঙ্গংগী MSME করোর অমা হেন্না কান্নবা ফংলি হায়না প্রধান মন্ত্রীনা অকনবা ৱাফম থমখি। ঙসিদি খুঙ্গংগী নহারোলশিংনা মুদ্রা য়োজনা, স্তার্ত-অপ ইন্দিয়া অমসুং স্তেন্দ-অপ ইন্দিয়াগুম্বা স্কিমশিংদগী মতেং ফংলি হায়না মহাক্না ফোংদোকখি।

প্রধান মন্ত্রীনা খুঙ্গংগী লমদমদা অহোংবা পুরকপদা কোওপরেতিবশিংনা লৌরিবা অচৌবা থৌদাং অদু পনখি। ভারত অসি কোওপরেসনগী খুত্থাংদা চাউখৎপগী লম্বীদা চংশিল্লি হায়না মহাক্না ফোংদোকখি। মসিগীদমক কোওপরেসন মন্ত্রালয় অসি 2021দা লিংখৎখি। মহাক্না হায়খি মদুদি লৌমীশিং অমসুং খুঙ্গংগী মীওইশিংনা মখোয়গী পোত্থোকশিংগীদমক হেন্না ফবা মমল ফংহন্নবা, মসিনা খুঙ্গংগী শেন্মিৎলোনবু মপাঙ্গল কনখৎহন্নবা, চাউরাক্না প্রাইমরী এগ্রিকলচরেল ক্রেদিৎ সোসাইতী (PACS) 70,000 কম্প্যুতরাইজ তৌরি।

শ্রী মোদীনা হায়খি মদুদি লৌউ-শিংউগী মথক্তা, ঐখোয়গী খুঙ্গংশিংদা তোঙান-তোঙানবা ত্রেদিস্নেল আর্ত অমসুং স্কিলশিং, খুদম ওইনা ব্লেকস্মিথিং, কার্পেন্ত্রী অমসুং পোত্রী অসি চৎনদুনা লাক্লি। মহাক্না হায়খি মদুদি হায়রিবা শিনফমশিং অসিনা খুঙ্গংগী অমসুং মফম অদুগী শেন্মিৎলোনদা য়াম্না কান্নবা পীরি, অদুবু মমাংদা মখোয় অসি কান্নবা ফংদে। মখোয়গী হৈ-শিংবা হেনগৎহন্নবা অমসুং হোংনা তেংবাং পীনবা, বিশ্বকর্মা য়োজনা পায়খৎলি হায়না মহাক্না মখা তাখি। মসিনা বিশ্বকর্মা আর্তিসান লাখ কয়াদা খুমাং চাউশিনহন্নবা খুদোংচাবা পীরি।

শ্রী মোদীনা হায়খি মদুদি, “অদোমগী ৱাখল্লোন অসি অফবা ওইরবদি, ফল অদুসু অফবা ওইগনি।” মহাক্না মখা তাখি মদুদি লৈবাক অসিনা হৌখিবা চহি 10 অসিদা কন্না হোৎনবগী কান্নবা অদু হৌজিক ফংলি। মরুওইবা ৱাফম কয়া অমা পুথোকপা নৌনা পাংথোকখিবা অচৌবা সর্ভে অমগী মতাংদা পল্লদুনা শ্রী মোদীনা হায়খি মদুদি 2011গা চাংদম্নবদা, ভারতকী খুঙ্গংগী লমদা কঞ্জুম্পসন অসি শরুক অহুম হেনগৎখ্রে। মসিনা তাক্লি মদুদি মীয়াম্না মখোয়না পামজবা পোৎলমশিংদা অহেনবা শেল থাদরি। মহাক্না হায়খি মদুদি মমাংদা খুঙ্গংগী মীওইশিংনা মখোয়গী শেন্থোক্কী চাদা 50দগী হেনবা চিঞ্জাক্কীদমক্তা শীজিন্নরম্মি, অদুবু নীংতম্বগী মতুংদগী অহানবা ওইনা খুঙ্গংগী মফমশিংদা চিঞ্জাক্কীদমক্তা শীজিন্নরিবা শেনফম অসি চাদা 50গী মখাদা হন্থরে। মহাক্না হায়খি মদুদি মসিনা তাক্লিবদি হৌজিক্তি মীয়াম্না মখোয়গী পুন্সি মহিং ফগৎহন্দুনা অতোপ্পা অপাম্বা অমসুং মথৌ তাবশিংদা শেল থাদবা হৌরে।

সর্ভে অদুগী অতোপ্পা মরুওইবা ফীভম অমা পল্লদুনা, শহর অমসুং খুঙ্গংগী মফমশিংগী মরক্তা কঞ্জ্যুমরগী খেন্নবা অদু হন্থরে হায়না প্রধান মন্ত্রীনা ফোংদোকখি। মমাংদা শহরগী মীওইশিংনা খুঙ্গংগী মীওইশিংদগী হেন্না চাদিং তৌবা ঙম্মি হায়না থাজনরম্মি, অদুবু লেপ্পা লৈতনা হোৎনবনা খেন্নবা অসি হন্থহল্লে হায়না মহাক্না ফোংদোকখি। রুরেল ইন্দিয়াগী মায় পাকপগী ৱারী কয়ানা ঐখোয়দা ইথিল পীরি হায়না মহাক্না অকনবা ৱাফম থমখি।

প্রধান মন্ত্রীনা হায়খি মদুদি মমাংগী সরকারশিংগী মতমদদি অসিগুম্বা মায়পাকপা কয়া অসি ফংলমগনি, অদুবু নীংতম্লবা মতুং দিকেদ কয়াগী মতুংদদি খুঙ্গং লাখ কয়া অমা তঙাইফদবা পোৎলমশিং ফংহন্দনা লৈখি। মহাক্না হায়খি মদুদি SC, ST, অমসুং OBCগী মীশিং অয়াম্বদি খুঙ্গংশিংদা লৈরি অমসুং মমাংগী সরকারশিংনা মখোয়বু য়েংশিনখিদে। মসিনা খুঙ্গংশিংদগী মাইগ্রেসন, লায়রবগী চাং হেনগৎলকপা, অমসুং খুঙ্গং অমসুং শহরগী মফমশিংগী মরক্তা লৈরিবা খেন্নবা হেনগৎহল্লি। মমাংদা ঙমখৈদা লৈবা খুঙ্গংশিং অসি লৈবাক অসিগী অরোইবা খুঙ্গংশিংনি হায়না লৌনরম্বা অসিগী খুদম অমা পল্লদুনা শ্রী মোদীনা হায়খি মদুদি মহাক্কী সরকারনা মখোয়বু অহানবা খুঙ্গংগী থাক পীখ্রে অমসুং মখোয়গী চাউখৎ থৌরাংগীদমক ভাইব্রেন্ত ভিলেজ স্কিম হৌদোকখ্রে। মহাক্না হায়খি মদুদি ঙমখৈদা লৈরিবা খুঙ্গংশিং অসি চাউখৎহনবনা মখোয়গী মীওইশিংগী শেন্থোক হেনগৎহল্লি। মহাক্না হায়খি মদুদি মমাংদা মীৎয়েং থম্বা ঙমদবা মীওইশিং অদু হৌজিক মহাক্কী সরকারনা অহেনবা মীৎয়েং চংলি প্রধান মন্ত্রীনা ত্রাইবেল এরিয়াশিংগী চাউখৎ-থৌরাংগীদমক পি.এম. জনমান য়োজনা হৌদোকখিবগী মতাংদা পনখি। মসিনা চহি তরাগী খুজিং কয়াদগী চাউখৎ-থৌরাংগী মায়কৈদগী লাপথোকখিবা লমদমশিংদা চপ মান্নবা হক ফংহনগনি। মহাক্না হায়খি মদুদি হৌখিবা চহি তরা অসিদা মহাক্কী সরকারনা মমাংগী সরকারশিংগী অশোয়বা কয়া অমা চুমথোকখ্রে। সরকার অসিনা রুরেল দিবেলপমেন্তকী থোংদা লৈবাক্কী চাউখৎ থৌরাংগী মন্ত্রগা লোয়ননা মাংলোমদা চংশিল্লি হায়না মহাক্না অকনবা ৱাফম থমখি। অসিগুম্বা হোৎনবা কয়া অসিগী মহৈ ওইনা হৌখিবা চহি 10দা মীওই করোর 25 লায়রবদগী থোরকপা ঙমখ্রে হায়না শ্রী মোদীনা ফোংদোকখি। মসিগী মনুংদা অয়াম্বনা খুঙ্গংগী লমদমদগীনি। মহাক্না স্তেৎ বেঙ্ক ওফ ইন্দিয়ানা ইকুই কুইদ্রিঙৈদা পাংথোকখিবা স্তদী অমগী মতাংদা পনখি। স্তদী অসিনা ভারত্তা খুঙ্গংগী লায়রবা অসি 2012দা চাদা 26 ওইরম্বা অদুদগী 2024দা চাদা 5গী মখাদা হন্থরে হায়না উৎখি। মীওই খরনা চহি তরাগী খুজিং কয়াগী মমাংদগী লায়রবা মুত্থৎনবা স্লোগানশিং লাউদুনা লাক্লবসু, লৈবাক অসিদা হৌজিক লায়রবা মশিং হন্থরকপা উবা ফংলে হায়না মহাক্না ফোংদোকখি।

ভারতকী খুঙ্গংগী শেন্মিৎলোনদা নুপীশিংগী মরুওইবা থৌদাং অমসুং মসিগী থৌদাং অসি পাকথোক চাউথোকহন্নবা সরকারনা হোৎনরিবশিং অদু পল্লদুনা শ্রী মোদীনা হায়খি মদুদি নুপীশিংনা খুঙ্গংগী পুন্সিবু বেঙ্ক সখী অমসুং ভীমা সখী ওইনা নৌনা মশক তাক্লি অমসুং সেল্ফ হেল্প গ্রুপশিংগী খুত্থাংদা অনৌবা অহোংবা অমা পুরক্লি। মহাক্না হায়খি মদুদি খুঙ্গংশিংদা লৈরিবা নুপী করোর 1.15না লাখপাতি দিদি ওইখ্রে অমসুং সরকারনা নুপী করোর 3বু লাখপাতি দিদি ওইহন্নবা পান্দম থম্লি। মহাক্না মখা তাখি মদুদি দলিত, শোত্থরবা অমসুং ত্রাইবেল কম্ম্যুনিতীশিংগী নুপীশিংগীদমক অখন্নবা স্কিমশিংসু পায়খৎলি।

খুঙ্গংগী ইনফ্রাস্ত্রকচরদা মমাংদা অমুক্তা ওইখিদ্রিবা মওংদা মীৎয়েং থম্লিবা অসি পল্লদুনা প্রধান মন্ত্রীনা হায়খি মদুদি খুঙ্গং অয়াম্বা হৌজিক হায়ৱে, এক্সপ্রেসৱে অমসুং রেলৱেগা শম্নরে। প্রধান মন্ত্রী গ্রাম সরক য়োজনাগী মখাদা হৌখিবা চহি 10দা খুঙ্গংগী লমশিংদা চাউরাক্না কিলোমিতর লাখ 4গী লম্বী শেমগৎলে হায়না মহাক্না পনখি। প্রধান মন্ত্রীনা হায়খি, দিজিতেল ইনফ্রাস্ত্রকচরগী মতাংদা খুঙ্গংশিং অসি 21শুবা চহিচাগী মোদর্ন খুঙ্গংশিং ওইরক্লি। মহাক্না পনখি মদুদি খুঙ্গংগী ইমুংশিংগী 94%গী মথক্তা হৌজিক তেলিফোন নত্ত্রগা মোবাইল ফোন অমসুং বেঙ্কিং সর্ভিসশিং ফংলে অমসুং UPIগুম্বা মালেমগী থাক্কী তেক্নোলোজী খুঙ্গংশিংদা ফংলে। শ্রী মোদীনা হায়খি মদুদি 2014গী মমাংদা কমন সর্বিস সেন্তর লাখ 1গী মখাদা লৈরম্বা অদু ঙসিদি লাখ 5 হেনখ্রে। মখোয়না সরকারগী সর্বিস কয়া ওনলাইনদা ফংহল্লি। ইনফ্রাস্ত্রকচর অসিনা খুঙ্গংগী চাউখৎ থৌরাং য়াঙখৎহল্লি, থবক ফংহন্নবা খুদোংচাবা পীরি অমসুং খুঙ্গংশিং অসি লৈবাক অসিগী চাউখৎ থৌরাংদা শরুক য়াহল্লি হায়না মহাক্না ফোংদোকখি।

সেল্ফ হেল্প গ্রুপশিংদগী হৌরগা কিসান ক্রেদিৎ কার্দশিং ফাওবগী তোঙান তোঙানবা থবক থৌরমশিং মায়পাকহনবদা নাবার্দকী সেনিয়র মেনেজমেন্তনা লৌরিবা মরু ওইবা থৌদাং অদু শকখঙলদুনা শ্রী মোদীনা লৈবাক অসিগী পান্দমশিং ফংহনবদা নাবার্দনা মরু ওইবা থৌদাং অমা মখা তানা লৌখিগনি হায়না অকনবা ৱাফম থমখি। মহাক্না ফার্মর প্রদ্যুসর ওর্গনাইজেসনশিং (FPO) গী মপাঙ্গল অমসুং লৌমীশিংগী পোত্থোক্কী মমল হেন্না ফগৎহনবদা মখোয়না লৌরিবা থৌদাং অদু পনখি। মহাক্না FPOশিং হেন্না শেমগৎপা অমসুং মসিগী মাইকৈদা মাংলোমদা চংশিনবগী তঙাইফদবা অদুদা অকনবা ৱাফম থমখি। প্রধান মন্ত্রীনা ফোংদোকখি মদুদি হৌজিক্তি শঙ্গোম পুথোকপা অসিনা লৌমীশিংদা খ্বাইদগী ৱাংবা শেন্দোই ফংহল্লি। মহাক্না অমুলগুম্বা লৈবাক শিনবা থুংনা য়ৌগদবা কোওপরেতিব 5-6 হেন্না লিংখৎপগী তঙাইফদবা অদুদা অকনবা ৱাফম থমখি। লৈবাক অসিনা নেচরেল ফার্মিংবু মিসন মোদতা মাংলোমদা চংশিল্লি হায়না মহাক্না ফোংদোকখি অমসুং মসিগী খোংথাংদা লৌমী কয়া শরুক য়াহন্নবা মহাক্না তকশিনখি। শ্রী মোদীনা সেল্ফ হেল্প গ্রুপশিংবু মাইক্রো এন্দ স্মোল ইন্দস্ত্রীজ (MSME) গা শম্নহন্দুনা লৈবাক শিনবা থুংনা মখোয়গী পোত্থোকশিংগী দিমান্দ ফংহনবগী মরুওইবা অদু পনখি। মহাক্না পোৎথোকশিং অসিগী মওং চুম্বা ব্রান্দিং অমসুং মার্কেতিং তৌবগী তঙাই ফদবা অদুদা অকনবা ৱাফম থমখি। মহাক্না GIগী পোত্থোকশিংগী মগুন, পেকেজিং অমসুং ব্রান্দিংদা মীৎয়েং চংবগী মরুওইবা অদুসু ফোংদোকখি।

খুঙ্গংগী শেন্মিৎলোনবু দাইভর্সিফাইদ তৌহন্নবা হোৎনবগী তঙাইফদবা অদু পল্লদুনা, প্রধান মন্ত্রীনা ইরিগেসন অসি শেল চংদনা ফংহনবা, মাইক্রো-ইরিগেসন পুক্নিং থৌগৎপা, খুঙ্গংগী এন্তরপ্রাইস কয়া অমা শেমগৎপা অমসুং খুঙ্গংগী শেন্মিৎলোনগীদমক নেচরেল ফার্মিংগী কান্নবশিং মপুং ফাহন্নবগী মরুওইবা অদু পনখি। মহাক্না মসিগী মাইকৈ অসিদা মতম চানা হোৎননবা তকশিনখি।

শ্রী মোদীনা অপুনবা খুঙ্গং অসিনা মখোয়গী খুঙ্গংদা শাখিবা অমৃত সরোবর অসি পুন্না য়েংশিনবা হায়না তকশিনখি। মহাক্না হৌজিক চত্থরিবা ‘এক পের মা কে নাম’ কেম্পেনগী মতাংদা পনখি অমসুং খুঙ্গংগী মীওই খুদিংমক্না খুঙ্গং অসিদগী অহেনবা পাম্বীশিং থাবদা শরুক য়াবগী মরুওইবা অদু পনখি। মহাক্না মখা তানা খুঙ্গংগী শক্তমদা নুংশিবা অমসুং অমত্তা ওইবগী মরুওইবা অদু ফোংদোকখি। মীওই খরনা কাংলুপকী মমিংদা খুন্নাইদা হু শন্দোকপা অমসুং খুন্নাইগী ফীভম কায়থহন্নবা হোৎনরি হায়না পল্লদুনা শ্রী মোদীনা মসিগী থৌওংশিং অসি থিংনবা অমসুং খুঙ্গংগী চৎনবী অসি ঙাক-শেন্দুনা থম্নবা হায়খি।

মহাক্কী ৱারোল লোইশিল্লদুনা, প্রধান মন্ত্রীনা খুঙ্গংশিংবু মপাঙ্গল কনখৎহন্নবা অমসুং ৱারেপশিং অদু খুঙ্গং খুদিংদা য়ৌহন্নবা লেপ্পা লৈতনা থবক তৌবগী তঙাইফদবা অদুদা অকনবা ৱাফম থমখি। মহাক্না থাজবা থমখি মদুদি খুঙ্গংগী চাউখৎপা অসিনা চাউখৎলবা ভারত অমা ওইহল্লগনি।

শেল-থুম অমসুং কোর্পোরেৎ এফিয়র্সকী কেন্দ্রগী মন্ত্রী শ্রীমতি নির্মলা সিতারমন অমসুং শেল-থুমগী রাজ্য মন্ত্রী শ্রী পঙ্কজ চৌধরী অসি মকোক থোংবা মীওইশিংগী মরক্তা শরুক য়াখি।

বেকগ্রাউন্দ

রুরেল ইন্দিয়াগী ওন্তপ্রিনোরিএল স্পিরিৎ অমসুং কলচরেল হেরিতেজবু সেলেব্রেৎ তৌদুনা গ্রামীন ভারত মহোৎসব 2025 অসি জনুৱারী 4দগী 9 ফাওবা ‘বিল্দিং এ রিসিলিয়েন্ত রুরেল ইন্দিয়া ফোর ভিকসিৎ ভারত 2047’ হায়বা থিম অমসুং ‘গাও বরে, তো দেশ বরে’ হায়বা মোতোগা লোয়ননা পাংথোক্কনি। মহোৎসব অসিনা রুরেল ইন্দিয়াগী এন্তপ্রিনোরশিপ স্পিরিৎ অমসুং কলচরেল হেরিতেজবু শিংথাননবা পান্দম থম্লি।

তোঙান তোঙানবা খন্ন-নৈনবা, ৱার্কশোপশিং অমসুং মাস্তর ক্লাসশিংগী খুত্থাংদা, মহোৎসব অসিনা খুঙ্গংগী ইনফ্রাস্ত্রকচর হেনগৎহনবা, মশা-মরোমদোম লেপচবা শেন্মিৎলোন শেমগৎপা অমসুং খুঙ্গংগী কম্ম্যুনিতীশিংগী মনুংদা ইন্নোবেসন পুক্নিং থৌগৎনবা পান্দম থম্লি। মসিগী পান্দমশিংগী মনুংদা শেন-থুমগী ওইবা ইনক্লুজন অমসুং সস্তেনেবল এগ্রিকলচরেল প্রেক্তিসশিং সপোর্ত তৌদুনা, অৱাং-নোংপোক ভারত্তা অখন্নবা মীৎয়েং থমদুনা, খুঙ্গংগী মীয়ামগী মরক্তা ইকোনোমিক স্তেবিলিতী অমসুং ফাইনান্সিএল সেক্যুরিতী প্রমোৎ তৌবা য়াওরি।

মহোৎসব অসিগী মরুওইবা মীৎয়েংদি ওন্তপ্রিনোরশিপকী খুত্থাংদা খুঙ্গংগী নুপীশিংদা শক্তি পীনবা; সরকারগী ওফিসিএলশিং, ৱাখল লৈরবা লুচিংবশিং, খুঙ্গংগী ওন্তপ্রিনোরশিং, আর্তিসানশিং অমসুং তোঙান তোঙানবা সেক্তরশিংগী স্তেকহোল্দরশিংবু পুন্না পুনশিন্দুনা খুঙ্গংগী ত্রান্সফোর্মেসনগীদমক্তা রোদমেপ অমা শেমগৎপা; খুঙ্গংগী পুন্সি মহিং হেনগৎহন্নবা তেক্নোলোজী অমসুং অনৌবা থৌওংশিং শীজিন্নবগী মতাংদা খন্ন-নৈনবদা পুক্নিং থৌগৎপা; অমসুং ভারতকী শিংথানিংঙাই ওইবা কলচরেল হেরিতেজবু ময়েক শেংবা পর্ফোর্মেন্স অমসুং একজিবিসনশিংগী খুত্থাংদা উৎকনি।

Our vision is to empower rural India by transforming villages into vibrant centres of growth and opportunity. Addressing the Grameen Bharat Mahotsav in Delhi. https://t.co/XZ20St4QX9

— Narendra Modi (@narendramodi) January 4, 2025

हमने गाँव-गाँव में मूलभूत सुविधाओं की गारंटी का अभियान चलाया: PM @narendramodi pic.twitter.com/Kqfw6nKmi6

— PMO India (@PMOIndia) January 4, 2025

हमारी सरकार की नीयत, नीति और निर्णय ग्रामीण भारत को नई ऊर्जा से भर रहे हैं: PM @narendramodi pic.twitter.com/YcCILkhUG0

— PMO India (@PMOIndia) January 4, 2025

आज भारत सहकार से समृद्धि का रास्ता तय करने में जुटा है: PM @narendramodi pic.twitter.com/LW6fVPqgvs

— PMO India (@PMOIndia) January 4, 2025

***