ভারতকী প্রধানমন্ত্রী

​ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা রোজগার মেলাদা ৱা ঙাংখ্রে অমসুং কেন্দ্র সরকারগী তোঙান-তোঙানবা বিভাগশিং অমসুং লুপশিংদা নৌনা থবক খল্লবশিংদা এপোইন্তমেন্ত লেত্তর ৭১,০০০ হেন্না য়েন্থোকখ্রে। রোজগার মেলা অসি থবক ফংহন্নবা প্রধান মন্ত্রীনা খ্বাইদগী মরুওইনা লৌরিবা অসি থবক ওইনা পাংথোক্নবা মাইকৈদা থাংজিনবা খোঙথাং অমনি। মসিনা লৈবাক শেমগৎপদা শরুক য়ানবা অমসুং মশামক্কী ফিবম ফগৎনবা নহারোলশিংদা খুদোংচাবশিং পীরে।

থৌরম অদুদা ৱা ঙাংবদা, প্রধান মন্ত্রীনা হায়খি মহাক ঙরাং অহিং অথেংবদা কুৱেত্তগী হল্লক্লে, মফম অদুদা মহাক্না ভারতকী নহারোলশিং অমসুং শীনফম কয়াগী মীওইশিংগা কুপ্না ৱারি শানরকখি। মহাক হল্লক্লবা মতুংদা, লৈবাক অসিগী নহারোলশিংগা মহাক্কী অহানবা থৌরম পাংথোকপা অসি মপা য়াম্না চানবা অমনি। ঙসি লৈবাক অসিগী নহারোল লিশিং কয়াগী অনৌবা অমা হৌবনি। অদোমগী চহি কয়াগী মঙলানশিং মঙফাওনরে, চহি কয়া হোৎনরকপগী মহৈ চারে। চৎখিগদৌরিবা চহি ২০২৪ না অদোমদা অনৌবা নুংঙাইবা পুরক্লে। অদোম অমসুং অদোমগী ইমুং-মনুংদা ঐনা হরাওবা ফোঙদোকচরি।

রোজগার মেলাগুম্বা থবকশিংগী খুৎথাংদা ভারতকী নহারোলশিংগী হৈথোই-শিংথোইবা মপুংফানা শীজিন্ননবা সরকারনা মরুওইনা লৌরি। হৌখিবা চহি ১০ অসিদা, তোঙান-তোঙানবা মিনিস্ত্রিশিং অমসুং দিপার্তমেন্তশিংদা সরকারগী থবক পীনবা অকনবা থবক অমা পায়খৎতুনা লাক্লি। ঙসি নহারোল লিশিং ৭১,০০০ হেনবদা মখোয়গী এপোইন্তমেন্ত লেত্তরশিং খুৎশিন্নরে। হৌখিবা চহি অমা মখায়দা চাউরাক্না সরকারগী থবক লাখ ১০ রোম ফংহনখ্রে অমসুং মসি রেকোর্দ অমা থম্লে। হায়রিবা থবকশিং অসি অরোন-অথুপ লৈতনা থবক খনখিবনি অমসুং নৌনা থবক খল্লবশিংনা কৎথোকপগা লোয়ননা অমসুং পুকচেল শেংনা মীয়ামগী থবক তৌরি।

প্রধান মন্ত্রীনা হায়খি লৈবাক অমা চাউখৎপা অসি লৈবাক অদুগী নহারোলশিংগী থবক শুবা কনবা, থবক ঙম্বা অমসুং লুচিংবগী গুনগী মখা পোল্লি। ২০৪৭ দা ভারত চাউখৎলবা লৈবাক অমা ওইনবা থবক পায়খৎলে অমসুং লৈবাক অসিগী নহারোলশিংগী হৈথোই-শিংথোইবা হেনগৎহন্নবা সরকারগী থৌশিলশিং অমসুং ৱারেপশিং মীৎয়েং চঙলে। হৌখিবা চহি ১০ দা পায়খৎখিবা থবকশিং হায়বদি মেক ইন ইন্দিয়া, অত্মানির্ভর ভারত, স্তার্দ-অপ ইন্দিয়া, স্তেন্দ-অপ ইন্দিয়া অমসুং দিজিতেল ইন্দিয়ানা নহারোলশিং মাঙজিল থাহল্লে।

প্রধান মন্ত্রীনা হায়খি মদুদি হৌজিক ভারত মালেমদা ৫শুবা খ্বাইদগী চাউবা ইকোনোমি ওইরে অমসুং ৩শুবা খ্বাইদগী চাউবা স্তার্দ-অপ ইকোসিস্তেম লৈরে। ঙসি ভারতকী নহারোলশিং অনৌবা থাজবনা পীক থল্লে। মখোয় হিরম খুদিংমক্ত মীথোই মীহেল্লে। ঙসি নহা ওইরিবা ওন্ত্রেপ্রেনিউয়রশিংনা হৌদোক্লিবা স্তার্দঅপশিংনা অকনবা শৌগৎপগী খুদোংচাবা ফংলে। শান্নবনা শীনফম ওইরিবা নহারোলশিংনা মখোয় হৌজিক মতমগী অনৌবা খুদোংচাবশিং অমসুং তুর্নামেন্তশিং লৈবদগী মখোয় মাইথিরোই হায়না খল্লে। হৌজিক লৈবাক অসি হিরম কয়াদা অওনবা অমা পুরক্লে, মোবাইল শাবদা অনিশুবা খ্বাইদগী চাউবা লৈবাক ওইরে। রিন্যুএবল ইনর্জি, ওর্গনিক ফার্মিং, স্পেস, দিফেন্স, তুরিজম অমসুং ৱেলনেসতা ভারত খুমাঙচাউশিল্লে অমসুং হিরম খুদিংমক্ত অনৌবা খুদোংচাবশিং শেম্লে অমসুং অনৌবা থাকশিং য়ৌবা ঙম্লে।

প্রধান মন্ত্রীনা হায়খি মদুদি লৈবাক অসিগী চাউখৎপা য়াংখৎনবা অমসুং অনৌবা ভারত অমা শেমগৎনবা, নহারোলশিংগী হৈশিংবা য়োকখৎপা অসি য়াম্না মরুওই অমসুং মসিগী থৌদাং অনৌবা ইজুকেসন সিস্তেমগী মখা পোল্লি। নেসনেল ইজুকেসন পোলিসিনা ভারত অনৌবা ইজুকেসন সিস্তেম অমদা লমজিংলি অমসুং মসিনা মহৈরোয়শিংদা অনৌবা খুদোংচাবশিং পীরি। মমাঙদা সিস্তেম অসি অথিংবা কয়া লৈখি, অদুবু হৌজিক মসিনা অতল তিনকরিং লেবশিং অমসুং পি.এম-শ্রী স্কুলশিংগী খুৎথাংদা নৌবা থবকশিং পুক্নিং থৌগৎলি। মখোয়গী মমালোলশিংদা লাইরিক তম্বা অমসুং পরিক্ষা থাবা য়াহন্দুনা অমসুং লোল ১৩ দা থবক লৌবগী পরিক্ষা থানবা খুদোংচাবা পীদুনা খুঙ্গং অমসুং লায়রবা কাংলুপকী নহারোলশিংগী লোলগী খুদোংচাদবা কোকহন্নবা সরকারনা থবক পায়খৎলে। সরকারগী থবক চঙনবা অখন্নবা রেল্লিশিং পাংথোক্তুনা, ঙমখৈগী লমদমশিংদা লৈরিবা নহারোলশিংগী কোতাশিং হেনগৎহল্লে। ঙসি, শিংথানিঙাইবা অচৌবা মাইপাকপা অমা ওইনা, নহারোল ৫০,০০০ হেন্না সেন্ত্রেল আর্মদ পুলিস ফোর্সকী এপোইন্তমেন্ত লেত্তরশিং ফংলে।

ঙসি চৌধুরি চরন সিংহ জিগী মপোক নুমিৎকী মতাংদা পল্লদুনা, প্রধান মন্ত্রীনা হায়খি চহি অসিদা ভারত রত্ন পীদুনা মহাক ইকায়খুম্নবা উৎনবগী খুদোংচাবা সরকারনা ফংলে। ঙসি ঐখোয়না নুমিৎ অসি লৌমীশিংগী নুমিৎ হায়না থৌরম পাংথোক্লি অমসুং ঐখোয়গী চানবা চীঞ্জাক পুথোক্লিবা লৌমীশিংদা ইকায়খুম্নবা উৎলি। ভারতকী চাউখৎপা অসি ভারতকী খুঙ্গং চাউখৎপগী মখা পোল্লি হায়বা চৌধুরি সাহেবনা থাজখি। ঐখোয়গী সরকারগী থৌশিলশিংনা খুঙ্গংগী লমদমশিংদা অনৌবা থবকশিং ফংহল্লে অমসুং মশানা মশাবু থবক পীজনবা খুদোংচাবশিং পীরে।

গোভর-ধন য়োজনাগী মখাদা বাইওগ্যাস প্লান্তশিং লিংখৎতুনা ইনর্জি পুথোকপগা লোয়ননা থবক কয়া ফংহল্লে। ই-নাম স্কিমনা লৌউ-শিংউগী কৈথেলশিং শম্নহন্দুনা অনৌবা থবক ফংনবা খুদোংচাবশিং পীরে অমসুং ইথানোল য়ানশিনবা হেনগৎহন্দুনা লৌমীশিংদা কান্নবা পীরে অমসুং চু থাবগী লমদা থবক কয়া ফংহল্লে। ফার্মর প্রদুসর ওর্গনাইজেসন ৯,০০ রোম লিংখৎপা অসিনা য়োনফমগী খুদোংচাবা হেনগৎহল্লে অমসুং খুঙ্গংদা থবক কয়া ফংহল্লে। মহৈ-মরোং লিদুনা থম্নবা অচৌবা স্কিম অমা সরকারনা পায়খৎলি অমসুং মসিনা থবক ফংনবা অমসুং মশানা মশাবু থবক পীজনবা খুদোংচাবশিং শিংথাবা য়ানা হেনগৎহল্লে।

প্রধান মন্ত্রীনা হায়খি মদুদি মীওই খুদিংমক ইন্সুরেন্স য়াওনবা অমসুং খুঙ্গংগী লমশিংদা থবক ফংনবগী খুদোংচাবশিং পীনবা সরকারনা বিমা শখি য়োজনা হৌদোক্লে। দ্রোন দিদি, লাখপতি দিদি অমসুং বেঙ্ক শখি য়োজননা লৌউ-শিংউ অমসুং খুঙ্গংগী লমদা থবক কয়া ফংহল্লে। ঙসি নুপী লিশিং কয়া এপোইন্তমেন্ত লেত্তরশিং ফংলে অমসুং মখোয়গী মাইপাকপা অসিনা অতোপ্পশিংদা ইথিল পীরগনি। ঐখোয়গী থবক্তি হিরম খুদিংমক্ত মশা মরোমদোম লেপচবা ঙম্বা নুপীশিং শেমগৎপনি। নুপী মিল্লিয়ন কয়াগী শীনফম ঙাক-শেন্নবা চয়োল ২৬ গী অঙাং উনবগী ছুতি পীরে।

প্রধান মন্ত্রীনা হায়খি মদুদি নুপীশিং চাউখৎপদা অপনবা ওইরম্বা অদু শ্বাছ ভারত অভিয়ান্না লৌথোক্লে অমসুং তোখায়বা তোইলেতশিং লৈতবদগী নুপীমচা কয়া স্কুল কাবা তোকখি। নুপীমচাশিং লাইরিক তম্বদা সুকন্যা সমরিধি য়োজননা শেনগী মতেং পাংলে। নুপীশিংগী জন ধন একাউন্ত করোর ৩০ হেনবদা সরকারগী স্কিমশিংগী কান্নবা হকথেংননা পীরে। মুদ্রা য়োজনাগী মখাদা, হৌজিক নুপীশিং গরেন্তি য়াওদনা লোনশিং ফংলে। প্রধান মন্ত্রী অৱাস য়োজনাগী মখাদা নুপীশিংগী মিংদা য়ুমশিং শারে। পোসন অভিয়ান, সুরক্ষিত মাত্রিভা অভিয়ান অমসুং অয়ুস্মান ভারতনা নুপীশিংদা অফবা অনা-লায়েংগী খুদোংচাবশিং ফংহল্লে।

প্রধান মন্ত্রীনা হায়খি মদুদি নারী শক্তি বন্দন অধিনিয়মনা এশেমব্লিশিং অমসুং লোক সভাদা নুপীশিংগী সিত খাক্তুনা থম্লে অমসুং মসিনা লৈবাক অসিদা নুপীশিংনা লমজিংদুনা চাউখৎপা হেনগৎহনগনি।

প্রধান মন্ত্রীনা হায়খি ঙসি এপোইন্তমেন্ত লেত্তরশিং ফংলবা নহারোলশিং অনৌবা অওনবা পুরক্লবা সরকারদা জোইন তৌরে। হৌখিবা চহি ১০ দা, সরকারগী ওফিসশিংগী থবক শিংথাবা য়ানা ফগৎলে অমসুং মসি সরকারগী থবক তৌবা মীওইশিংনা কৎথোকপা অমসুং থবক কন্না শুবদগী ওইরকপনি।

প্রধান মন্ত্রীনা হায়খি মখোয়না তমনিংবা অমসুং চাউখৎনিংবগী লাংতক্নবা লৈবদগী নৌনা থবক ফংলবশিং মখোয়গী পান্দম য়ৌবা ঙম্বনি অমসুং মসিগী ৱাখল্লোন অসি মখোয়গী পুন্সি চুপ্পা লেংদনা থম্বা য়াম্না মরুওই। আইগোত (iGOT) কর্মায়োগী প্লেতফোর্মদা সরকারগী থবক তৌবা মীওইশিংগী কোর্স কয়া ফংলে অমসুং মখোয়গী খুদোংচানবা মসিগী দিজিতেল ত্রেনিং মোদুল অসি শীজিন্নগদবনি। ঙসি মখোয়গী এপোইন্তমেন্ত লেত্তরশিং ফংলবা কেন্দিদেদশিং ঐনা থাগৎপা ফোঙদোকচরি।

নুঙগীৱারোল

রোজগার মেলা অসি থবক ফংহন্নবা প্রধান মন্ত্রীনা খ্বাইদগী মরুওইনা লৌরিবা অসি থবক ওইনা পাংথোক্নবা মাইকৈদা থাংজিনবা খোঙথাং অমনি। মসিনা লৈবাক শেমগৎপদা শরুক য়ানবা অমসুং মশামক্কী ফিবম ফগৎনবা নহারোলশিংদা খুদোংচাবশিং পীরে।

লৈবাক্কী মফম ৪৫ শীনবা থুংনা রোজগার মেলা পাংথোকখি। কেন্দ্র সরকারগী তোঙান-তোঙানবা মিনিস্ত্রিশিং অমসুং বিভাগশিংদা থবক হাপ্লে। লৈবাক শীনবা থুংবদগী নৌনা থবক খল্লবা মীওইশিংনা হোম এফেয়ার্স মিনিস্ত্রি, পোস্ত দিপার্তমেন্ত, হায়র ইজুকেসন দিপার্তমেন্ত, হেল্থ অমসুং ফেমিলি ৱেলফিয়ার মিনিস্ত্রি অমসুং ফাইনান্সিএল সর্বিসেস দিপার্তমেন্ত য়াওনা তোঙান-তোঙানবা মিনিস্ত্রিশিং/বিভাগশিংদা জোইন্ত তৌগনি।

आज भारत का युवा, नए आत्मविश्वास से भरा हुआ है।

वो हर सेक्टर में अपना परचम लहरा रहा है: PM @narendramodi

— PMO India (@PMOIndia) December 23, 2024

नए भारत के निर्माण के लिए देश दशकों से एक आधुनिक शिक्षा व्यवस्था की जरूरत महसूस कर रहा था।

नेशनल एजुकेशन पॉलिसी के जरिए देश अब उस दिशा में आगे बढ़ चुका है: PM @narendramodi

— PMO India (@PMOIndia) December 23, 2024

आज हमारी सरकार की नीतियों और निर्णयों से ग्रामीण भारत में भी रोजगार और स्वरोजगार के नए मौके बन रहे हैं।

एग्रीकल्चर सेक्टर में बड़ी संख्या में युवाओं को रोजगार मिला है, उन्हें अपने मन का काम करने के लिए मौका मिला है: PM

— PMO India (@PMOIndia) December 23, 2024

हमारा प्रयास है कि हर क्षेत्र में महिलाएं आत्मनिर्भर बनें: PM @narendramodi

— PMO India (@PMOIndia) December 23, 2024

***