ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি উত্তর প্রদেশকী প্রয়াগরাজদা লুপা করোর 5500 রোমগী চাউখৎ-থৌরাংগী প্রোজেক্ত কয়া শঙ্গাখ্রে অমসুং হৌদোকখ্রে। মীয়াম তিনখিবা অদুদা ৱা ঙাংলদুনা, প্রধান মন্ত্রীনা সঙ্গমগী শেংলবা লমদম ওইরিবা প্রয়াগরাজদা ইকায় খুম্নবা উৎখি অমসুং মহাকুম্ভতা শরুক য়াখিবা সন্তশিং অমসুং সাধুশিংদা ইকায় খুম্নবা উৎখি। মখোয়গী কন্না হোৎনদুনা অমসুং কত্থোকপনা মহাকুম্ভ অসি মায় পাকহনখিবা এমপ্লোয়ীশিং, শ্রমিকশিং অমসুং সাফাই কর্মচারিশিংদা শ্রী মোদীনা থাগৎপা ফোংদোকখি। মহাকুম্ভগী পাক চাউবগী মতাংদা প্রধান মন্ত্রীনা হায়খি মদুদি মসি মালেমগী খ্বাইদগী চাউবা থৌরমশিংগী মরক্তগী অমনি। মফম অসিদা নুমিৎ 45নি চুপ্না চত্থগদবা মহাজনগীদমক নোংমদা ভক্তা লাখ কয়াবু তরাম্না ওকই অমসুং থৌরম অসিগীদমক্তা অনৌবা শহর অমা শেমগৎলি। প্রধান মন্ত্রীনা হায়খি, “প্রয়াগরাজগী লমদা অনৌবা পুৱারী অমা ইরি।” প্রধান মন্ত্রীনা হায়খি মদুদি মথং চহিদা মহাকুম্ভ পাংথোকপা অসিনা লৈবাক অসিগী স্পিরিচুএল অমসুং কলচরেল আইদেন্তিতীবু অনৌবা থাক্তা পুখৎকনি। মহাক্না হায়খি মদুদি অসিগুম্বা অমত্তা ওইবগী ‘মহা যজ্ঞা’ অসি মালেম পুম্বদা খন্ন-নৈনগনি। মহাকুম্ভ অসি মায়পাক্না পাংথোক্নবা মহাক্না মীয়ামদা য়াইফ-মঙ্গোল পীখি।

শ্রী মোদীনা হায়খি, “ভারত অসি শেংলবা মফমশিং অমসুং লাই খুরুমফমশিংগী লমদম অমনি।” গঙ্গা, য়মুনা, সরস্বতী, কাবেরী, নর্মদা অমসুং অতোপ্পা মশিং য়াম্লবা তুরেলশিংগী লমদম অমনি হায়না মহাক্না মখা তাখি। প্রয়াগ অসি হায়রিবা তুরেলশিং অসিগী তিন্নফম, পুনশিনবা, অপুনবা, ইথিল পীবা অমসুং অশেংবা ঈচেলগী শক্তি অমনি হায়না পল্লদুনা প্রধান মন্ত্রীনা হায়খি মদুদি প্রয়াগ অসি তুরেল অহুমগী তিন্নফম খক্তা নত্তে, মসিদগী হেন্না চাউই। মরুওইবা অদু শন্দোক্না তাক্লদুনা মহাক্না হায়খি মদুদি প্রয়াগকী মতাংদা হায়রি মদুদি মসি অফবা মতম অমনি মদুদি নুমিৎনা মকরগী য়ুমদা চংলকপা মতমদা, লাইগী শক্তিশিং, অমৃত, শাধুশিং অমসুং সন্তশিং পুম্নমক প্রয়াগতা কুলকই। মহাক্না হায়খি মদুদি প্রয়াগ অসি পুরানশিং অসি য়াওদনা মপুং ফাদ্রিবা মফম অমনি। মহাক্না মখা তানা হায়খি মদুদি প্রয়াগ অসি বেদকী শ্লোকশিংদা থাগৎপা ফোংদোক্লবা মফম অমনি।

শ্রী মোদীনা হায়খি, “প্রয়াগ অসি খোঙকাপ খুদিংদা শেংলবা মফমশিং, অফবা মফমশিং লৈবা মফম অমনি।” প্রয়াগরাজকী চৎনবী অমসুং স্পিরিচুএলগী মরুওইবা অদু পল্লদুনা, প্রধান মন্ত্রীনা সংস্কৃত শ্লোক অমা থীখি অমসুং শন্দোক্না হায়খি, “ত্রিবেনিগী ইফেক্ত, ভেনিমাধবকী মতিক মগুন, সোমেশ্বরগী থৌজাল, ঋশী ভরদ্বাজগী তপস্যাকী লম, ভগবান নাগরাজ ভাসুজীগী অখন্নবা মফম, অক্ষয়বৎকী অমর ওইবা অমসুং ঈশ্বরগী মঙাল অসিনা ঐখোয়গী তির্থরাজ প্রয়াগ ওইহল্লি।” মহাক্না মখা তানা শন্দোক্না হায়খি মদুদি প্রয়াগরাজ অসি “ধর্ম” , “অর্থ”, “কামা” অমসুং “মোক্ষা”গী ইলিমেন্ত মরি ফংলিবা মফম অমনি। “প্রয়াগরাজ অসি জিওগ্রাফিকেল ওইবা লম মচেৎ খক্তা নত্তে, মসি স্পিরিচুএলিতীগী মফম অমনি” হায়দুনা প্রয়াগরাজদা লাকপগীদমক নাগরিকশিংদা প্রধান মন্ত্রীনা থাগৎপা ফোংদোকখি। মহাক্না হৌখিবা কুম্ভগী মতমদা সঙ্গমদা ইরুপখিবা অদু নীংশিংখি অমসুং ঙসি মসিগী খুদোংচাবা ফংলি হায়নসু পনখি। ঙসি অঙনবা মতমদা হনুমান মন্দির অমসুং অক্ষয়ভৎতা দর্শন অমসুং পুজা তৌবগী মতাংদা প্রধান মন্ত্রীনা হায়খি মদুদি ভক্তশিংনা লায়না চঙবা ঙম্নবগীদমক হনুমান কোরিদোর অমসুং অক্ষয়বৎ কোরিদোর শেমগৎলি। সরস্বতী কুপকী নৌনা শেমগৎ-শাগৎপগী প্রোজেক্তকী মতাংদসু প্রধান মন্ত্রীনা পনখি। শ্রী মোদীনা ঙসি লুপা করোর লিশিং কয়াগী দিবেলপমেন্ত প্রোজেক্তশিং পায়খৎলকপদা নাগরিকশিংদা নুংঙাইবা ফোংদোকখি।

শ্রী মোদীনা হায়খি, “মহা কুম্ভ অসি ঐখোয়গী থাজবা, স্পিরিচুএলিতী অমসুং কলচরগী শেংলবা কুম্মৈগী ঐখোয়গী লেগেসিগী মশক অমনি।” মহাক্না মখা তাখি মদুদি মতম খুদিংগী, মেগা ইভেন্ত অসিনা ধর্ম, লৌশিং, থৌনা অমসুং আর্তকী লাইগী ওইবা পুনশিনবগী খুদম্নি। মহাক্না হায়খি মদুদি কনাগুম্বা অমনা ঈশিংদা ইরুপলবদি মহাক্কী পাপ পুম্নমক কোক্কনি। প্রধান মন্ত্রীনা ফোংদোকখি মদুদি থাজবগী লোইনাইদ্রবা ইচেল অসি তোঙান তোঙানবা নিংথৌরেল অমসুং লমদম কয়াগী লৈঙাক্লোনগী মতমদগী নত্ত্রগা ব্রিতিশকী নিংথৌরেল ওইবগী মতমদগীসু লেপখিদে। মসিগী মরুওইবা মরমদি কুম্ভ অসি মপানগী ফোর্স অমত্তনা লেপহনখিদে। মহাক্না মখা তাখি মদুদি কুম্ভনা মীওইবগী ইন্নর কন্সিয়সনেস অমসুং ভারতকী মফম খুদিংদগী মীওইশিংবু সঙ্গমগী তুরেলগী মনাক্তা পুরক্লিবা কন্সিয়সনেস অদুবু তাক্লি। মহাক্না মখা তারদুনা হায়খি মদুদি খুঙ্গংশিং, তাউনশিং, শহরশিংদগী মীওইশিংনা প্রয়াগরাজদা চৎলি অমসুং অসিগুম্বা মশিং য়াম্লবা মীফম অমসুং মীয়াম তিনবগী শক্তি অসি অতোপ্পা মফম তাংনা উবা ফংই। শ্রী মোদীনা হায়খি মদুদি করিগুম্বা মীওই অমনা মহাকুম্ভতা লাক্লবদি, মীপুম খুদিংমক, সন্ত, শাধু, লৌশিং লৈবা মীওইশিং, নৎত্রগা মীচম মীয়াম অমসুং জাৎ বিজাৎকী খেন্নবা লৈরোই। মহাক্না মখা তাখি মদুদি মীওই করোর কয়া অমা পান্দম অমগা ৱাখল্লোন অমগা লোয়ননা শম্নহল্লি। প্রধান মন্ত্রীনা হায়খি মদুদি হায়রিবা মতম অসিদা মহা কুম্ভগী মনুংদা, তোঙান তোঙানবা রাজ্যশিংদগী তোঙান তোঙানবা লোলশিং, কাস্তশিং, ধর্মশিংগা লোয়ননা মীওই করোর কয়া অমা সঙ্গমদা পুনগনি অমসুং অমত্তা ওইনা লৈগনি। মহাক্না মখা তারদুনা হায়খি মদুদি মসি মহাক্কী থাজবনি মদুদি করিগীদমক মহা কুম্ভ অসি অমত্তা ওইবগী মহা য়জ্ঞা ওইখি, মসিদা খেন্নবা খুদিংমক কত্থোকখি অমসুং মসিদা ইতিনফমদা ইরুপ্পা অসিনা ভারত মচা খুদিংমক্না এক ভারত, শ্রেস্ত ভারতকী ফজরবা মওং উৎলি।

শ্রী মোদীনা ভারতকী নাৎকী অমসুং থাজবগী চৎনবীদা কুম্ভগী মরুওইবা অদু ফোংদোকখি। মসিনা মতম পুম্নমক্তা মরুওইবা লৈবাক্কী ৱাফম অমসুং শীংনবশিংগী মতাংদা সন্তশিংগী মরক্তা কুপ্না খন্ন-নৈনবগী প্লেৎফোর্ম অমা ওইদুনা লাক্লি হায়না মহাক্না ফোংদোকখি। মহাক্না হায়খি মদুদি মমাংঙৈদা মোদর্ন কম্ম্যুনিকেসন চেনেলশিং লৈত্রিঙৈদা, কুম্ভ অসি মরুওইবা খুন্নাইগী অহোংবা পুরক্নবগী য়ুম্ফম অমা ওইখি। মফম অসিদা সন্তশিং অমসুং স্কোলরশিংনা লৈবাক অসিগী য়াইফ-থৌরাংগী মতাংদা খন্ন-নৈননবা অমসুং হৌজিক্কী অমসুং তুংলমচৎকী শীংনবশিংগী মতাংদা খন্ন-নৈননবা পুনখি। মসিনা লৈবাক অসিগী ৱাখল্লোনগী থৌওংদা অনৌবা মাইকৈ অমসুং ইনর্জী পীখি। ঙসিসু, প্রধান মন্ত্রীনা হায়খি, কুম্ভ অসি অসিগুম্বা খন্ন-নৈনবগী ফোরম অমা ওইনা, লৈবাক শিনবা থুংনা পোজিতিব ওইবা পাউজেলশিং পীবা অমসুং লৈবাক্কী য়াইফ-থৌরাংগী মতাংদা অপুনবা ৱাখল্লোনগী ইথিল পীনবগী মরুওইবা অদু লৈরি। মীফমশিং অসিগী মমিংশিং, মাইলস্তোনশিং অমসুং লম্বীশিং অসি খেন্নরবসু, প্রধান মন্ত্রীনা হায়খি মদুদি পান্দম অমসুং খোঙচৎ অসি চপ মান্নৈ। মহাক্না হায়খি মদুদি কুম্ভ অসি হৌজিক চত্থরিবা নেস্নেল দিসকোর্সকী খুদম অমা ওইরি অমসুং তুংগী চাউখৎপগী মঙাল অমা ওইরি।

প্রধান মন্ত্রীনা মমাংগী থৌরমশিং অসিগী মরুওইবা লৈরবসু, ভক্তশিংনা অৱাবা কয়া মায়োক্নরবসু সরকারশিংনা কুম্ভ অমসুং তীর্থ য়াত্রাগী মফমশিংবু নাথৈদুনা থম্বগী মতাংদা পনখি। মহাক্না মসি ভারতকী চৎনবী অমসুং থাজবগা মরী ৱাৎপনা মরম ওইরগনি হায়না ফোংদোকখি। কেন্দ্র অমসুং রাজ্য অনিমক্কী হৌজিক লৈরিবা সরকারগী মখাদা ভারতকী চৎনবী অমসুং থাজবশিংবু অচেৎপা ইকায় খুম্নবা লৈ হায়না মহাক্না মীয়ামদা থাজবা পীখি। মহাক্না হায়খি মদুদি কেন্দ্র অমসুং রাজ্য অনিমক্কী সরকারনা কুম্ভদা শরুক য়ারিবা তীর্থ য়াত্রা চৎপা মীওইশিংগীদমক খুদোংচাবশিং ফংহনবা অসি মখোয়গী থৌদাং অমনি। তোঙান তোঙানবা প্রোজেক্তশিংগীদমক লুপা করোর লিশিং কয়াগী এলোকেসন তৌখ্রে হায়না প্রধান মন্ত্রীনা ফোংদোকখি। মসিগী শেম-শাবা অসি মপুং ফানা পাংথোক্নবা কেন্দ্র অমসুং রাজ্য সরকার অনিমক্না পুন্না থবক তৌমিন্নরি। মহাক্না অয়োধ্যা, বরানসী, রাইবরেলি অমসুং লখনৌগুম্বা শহরশিংদগী প্রয়াগরাজদা কন্নেক্তিবিতী ফগৎহন্নবা অখন্নবা মীৎয়েং থম্লিবা অদু পনখি। মসিনা তীর্থ চৎপা মীওইশিংগীদমক লম্বী চৎপা অসি লায়থোকহল্লগনি। প্রধান মন্ত্রীনা সরকারগী দিপার্তমেন্ত কয়ানা অচৌবা থৌরম অদুগী শেম-শাবদা পুন্না হোৎনরিবা অদুগীদমক থাগৎপা ফোংদোকখি, মসিনা “হোল ওফ দি গভর্নমেন্ত” এপ্রোচ অদু উৎলি।

প্রধান মন্ত্রীনা হায়খি মদুদি সরকার অসিনা চাউখৎপা অমসুং ভারতকী হেরিতেজবু মপাঙ্গল কনখৎহনবা অনিমক্তা মীৎয়েং থম্লি। মহাক্না লৈবাক শিনবা থুংনা শেমগৎলিবা তোঙান তোঙানবা তুরিস্ত সর্কিৎশিংগী মতাংদা পনখি অমসুং রামায়ন সর্কিৎ, কৃষ্ণ সর্কিৎ, বদ্ধ সর্কিৎ অমসুং তির্থানকর সর্কিৎকী খুদমশিং পীখি। স্বদেশ দর্শন অমসুং প্রসাদগুম্বা স্কিমশিংগী মতাংদা পল্লদুনা প্রধান মন্ত্রীনা হায়খি মদুদি সরকারনা তীর্থ য়াত্রাগী মফমশিংদা খুদোংচাবশিং হেনগৎহল্লি। মহাক্না অয়োধ্যাদা শেমদোক-শাদোকপা অমসুং শহর অসি চাউনা থৌগৎলিবা অচৌবা রাম মন্দির শাবগী মতাংদা পনখি। মালেমগী ওইনা শকখঙনরবা বিশ্বনাথ ধাম অমসুং মহাকল মহলোকগুম্বা প্রোজেক্তশিংসু মহাক্না পনখি। প্রধান মন্ত্রীনা হায়খি, প্রয়াগরাজতা, অক্ষয় ভত কোরিদোর, হনুমান মন্দির কোরিদোর, অমসুং ভারদ্বাজ ঋশী আশ্রম কোরিদোর অসি ভিজন অসিবু উৎলি। সরস্বতী কুপ, পতালপুরী, নাগভাসুকি অমসুং দ্বাদাস মাধব মন্দিরগুম্বা মফমশিং অসি তীর্থ চৎপা মীওইশিংগীদমক নৌহৌননা শেমগৎলি।

প্রধান মন্ত্রীনা হায়খি মদুদি নিসাদ্রাজগী লম ওইরিবা প্রয়াগরাজ অসি মেরিয়দা পুরুশোত্তম ওইনবা ভগবান রামগী খোঙচৎতা মরুওইবা মফম অমা ওইখি। মহাক্না মখা তাখি মদুদি ভগবান রাম অমসুং কেবতকী থৌদোক্না ঐখোয়দা ইথিল পীরি। কেবতনা ভগবান রামগী মখোং হামবীখি অমসুং মহাক্কী হীগা লোয়ননা তুরেল অদু লান্থোকপদা মতেং পাংখি। মহাক্না মখা তানা হায়খি মদুদি থৌরম অসিনা তাক্লি মদুদি ভগবান ফাওবা মহাক্কী ভক্তদগী মতেং লৌবা য়াই। শ্রী মোদীনা হায়খি মদুদি শ্রিংবরপুর ধামগী চাউখৎ থৌরাং অসি মরুপ-মপাং ওইবগী খুদম্নি অমসুং ভগবান রাম অমসুং নিশাদরাজগী মীতমশিং অসিনা তুংগী মীরোনগীদমক্তা অমত্তা ওইবগী পাউজেল পীদুনা লৈহৌরগনি।

প্রধান মন্ত্রী শ্রী নরেন্দ্র মোদীনা গ্রান্দ কুম্ভ অসি মায় পাকহনবদা লুনানবনা লৌরিবা মরুওইবা থৌদাং অদু পনখি। প্রয়াগরাজদা অফবা সেনিতেসন অমসুং ৱেস্ত মেনেজমেন্ত ফংহন্নবা নমামি গঙ্গে প্রোগ্রাম খোঙজেল য়াংখৎহনখ্রে অমসুং গঙ্গা দুত, গঙ্গা প্রহারী অমসুং গঙ্গা মিত্রশিং এপ্পোইন তৌবা অসিগুম্বা খোঙথাং কয়া লৌখৎখ্রে হায়না মহাক্না ফোংদোকখি। প্রধান মন্ত্রীনা হায়খি মদুদি সেনিতেসন ৱার্কর 15,000 হেনবনা কুম্ভগী শিৎতোক-শেংদোকপা অসি য়েংশিনগনি। মহাক্না থবক শুরিবা মীওইশিং অসিদা মাংজৌননা মহাক্কী থাগৎপা ফোংদোকখি অমসুং ভক্তা করোর কয়াগীদমক স্পিরিচুএল অমসুং ক্লিন এনভাইরনমেন্ত অমা ফংহন্নবা মখোয়না হোৎনরিবা অদুগীদমক থাগৎপা ফোংদোকখি। প্রধান মন্ত্রীনা ভগবান শ্রী কৃষ্ণনা শীজিন্নরবা প্লেৎশিং লৌখৎতুনা অদুগা চাংদম্নদুনা থবক খুদিংমক মরু ওই হায়না পাউজেল পীখি। মহাক্না হায়খি মদুদি সেনিতেসন ৱার্করশিংনা মখোয়গী থবকশিং অসিনা থৌরম অসিগী চাউথোকচবা হেনগৎহল্লগনি। মহাক্না কুম্ভ 2019গী মতমদা স্বচ্ছতাগীদমক ফংখিবা থাগৎপা অদু নীংশিংখি অমসুং মহাক্না করম্না সেনিতেসন ৱার্করশিংগী মখোঙ হামবীদুনা করম্না তৌবীমল খঙবা উৎখিবগী মতৌ হায়বদুসু নীংশিংখি।

শ্রী মোদীনা অকনবা ৱাফম থমখি মদুদি কুম্ভ মেলা অসিনা ইকনোমিক এক্তিবিতীশিংদা মশক থোকপা এক্সপান্সন অমা পুরকই, মসি তোয়না উবা ফংদে। মহাক্না মখা তাখি মদুদি কুম্ভগী মমাংদসু লমদম অসিদা ইকনোমিক এক্তিবিতীশিং য়াম্না থুনা হেনগৎলক্লি। প্রধান মন্ত্রীনা হায়খি মদুদি সঙ্গমগী তুরেলগী মনাক্তা চাউরাক্না থা অমা মখাইগী ওইনা মতম খরগী ওইবা শহর অমা শেমগৎকনি। মসিনা মীওই লাখ কয়াদা নুমিৎ খুদিংগী চৎপা উবা ফংলগনি। মহাক্না মখা তাখি মদুদি হায়রিবা মতম অসিগী মনুংদা প্রয়াগরাজদা কাংলোন ঙাক্নবা মীওই মশিং য়াম্না মথৌ তাগনি। শ্রী মোদীনা হায়খি মদুদি বোতমেন 6,000 হেনবা, দুকান ফম্বা মীওই লিশিং কয়া অমসুং ধর্মগী চৎনবীশিং অমসুং ইরুপ্পদা মতেং পাংলিবা মীওইশিংনা মখোয়গী থবক হেনগৎলকপা উবা ফংলগনি। মসিনা থবক ফংবগী খুদোংচাবা কয়া ফংহল্লগনি। মহাক্না মখা তাখি মদুদি সপ্লাই চেন অসি লেংদনা থম্নবগীদমক্তা, কৈথেল শাবশিংনা অতোপ্পা শহরশিংদগী পোৎলমশিং পুরকপা মথৌ তাই। প্রধান মন্ত্রীনা হায়খি মদুদি কুম্ভগী শাফু অসি অকোয়বদা লৈরিবা জিলাশিংদা ফাওগনি। মহাক্না মখা তাখি মদুদি অতোপ্পা রাজ্যশিংদগী লাকপা তীর্থ য়াত্রীশিংনা ত্রেন নৎত্রগা এয়র সর্বিসশিং শীজিন্নগনি, মসিনা শেন্মিৎলোনবু হেন্না চাউখৎহল্লগনি। শ্রী মোদীনা অকনবা ৱাফম থমখি মদুদি কুম্ভনা খুন্নাই অসিবু মপাঙ্গল কনখৎহনবতা নত্তনা মীয়ামগী শেন্মিৎলোনগী মপাঙ্গল কনখৎহনবদা মতেং পাংগনি।

লাক্কদৌরিবা 2025গী মহা কুম্ভ অসি শেমগৎনবা তেক্নোলোজীদা চাউনা খুমাং চাউশিল্লক্লিবা অসি শ্রী মোদীনা পনখি। মমাংগী চহিশিংগা চাংদম্নবদা, স্মার্তফোন শীজিন্নবা হেনগৎলে অমসুং দেতা অসি 2013দগী হেন্না মমল হন্থরে হায়না মহাক্না পনখি। মহাক্না হায়খি মদুদি য়ুজর ফ্রেন্দলী ওইবা এপশিং অসি লৈবনা, তেক্নোলোজীগী লৌশিং য়াম্না নেম্না লৈবা মীওইশিংনসু মখোয়শিং অসি লায়না শীজিন্নবা ঙম্মি। মহাক্না কুম্ভগীদমক অহানবা ওইনা শীজিন্নরিবা AI অমসুং চেৎবোত তেক্নোলোজীগী ৱাফম পল্লদুনা হায়খি মদুদি কুম্ভ সাহায়ক অসি ভারতকী লোন 11দা পাউ ফাওনবা ঙম্মি। মহাক্না দেতা অমসুং তেক্নোলোজী শীজিন্নদুনা মীওই কয়া অমা শরুক য়াহন্নবা, খুদম ওইনা অমত্তা ওইবগী খুদম অমা ওইনা কুম্ভগী মগুনবু ময়েক শেংনা উৎলিবা ফোতোগ্রাফি কম্পিতিসনশিং পাংথোক্নবা ৱাফম থমখি। সোসিএল মীদিয়াদা পাক শন্না শন্দোক্লিবা ফোতোগ্রাফশিং অসিনা মশীং থীঙমদ্রবা ইথিল অমসুং মচুশিং পুনশিন্দুনা অচৌবা ভিজুএল কেনভস অমা শেম্মি। মসিগী মথক্তা, মহাক্না মরুওইনা নহারোলশিংগী মরক্তা কুম্ভগী অপেনবা হেনগৎহনগদবা, স্পিরিচুএলিতী অমসুং মহৌশাদা মীৎয়েং থম্লিবা কন্তেস্তশিং পাংথোক্নবা ৱাফম থমখি।

প্রধান মন্ত্রী মোদীনা থাজবা ফোংদোকখি মদুদি মহা কুম্ভদগী থোরকপা অপুনবা অমসুং স্পিরিচুএল ইনর্জী অসিনা চাউখৎলবা ভারত অমগী মায়কৈদা লৈবাক্কী ৱারেপ অদু হেন্না মপাঙ্গল কনখৎহল্লগনি। মহাক্না কুম্ভস্নান অসি পুৱারী ওইগদবা অমসুং কাউঙমদ্রবা থৌরম অমা ওইরসনু হায়খি অমসুং গঙ্গা, য়মুনা অমসুং সরস্বতীগী শেংলবা ইতিনফমগী খুত্থাংদা মীওইবা খুন্নাইগী য়াইফনবা থৌনিখি। মহাক্কী য়াইফ পাউজেল পীরদুনা, মহাক্না প্রয়াগরাজকী অশেংবা শহর অসিদা লাকপা তীর্থযাত্রী পুম্নমকপু তরাম্না ওকখি।

উত্তর প্রদেশকী গভর্নর শ্রীমতী অনন্দিবেন পতেল, উত্তর প্রদেশকী মুখ্য মন্ত্রী শ্রী য়োগী অদিত্যনাথ, উপ মুখ্য মন্ত্রীশিং শ্রী কেশব প্রসাদ মৌর্য়া অমসুং শ্রী ব্রজেজ পাথক অমসুং অতোপ্পা শক্নাইরবশিংসু শরুক য়াখি।

বেকগ্রাউন্দ

প্রধান মন্ত্রী শ্রী নরেন্দ্র মোদী ঙসি প্রয়াগরাজদা চৎখ্রে অমসুং মহাক্না সঙ্গম নোসতা পুজা অমসুং দর্শন পাংথোকখি। মসিগী মতুংদা অক্ষয় ভতা বৃক্ষতা পুজা পাংথোকখি। মসিগী মতুংদা হনুমান মন্দির অমসুং সরস্বতী কুপতা দর্শন অমসুং পুজা পাংথোকখি। প্রধান মন্ত্রীনা মহাকুম্ভ এক্সিবিসন সাইত কোইনা চৎতুনা য়েংখি।

প্রধান মন্ত্রীনা মহাকুম্ভ 2025গীদমক তোঙান তোঙানবা প্রোজেক্তশিং শঙ্গাখ্রে। মসিদা প্রয়াগরাজদা ইনফ্রাস্ত্রকচর হেনগৎহন্নবা অমসুং কন্নেক্তিবিতী লৈহন্নবা অনৌবা রোদ ওভর ব্রিজ (ROB) 10 নৎত্রগা ফ্লাইওভরশিং, পর্মানেন্ত ঘাতশিং অমসুং রিভরফ্রন্ত রোদশিং অসিনচিংবা তোঙান তোঙানবা রেল অমসুং রোদ প্রোজেক্তশিং য়াওরি।

স্বচ্ছ অমসুং নির্মল গঙ্গাগীদমক মহাক্কী অচেৎপা ফিরেপ অদুগী মতুং ইন্না, প্রধান মন্ত্রীনা গঙ্গা তুরেলদা চেন্থরিবা অপীকপা ঈরমশিংগী ইন্তর্সেপ্সন, তেপিং, দাইভর্সন অমসুং ত্রীৎমেন্ত তৌবগী প্রোজেক্তশিংসু শঙ্গাখি। মহাক্না থক্নবা ঈশিং অমসুং পাৱরগা মরী লৈনবা ইনফ্রাস্ত্রকচরগী প্রোজেক্ত কয়া অমসু শঙ্গাখি।

প্রধান মন্ত্রীনা মরুওইবা লাইশঙগী কোরিদোরশিং শঙ্গাখি। মখোয়শিং অদুগী মনুংদা ভারদ্বাজ আশ্রম কোরিদোর, শ্রিংবেরপুর ধাম কোরিদোর, অক্ষয়ভত কোরিদোর, হনুমান মন্দির কোরিদোর য়াওরি। প্রোজেক্তশিং অসিনা ভক্তশিংদা লায়না চঙবা ঙমহল্লগনি অমসুং স্পিরিচুএল তুরিজমসু হেনগৎহল্লগনি। প্রধান মন্ত্রীনা কুম্ভ Sah’AI’yak চেৎবোত লোঞ্চ তৌখি। মসিনা মহকুম্ভ মেলা 2025গী থৌরমশিংদা ভক্তশিংদা লমজিং-লমতাক অমসুং অনৌবা থৌরমশিংগী মতাংদা অকুপ্পা মরোলশিং পীরগনি।

महाकुंभ हमारी आस्था, अध्यात्म और संस्कृति का दिव्य महोत्सव है। इसकी तैयारियों का जायजा और विभिन्न विकास कार्यों के लोकार्पण के लिए प्रयागराज की पवित्र भूमि पर आकर सौभाग्यशाली महसूस कर रहा हूं। https://t.co/pxQSGIUOKK

— Narendra Modi (@narendramodi) December 13, 2024

प्रयाग वो है, जहां पग-पग पर पवित्र स्थान हैं, जहां पग-पग पर पुण्य क्षेत्र हैं: PM @narendramodi pic.twitter.com/a73JLRvvrH

— PMO India (@PMOIndia) December 13, 2024

किसी बाहरी व्यवस्था के बजाय कुंभ, मनुष्य के अंतर्मन की चेतना का नाम है: PM @narendramodi pic.twitter.com/k6WOTpDnDf

— PMO India (@PMOIndia) December 13, 2024

महाकुंभ, एकता का महायज्ञ है: PM @narendramodi pic.twitter.com/EjO0Fn54pG

— PMO India (@PMOIndia) December 13, 2024

***