ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা বঙ্গলাদেশকী প্রধান মন্ত্রী সৈখ হসিনাগা তেলিফোন্দা ৱারী শানখ্রে । প্রধান মন্ত্রী মোদীনা প্রধান মন্ত্রী সৈখ হসিনা অমসুং বঙ্গলাদেশকী মীয়ামদা ইদ-উল-ফিতরগী য়াইফ-পাউজেল পীখি ।

নোংলৈ নুংশিৎ অম্ফান্না লৈবাক অনিমক্তা অমাং-অতা থোকহনখিবগী মতাংদা লুচিংবা অনিনা মখোয়গী ওইবা ৱাফমশিং ফোংদোক্নখি । হৌজিক ওইরিবা কোবিদ লাইচৎকী ফিবম অমসুং মসিগী মতাংদা লৈবাক অনিগী মরক্তা মতেং পাংনরিবা অসিগী হিরমদা লুচিংবা অনিনা ৱা খন্নখি । অৱাবশিং অসি থেংননবা ভারতনা বঙ্গলাদেশতা মতেং পাংগনি হায়না প্রধান মন্ত্রী মোদীনা অমুক হন্না থাজবা পীখি ।

প্রধান মন্ত্রী সৈখ হসিনা হকচাং ফনা অমসুং নুংঙাইনা লৈনবা অমসুং বঙ্গলাদেশকী মীয়ামদা প্রধান মন্ত্রীনা মহাক্কী য়াইফ-পাউজেল পীখি ।