ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি গুজরাতকী অমরেলীদা লুপা করোর 4,900 হেনবগী তোঙান-তোঙানবা চাউখৎ-থৌরাংগী প্রোজেক্তশিং উরেপ-উয়ুং তমখ্রে অমসুং শঙ্গাখ্রে। ঙসিগী চাউখৎ-থৌরাংগী প্রোজেক্তশিং অসিদা রেল, রোদ, ৱাতর দিবেলপমেন্ত অমসুং তুরিজম সেক্তরশিং য়াওরি। মখোয়না রাজ্য অসিগী অমরেলী, জামনগর, মোরবী, দেবভুমি দ্বারকা, জুনাগধ, পোরবন্দর, কচ্ছ অমসুং বোতাদ জিলাশিংগী প্রজাশিংদা কান্নবা ফংহল্লগনি।

মীয়াম তিনখিবা অদুদা ৱা ঙাংলদুনা, প্রধান মন্ত্রীনা ধান্তেরাস অমসুং দিৱালীগী হরাও-কুহ্মৈগী নুংঙাইবা ৱাখল্লোন অদু পনখি। মহাক্না হায়খি মদুদি হায়রিবা থৌরমশিং অসিনা নাৎকী ওইবা থৌরমশিং পাংথোক্লবসু, চাউখৎ-থৌরাংগী লমদা চত্থরিবা খুমাং চাউশিনবা অসিসু চপ মান্ননা মরু ওই। মহাক্না গুজরাতকী মরুওইবা প্রোজেক্ত কয়াগী মতাংদা পাউদমখি। মহাক্না ভদোদরাদা চৎখিবা অদু পনখি। মফম অদুদা মহাক্না ভারতকী এয়র ফোর্সকীদমক মেদ ইন ইন্দিয়া এয়রক্রাফ শেমগৎনবা ভারতকী অহানবা ফেক্তরী শঙ্গাখি। ঙসি অঙনবা মতমদা অমরেলীদা ভারত মাতা সরোভর শঙ্গাখিবগী মতাংদা প্রধান মন্ত্রীনা পনখি অমসুং হায়খি মদুদি ঈশিং, লম্বী অমসুং রেলৱেগা মরী লৈনবা অচৌবা প্রোজেক্ত কয়া অমা শঙ্গাখ্রে অমসুং উরেপ উয়ুংসু তমখ্রে। মহাক্না হায়খি মদুদি প্রোজেক্তশিং অসিনা সৌরাস্ত্রা অমসুং কচ্ছকী মীয়ামগী পুন্সিদা নুংঙাইহল্লগনি, লমদম অসিগী চাউখৎ থৌরাং য়াঙখৎহল্লগনি, লমদম অসিগী লৌমীশিংবু চাউখৎহল্লগনি অমসুং নহারোলশিংগীদমক অনৌবা থবক ফংবগী খুদোংচাবা ফংহল্লগনি। ঙসিগী চাউখৎ-থৌরাংগী প্রোজেক্তশিংগীদমক মহাক্না মীপুম খুদিংমকপু নুংঙাইবা ফোংদোকখি।

সৌরাস্ত্রগী অমরেলীগী লম্না ভারতকীদমক থোইদোক হেন্দোকপা মনী কয়া অমা পীরম্মি হায়না পল্লদুনা প্রধান মন্ত্রীনা হায়খি মদুদি অমরেলীগী পুৱারী, চৎনবী, সাহিত্য অমসুং রাজনিতীগী লমদা মতিক-ময়াই লৈরবা মতম অমা লৈরি। মহাক্না মখা তাখি মদুদি অমরেলী অসি শ্রী য়োগীজী মহারাজ অমসুং ভোজা ভগৎ অমসুং মসিগা লোয়ননা ফোল্ক সিঙ্গর অমসুং কবি দুলাবহায় কাগ, কালাপীগুম্বা কবিশিং, মালেমদা মমিং চৎলবা মেজিক্সিয়ন, কে লাল অমসুং মোদর্ন পোইত্রিগী লুচিংবা রমেশ পরেক অসিনচিংবশিংগী কর্মাভূমিনি। মহাক্না মখা তারদুনা হায়খি অমরেলীনা গুজরাত্তা অহানবা মুখ্য মন্ত্রী শ্রী জিবরাজ মেহতাজীসু পীখি। শ্রী মোদীনা হায়খি অমরেলীগী অঙাংশিংনা খুন্নাই অসিদা চাউনা শরুক তম্বগা লোয়ননা বিজিনেসকী লমদা অচৌবা মীংচৎ অমসু ফংবা ঙমখি। গুজরাত সরকারগী ঈশিং য়োকশিনবগা মরী লৈনবা স্কিম 80/20 গা মরী লৈনবা ধোলকাইয়া ইমুংনা চৎনবী অসি মপাঙ্গল কনখৎহল্লে হায়না মহাক্না মখা তাখি। প্রধান মন্ত্রীনা হায়খি মদুদি হৌখিবা চহি তরাগী খুজিং অনি অমসুং তরাগী মনুংদা লেপ্পা লৈতনা হোৎনবদগী অহোংবশিং অসি উবা ফংলে।

প্রধান মন্ত্রীনা অখন্ননা গুজরাত অমসুং সৌরাস্ত্রগী মীয়ামগীদমক ঈশিংগী মরুওইবা অদু পনখি। মখোয়না মতম শাংনা ঈশিংগা মরী লৈনবা অৱাবা কয়া মায়োক্নদুনা লাক্লি। মহাক্না মমাংদা সৌরাস্ত্রা অসি ঈশিং ফংদবগী মরম্না মাইগ্রেসনগীদমক্তা খঙনরম্বা অদু পনখি অমসুং হায়খি, “ঙসিদি, ফিভম অসি হোংখ্রে। হৌজিক্তি, নর্মদাগী ঈশিং খুঙ্গংশিংদা য়ৌরে।” মহাক্না সরকারগী থৌরাংশিং হায়বদি জলসঞ্চয় অমসুং সাউনি স্কিম্না গ্রাউন্দৱাতরগী থাক ৱাংখৎহনবীরকপগীদমক থাগৎপা ফোংদোকখি। মহাক্না হায়খি মদুদি ঈশিং-ঈচাউগী ইস্যু অসি হন্থহনবা ঙম্মি অমসুং তুরেলশিংবু হেন্না লুবা হেনগৎহন্দুনা অমসুং চেক দামশিং শাবনা নোংগী ঈশিংবু কান্নবা মওংদা তুংশিনবা ঙম্মি। মহাক্না মখা তারদুনা হায়খি মদুদি অকোয়বদা লৈরিবা মফমশিংদা থক্নবা ঈশিংগা মরী লৈনবা ইসুশিং অসি কোকহন্দুনা মীওই মিলিয়ন কয়াগী কান্নবা ফংহল্লগনি।

প্রধান মন্ত্রীনা হৌখিবা চহি তরাগী খুজিং অনি অসিদা গুজরাতনা য়ুমথোং খুদিংমক্তা অমসুং ফার্ম খুদিংমক্তা ঈশিং য়ৌহন্নবা হোৎনবদা চাউনা খুমাং চাউশিল্লকপগী মতাংদা পনখি। মহাক্না হায়খি মদুদি মফম খুদিংমক্তা ঈশিং ফংহন্নবা রাজ্য অসিনা লেপ্পা লৈতনা হোৎনরি অমসুং ঙসিগী প্রোজেক্তশিং অসিনা লমদম অসিগী মীওই লাখ কয়াদা কান্নবা ফংহল্লগনি। শ্রী মোদীনা হায়খি মদুদি নভদা-চবন্দ বুল্ক পাইপলাইন প্রোজেক্ত অসিনা অমরেলী, বোতাদ, জুনাগধ, রাজকোৎ অমসুং পোর্বন্দরগুম্বা জিলাশিংদা কান্নবা ফংহন্দুনা চাউরাক্না খুঙ্গং 1300 অমসুং সহর 35 হেনবদা কান্নবা ফংহল্লগনি। মহাক্না হায়খি মদুদি খোঙথাং অসিনা লমদমশিং অসিদা নোংমদা অহেনবা ঈশিং লিতর করোর 30 ফংহনগনি। পাসবী গ্রুপ সৌরাস্ত্রা রিজনেল ৱাতর সপ্লাই স্কিমগী অনিশুবা ফেজকী উরেপ উয়ুং তম্বগী থৌরম অদু পল্লদুনা প্রধান মন্ত্রীনা হায়খি মদুদি মসিনা তালজা, মহুভা অমসুং পালিতানা তালুকশিংগী মথৌ তাবশিং ফংহল্লগনি। মহাক্না হায়খি মদুদি, “প্রোজেক্ত অসি লোইরবা মতুংদা, খুঙ্গং 100 রোম্না হকথেংননা কান্নবা ফংলগনি”।

প্রধান মন্ত্রীনা হায়খি মদুদি ঙসিগী ঈশিংগী প্রোজেক্তশিং অসিনা মীয়ামগী শরুক য়াবা য়াওনা সরকার অমসুং খুন্নাইগী মতেং পাংনবগী শক্তিগী খুদম্নি। মহাক্না ভারতকী নীংতম্বা চহি 75শুবা অসি জিলা খুদিংদা য়ামদ্রবদা অমৃত সরোভর 75 শেম্বগী থোংদা ঈশিং য়োকশিনবগী খোঙথাংগা লিঙ্ক তৌবগী মায় পাকপা অদু পনখি। শ্রী মোদীনা তুংগী মীরোনগীদমক লেগেসী অমা থাদোক্তুনা খুঙ্গং কয়াদা অমৃত সরোভর 60,000 শাবদা নুংঙাইবা ফোংদোকখি। শ্রী সি.আর. পাতিলগী লুচিং মখাদা খোঙজেল য়াংনা চংশিল্লিবা কেচ দি রেন কেম্পেনবু মহাক্না থাগৎপা ফোংদোকখি। প্রধান মন্ত্রীনা হায়খি মদুদি কেম্পেন অসিনা রাজস্থান, মধ্য প্রদেশ অমসুং বিহারগুম্বা রাজ্যশিংদা চাউনা খুমাং চাউশিল্লি। কম্ম্যুনিতীনা শরুক য়াদুনা রিচার্জ ৱেল লিশিং কয়া শেমগৎলি। শ্রী মোদীনা মীয়ামগী পুক্নিং থৌগৎপগীদমক থাগৎপা ফোংদোকখি। মখোয়না মখোয়গী পোক্নফম খুঙ্গংশিংদা রিচার্জ ৱেলশিং শাবগীদমক থাগৎপা ফোংদোকখি। ঈশিং য়োক্তুনা লৌউ-শিংউ অমসুং শা-শন য়োকপদা মতেং পাংনবা পান্দম থমদুনা ঙসি প্রোজেক্ত চাম্মরোম হৌদোকখিবা অদু মহাক্না পনখি।

প্রধান মন্ত্রীনা হায়খি মদুদি হৌজিক ঈশিং মরাং কায়না ফংবনা মরম ওইদুনা লৌউ-শিংউবা অসি লায়থোক্লে অমসুং নর্মদাগী ঈশিংগা লোয়ননা অমরেলীদা সিজন অহুমগী লৌউ-শিংউবা হৌজিক ওইথোক্লে। প্রধান মন্ত্রীনা হায়খি, “ঙসি অমরেলী জিলা অসি লৌউ-শিংউগী লমদা মকোক থোংবা অমা ওইরে।” মহাক্না পনখি মদুদি লশিং, লৈবাক হৱাই, সেসাম অমসুং মিল্লেৎসগুম্বা মহৈ-মরোংশিং থাবদা খুমাং চাউশিল্লক্লি অমসুং অমরেলীগী চাউথোকচনীংঙাই ওইরিবা কেসার মঙ্গোদা GI আইদেন্তিতী পীখি। মহাক্না মখা তাখি মদুদি জি.আই. তেগ স্তেতস হায়বসিনা অমরেলীগী শক্তম অসি মালেমগী মফম খুদিংমক্তা কেসার মঙ্গোগা মরী লৈনহল্লি। প্রধান মন্ত্রীনা অমরেলি অসি নেচরেল ফার্মিংগী মরুওইবা সেন্তর অমা ওইনা খোঙজেল য়াংনা শেমগৎলক্লি অমসুং লৈবাক অসিগী অহানবা নেচরেল ফার্মিং য়ুনিভর্সিতী অসি হালোলদা শাগৎলি হায়নসু অকনবা ৱাফম থমখি। মহাক্না মখা তাখি মদুদি য়ুনিভর্সিতী অসিগী মখাদা অমরেলীদা গুজরাতকী অহানবা নেচরেল ফার্মিং কোলেজ লৈরে। শ্রী মোদীনা হায়খি মদুদি লৌমী কয়ানা শা-শন য়োকপা অমসুং নেচরেল ফার্মিংদগী কান্নবা ফংনবা হোৎনরি। অমরেলীগী দাইরী ইন্দস্ত্রী অসি হৌখিবা চহিশিংদা চাউনা চাউখৎলে হায়না পল্লদুনা শ্রী মোদীনা হায়খি মদুদি মসি সরকার অমসুং কোওপরেতিবশিংগী অপুনবা হোৎনবদগী ওইথোকপা ঙমখি। 2007তা অমর দাইরী হৌদোকখিবা অদু নীংশিংলদুনা শ্রী মোদীনা হায়খি মদুদি খুঙ্গং 25গী সরকারগী কম্মিতীশিং অমর দাইরীগা মরী লৈনরম্মি। “ঙসিদি কোওপরেতিব সোসাইতী 700 হেন্না অমর দাইরীগা মরী লৈনরে অমসুং নোংমদা চাউরাক্না শঙ্গোম লিতর লাখ 1.25 খোমগৎলি”।

অমরেলীনা স্বিৎ রিভোলুসনদা মমিং চৎপগী মতাংদা পল্লদুনা শ্রী মোদীনা হায়খি মদুদি খোহীগী পোত্থোক্না লৌমীশিংদা অহেনবা শেন্থোক ফংহল্লে। অমরেলীগী লৌমী চা কয়ানা খোই য়োকপগী ত্রেনিং ফংলবা মতুংদা খোহীগা মরী লৈনবা ললোন-ইতিক্কী থবকশিং হৌখ্রে হায়না মহাক্না পনখি।

ইলেক্ত্রিসিতী বিলশিং কোকহন্নবা অমসুং ইমুং খুদিংগী চহিগী ওইনা লুপা 25,000দগী লুপা 30,000 ফাওবগী শেনফম অমা লৈহন্দুনা ইলেক্ত্রিসিতীদগী শেন্দোং ফংহন্নবা পি.এম. সুর্য়গর য়োজনাগী মতাংদা পল্লদুনা, প্রধান মন্ত্রীনা হায়খি মদুদি মসি চৎনবা হৌরকপা থা খরগী মনুংদা গুজরাতকী য়ুমথোংশিংদা চাউরাক্না সোলর পেনেল 200,000 ইনস্তোল তৌখ্রে। অমরেলী জিলা অসি সোলর ইনর্জীদা খোঙজেল য়াংনা খুমাং চাউশিল্লিবনি। মসিগী খুদমদি দুধলা খুঙ্গংনি। মসিদা য়ুমথোং চা কয়াদা সোলর পেনেলশিং ইনস্তোল তৌখ্রে। মসিনা মরম ওইদুনা, খুঙ্গং অসিদা ইমুং অমমমদা চহিগী ওইনা লুপা 4,000গী তেংবাং ফংহন্দুনা ইলেক্ত্রিসিতী বিলদা থা অমদা লুপা 75,000গী চাংদা তেংবাংলি হায়না প্রধান মন্ত্রীনা হায়খি। মহাক্না মখা তাখি, “দুধালা অসি অমরেলীগী অহানবা সোলর ভিলেজ অমা ওইরক্লি।”

সৌরাস্ত্র অসি তুরিজমগীদমক মরু ওইবা মফম অমা ওইরি হায়না পল্লদুনা প্রধান মন্ত্রীনা হায়খি মদুদি মফম অসিদা শেংলবা মফম কয়া অমসুং লাইফম কয়া লৈরি। প্রধান মন্ত্রীনা সরদার সরোভর দাম অসি মরু ওইবা তুরিস্ত এত্রক্সন অমা ওইবগী মরুওইবা অদু ফোংদোকখি। মহাক্না হায়খি মদুদি মমাং চহিদা সরদার পতেলগী মালেমগী খ্বাইদগী ৱাংবা মীতম অসি য়েংনবা মী লাখ 50 হেন্না লাকখি। মহাক্না সরদার সাহেবকী জয়েন্তীগীদমক নুমিৎ অনিগী মনুংদা মফম অদুদা চৎকনি অমসুং রাস্ত্রিয় একতা পেরেদ উরগনি হায়খি।

প্রধান মন্ত্রীনা অকনবা ৱাফম থমখি মদুদি কেরলী রিচার্জ রিজার্ভর অসি লাক্কদৌরিবা মতমশিংদা ইকো-তুরিজমগী মরুওইবা মফম অমা ওইরগনি অমসুং এদভেঞ্চর তুরিজমদা চাউনা ইনোৎ পীরগনি। মহাক্না মখা তানা হায়খি মদুদি মসিনা মালেমদা কেরলী বার্দ সেঙ্কচুরীদা অনৌবা মশক অমা পীগনি।

গুজরাতকী অশাংবা কোস্তলাইনগী মতাংদা পল্লদুনা শ্রী মোদীনা হায়খি মদুদি হেরিতেজ ঙাক্তুনা থম্বগা লোয়ননা দিবেলপমেন্ত অসি সরকারগী প্রাইওরিতী ওইরি। মরম অদুনা, ফিসরিজ অমসুং পোর্তশিংগা মরী লৈনবা চহি চা কয়াগী ওইবা হেরিতেজ অসি নৌহৌনা হিংগৎলক্লি হায়না মহাক্না হায়খি। সরকারনা লোথালদা নেস্নেল মেরিতাইম হেরিতেজ কমপ্লেক্স শাবগী অয়াবা পীখিবা অদু প্রধান মন্ত্রীনা পনখি। মহাক্না হায়খি মদুদি খোঙথাং অসিনা ভারতকী শিংথানীংঙাই ওইরবা মেরিতাইম হেরিতেজ অদু লৈবাক অমসুং মালেমদা খঙহল্লগনি অমসুং ইথিল পীরগনি।

শ্রী মোদীনা হায়খি, “ঐখোয়গী খোঙথাং অসি মহাসাগরগী হিগোক মচুগী ঈশিং অসিনা ব্লু রিভোলুসনগী থৌনা পীবনি।” পোর্ত-লেদ দিবেলপমেন্তনা চাউখৎলবা ভারত অমগী ৱারেপ অদু মপাঙ্গল কনখৎহনগদবনি হায়না মহাক্না মখা তাখি। প্রধান মন্ত্রীনা হায়খি মদুদি জাফরাবাদ, শিয়ালবেৎতা ঙামীশিংগীদমক হেন্না ফবা ইনফ্রাস্ত্রকচর পাকথোক চাউথোকহল্লি। অমরেলীদা পিপাভাব পোর্ত মোদর্নাইজেসন তৌবনা ঙসি মীওই লিশিং কয়াদা থবক ফংহন্নবা অনৌবা খুদোংচাবশিং ফংহল্লে। মসিগী মথক্তা কন্তেনর লাখ 10 অমসুং ভেহিকল লিশিং কয়াগী কেপাসিতী লৈরে। শ্রী মোদীনা পিপাভাব পোর্ত অমসুং গুজরাতকী অসিগুম্বা পোর্ত খুদিংমকপু লৈবাক অসিগী অতৈ শরুকশিংগা শম্নহন্নবা সরকারনা হোৎনরিবশিং অদু ফোংদোকখি।

প্রধান মন্ত্রীনা অমুক হন্না ফোংদোকখি মদুদি লায়রবশিংগীদমক পক্কা য়ুমশিং, মৈ, লম্বী-থোং, রেলৱেজ, এয়রপোর্তশিং অমসুং গ্যাস পাইপলাইনশিংগুম্বা ইনফ্রাস্ত্রকচর অসি ভিকসিৎ ভারত অমা শেমগৎপদা মরু ওই। মহাক্কী অহুমশুবা তর্মদা সরকার অসিনা ইনফ্রাস্ত্রকচর দিবেলপমেন্তদা খোঙজেল য়াংনা থবক তৌরি হায়না মহাক্না ফোংদোকখি। মহাক্না হায়খি মদুদি সৌরাস্ত্রদা ইনফ্রাস্ত্রকচর কননেক্তিবিতী ফগৎলকপনা ইন্দস্ত্রীএল গ্রোথতা চাউনা মতেং পাংলি। “রো-রো ফেরী সর্ভিস হৌদোকপা অসিনা সৌরাস্ত্র অমসুং সুরতকী মরক্তা কন্নেক্তিবিতী অসি লায়থোকহল্লে। হৌখিবা চহিশিংদা মীওই লাখ 7 হেনবনা মসিগী কান্নবা ফংলি। গারী লাখ 1 হেনবা অমসুং ত্রক অমসুং বস 75,000  হেন্না পুথোক-পুশিন তৌখ্রে। মসিনা মতম অমসুং শেল অনিমক কনবা ঙম্লে,” হায়না মহাক্না মখা তাখি।

প্রধান মন্ত্রীনা জামনগরদগী অমৃতসর-ভাতিন্দা ফাওবগী ইকনোমিক কোরিদোর শেমগৎপগী খোঙজেল য়াংনা চংশিল্লক্লিবা অদুসু পনখি। মহাক্না হায়খি, “প্রোজেক্ত অসিনা গুজরাত্তগী পঞ্জাব ফাওবগী রাজ্য পুম্নমক কান্নবা ফংলগনি। ঙসিগী শঙ্গাখিবা অমসুং লম্বীগী প্রোজেক্তশিংগী উরেপ-উয়ুং তমখিবা অসিনা জামনগর অমসুং মোর্বিগুম্বা মরুওইবা ইন্দস্ত্রীএল সেন্তরশিংগী কন্নেক্তিবিতী ফগৎহল্লগনি, সিমেন্ত ফেক্তরীশিংদা এক্সেস হেনগৎহল্লগনি অমসুং সোমনাথ অমসুং দ্বারকাদা লাই খুরুম্বা য়াহল্লগনি।” মহাক্না মখা তারদুনা হায়খি মদুদি কচ্ছতা রেলৱে কনেক্তিবিতী পাকথোক চাউথোকহনবনা সৌরাস্ত্রা অমসুং কচ্ছতা তুরিজম অমসুং ইন্দস্ত্রিএলাইজেসনবু হেন্না মপাঙ্গল কনখৎহল্লগনি।

“ভারতনা খোঙজেল য়াংনা চাউখৎলকপগা লোয়ননা মালেমদা ভারতকী ইকাই খুম্নবাসু লেপ্তনা হেনগৎলক্লি।” মহাক্না মখা তাখি মদুদি ঙসিদি মালেম অসিনা ভারতপু অনৌবা মীৎয়েং অমগা লোয়ননা য়েংলি অমসুং ভারতকী পোতেন্সিএলবু মশক খঙলি অমসুং ভারতপু মুন্না তারি। ঙসিদি মীপুম খুদিংমক্না ভারতকী ওইথোকপা য়াবশিং অদুগী মতাংদা খন্ন-নৈনরি হায়না পল্লদুনা শ্রী মোদীনা হায়খি মদুদি গুজরাতনা মসিদা অচৌবা থৌদাং অমা লৌরি। মহাক্না হায়খি মদুদি গুজরাতনা মালেমদা ভারতকী শহর অমসুং খুঙ্গং খুদিংমক্তা লৈরিবা পোতেন্সিএল অদু উৎলে। রসিয়াদা BRICS কনফরেন্সতা মহাক্না চৎলুবগী মতাংদা পল্লদুনা শ্রী মোদীনা হায়খি মদুদি মীপুম খুদিংমক্না ভারত্তা শম্নবা অমসুং ইনভেস্ত তৌনবা পাম্মি। প্রধান মন্ত্রীনা জর্মনীগী চান্সেলরগী হৌখিবা খোঙচৎ অমসুং মহাক্কা লোয়ননা য়ানা ৱারোল কয়া অমা খুৎয়েক পীনখিবা অদুসু পনখি। মহাক্না মখা তাখি মদুদি জর্মনীনা হৌজিক হৌজিক লৈরিবা চহিগী ভিজা কোতা অসি ভারতকী নহারোলশিংদা কান্নবা পীগদবা হৌজিক লৈরিবা 20,000দগী 90,000দা হেনগৎহনখ্রে। শ্রী মোদীনা স্পেনগী রাস্ত্রপতিগী ঙসিগী গুজরাত খোচৎ অমসুং স্পেননা ভদোদরাদা ত্রান্সপোর্ত এয়রক্রাফ মেনুফেকচরিং ফেক্তরীগী মওংদা চাউনা শেন থাদবগী ৱাফমসু পনখি। মসিনা গুজরাতকী স্মোল  অমসুং মাইক্রো ইন্দস্ত্রী লিশিং কয়াদা পুক্নিং থৌগৎকনি অমসুং লাখ কয়াগী অনৌবা থবক ফংহল্লগদবা এয়রক্রাফ মেনুফেকচরিংগীদমক মপুং ফাবা ইকোসিস্তেম অমা শেমগৎকনি হায়না মহাক্না মখা তাখি।

মহাক্কী ৱারোল লোইশিল্লদুনা, প্রধান মন্ত্রীনা হায়খি, “ঐহাক্না গুজরাতকী মুখ্য মন্ত্রী ওইরিঙৈদা, ঐহাক্না হায়রম্মি মদুদি গুজরাতকী চাউখৎ থৌরাংগী খুত্থাংদা লৈবাক অসিনা চাউখৎলি। ঙসিগী চাউখৎ থৌরাংগী প্রোজেক্তশিংগীদমক মহাক্না মীপুম খুদিংমকপু থাগৎপা ফোংদোক্লদুনা মহাক্না  হায়খি মদুদি “ভিকসিৎ গুজরাতনা ভিকসিৎ ভারতকী লম্বী অসি মপাঙ্গল কনখৎহল্লগনি”।

গুজরাতকী রাজ্যপাল, শ্রী আচার্য় দেবব্রত, গুজরাতকী মুখ্য মন্ত্রী, শ্রী ভুপেন্দ্র পতেল, কেন্দ্রগী জল শক্তি মন্ত্রী, শ্রী সি.আর.পরিল  অমসুং পার্লিয়ামেন্তগী মেম্বর, শ্রী পরশোত্তম রুপালাসু থৌরম অদুদা  শরুক য়াখি।

বেকগ্রাউন্দ

প্রধান মন্ত্রীনা অমরেলীগী দুধলাদা ভারত মাতা সরোভর শঙ্গাখি। প্রোজেক্ত অসি গুজরাত সরকার অমসুং ধোলকাইয়া ফাউন্দেসনগী মরক্তা পব্লিক-প্রাইবেৎ পার্তনরশিপ (PPP) মোদেলগী মখাদা পুন্না থবক তৌমিন্নদুনা শেমগৎপনি। ধোলকাইয়া ফাউন্দেসননা চেক দাম অমা শেমজি নখি। অহানবদা, দাম অসিদা ঈশিং লিতর করোর 4.5 থম্নরম্মি। অদুবু মসি হেন্না লুহন্দুনা, পাকথোকহন্দুনা অমসুং মপাঙ্গল কনখৎহন্দুনা, কেপাসিতী অসি লিতর করোর 24.5দা হেনগৎহনখ্রে। অসিগুম্বা ফগৎলকপা অসিনা মফম অদুগী অকোয়বদা লৈরিবা গুহাশিং অমসুং বোরশিংদা ঈশিংগী থাক ৱাংখৎহল্লে। মসিনা মফম অদুগী খুঙ্গংশিং অমসুং লৌমীশিংদা হেন্না ফবা ইরিগেসন ফংহন্দুনা মতেং পাংগনি।

মখা তানা, প্রধান মন্ত্রীনা গুজরাতকী অমরেলীদা লুপা করোর 4,900গী প্রোজেক্তশিং শঙ্গাখি অমসুং উরেপ উয়ুংসু তমখি। প্রোজেক্তশিং অসিনা রাজ্য অসিগী অমরেলী, জামনগর, মোর্বি, দেবভুমী দ্বারকা, জুনাগধ, পোরবন্দর, কচ্ছ অমসুং বোতাদ জিলাগী প্রজাশিংদা কান্নবা ফংহল্লগনি।

প্রধান মন্ত্রীনা লুপা করোর 2,800 হেনবগী তোঙান তোঙানবা লম্বীগী প্রোজেক্তশিং শঙ্গাখি অমসুং উরেপ উয়ুংসু তমখি। প্রোজেক্তশিং অসিগী মনুংদা NH 151, NH 151A অমসুং NH 51গী তোঙান তোঙানবা সেক্সনশিং অমসুং জুনাগধ বাইপাসকী ফোর-লেনিং য়াওরি। জামনগর দিস্ত্রিক্তকী ধ্রোল বাইপাসদগী মোর্বী দিস্ত্রিক্তকী অমরান ফাওবগী লেমহৌরিবা সেক্সনগী মরি-লেনগী প্রোজেক্তকী উরেপ উয়ুংসু তমগনি।

প্রধান মন্ত্রীনা চাউরাক্না লুপা করোর 1,100গী শেনফমগা লোয়ননা লোইশিনখিবা ভুজ-নালিয়া রেল গেজ কনভর্সন প্রোজেক্ত জাতিদা কত্থোকখি। পাক চাউবা প্রোজেক্ত অসিদা অচৌবা থোং 24, অপীকপা থোং 254, লম্বীগী ওভরব্রিজ 3 অমসুং লম্বীগী আন্দরব্রিজ 30 য়াওরি অমসুং মসিনা কচ্ছ জিলাগী সোসিও-ইকনোমিক দিবেলপমেন্ত হেনগৎহনবদা মরুওইবা থৌদাং অমা লৌগনি।

প্রধান মন্ত্রীনা অমরেলী জিলাগী ঈশিং সপ্লাই দিপার্তমেন্তকী লুপা করোর 700 হেনবগী তোঙান তোঙানবা দিবেলপমেন্ত প্রোজেক্তশিং শঙ্গাখি অমসুং উরেপ উয়ুংসু তমখি। হৌদোকখিবা প্রোজেক্তশিংগী মনুংদা নাবদাদগী চাভন্দ ফাওবগী পাইপলাইন য়াওরি। মসিনা বোটাদ, অমরেলি, জুনাগধ, রাজকোৎ অমসুং পোর্বন্দর দিস্ত্রিক্তকী শহর 36 অমসুং খুঙ্গং 1298দা চাউরাক্না বেনিফিসরী লাখ 67দা অহেনবা ঈশিং লিতর করোর 28 ফংহল্লগনি। ভাবনগর জিলাগী পাসাভি গ্রুপ ওগমেন্তেসন ৱাতর সপ্লাই স্কিম ফেজ 2গী উরেপ উয়ুংসু তমগনি। মসিনা ভাবনগর জিলাগী মহুভা, তালাজা অমসুং পালিতানা তালুকশিংগী খুঙ্গং 95দা কান্নবা ফংহল্লগনি।

প্রধান মন্ত্রীনা তুরিজমগা মরী লৈনবা দিবেলপমেন্ত ইনিসিএতিবশিংগীদমক উরেপ উয়ুংসু তমখি। মসিগী মনুংদা পোরবন্দর জিলাগী মোকারসাগরদা লৈবা কারলি রিচার্জ রিজার্ভরবু মালেমগী থাক্কী সস্তেনেবল ইকো-তুরিজম দেস্তিনেসন অমদা ওন্থোকপা য়াওরি।

Speaking at the launch of development works in Amreli. These projects will significantly improve the ease of living for the people and accelerate the region’s growth.https://t.co/xNpu3ZV3RG

— Narendra Modi (@narendramodi) October 28, 2024

*****