ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা নিউ দিল্লিগী ভারত মন্দপমদা ইন্তরনেসনেল তেলিকম্মুনিকেসন য়ুনিয়ন-ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি ২০২৪ হৌদোকখ্রে। থৌরম অদুদা শ্রী মোদীনা ৮শুবা ইন্দিয়া মোবাইল কংগ্রে ২০২৪শু হৌদোকখ্রে। থৌরম অদুদা মহাক্না একজিবিসন অমা য়েংখি।

তিনখিবা মীয়ামদা ৱা ঙাংবদা, প্রধান মন্ত্রীনা কম্মুনিকেসনগী য়ুনিয়ন মিনিস্তর শ্রী জয়তিরাদিয়া সিন্দিয়া, কম্মুনিকেসনগী রাজ্য মন্ত্রী শ্রী চন্দ্রসেখর পেম্মাসানি, আই.তি.য়ুগী সেক্রেতরি দোরিন বোগদান-মার্তিন, তোঙান-তোঙানবা মপান লৈবাকশিংগী মিনিস্তরশিং অমসুং শক্নাইরবশিং, উদ্যোগকী লুচিংবশিং, তেলিকোমগী অখঙ-অহৈশিং, স্তার্দ-অপকী নহারোলশিং অমসুং ইবেম্মাশিং অমসুং ইবুংঙোশিং য়ুনিয়ন-ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি অমসুং ইন্দিয়া মোবাইল কংগ্রেসতা তরাম্না ওকখি।

আই.তি.য়ুগী শক্নাইরবশিং তরাম্না ওক্লদুনা, অহানবা য়ুনিয়ন-ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি মীফমগী মফম ওইনা ভারত খনবগীদমক শ্রী মোদীনা মখোয় থাগৎপা ফোঙদোকখি। মহাক্না হায়খি মদুদি তেলিকোম অমসুং মসিগা মরী লৈনবা তেক্নোলোজিশিংগী মতাংদা মীয়াম্না পাম্নবা লৈবাকশিংগী মনুংদা ভারত অমনি। হিরম অসিদা ভারতকী মাইপাকপা কয়া লৈরে। ভারত্তা মোইবাল ফোন শীজিন্নবা মীওই করোর ১২০ নত্ত্রগা মিল্লিয়ন ১২০০, ইন্তরনেত শীজিন্নবা মীওই করোর ৯৫ নত্ত্রগা মিল্লিয়ন ৯৫০ অমসুং মালেমগী অপুনবা দিজিতেল ত্রান্সসেক্সনশিংগী চাদা ৪০ হেন্না পাংথোক্লি। খ্বাইদগী মনুং-হুঞ্জিনবা মফমগীদমক কমদৌনা দিজিতেল কন্নেক্তিবিতি অফবা খুৎলায় অমা ওইনা শীজিন্নবগে হায়বা ভারতনা উৎলে। মালেমগী তেলিকম্মুনিকেসন ষ্টেন্দার্দ অমসুং মালেমগী য়াইফনবা তেলিকোমগী তুংগী ফিবমগী মতাংদা খন্ননবা মফম অমা ওইনা ভারত খনবগীদমক মরী লৈনবা খুদিংমক থাগৎচরি।

ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি অমসুং ইন্দিয়া মোবাইল কংগ্রেস পুন্না পাংথোকপগী মরুওইবা পল্লদুনা, শ্রী মোদীনা হায়খি মদুদি ৱার্ল্দ তেলিকম্মুনিকেসন ষ্টেন্দরদাইজেসন এশেমব্লিগী পান্দমদি মালেমগী ষ্টেন্দার্দকী থবক তৌবনি অমসুং ইন্দিয়া মোবাইল কংগ্রেসগী থৌদাংনা থবকশিংগা মরী লৈনবনি। ঙসিগী থৌরম অসিনা মালেমগী ষ্টেন্দার্দশিং অমসুং থবকশিং মফম অমদা পুনহল্লে। ভারতনা মগুন লৈবা থবকশিং অমসুং ষ্টেন্দার্দশিংদা মীৎয়েং চঙলে অমসুং ৱার্ল্দ তেলিকম্মুনিকেসন ষ্টেন্দরদাইজেসন এশেমব্লিগী থবকশিং অসিনা ভারত্তা অনৌবা থৌনা অমা পীরগনি।

প্রধান মন্ত্রীনা হায়খি মদুদি য়ানবশিং পুরক্তুনা ৱার্ল্দ তেলিকম্মুনিকেসন ষ্টেন্দরদাইজেসন এশেমব্লিনা মালেমগী থৌনা হাপ্লে অমসুং ই-পাউ ফাওনদুনা ইন্দিয়া মোবাইল কংগ্রেসনা মালেমগী মপাঙ্গল হেনগৎহল্লে। মরম অদুনা থৌরম অসিদা য়ানবা অমসুং পাউ ফাওনবা অনিমক পুল্লে। মুক্নবা শোকহল্লবা ঙসিগী মালেম অসিদা অপুনবা অসি দরকার য়াম্না ওইরে অমসুং বসুধাইভ কুতুম্বকমগী লোম্বা নাইদ্রবা পাউজেলগা লোয়না ভারত হিংলি। ভারতনা লুচিংদুনা জি-২০ মীফম পাংথোকখ্রে অমসুং মসিগী পান্দমদি ‘মালেম অমা ইমুং অমা তুংলমচৎ অমা’ হায়বনি।

মালেম অসি মুক্নবা লৈহন্দনবা অমসুং লৈবাক অমগা অমগা পাউ ফাওন্নবা ভারতনা হোৎনরি। মমাংঙৈগী সিল্ক রুত ওইগেরা নত্ত্রগা হৌজিক্কী তেক্নোলোজিগী রুত ওইগেরা, ভারতকী অমতা ঙাইরবা পান্দমদি মালেম অসি শম্নবা অমসুং চাউখৎপগী অনৌবা থোংশিং হাংদোকপনি। অসিগুম্বা ফিবম অমদা, লৈবাক অমা খক্তগী নত্তনা মালেম শীনবা থুংবগী কান্নবশিং পুরক্নবা লমদম অমসুং মালেমগী অপুনবা ওইরিবা ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি অমসুং ইন্দিয়া মোবাই কংগ্রেসকী অপুনবা অসি অচৌবা পাউজেল অমনি। ২১শুবা চহিচাদা ভারতকী মোবাইল অমসুং তেলিকোমগী খোঙচৎ অসি মালেম শীনবা থুংবগী থিজিন্নবগী হিরম অমা ওইরে। মোবাইল অমসুং তেলিকোম অসি মালেম শীনবা থুংনা খুদোংচাবা অমা ওইনা উরে, অদুবু, ভারত্তা, ঐখোয়না তেলিকোম অসি শুপ্নগী পাউ ফাওন্নবা পাম্বৈ অমা খক ওইনা শীজিন্নদ্রে, চপ মান্ননবা অমসুং খুদোংচাবা ফংনবা পাম্বৈ অমশু ওইরে। ঙসিদি তেলিকোম অসি খুঙ্গংশিং অমসুং সহরশিং, লায়রবা অমসুং ইনাকখুনবগী মরক্তা লৈনরিবা অহোবশিং মেনশিন্নবা পাম্বৈ অমা ওইরে। চহি ১০ গী মমাংদা দিজিতেল ইন্দিয়াগী পান্দমগী মতাংদা মহাক্না হায়খি মদুদি মচে-মকায়গী থবক তৌবগী মহুত্তা অচুম্বা অফবা থৌরাং অমগা লোয়না ভারতনা মাঙলোমদা চঙশিনগনি। দিজিতেল ইন্দিয়াগী মখোঙ মরি অদুদি–মমল হোংবা দিভাইসশিং, লৈবাক্কী কাচিন-কোয়া খুদিংমক্তা দিজিতেল কন্নেক্তিবিতি য়ৌবা, য়াম্না লাইনা দেতা ফংবা অমসুং ‘দিজিতেল ফার্স্ত’কী পান্দমনি। মসিনা মতম অমতদা থবক তৌদুনা অফবা ফলশিং ফংলে।

প্রধান মন্ত্রীনা হায়খি মদুদি কন্নেক্তিবিতি অমসুং তেলিকোমগী অওনবশিংদা ভারত শিংথাবা য়ানা মাইপাক্লে অমসুং লৈবাক অসিগী মনুং-হুঞ্জিনবা ত্রাইবেল, চীঙ অমসুং ঙমখৈগী শরুকশিং শীনবা থুংনা মোবাইল তৱার লিশিং কয়াগী অফবা নেতৱার্ক শেমগৎপদগী য়ুমথোং খুদিংমক কন্নেক্তিবিতি লৈরে। রেলৱে স্তেসনশিং য়াওনা মীয়ামগী মফমশিংদা য়াংনা ৱাই-ফাইগী খুদোংচাবশিং শেমগৎপা য়াওনা ইনফ্রাস্ত্রকচরশিং শেমগৎলে অমসুং সমুদ্র মনুংগী কেবলশিংগী খুৎথাংদা অন্দমান-নিকোবর অমসুং লক্ষদ্বিপ ইথৎশিং শম্নরে। হৌখিবা চহি ১০ দা ভারতনা তিংখিবা ওপ্তিকেল ফাইবরগী অশাংবা অসি পৃথিবী অমসুং থা অনিগী মরক্কী অরাপ্পগী শরুক নিপাল ওইগনি। ভারতনা য়াম্না য়াংনা ৫-জি তেক্নোলোজি শীজিন্নরে অমসুং চহি অনিগী মমাঙদা ৫-জি তেক্নোলোজি শীজিন্নবা হৌদোকখি অমসুং ঙসিদি জিলা খুদিংমক শম্নদুনা ভারত মালেমদা অনিশুবা খ্বাইদগী চাউবা ৫-জিগী কৈথেল ওইরে। ভারত মাঙজৌননা ৬-জি তেক্নোলোজি খুমাঙচাউশিল্লে অমসুং তুংগী শেম-শারবা ইনফ্রাস্ত্রকচর লৈরে। তেলিকোম সেক্তরগী অওনবশিংগী মতাংদা, প্রধান মন্ত্রীনা হায়খি মদুদি মালেমগী লৈবাক কয়াগী জি.বি অমগী মমলদগী চাদা ১২ তাদুনা হৌজিক ভারতকী ইন্তরনেত দেতাগী মমল অসি য়াম্না তারে অমসুং অতোপ্পা লৈবাকশিংদা জি.বি দেতা অমগী মমল অসি শরুক ১০ দগী শরুক ২০ ফাওবা তাংলে। ঙসি ভারতকী কঞ্জুমরশিংনা চাংচত্তা থা অমদা ৩০ জি.বিগী দেতা শীজিন্নরি।

শ্রী মোদীনা হায়খি মদুদি মরিশুবা য়ুম্বী হায়বদি দিজিতেল ফার্স্ত হায়বা ৱাখল্লোন অসিনা অসিগুম্বা থবকশিং অনৌবা থাক অমদা পুখৎলকপনি। ভারতনা মীওই খুদিংমক্তা দিজিতেল তেক্নোলোজিগী কান্নবশিং ফংহল্লে অমসুং দিজিতেল প্লেতফোর্মশিং শেমগৎলে অমসুং হায়রিবা প্লেতফোর্মশিং অসিনা অনৌবা খুদোংচাবা মিল্লিয়ন কয়া পীরে। জাম ত্রিনিতি -জন ধন, আধার অমসুং মোবাইলগী শক্তিনা অওনবা কয়া পুরক্লে অমসুং মসিনা মশিং থিঙমদ্রবা অনৌবা থবক কয়াগী য়ুম্ফম থোল্লে। য়ুনিফাইদ পেমেন্তস ইন্তরফেজ (য়ু পি আই)না কম্পেনি কয়াদা অনৌবা খুদোংচাবশিং পীরে অমসুং ও.এন.দি.সিনা দিজিতেল কম্মর্সতা অওনবা পুরক্কনি। কোবিদ-১৯ লাইচৎ মনুংদা দিজিতেল প্লেতফোর্মশিংনা দরকার ওইবশিংদা শেন ত্রান্সফর তৌখি, চৎন-কাংলোনশিং খুদক্তা পাউ ফংহনখি, তিকা থাবগী থবক পায়খৎখি অমসুং দিজিতেল ভেক্সিন সর্তিফিগেদশিং ফংহনখি। ভারতনা লৈবাক অসিগী দিজিতেল পব্লিক ইনফ্রাস্ত্রকচরগী অখঙবশিং মালেমগী ওইনা মতেং পাংনবা থৌরাং তৌদুনা লৈরি। ঙসি ভারতনা মালেমদা য়াইফ-থৌরাংগী স্কিমশিং অনৌবা থাকশিংদা পুখৎপা অসিগুম্বা দিজিতেলগী থবক মপৈ অমা লৈরে। লৈবাক অসিনা জি-২০গী প্রসিদেন্ত ওইবা মতম অদুদা দিজিতেল পব্লিক ইনফ্রাস্ত্রকচরগী মরমদা ৱাফম কয়া থমখ্রে।

ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি মনুংদা নুপীশিংগী থবক্কী নেতৱার্ককী মরুওইবা পল্লদুনা, শ্রী মোদীনা হায়খি, নুপীশিংনা লুচিংবা চাউখৎপগী মতাংদা ভারতনা থৱায় য়াওনা থবক পায়খৎলি। ভারতনা জি-২০গী প্রসিদেন্ত ওইখিবা মনুংদা অদুদা থাজবা অসি থবক ওইনা উৎখ্রে। তেক্নোলোজি সেক্তরনা খুদিংমক কোনশিন্নবা অমসুং তেক্নোলোজি প্লেতফোর্মশিংগী খুৎথাংদা নুপীশিংদা শক্তি পীনবা পান্দম ফংনবা ভারতনা থবক পায়খৎলি। ভারতকী স্পেস মিসনশিংদা নুপী সাইন্তিস্তশিংনা মরুওইবা থৌদাং লৌরি অমসুং ভারতকী স্তার্দ-অপশিংদা নুপী কো-ফাউন্দরশিংগী মশিং হেনগৎলক্লি। ভারতকী স্তেম ইজুকেসন্দা নুপী মহৈরোয়শিংগী শরুক চাদা ৪০ ওইরি অমসুং তেক্নোলোজিগী লুচিংবা ওইবদা ভারতনা নুপীশিংগী খুদোংচাবা কয়া পীরে। সরকারগী নমো দ্রোন দিদি থৌরম অসিনা লৌউ-শিংউদা দ্রোন শীজিন্নবা পুক্নিং থৌগৎলে অমসুং ভারতকী খুঙ্গংশিংদা নুপীশিংনা লমজিংলে। মহাক্না মখা তানা হায়খি মদুদি, য়ুম খুদিংদা দিজিতেল বেঙ্কিং অমসুং দিজিতেল পেমেন্তশিং বেঙ্ক শখি প্রোগ্রাম্না য়ৌহনবা হৌরে অমসুং মসিনা মীয়ামদা দিজিতেলগী মরমদা ৱাখল তাহল্লে। ভারতকী মরুওইবা হকশেলগী থবক, অঙাং উনবা অমসুং অঙাং শেন্নবদা অসা অমসুং অঙ্গনৱাদি ৱার্করশিংনা মরুওইবা থৌদাং অমা লৌরি। ঙসিদি হায়রিবা ৱার্করশিং অসিনা তেব্লেতশিং অমসুং এপ্পশিংগী খুৎথাংদা থবক খুদিংমক খোঙ্গুল লিরে। ভারত্তা নুপী ওন্ত্রেপ্রেন্যুয়রশিংগী ওনলাইন মার্কেত্তিং প্লেতফোর্ম মহিলা ই-হত প্রোগ্রাম থবক হৌরে। ঙসি ভারত্তা খুঙ্গং খুদিংমক্তা নুপীশিং অসিগুম্বা তেক্নোলোজিদা থবক তৌরিবা অসি ৱাখলদা ফাওবা খল্লুবা নত্তে। মতমগী মতুংইন্না, ভারতনা মসিগী থবকশিং পাংথোক-চাউথোকহনগনি অমসুং ভারতকী ইচানুপী খুদিংমক তেক্নোলোজিগী লুচিংবা অমা ওইহনগনি।

প্রধান মন্ত্রীনা হায়খি মদুদি দিজিতেল তেক্নোলোজি, মালেমগী লৈঙাক্কী মালেমগী চৎন-কাংলোনশিংগীদমক মালেমগী ঙাক্লৌ অমগী মরুওইবা অদু মালেমগী লুপশিংনা য়ানবগী মতম অদু লাক্লে। হিরম অসি ভারতনা জি-২০গী প্রসিদেন্ত ওইবা মনুংদা ভারতনা পুখৎখ্রে অমসুং মালেমগী ওইবা লৈঙাকগী মরুওইবা অদু খঙনবা মালেমগী লুপশিংদা তকশিল্লি। মখোঙদগী হৌনা তেক্নোলোজিগী তৌগদবশিং অমসুং তৌরোইদবশিং শেম্বা দরকার ওইরে। দিজিতেলগী তুলশিং অমসুং এপ্লিকেসনশিং অসিগী ঙমখৈ লৈতে অমসুং সাইবরগী শিংনরকপশিং থেংন্নবা মালেমগী লৈবাকশিং পুন্না থবক তৌমিন্নগদবনি অমসুং মালেমগী লুপশিংগী অপুনবা থবক পায়খৎপা দরকার ওইরে। এভিএসন সেক্তরগী মাঙজৌননা মপুংফারা ফ্রেমৱার্কশিং লৈরে। অশোই-অঙাম লৈতবা দিজিতেলগী ইকোসিস্তেম অমা অমসুং তেলিকম্মুনিকেসনগী চেনেল অমা লৈহন্নবা ৱার্ল্দ তেলিকম্মুনিকেসন ষ্টেন্দরদাইজেসন এশেমব্লিনা মরুওইবা থৌদাং অমা লৌগদবনি। অমগা অমগা শম্নরিবা মালেম অমদা, সেকুরিতি অসি তুংদা লাকপা লৌশিং ওইহল্লোইদবনি। ভারতকী দেতা প্রোতেক্সন এক্ত অমসুং নেসনেল সাইবর সেকুরিতি স্ত্রাতেজিনদা অশোই-অঙাম লৈতবা দিজিতেলগী থবকশিং শেমগৎনবা ঐখোয়গী থবক অদুগী মমি তারে। মীওই কাংলুপ খুদিংমক কোনশিনবা, অশোই-অঙাম থোক্লোইদবা অমসুং নিয়ম চুম্না এ.আই শীজিন্নবা অমসুং দেতা প্রাইভেসিগী থাকশিং য়াওনা তুংগী শিংনরকপশিং থেংনবা ঙম্বা থাকশিং ৱার্ল্দ তেলিকম্মুনিকেসন ষ্টেন্দরদাইজেসন এশেমব্লিনা শেমগৎকদবনি।

প্রধান মন্ত্রীনা হায়খি মদুদি হৌজিক চৎথরিবা তেক্নোলোজিগী অওনবা অসিদা মীওইবা খুন্নাইগী য়াইফনবা খনবগী শক্তম অমা য়াওহনগদবনি। মসি তুংকোইনা চৎনবা য়াবা অমসুং দাইত্ব খঙবা অনৌবা থবকশিং ওইগদবনি। ঙসি শেম্লিবা ষ্টেন্দার্দশিং অসিনা তুংগী মাইকৈ তাক্কনি অমসুং ঐখোয়গী খন্ন-নৈনবশিং অসিদা সেকুরিতি, ইকায়খুম্নবা ঙাকপা অমসুং মীওই খুদিংমক খুদোংচাবা ফংহনবা হায়বসি ময়াইদা লৈহনগদবনি। ঐখোয়গী পান্দমদি দিজিতেলগী অওনবা অসিনা লৈবাক অমতা, লমদম অমতা অমসুং ফুরুপ অমতা হুন্দোক্লমদৌবনি অমসুং কাংলুপ খুদিংমক কোনশিনবগা লোয়ননা অনৌবা থবকশিং পায়খৎগদবনি। ঐখোয়গী তুংলমচৎ অসি তেক্নিকেল অমসুং চৎন-কাংলোন অনিমক্তা ঐখোয়না ফনা থমগদবনি অমসুং ঐখোয়গী তুংগী ফিবম অসি অনৌবা ওইগদবনি অমসুং মীওই কাংলুপ খুদিংমক কোনশিনগদবনি। মহাক্কী ৱারোল লোইশিল্লকপদা, প্রধান মন্ত্রীনা ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি মাইপাক্না মহাক্কী য়াইফ-পাউজেল পীখি অমসুং মহাক্কী শৌগৎপা ফোঙদোকখি।

থৌরম অদুদা কম্মুনিকেসনগী য়ুনিয়ন মিনিস্তর শ্রী জয়তিরাদিয়া সিন্দিয়া অমসুং কম্মুনিকেসনগী রাজ্য মন্ত্রী শ্রী চন্দ্রসেখর পেম্মাসানি অমসুং তোঙান-তোঙানবা উদ্যোগকী লুচিংবশিং য়াওখি।

নুঙগীৱারোল

ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি নত্ত্রগা দব্লিউ.তি.এস.এ অসি ইন্তরনেসনেল তেলিকম্মুনিকেসন য়ুনিয়নগী থবক ফগৎহন্নবা পাংথোকপা মীফম অমনি, মসি চহি মরি খুদিংগী য়ুনাইতেদ নেসন্স এজেন্সি ফোর দিজিতেল তেক্নোলোজিসনা শীনবনি। ভারত অমসুং এসিয়া-পেসিফিক্তা আই.তি.য়ু ৱার্ল্দ তেলিকম্মুনিকেসন স্তেন্দরদাইজেসন এশেমব্লি পাংথোকপা অসি হন্দক্কী অসিনা অহানবনি। মালেমগী মরুওইবা থৌরম অসিদা তেলিকোম, দিজিতেল অমসুং আই.সি.তি সেক্তরশিংগী মহুৎশীন্দুনা লৈবাক ১৯০ হেনবদগী উদ্যোগকী লুচিংবশিং, থৌশিল শেম্বশিং অমসুং তেক এক্সপার্ত ৩,০০০ হেন্না শরুক য়াগনি।

ৱার্ল্দ তেলিকম্মুনিকেসন ষ্টেন্দরদাইজেসন এশেমব্লি ২০২৪ না অনৌবা তেক্নোলোজিশিং হায়বদি সিক্স-জি, এ.আই, আই.ও.তি, বিগ দেতা, সাইবরসেকুরিতি অসিনচিংবগী তুংগী থাক অমা লেপ্নবা খন্ন-নৈন্নবা অমসুং ৱারেপ লৌনবা লৈবাকশিংগী মফম অমা পীগনি। ভারতনা থৌরম অসি য়ুম্বু ওইবা অসিনা মালেমগী তেলিকোমগী এজেন্দা অমা শেম্বা অমসুং তুংগী তেক্নোলোজিশিংগী লম্বী শেম্বদা মরুওইবা থৌদাং অমা লৌবদা লৈবাক অসিদা খুদোংচাবা অমা পীরগনি। ইন্তেলেকচুয়েল প্রোপর্তি রাইতস অমসুং পেতেন্তশিং শেমগৎপগী মতাংদা  ভারতকী স্তার্দঅপশিং অমসুং রিছার্স ইন্সতিতুসনশিং মরুওইবা লৌশিং কয়া ফংহৌনবা থৌরাং তৌরে।

মোবাইল কংগ্রেস ২০২৪ দা ভারতকী অনৌবা থবকশিং উৎকনি অমসুং মাঙজিল থাবা তেলিকোম কম্পেনিশিং অমসুং ইন্নোবেতরশিংনা ক্বান্তম তেক্নোলোজি, সর্কুলার ইকোনোমি, ৬-জি, ৫-জি য়ুজ-কেস, ক্লাউদ অমসুং এজ কম্পুতিং, আই.ও.তি, সেমিকন্দক্তর, সাইবরসেকুরিতি, গ্রিন তেক, সেতকোম অমসুং ইলেক্ত্রোনিক্সকী খুমাঙচাউশিনবশিং উৎকনি।

এসিয়াদা খ্বাইদগী চাউবা দিজিতেল তেক্নোলোজি ফোরম ওইরিবা মোবাইল কংগ্রেস ২০২৪ অসি অনৌবা থবকশিং,পাম্বৈশিং উৎপগী, উদ্যোগ, সরকার, মহৈলোয়শঙশিং, স্তার্দঅপশিং অমসুং  তেক্নোলোজি অমসুং তেলিকোমগী থবক্কী অতোপ্পা মরুওইবা মরীলৈনবশিংগী থবকশিং অমসুং খ্বাইদগী নৌবা তেক্নোলোজিশিং উৎনা মালেম শীনবা থুংবগী মফম অমা ওইনা খঙনরে। ইন্দিয়া মোবাইল কংগ্রেস ২০২৪ দা একজিবিতর ৪০০ হেন্না উৎকনি অমসুং স্তার্দ অপ ৯০০ অমসুং লৈবাক ১২০ হেনবা শরুক য়াগনি। থৌরম অসিদা তেক্নোলোজি য়ুজ কেস ৯০০ হেন্না উৎকনি, সেসন ১০০ হেন্না পাংথোক্কনি অমসুং মালেমগী অমসুং ভারতকী ৱাঙাংলোয় ৬০০ হেন্না শরুক য়াগনি।

Speaking at inauguration of the International Telecommunication Union – WTSA and India Mobile Congress.https://t.co/Y0SLvT9rAc

— Narendra Modi (@narendramodi) October 15, 2024

****