ভারতকী প্রধানমন্ত্রী

মীয়াম তিনখিবা অদুদা ৱা ঙাংলদুনা প্রধান মন্ত্রীনা হায়খি মদুদি কেন্দ্র সরকারনা মরাথী লোলবু ক্লাসিকেল লোলগী থাক পীখ্রে। শ্রী মোদীনা মসিগী তাঙ্কক অসিগী মরুওইবা অদু পল্লদুনা মসি মরাথী লোলগী পুৱারীদা শিংথানিংঙাই ওইবা মাইলস্তোন অমনি হায়না ফোংদোকখি। মহাক্না মরাথী ঙাংবা মীওইশিংগী মতম কুইনদগী লৈরক্লবা অপাম্বা অদু খঙখি অমসুং মহারাস্ত্রগী মঙলান অদু মংফাওনহন্নবা হোৎনবদা শরুক য়াবদা নুংঙাইবা ফোংদোকখি। প্রধান মন্ত্রীনা মহারাস্ত্রগী মীয়ামদসু নুংঙাইবা ফোংদোকখি অমসুং পুৱারী ওইরবা মায়পাকপগী শরুক অমা ওইবদা চাউথোকচবা ফোংদোকখি। মসিগী মথক্তা, প্রধান মন্ত্রীনা বঙ্গালি, পালী, প্রাকৃত অমসুং অসামিজবু ক্লাসিকেল লোলগী থাক পীরে হায়না লাউথোকখি অমসুং লোলশিং অসিগা মরী লৈনবা মীওইশিংদা নুংঙাইবা ফোংদোকখি।

মন্ত্রীনা হায়খি মদুদি মরাথী লোলগী পুৱারী অসি য়াম্না শিংথানিংঙাই ওই অমসুং লোল অসিদগী হৌরকখিবা লৌশিং অসিনা মীরোল কয়াবু লমজিংদুনা লাক্লি, অমসুং মখোয়না ঙসিসু ঐখোয়বু লমজিংদুনা লাক্লি। মহাক্না মখা তাখি মদুদি, মরাথী শীজিন্নদুনা, সন্ত জ্ঞানেশ্বরনা বেদান্তাগী মরমদা মীয়ামদা খঙহনখি অমসুং জ্ঞানেশ্বরিনা গীতাগী লৌশিংগা লোয়ননা ভারতকী স্পিরিচুএলগী লৌশিংবু অমুক হন্না য়কাইহনখি। শ্রী মোদীনা হায়খি মদুদি সন্ত নামদেবনা মরাথী শীজিন্নদুনা ভক্তিগী লম্বীগী ৱাখল্লোন অদু মপাঙ্গল কনখৎহনখি। মসিগা মান্ননা, সন্ত তুকারামনা মরাথী লোলদা ধর্মগী ওইবা এৱেরনেস কেম্পেন অমা হৌদোকখি অমসুং সন্ত চোকখামেলানা খুন্নাইগী অহোংবা পুরক্নবা খোঙজংশিংবু মপাঙ্গল কনখৎহনখি। শ্রী মোদীনা হায়খি, “ঐহাক্না মহারাস্ত্র অমসুং মরাথী লোলগী অচৌবা সন্তশিংদা ইকায় খুম্নবা উৎচরি।” মহাক্না মখা তাখি মদুদি মরাথী লোনগী ক্লাসিকেলগী থাক অসি পীবা অসিনা তাক্লি মদুদি লৈবাক পুম্বনা ছত্রপতি শিবাজী মহারাজবু মহাক্কী নিংথৌ ওইরকপগী চহি 350শুবদা ইকায় খুম্নবা উৎলি।

প্রধান মন্ত্রীনা ভারতকী নীংতম্বগী লানফম অসিদা মারাথী লোলনা পীরিবা অচৌবা থৌদাং অদু পনখি। মহাক্না মহারাস্ত্রগী য়াওল্লোইগী লুচিংবা অমসুং ৱাখল লৈবা মীওই কয়ানা মীয়াম্বু ৱাখল তাহনখি অমসুং অমত্তা ওইহনবদা মতৌ করম্না মারাথী লোলবু পাম্বৈ অমা ওইনা শীজিন্নখিবগে হায়বদু পনখি। মহাক্না হায়খি মদুদি লোকমান্য তিলকনা মহাক্কী মরাথী পাউচে, কেসারিগা লোয়ননা মপানগী লৈঙাকপু শীংনখি অমসুং মরাথীদা মহাক্কী স্পীচশিংনা ভারত মচা খুদিংগী থম্মোয়দা স্বরাজগী অপাম্বা অদু পোকহনখি। মহাক্না হায়খি মদুদি মরাথী লোলনা অচুম্বা অমসুং থোং মান্নবগীদমক লান্থেংনবদা মরুওইবা থৌদাং লৌরি। মহাক্না মরাথী পাউচে সুধারক্কী খুত্থাংদা খুন্নাইগী অহোংবা পুরক্নবা কেম্পেন অমা য়ুমথোং খুদিংদা য়ৌহন্দুনা লমজিংখিবা গোপাল গনেশ আগরকরগুম্বা অতোপ্পা মমিং লৈরবা মীওইশিংগী থৌদাংশিং নীংশিংখি। গোপাল কৃষ্ণ গোখলে অসি নীংতম লানগী পান্দম অদু ফংবা ঙম্নবা মরাথীদা থাজবা থমখিবা অতোপ্পা শক্নাইরবা মীশক অমনি।

শ্রী মোদীনা ফোংদোকখি মদুদি মরাথী সহিত্যা অসি ভারতকী মমল য়াম্লবা হেরিতেজনি, মসিনা ঐখোয়গী সভ্যতাগী চাউখৎপা অমসুং কলচরগী খোঙজেলগী ৱারীশিংবু ঙাক্তুনা থম্মি। স্বরাজ, স্বদেশী, মমা লোন অমসুং নাৎকীদমক চাউথোকচবা  ৱাখল্লোনশিং শন্দোকপদা মরাথী সহিত্যনা মরুওইবা থৌদাং লৌরি হায়না মহাক্না পনখি। মহাক্না হায়খি মদুদি নীংতম ইহৌগী মতমদা, গনেশ উৎসব অমসুং শিব জয়ন্তীগী থৌরমশিং, বীর সাভারকরগী রিভোলুস্নরী ৱাখল্লোনশিং, বাবাসাহেব অম্বেদকরনা লুচিংবা সোসিএল ইক্বেলিতী মুভমেন্ত, মহাঋশি কারভেগী নুপীশিংবু শক্তি লৈহনবগী কেম্পেন, মহারাস্ত্রদা ইন্দস্ত্রীলাইজেসন অমসুং লৌউ-শিংউগী রিফোর্মশিংদা হোৎনখিবশিং অসি মরাথী লোলনা শক্তি পীখি। মহাক্না হায়খি মদুদি ঐখোয়গী লৈবাক অসিগী কলচরেল দাইভর্সিতী অসি মরাথী লোলগা শম্নদুনা হেন্না মরাং কায়না লৈহল্লি।

প্রধান মন্ত্রীনা হায়খি, “লোন অসি পাউ ফাওনবগী পাম্বৈ অমা খক্তা নত্তে, মসি নাৎ, পুৱারী, চৎনবী অমসুং সহিত্যগা য়াম্না নক্না মরী লৈনৈ।” পোভাদা কৌবা নাৎকী ঈশৈগী মতাংদা পল্লদুনা শ্রী মোদীনা হায়খি মদুদি ছত্রপতি শিবাজী মহারাজ অমসুং অতোপ্পা অথৌবশিংগী থৌনাগী ৱারীশিং অসি চহি চা কয়াগী মতুংদা ঐখোয়গী মফমদা য়ৌরক্লি। মহাক্না মখা তাখি মদুদি পোভাদা অসি ঙসিগী মীরোল অসিদা মরাথী লোলগী অঙকপা খুদোল অমনি। প্রধান মন্ত্রীনা হায়খি মদুদি ঙসিদি ঐখোয়না গনপতিবু ইকায় খুম্নবা উৎলিবা মতমদা, ‘গনপতি বাপ্পা মোরিয়া’ হায়বা ৱাহৈশিং অসি ঐখোয়গী ৱাখলদা মহৌশানা লাকই। মসি ৱাহৈ খরগী অপুনবা নত্তে, মসি ইকায় খুম্নবগী লোইবা নাইদ্রবা ঈচেল অমনি। মহাক্না মখা তারদুনা হায়খি মদুদি থৌনা অসিনা লৈবাক অপুনবা অসি মরাথী লোনগা শম্নহল্লি। শ্রী মোদীনা মসিসু পনখি মদুদি মান্নবা মওংদা, শ্রী ভিত্থলগী অভং তারিবা মীওইশিং অসিসু মরাথীগা মহৌশানা মরী লৈনৈ।

মরাথী সহিত্য ইবশিং, অইবশিং, কবিশিং অমসুং মরাথী পামজবা কয়া অমনা মরাথী লোলদা শরুক তম্মি অমসুং হোৎনরিবশিং অদু পল্লদুনা, শ্রী মোদীনা হায়খি মদুদি লোল অসিগী ক্লাসিকেল থাক্তা শকখঙবা অসি মরাথী সহিত্য  ইবা কয়াগী সেবাগী মহৈনি। মহাক্না মখা তাখি মদুদি বলশস্ত্রী জম্বেকর, মহাত্মা জ্যোতিবা ফুলে, সাবিত্রিবাই ফুলে, কৃষ্ণজী প্রভাকর খাদিলকর, কেশৱসুত, শ্রীপদ মহাদেব মাতে, আচার্য আত্রে, আন্না ভাও সাথে, শান্তাবাই শেলকে, গজানান দিগম্বার মাদগুলকর, কুসুমাগরাজগুম্বা মীওইশিং অসিনা শরুক তমখিবা অসি লম্বা লৈতবা অমনি। প্রধান মন্ত্রীনা ফোংদোকখি মদুদি মারাথী সহিত্যগী চৎনবী অসি অরিবা মতমগী ওইবতা নত্তনা মল্তি ফেসেতেদ ওইরি। মহাক্না মখা তাখি মদুদি ভিনোবা ভাৱে, শ্রীপদ অমৃত দঙ্গে, দুর্গাবাই ভাগৱত, বাবা অমতে, দলিতকী সহিত্যাগী মীওই দয়া পাৱর, বাবাসাহেব পুরন্দরেগুম্বা মীওই কয়ানা মরাথী সহিত্যদা অচৌবা থৌদাং লৌখি। শ্রী মোদীনা মরাথীদা থবক তৌরম্বা পুরুশোত্ম লক্ষ্মন দেশপান্দে, দাক্তর অরুনা ধেরী, দোক্তর. সদানন্দ মোরে, মহেশ এলকুঞ্চৱর, সাহিত্য অকাদেমি এৱার্দ ফংলবা নামদেব কাম্বলে য়াওনা সহিত্যগী মীওই কয়ানা শরুক তম্মিবা অদু নীংশিংখি। আশা বেজ, বিজয়া রাজধ্যক্ষ, দোক্তর শরনকুমার লিমবালে, থিএতর দিরেক্তর চন্দ্রকান্ত কুলকার্নিনা চহি কয়াগী মমাংদগী মরাথীবু ক্লাসিকেল লোলগী থাক্তা লৈহন্নবগী মঙলান মঙদুনা লাক্লি।

প্রধান মন্ত্রীনা মরাথী সিনেমা, সহিত্য অমসুং কলচরগী থৌদাংবু থাগৎখি। শান্তরাম অমসুং দাদাসাহেব ফালকেনা ভারতকী সিনেমাগী য়ুম্ফম থোনখি। মহাক্না মরাথী থীএতরবু নীংথিজরবা অমসুং শক্নাইরবা মরাথী ম্যুজিক ত্রেদিসনশিংদা ৱা ঙাংবগীদমক থাগৎপা ফোংদোকখি। মহাক্না বাল গান্ধর্ব, ভীমসেন জোশী অমসুং লতা মঙ্গেশকরগুম্বা আইকোনশিংবু মখোয়গী থৌদাংশিং অদুগীদমক থাগৎখি।

শ্রী মোদীনা অহমদাবাদকী মহাক্কী লনাইগী থৌদোক অমা শিয়র তৌখি মফম অদুদা মরাথীগী ইমুং অমনা মহাকপু লোল তম্বদা মতেং পাংখি। প্রধান মন্ত্রীনা হায়খি মদুদি মরাথীবু ক্লাসিকেল লোল অমা ওইনা শকখঙবা অসিনা ভারত শিনবা থুংনা লৈরিবা য়ুনিভর্সিতীশিংদা লোলগী রিসর্চ তৌবা অমসুং লিতরেরী কল্লেক্সন হেনগৎহনগনি। শ্রী মোদীনা হায়খি মদুদি মসিগী ৱারেপ অসিনা মরাথী লোলগী চাউখৎ থৌরাংগীদমক থবক তৌরিবা ওর্গনাইজেসনশিং, মীওইশিং অমসুং মহৈরোইশিংদা চাউনা মতেং পাংগনি। মহাক্না অপেনবা ফোংদোকখি মদুদি খোংথাং অসিনা এজুকেসন অমসুং রিসর্সতা অনৌবা লম্বীশিং হাংদোক্লগনি, সেক্তরশিং অসিদা থবক ফংহন্নবা খুদোংচাবশিং হেনগৎহল্লগনি।

লৈবাক অসিনা নীংতম্বা ফংলবা মতুংদগী অহানবা ওইনা লমদমসিগী লোলশিংদা এজুকেসন তৌবদা সরকারনা অহেনবা মীৎয়েং থম্লি হায়না পল্লদুনা প্রধান মন্ত্রীনা অনৌবা নেস্নেল এজুকেসন পোলিসীগী মখাদা মেদিকেল অমসুং ইঞ্জিনীয়রিংগী কোর্সশিং মরাথীদা তম্বা য়াবগী ওইথোকপা অদু ফোংদোকখি। সাইন্স, ইকোনোমিক্স অমসুং আর্তকী মখল কয়াগী হীরমশিংদা মরাথীদা লাইরিকশিং ফংহনবা হেনগৎলক্লি হায়না মহাক্না ফোংদোকখি। মহাক্না মরাথীবু ৱাখল্লোনশিংগী ভেহিকল অমা ওইহন্নবা ৱাফম থমখি। মহাক্না মরাথী সহিত্যবু মালেমগী মীয়ামদা য়ৌহন্নবা হোৎনরিবশিং অদু পুক্নিং থৌগৎখি। মহাক্না ভাসিনি এপকী মতাংদা পনখি, মসিনা মাগী হন্দোকপগী ফিচরগী খুত্থাংদা লোলগী অৱাবা কোকহনবদা মতেং পাংলি।

প্রধান মন্ত্রীনা মীপুম খুদিংমক্তা পুৱারী ওইরবা থৌরম অসিনা থৌদাং লৌবগী মতাংদসু নীংশিংহনখি। মহাক্না হায়খি মদুদি মরাথী ঙাংবা মীওই খুদিংমক্না লোল অসিদা শরুক তমগদবনি। শ্রী মোদীনা খোঙথাংশিং অসিনা মরাথীনা য়ৌশিনবা ঙম্বা অদু হেন্না হেনগৎহনগদবনি মসিনা তুংগী মীরোলশিংদা চাউথোকচবা অমা পোকহনগদবনি হায়খি। মহাক্না লোইশিনবদা মীপুম খুদিংমক্তা মরাথী লোল অসি ক্লাসিকেল লোল অমা ওইনা শকখঙবগীদমক নুংঙাইবা ফোংদোকখি।

Marathi being recognised as a Classical Language is a moment of pride for everyone. Speaking at a programme in Mumbai. https://t.co/Pz0DeLcU86

— Narendra Modi (@narendramodi) October 5, 2024

मराठी के साथ बंगाली, पाली, प्राकृत और असमिया भाषाओं को भी क्लासिकल लैंग्वेज का दर्जा दिया गया है।

मैं इन भाषाओं से जुड़े लोगों को भी बधाई देता हूं: PM @narendramodi pic.twitter.com/Ev925WZTOz

— PMO India (@PMOIndia) October 5, 2024

मराठी भाषा का इतिहास बहुत समृद्ध रहा है। pic.twitter.com/P37VWmjyDh

— PMO India (@PMOIndia) October 5, 2024

महाराष्ट्र के कई क्रांतिकारी नेताओं और विचारकों ने लोगों को जागरूक और एकजुट करने के लिए मराठी भाषा को माध्यम बनाया: PM @narendramodi pic.twitter.com/hq6RQocRe3

— PMO India (@PMOIndia) October 5, 2024

भाषा सिर्फ बातचीत का माध्यम नहीं होती।

भाषा का संस्कृति, इतिहास, परंपरा और साहित्य से गहरा जुड़ाव होता है: PM @narendramodi pic.twitter.com/lMTG4EuJll

— PMO India (@PMOIndia) October 5, 2024

There is immense happiness across Maharashtra at the Union Cabinet’s decision to accord Classical Language status to Marathi.

This evening in Mumbai, I joined a program attended by eminent individuals from various walks of life who expressed their appreciation for this… pic.twitter.com/p7IYhiJpsT

— Narendra Modi (@narendramodi) October 5, 2024

***