ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ইতলীগী প্রধান মন্ত্রী হিজ এক্সিলেন্সী জিউসেপ কোন্তেগা লোয়ননা তেলিফোন্দা ৱারী শানখ্রে।

প্রধান মন্ত্রীনা কোবিদ-১৯ লাইচৎনা মরম ওইদুনা ইতলীদা লৈখিদ্রবশিংগী মফমদা মহাক্কী ওইবা অৱাবা ফোংদোকখি। মহাক্না চিরবা তাঞ্জা মনুংদা ইতলীগী মীয়াম্না উৎখিবা অৱাবা খংবগী লিংজেল অদু থাগৎখি।

লুচিংবা অনিনা মখোয় মশাগী লৈবাকশিংদা অমসুং মালেমগী থাক্তা লাইচৎ অসিগী হকশেল অমসুং ইকোনোমিক ইম্পেক্ত থেংননবা দরকার ওইবা খোংথাংশিংদা খন্ন-নৈনখি। মখোয়না অমনা অমগী সোলিদরিতী ফোংদোক্নখি অমসুং অমনা অমগী পন্দুনা লৈরিবা লৈবাক মচাশিংদা নাকল অনিগী ওইবা তেংবাং ফংহনবগীদমক থাগৎপ্ ফোংদোকখি।

প্রধান মন্ত্রীনা শ্রী কোন্তেবু ইতলীদা মরুওইবা হিদাক-লাংথকশিং অমসুং অতোপ্পা পোৎলমশিং ফংহনবদা ভারতনা মতেং পাংগনি হায়বা থাজবা পীখি।

লুচিংবা অনিনা নাকল অনিগী মরী মখা তানা চেৎশিলহন্নবা ভারত অমসুং ইতলীগী মরক্তা এক্তিব ওইনা তাথোক-তাশিন তৌবা অমসুং তেংবাং পীননবা মখা চত্থবা য়ানখি।

ইতলীগী প্রধান মন্ত্রীনা মতাং চাবা অমদা ইতলীদা লাকপীনবা প্রধান মন্ত্রীগী মফমদা বার্তন তৌখি।