ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি মহারাস্ত্রগী মুম্বাইদা লৈবা জিও ৱর্ল্দ কনভেন্সন সেন্তরদা পাংথোকপা গ্লোবেল ফিনতেক ফেস্ত (GFF) 2024 দা ৱা ঙাংখ্রে। প্রধান মন্ত্রীনা থৌরম অদুদা একজিবিসনগী ৱাকথ্রুসু তৌখি। GFF অসি পেমেন্ত কাউন্সিল ওফ ইন্দিয়া, নেস্নেল পেমেন্ত কোর্পোরেসন ওফ ইন্দিয়া অমসুং ফিনতেক কনভর্জেন্স কাউন্সিলনা পুন্না শীন-লাংদুনা পাংথোক্লি। মসিগী পান্দমদি ফিনতেক্তা ভারতনা পায়খৎলিবা থবকশিং উৎনবা অমসুং সেক্তর অসিগী মরুওইবা স্তেকহোল্দরশিং পুনশিন্নবনি।

মীয়াম তিনখিবা অদুদা ৱা ঙাংলদুনা, প্রধান মন্ত্রীনা হায়খি মদুদি লৈবাক অসিনা কুহ্মৈগী মতম অমা চত্থরিঙৈ অমসুং গ্লোবেল ফিনতেক ফেস্তকী থৌরম অসি মুম্বাইদা পাংথোক্লিঙৈ মতম অসিদা লৈবাক অসিগী শেন্মিৎলোন অমসুং কৈথেলশিং অসি কুহ্মৈগী ফীভমদা লৈরি। প্রধান মন্ত্রীনা মকোক থোংবা মীওইশিং অমসুং মীথুংলেন পুম্নমকপু তরাম্না ওকখি। থৌরম হৌদ্রিঙৈগী মমাংদা একজিবিসন অদুদা মহাক্কী এক্সপরিয়েন্স অমসুং ৱারী-ৱাতাই শাখিবগী মতাংদা পল্লদুনা শ্রী মোদীনা হায়খি মদুদি নহারোলশিংগী ইন্নোভেসন অমসুং তুংলমচৎকী ওইথোকপা য়াবশিংগী অপুনবা অনৌবা মালেম অমা উবা ফংলি। মহাক্না গ্লোবেল ফিনতেক ফেস্ত (GFF) 2024 মায় পাক্না পাংথোকপদা শরুক য়াখিবা পুম্নমকপু থাগৎপা ফোংদোকখি।

ভারতকী ফিনতেক ইন্নোভেসনবু থাগৎলদুনা প্রধান মন্ত্রীনা হায়খি, “হান্নদি ভারত্তা লাকপা মপান লমগী মীথুংলেনশিংনা ভারতকী চৎনবীগী মখল-মখা কয়াদা অঙকপা পোক্নরমখি, হৌজিক্তি মখোয়না ফিনতেক্কী দাইভর্সিতীদসু অঙকপা পোকখি”। শ্রী মোদীনা হায়খি মদুদি ভারতকী ফিনতেক রিভোলুসন অসি এয়রপোর্ত য়ৌরকপা মতমদগী হৌরগা স্ত্রীৎ ফুদ অমসুং শোপ্পিংগী এক্সপরিয়েন্স ফাওবা মীওই অমনা পাক শন্না উবা ফংলি। “হৌখিবা চহি 10দা, ইন্দস্ত্রী অসিনা রেকোর্দ ওইবা দোল্লর বিল্লিয়ন 31 হেন্না ইনভেস্ত তৌখি অমসুং স্তার্তঅপশিং অসি চাদা 500 হেনগৎলকখি।” মহাক্না হায়খি, অহোংবা মোবাইল ফোনশিং, মমল তাংদবা দেতা অমসুং জেরো বেলেন্সতগী হৌবা জন ধন বেঙ্ক একাউন্তশিং অসিনা রিভোলুসন অমা পুরক্নবা হোৎনরি। “ঙসিদি, লৈবাক অসিদা ব্রোদবেন্দ শীজিন্নরিবশিংগী অপুনবা মশিং অসি মিলিয়ন 60দগী মিলিয়ন 940দা হেনগৎলে,” ফোংদোক্লদুনা শ্রী মোদীনা মখা তানা হায়খি মদুদি লৈবাক অসিদা দিজিতেল আইদেন্তিফিকেসন অমা ওইরিবা আধার দবা পায়দবা চহি 18 শুরবা মীওই অমত্তা লৈতে। “ঙসিদি, লৈবাক অসিদা মীওই মিলিয়ন  530 হেনবনা জন ধন একাউন্ত লৈরে। ঐখোয়না চহি 10 খক্তদা য়ুরোপিয়ান য়ুনিয়ন পুম্নমক্কী মীশিংগা মান্নবা মীওইশিংবু বেঙ্ককা শম্নহনখ্রে,” হায়না মহাক্না মখা তাখি।

প্রধান মন্ত্রীনা হায়খি মদুদি জনধন, আধার অমসুং মোবাইলগী ত্রিনিতীনা ‘কেশ ইজ কিং’গী ৱাখল্লোন অসি থুগাইখি অমসুং মালেমগী দিজিতেল ত্রাঞ্জেক্সনগী চাউরাক্না তংখাই ভারত্তা পাংথোক্নবগী লম্বী শেমখি। প্রধান মন্ত্রীনা হায়খি, “ভারতকী UPIনা মালেমদা ফিনতেক্কী মরুওইবা খুদম অমা ওইরি।” মহাক্না হায়খি মদুদি মসিনা খুঙ্গং অমসুং সহর খুদিংদা ফীভম পুম্নমক্ত 27 X 7 বেঙ্কিং সর্ভিসশিং ফংহল্ই। কোবিদ লাইচৎকী মতাংদা পল্লদুনা প্রধান মন্ত্রীনা হায়খি মদুদি ভারত অসি মালেমদা বেঙ্কিং সিস্তেমগী খুদোংচাদবা লৈতবা লৈবাক খরগী মনুংদা অমনি।

নুমিৎ খরনিগী মমাংদা জন ধন য়োজনাগী চহি 10 মপুং ফাখিবগী মতাংদা প্রধান মন্ত্রীনা পনখি অমসুং হায়খি মদুদি মসিনা নুপীশিংদা শক্তি পীনবগী অচৌবা পাম্বৈ অমা ওইরক্লি। হৌজিক ফাওবদা নুপীশিংগীদমক বেঙ্ক একাউন্ত করোর 29 হেন্না হাংদোকখ্রে। মসিনা সেভিং অমসুং ইনভেস্তমেন্তকী অনৌবা খুদোংচাবশিং ফংহল্লি হায়না মহাক্না হায়খি। মহাক্না মখা তারদুনা হায়খি মদুদি খ্বাইদগী চাউবা মাইক্রো ফাইনান্স স্কিম, মুদ্রা য়োজনা অসি জন ধন একাউন্তশিংগী ফিলোসোফীদা হৌদোকখি অমসুং হৌজিক ফাওবদা লুপা ত্রিলিয়ন 27গী ক্রেদিৎ পীখ্রে। “স্কিম অসিগী কান্নবা ফংলবশিংগী চাদা 70দি নুপীশিংনি,” হায়না শ্রী মোদীনা হায়খি। মহাক্না মখা তানা হায়খি মদুদি জন ধন একাউন্তশিং অসি সেল্ফ হেল্প গ্রুপশিংবু বেঙ্কিং সিস্তেমগা শম্নহনবদা শীজিন্নরি অমসুং মসিনা খুঙ্গংগী নুপী করোর 10দা কান্নবা পীরি। প্রধান মন্ত্রীনা হায়খি, “জন ধন প্রোগ্রামনা নুপীশিংগী শেল-থুমগী মপাঙ্গল কনখৎহন্নবা মপাঙ্গল কনবা য়ুম্ফম অমা শেমখি।”

মালেমগী ওইনা পেরেলেল ইকনোমীগী খুদোংথিবশিংগী মতাংদা পল্লদুনা প্রধান মন্ত্রীনা ফিনতেকনা অসিগুম্বা সিস্তেম অসি থিংবদা অচৌবা থৌদাং লৌরি হায়না ফোংদোকখি অমসুং ত্রান্সপরেন্সী লাকপদা থাগৎপা ফোংদোকখি। মহাক্না হায়খি মদুদি দিজিতেল তেক্নোলোজীনা ভারত্তা ত্রান্সপরেন্সী পুরকখি। মহাক্না সরকারগী স্কিম চা কয়াদা শীজিন্নরিবা দাইরেক্ত বেনিফিৎ ত্রান্সফরগী খুদম পীখি মসিনা সিস্তেম অসিদা লিকেজ ঙাকথোকখি। প্রধান মন্ত্রীনা হায়খি, “ঙসিদা, মীয়ামনা ফোর্মেল বেঙ্কিং সিস্তেমগা লোয়ননা চৎমিন্নবগী কান্নবা অদু উবা ফংলে।”

ফিনতেক ইন্দস্ত্রীনা লৈবাক অসিদা পুরক্লিবা অহোংবশিং অদু পল্লদুনা প্রধান মন্ত্রীনা হায়খি মদুদি মসিনা ভারতকী তেক্নোলোজিকেল ফ্রন্ততা অহোংবা পুরকপতা নত্তনা ভারতকী অর্বান অমসুং রুরেলগী মরক্তা লৈরিবা খেন্নবা অদু মাংহন্দুনা পাক-শন্না খুন্নাইদা কান্নবা পীরি। শ্রী মোদীনা মখা তানা ফিনতেক্কী মতেংগা লোয়ননা মমাংদদি বেঙ্কিং সর্ভিসশিং অসি লৌমীশিং অমসুং মিদ্দল ক্লাসকী ইমুংশিংগীদমক অৱাবা ওইদুনা নুমিৎ চুপ্না চংলমখিবা অদু হৌজিক মোবাইল ফোনদা লায়না ফংহল্লে হায়না ফোংদোকখি।

ফাইনান্সিএল সর্ভিসশিং দিমোক্রেতাইজ তৌবদা ফিনতেক্কী থৌদাং অদু পল্লদুনা প্রধান মন্ত্রীনা লোন, ক্রেদিৎ কার্দশিং, ইনভেস্তমেন্তশিং অমসুং ইন্সুরেন্সকী খুদমশিং পনখি। মহাক্না ফিনতেকনা ক্রেদিৎ ফংহনবদা লায়হল্লি অমসুং ইনক্লুসিব ওইহল্লি হায়না ফোংদোকখি। মহাক্না পি.এম. স্বানিধি স্কিমগী খুদম পীরদুনা হায়খি মদুদি লম্বীদা পোৎ য়োনবশিংনা কোল্লাতরেল য়াওদনা লোন ফংবা অমসুং দিজিতেল ত্রাঞ্জেক্সনগী মতেংদগী মখোয়গী ললোন-ইতিক মখা তানা পাকথোক-চাউথোকপা ঙমহল্লি। শেয়র মার্কেতশিং অমসুং ম্যুচ্যুএল ফন্দশিং, ইনভেস্তমেন্ত রিপোর্তশিং অমসুং দিমেৎ একাউন্তশিং হাংবদা লায়থোকহনবগী মতাংদসু মহাক্না পনখি। দিজিতেল ইন্দিয়াগী খুমাং চাউশিল্লকপগী মতাংদা পল্লদুনা প্রধান মন্ত্রীনা হায়খি মদুদি রিমোৎ হেল্থকেয়র সর্ভিসশিং, দিজিতেল এজুকেসন অমসুং স্কিল লর্নিং অসি ফিনতেক য়াওদনা ওইথোক্লোই। “ভারতকী ফিনতেক রিভোলুসন অসিনা পুন্সিগী ইকাই খুম্নবা অমসুং পুন্সিগী মগুন হেনগৎহনবদা অচৌবা থৌদাং অমা লৌরি,” হায়না শ্রী মোদীনা মখা তাখি।

প্রধান মন্ত্রীনা হায়খি মদুদি ভারতকী ফিনতেক রিভোলুসনগী মায় পাকপা অসি অনৌবা পুথোকপদা নত্তনা এদোপ্সনদসু য়াওরি। ভারতকী মীয়াম্বু মসিগী রিভোলুসন অসিগী স্পীদ অমসুং স্কেলগীদমক থাগৎপা ফোংদোক্লদুনা, শ্রী মোদীনা অসিগুম্বা অহোংবা পুরকপদা দিজিতেল পব্লিক ইনফ্রাস্ত্রকচর ((DPI) গী থৌদাংবুসু থাগৎপা ফোংদোকখি।

দিজিতেল ওংলি বেঙ্কশিং অমসুং নিও-বেঙ্কিংগী অনৌবা ৱাখল্লোনশিংগী মতাংদা পল্লদুনা প্রধান মন্ত্রীনা হায়খি, “21শুবা চহি চাগী মালেম অসি য়াম্না থুনা হোংলক্লি অমসুং শেন-থুমদগী QR (ক্বিক রেস্পোন্স) কোদ ফাওবগী খোঙচৎ অসি মতম খরা চংলক্লবসু, ঐখোয়না নুমিৎ খুদিংগী অনৌবা খোঙথাং কয়া উবা ফংলি।” দিজিতেল ত্বিন্স তেক্নোলোজীবু থাগৎলদুনা শ্রী মোদীনা হায়খি মদুদি মসিনা মালেম অসিনা রিস্ক মেনেজমেন্ত, নমথাক তৌবা থিদোকপা অমসুং কস্তমর এক্সপরিয়েন্স পীবগী মওং অসি হোংদোক্লগনি। ওপন নেৎৱার্ক ফোর দিজিতেল কম্মর্স (ONDC) গী কান্নবশিং পল্লদুনা প্রধান মন্ত্রীনা হায়খি মদুদি মসিনা ওনলাইন শোপ্পিংবু ইনক্লুসিব ওইহল্লি অমসুং অপীকপা বিজিনেসশিং অমসুং এন্তরপ্রাইজশিংবু হেন্না চাউবা খুদোংচাবশিংগা শম্নহল্লি। ঙসিদি, কম্পনীশিংবু শোয়দনা মথৌ তৌহন্নবা একাউন্ত এগ্রিগেতরশিংনা দেতা শীজিন্নরি, ত্রেদ প্লেৎফোর্মশিংগী মতেংদগী অপীকপা ইন্সতিত্যুসনশিংগী লিক্বিদিতী অমসুং শেল থাদবগী চাং হেনগৎলক্লি অমসুং ই-রুপিগুম্বা দিজিতেল ভাউচর অসি মওং কয়া অমদা শীজিন্নরি হায়না শ্রী মোদীনা হায়খি। হায়রিবা প্রদক্তশিং অসি মালেমগী অতোপ্পা লৈবাকশিংদসু চপ মান্ননা কান্নবা ফংলি হায়না মহাক্না মখা তাখি।

“ভারতনা AIগীদমক মালেমগী ফ্রেমৱার্ক অমা শেম্নবা হায়খ্রে” হায়না প্রধান মন্ত্রীনা হায়খি। সাউদ বোক্সশিং অমসুং QR কোদশিং শীজিন্নবা অসি অসিগুম্বা ইন্নোভেসন অমনি হায়না মহাক্না ফোংদোকখি। মহাক্না ভারতকী ফিনতেক সেক্তরদা সরকারগী বেঙ্ক সখি প্রোগ্রাম নৈননবা হায়খি অমসুং খুঙ্গং খুদিংমক্তা বেঙ্কিং অমসুং দিজিতেলগী মতাংদা খঙহনবা অমসুং ফিনতেকপু অনৌবা কৈথেল অমা পীনবা ইচানুপীশিংনা হোৎনরিবশিং অদু পনখি।

প্রধান মন্ত্রীনা ফিনতেক সেক্তরদা মতেং পাংনবা সরকারনা পোলিসীগী থাক্তা মথৌ তাবা অহোংবা পুম্নমক পুরক্লি হায়না পনখি। মহাক্না এঞ্জেল তেক্স লৌথোকপা, লৈবাক অসিদা রিসর্স অমসুং ইন্নোভেসন পুক্নিং থৌগৎনবা লুপা করোর লাখ অমা পীবা অমসুং দিজিতেল পর্সনেল দেতা প্রোতেক্সন এক্ত চৎনহনবগী খুদমশিং পনখি। সাইবর ফ্রোদশিং লোইশিন্নবগী তঙাইফদবা অদু ফোংদোক্লদুনা প্রধান মন্ত্রীনা দিজিতেল লিতরেসী হেনগৎহন্নবা অচৌবা খোঙথাংশিং লৌখৎনবা রেগ্যুলেতরশিংদা তকশিনখি। সাইবর ফ্রোদ অসিনা লৈবাক অসিদা ফিনতেক অমসুং স্তার্ত-অপশিং চাউখৎহনবদা অথিংবা লৈহন্দবা অসিসু চপ মান্ননা মরু ওই হায়না মহাক্না হায়খি।

প্রধান মন্ত্রীনা হায়খি, “তুং কোইবা শেন্মিৎলোনগী খুমাং চাউশিনবা অসি ঙসি ভারতকী মরুওইবা অমনি।” সরকারনা ফাইনান্সিএল মার্কেতশিংবু এদভান্স তেক্নোলোজীশিং অমসুং রেগ্যুলেতরী ফ্রেমৱার্কশিংগা লোয়ননা মপাঙ্গল কনখৎহন্নবা, ত্রান্সপরেন্ত অমসুং ইফিসিএন্ত  ওইবা সিস্তেমশিং শেমগৎলি হায়না মহাক্না অকনবা ৱাফম থমখি। মহাক্না গ্রীন ফাইনান্স অমসুং ফাইনান্সিএল ইনক্লুজনগী সেচুরেসনগা লোয়ননা সস্তেনেবল গ্রোথপু সপ্পোর্ত তৌবগী মতাংদা পনখি।

মহাক্কী ৱারোল লোইশিল্লদুনা, প্রধান মন্ত্রীনা থাজবা থমখি মদুদি ভারতকী ফিনতেক ইকোসিস্তেম্না ভারতকী মীয়ামদা ক্বালিতী লাইফস্তাইল অমা ফংহনবদা অচৌবা থৌদাং অমা লৌগনি। ভারতকী ফিনতেক ইকোসিস্তেমনা মালেম পুম্বগী পুন্সি মহিংদা হেন্না নুংঙাইহল্লগনি হায়না ঐহাক্না থাজবা থম্লি। ঐখোয়গী খ্বাইদগী ফবা অসি লাক্কদৌরি।” চহি মঙাগী মতুংদা মহাক্না GFF গী 10শুবা এদিসনদা শরুক য়াগনি হায়বগী থাজবা প্রধান মন্ত্রীনা ফোংদোকখি। থৌরম অদু লোইদ্রিঙৈ মমাংদা, প্রধান মন্ত্রীনা মীয়ামগা লোয়ননা সেল্ফি নম্বগীদমক্তা পোজ তৌখি। মহাক্না হায়খি মদুদি AI শীজিন্নদুনা, ফোতো অমদা য়াওরিবা মীওই খুদিংমক্না নমো এপকী ফোতো সেক্সনদা চংদুনা মখোয়গী সেল্ফি অদু অপলোদ তৌদুনা মদুদা এক্সেস তৌবা য়াগনি।

থৌরম অসিদা রিজর্ব বেঙ্ক ওফ ইন্দিয়াগী গভর্নর, শ্রী শক্তিকান্তা দাস অমসুং GFFকী চিয়রমেন, শ্রী কৃস গোপালকৃষ্ণনা শরুক য়াখি।

বেকগ্রাউন্দ

GEF অসি পেমেন্ত কাউন্সিল ওফ ইন্দিয়া, নেস্নেল পেমেন্ত কোর্পোরেসন ওফ ইন্দিয়া অমসুং ফিনতেক কনভর্জেন্স কাউন্সিলনা পুন্না শীনবনি। ভারত অমসুং অতোপ্পা লৈবাক কয়াদগী পোলিসী মেকরশিং, রেগ্যুলেতরশিং, মকোক থোংবা বেঙ্করশিং, ইন্দস্ত্রীগী কেপ্তেনশিং অমসুং একাদেমিকশিং য়াওনা স্পিকর 800 রোম্না কনফরেন্স অসিদা সেসন 350 হেনবদা ৱা ঙাংগনি। মসিদা ফিনতেক লেন্দস্কেপকী খ্বাইদগী নৌবা ইন্নোভেসনশিংসু উৎকনি। 2024গী GFFদা থোত লীদরশিপ রিপোর্ত 20 হেনবা অমসুং হ্বাইৎ পেপরশিং লোঞ্চ তৌগনি, মখোয়না ৱাখল্লোনশিং অমসুং ইন্দস্ত্রীগী অকুপ্পা মরোলশিং পীগনি।

India’s FinTech revolution is improving financial inclusion as well as driving innovation. Addressing the Global FinTech Fest in Mumbai.https://t.co/G0Tuf6WAPw

— Narendra Modi (@narendramodi) August 30, 2024

India’s FinTech diversity amazes everyone. pic.twitter.com/uVgdHym2fB

— PMO India (@PMOIndia) August 30, 2024

Jan Dhan Yojana has been pivotal in boosting financial inclusion. pic.twitter.com/RWRr6BXQTa

— PMO India (@PMOIndia) August 30, 2024

UPI is a great example of India’s FinTech success. pic.twitter.com/dlo1OzMVaL

— PMO India (@PMOIndia) August 30, 2024

Jan Dhan Yojana has empowered women. pic.twitter.com/csr1Zawu9k

— PMO India (@PMOIndia) August 30, 2024

The transformation brought about by FinTech in India is not limited to just technology. Its social impact is far-reaching. pic.twitter.com/uxQfFiEYOs

— PMO India (@PMOIndia) August 30, 2024

FinTech has played a significant role in democratising financial services. pic.twitter.com/MBQhPLAL2A

— PMO India (@PMOIndia) August 30, 2024

India’s FinTech adoption is unmatched in speed and scale. pic.twitter.com/Nnf5sQH5JW

— PMO India (@PMOIndia) August 30, 2024

FinTech for Ease of Living. pic.twitter.com/Wt83ZFUVdk

— PMO India (@PMOIndia) August 30, 2024

***