ভারতকী প্রধানমন্ত্রী

প্রধান মন্ত্রী, নরেন্দ্র মোদীনা ঙসি সাউদি অরাবিয়াগী ক্রাউন প্রিন্স অমসুং প্রধান মন্ত্রী, ঐচ.আর.ঐচ. প্রিন্স মোহম্মদ বিন সলমান বিন অবদুলজিজ অল সাউদকা তেলিফোনদা ৱারি শানখ্রে।

লুচিংবশিং অদুনা বাইলেতরেল কোওপরেশনগী ইশু কয়া য়েংশিনখি অমসুং লৈবাক অনিমক্কী কান্নগদবা মল্তিলেতরেল অমসুং গ্লোবল ইশু কয়া অমগী মতাংদা মখোয়গী ৱাখল্লোনশিং তাথোক-তাশিন তৌনখ্রে।

পি.এম.না ২০২৩গী এপ্রিলদা সুদানদগী জেদাহ ফাওদুনা ভারত মচাশিং লৌথোকপা মতমদা সাউদি অরাবিয়ানা থোইদোক-হেন্দোক্না পাংখিবা মতেং অদুগীদমক্তা ক্রাউন প্রিন্স মোহম্মদ বিন সলমানবু থাগৎপা ফোংদোকখি। মহাক্না লাক্কদৌরিবা হাজকী লাইনিং খোংচৎকীদমক্তা মহাক্কী য়াইফ-পাউজেল পীখি।

ক্রাউন প্রিন্স মোহম্মদ বিন সলমাননা হৌজিক চত্থরিবা জি.২০ প্রেসিদেন্সী অসিগী অরুক অমা ওইনা ভারতনা লৌখৎলিবা অনৌবা থৌরাংশিং অদুবু মপুং ফানা সপোর্ত তৌরি হায়না ফোংদোকখি অমসুং ভারত্তা মহাক্কী খোংচৎ অদুগীদমক্তা মহাক্না খৌরাংনা ঙাইরি হায়না ফোংদোরকখি।

লুচিংবা অনি অদুনা পাউ ফাওনদুনা লৈনবা অয়াবা ফোংদোরকখি।

***