ভারতকী প্রধানমন্ত্রী

মিস্তর প্রেসিদেন্ত, মতম পুম্নমক্তা অদোমগা উনবা অসি য়াম্না নুংঙাই। ঙসিসু ঐখোয়না পুন্না য়াম্না ফবা অমসুং কান্নবা ক্বাদ সমিৎতা শরুক য়ামিন্নরে।

ভারত-য়ু.এস.এ.গী স্ত্রেতেজিক পার্তনরশিপ অসি তশেংনা থজবগী পার্তনরশীপনি।

ঐখোয়গী ভেল্যুশিং, অমসুং সেক্যুরিতী য়াওনা ঐখোয়না চপ মান্ননা পাম্বা হীরম কয়া অমনা মসিগী থাজবগী মরী অসিবু হেন্না কনখৎহল্লে।
ঐখোয়গী পীপল-তু-পীপল রিলেশনীশং অমসুং শেনমিৎলোনগী ওইবা য়াম্না নক্নবা মরী অসিনসু ঐখোয়গী পার্তনরশীপ অসি তোপ-তোপ্পা ওইহল্লি।
তৌইগুম্বশুং মসি ঐখোয়গী পোতেন্সিয়েল দুদগী য়াম্না নেম্বা ওইজরবসু ঐখোয়গী মরক্তা ত্রেদ অঞসুং ইনভেস্তমেন্ত অসিসু য়াম্না য়াংনা লেপ্তনা চাউথোরক্লি।
ঐহাক্না থাজৈ মদুদি ঐখোয়গী মরক্তা লৈরিবা ভারত-য়ু.এস.এ. ইনভেস্তমেন্ত এগ্রীমেন্ত অসিনা ইনভেস্তমেন্তকী মাইকৈদা ময়েক শেংনা খুমাং চাউশিনবা উবা ফংগনি।

ঐখোয়না তেক্নোলোজীগী লমদা বাইলেতরেল কোওপরেশন হেনগৎহল্লগনি, অমসুং মালেমগী ওইবা ৱাফমগী মতাংদা ম্যুচুৱল কোওর্দিনেশনসু কনখৎহল্লে।
ঐখোয়গী লৈবাক অনি অসিনা ইন্দো-পেসিফিক রিজনগী মতাংদা চপ মান্নবা ৱাখল্লোনশিং লৈ অমসুং ঐখোয়গী ভেল্যুশিং অমসুং নাকল অনিমক্কী ওইবা থাক্তদা নত্তনা অতোপ্পা ৱাখল মান্নবা লৈবাকশিংগা মান্নবা অপাম্বশিং অদুবু ঙাকশেন্দুনা থম্নবা কন্না হোৎনরি। ঙরাং লাউথোকখিবা ক্বাদ অমসুং আই.পি.ই.এফ. অসিনা মসিগী য়াম্না এক্তিব ওইরিবা খুদম অমনি। ঙসি ঐখোয়গি কন্ন-নৈনবা অসিনা মসিগী অফবা মোমেন্তম অসিদা খোংজেল হেন্না হাপ্লগনি।
ঐহাক্না থাজৈ মদুদি ভারত অমসুং য়ু.এস.এ.গী মরক্তা লৈরিবা মরী অসিনা মালেমগী শান্তি অমসুং মরা চেৎনা ইংনা তপ্না লৈনবা, প্লানেত অসিগী তুং কোইনা লৈনবগীদমক্তা, অমসুং মীওইবা খুনাইগী য়াইফনবগীদমক্তা অফবা ফোর্স অমা ওইদুনা মখাতানা অদুমক চত্থখিগনি।

***