ভারতকী প্রধানমন্ত্রী

লাওগী ভিয়েন্তিয়ানদা ওক্তোবর ১০,২০২৪ দা ২১শুবা অসিয়ান-ইন্দিয়া সম্মিৎ পাংথোকখ্রে। ভারতকী এক্ত ইস্ত পোলিসি চহি ১০ মপুংফারকপগা লোয়ননা, অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপ খুমাঙচাউশিনবা হন্না য়েংশিন্নবা অমসুং মতেং পাংনবগী তুংগী লম্বী শেম্নবা প্রধান মন্ত্রী শ্রী নরেন্দ্র মোদীনা অসিয়ান লুচিংবশিংগা উনখ্রে। হন্দক্কী অসিনা প্রধান মন্ত্রীনা মীফম অসি শরুক য়াবা ১১শুবনি।

2. মহাক্কী ৱারোলদা, ইন্দো-পেসিফিক্তা অসিয়ানগী অপুনবা, অসিয়ান্না ময়াইদা লৈবা অমসুং অসিয়ানগী মীৎয়েং ভারতনা শৌগৎপা অদু প্রধান মন্ত্রীনা অমুক হন্না ফোঙদোকখি। ২১শুবা চহিচা অসি এসিয়াগী চহিচানি হায়রদুনা, প্রধান মন্ত্রীনা হায়খি মদুদি এসিয়াগী তুংলমচত্তা ভারত-অসিয়ানগী মরী অসি য়াম্না মরুওই। হৌখিবা চহি ১০দা ইন্দিয়া-অসিয়ানগী ললোন-ইতিক অসি শরুক অনি হেনগৎলক্তুনা য়ু.এস.দোল্লর বিল্লিয়ন ১৩০ য়ৌরে; অসিয়ান অসি ঙসিদি ভারতকি খ্বাইদগী চাউবা ললোন-ইতিক অমসুং শেন থাদবগী মরুপ অমা ওইরে; অসিয়ান লৈবাক ৭ তা দাইরেক্ত ফ্লাইত লৈরে; লমদম অসিগা ফিন-তেক মতেং পাংনবা হৌরে অমসুং অসিয়ান লৈবাক মঙাগা লোয়ননা কলচরেল হেরিতেচ শেমজিন-শাজিনবগী থবক মাইপাক্না পায়খৎলি। অসিয়ান-ইন্দিয়াগী মীয়াম কান্নবা ফংনবা শেন-থুমগী খুদোংচাবশিং হেন্না লৌনবা অকক্নবা মতম অমগী মনুংদা অসিয়ান-ইন্দিয়া এফ.তি.এ (এ আই তি আই জি এ) মপুংফানা অমুক হন্না য়েংশিনবগী তঙাইফদবা লৈরে। নালান্দা য়ুনিভর্সিতিদা অসিয়ানগী নহারোলশিং স্কোলারশিপ পীদুনা লৌশিংগী লমদা ইন্দিয়া-অসিয়ান মতেং পাংনবা খুমাঙচাউশিল্লি।

3. চিয়ারগী পান্দম “কন্নেক্তিবিতি অমসুং রিসিলিয়েন্স ফগৎহনবা” অসিগা লোয়ননা, প্রধান মন্ত্রীনা পোইন্ত ১০গী থৌরাং অমা লাউথোক্লে, মসিদা য়াওরিবদি :

i) ২০২৫ অসি অসিয়ান-ইন্দিয়া তুরিজমগী চহি হায়না থৌরম পাংথোক্নবা অপুনবা থবকশিং পায়খৎনবা ভারতনা য়ু.এস দোল্লর মিল্লিয়ন ৫ পীগনি;

ii) এক্ত ইস্ত পোলিসি চহি ১০ মপুংফারকপগী থৌরমগী শরুক অমা ওইনা য়ুথ সম্মিৎ, স্তার্দ-অপ ফেস্তিবেল, হেক্কাথোন, ঈশৈগী থৌরম, অসিয়ান-ইন্দিয়া নেতৱার্ক ওফ থিং তেঙ্ক অমসুং দিল্লি দাইলোগ পাংথোক্কনি;   

iii) অসিয়ান-ইন্দিয়া সাইন্স অমসুং তেক্নোলোজি দিবলপমেন্ত ফন্দগী মখাদা অসিয়ান-ইন্দিয়া ৱুমেন সাইন্তিস্ত কনক্লেপ পাংথোক্কনি;

iv) নালান্দা য়ুনিভর্সিতিদা স্কোলারশিপ মশিং শরুক অনি হেনগৎলে অমসুং ভারতকী এগ্রিকলচরেল য়ুনিভর্সিতিশিংদা অসিয়ানগী মহৈরোয়সিংগী অনৌবা স্কোলারশিপ লৈরে;

v) ২০২৫ দা অসিয়ান-ইন্দিয়া ত্রেদ ইন গুদস এগ্রিমেন্ত অমুক হন্না য়েংশিনগনি;

vi) অমাং-অতা মায়োক্নবা ঙম্বগী শক্তি হেনগৎহন্নবা ভারতনা য়ু.এস দোল্লর মিল্লিয়ন ৫ পীগনি;

vii) হকশেলগী খুদোংচাদবশিং মায়োক্নবা ঙম্নবা অনৌবা হেল্থ মিনিস্তরশিংগী লম্বী অমা হৌদোক্লগনি;

viii) দিজিতেল অমসুং সাইবর রিসিলিয়েন্স মপাঙ্গল কনখৎহন্নবা মাইকৈদা অসিয়ান-ইন্দিয়া সাইবর পোলিসি দাইলোগ চাংনাইনা পাংথোক্নবা থৌরাং অমা;

ix) গ্রিন হায়দ্রোজেনগী ৱার্কশোপ; অমসুং

x) ‘এক পের মা কে নাম’ খোঙজং শরুক য়ানবা অসিয়ানগী লুচিংশিংদা চেবাউ পীরে।

4. মীফম অদুদা অসিয়ান-ইন্দিয়া পার্তনরশিপকী খুদোংচাবশিং থবক ওইনা পাংথোক্নবা নাকল অনিমক লমজিংনবা অনৌবা অসিয়ান-ইন্দিয়া প্লান ওফ এক্সন (২০২৬-২০৩০) শেম্নবা লুচিংশিংনা য়ানরে অমসুং অপুনবা ৱারোল অনি চৎনরে:

i) ভারতকী এক্ত ইস্ত পোলিসি (এ ই পি) গী মতেংগা লোয়ননা অসিয়ান আউতলুক ওন ইন্দো-পেসিফিক (এ ও আই পি) না কোনবা মফমদা শান্তি, তংদু-লৈতাবা অমসুং নুংঙাই-য়াইফবা পুরক্নবা অসিয়ান-ইন্দিয়া কমপ্রেহেন্সিপ স্ত্রাতেজিক পার্তনরশিপ মপাঙ্গল কনখৎহন্নবা অপুনবা ৱারোল- অসিয়ান অমসুং ভারতকী মরক্তা লৈনরিবা মরী হেন্না ফগৎনবা ভারতকী এক্ত ইস্ত পোলিসিনা লৌরিবা থৌদাং লুচিংবশিংনা খঙলে। অপুনবা ৱারোলগী মপুংফাবা ৱারোল মফম অসিদা ফংগনি।

ii) দিজিতেলগী অওনবা পুরকপা চাউখৎনবা অসিয়ান-ইন্দিয়া জোইন্ত স্তেৎমেন্তগী লুচিংবশিংনা দিজিতেলগী অওনবা পুরকপদা ভারতনা লৌরিবা লুচিংবগী থৌদাং থাগৎপা ফোঙদোকখ্রে অমসুং দিজিতেল পব্লিক ইনফ্রাস্ত্রকচরদা ভারতকা পুন্না থবক তৌমিন্ননবা তরাম্না ওক্লি। অপুনবা ৱারোলগী মপুংফাবা ৱারোল মফম অসিদা ফংগনি।

5. ২১সুবা অসিয়ান-ইন্দিয়া সম্মিৎ মাইপাক্না পাংথোকপা অমসুং মহাক তরাম্না ওকপগীদমক প্রধান মন্ত্রী মোদীনা লাওসগী প্রধান মন্ত্রী থাগৎপা ফোঙদোকখি। হৌখিবা চহি অহুমদা কন্ত্রি কোওর্দিনেতর ওইনা অফবা থৌদাং অমা লৌবগীদমক প্রধান মন্ত্রীনা শিঙ্গাপুর থাগৎপা ফোঙদোকখি। ভারতকী অনৌবা কন্ত্রি কোওর্দিনেতর অমা ওইনা ফিলিপিন্সকা লোয়ননা থবক তৌমিন্নগনি হায়বগী থাজবা থমখি।

***