ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী ঙসি মহারাস্ত্রগী ধুলেদা চৎখ্রে। রাজ্য অসিদা মহাক্না প্রোজেক্ত কয়া মায়খুম হাংদোকখি। থৌরম অসিদা মহারাস্ত্রগী রাজ্যপাল শ্রী সি. বিদ্যাসাগর রাও, য়ুনিয়ন মিনিস্তর শ্রী নিতিন গাদকরি, য়ুনিয়ন মিনিস্তর ওফ স্তেত ফোর দিফেন্স দা. সুভাশ ভামরে অমসুং মহারাস্ত্রগী মুখ্য মন্ত্রী শ্রী দেবেন্দ্র ফদনাবিসসু শরুক য়াখি।

পুলৱামাদা থৱায় কত্থোকখ্রবা থৌনা ফরবা থৱায়শিং অদু থাগৎলদুনা প্রধান মন্ত্রীনা হায়খি মদুদি থৱায় নুঙাইতবা অমসুং অৱাবগী পুংফম অসিদা জাতি অসিনা মখোয়গীদমক লেপ্লি। তেরর এতেক্ত অসিদা থৌদাং লৌখিবশিংগী মফমদা পীখিবা অকনবা পাওজেল অমদা মহাক্না হায়খি মদুদি অতোপ্পগী বিজিনেসতা খুৎ থিংজিন্দবা অসি ভারতকী পোলিসী ওইরি। অদুম ওইনমক, কনাগুম্বা অমনা ভারতকী এফিয়ার্সতা খুৎ থিংজি্লক্লবদি দন্দী পীদনা তোক্লোই। “ঐহাক্না ভারতকী থৌনা ফরবা মচাশিং অদু খক্তা নত্তনা অসিগুম্লবা থৌনা ফবশিংবু পোকপীরিবা মখোয়গী ইমাশিংবুসু ইকায় খুম্নজরি। পুলৱামা এতেক্কী পর্পেত্রেতরশিংবু আইনগী থোংদা পুরক্কনি অমদি মসিগী ইন্দিয়া অসিদি অনৌবা মীৎয়েং অমগা লোয়ননা অনৌবা ইন্দিয়ানি হায়বা মালেম অসিনা ফাওগনি অমসুং পীরাং খুদিংমক্কী লমন খুমগনি।”

প্রধান মন্ত্রীনা পি.এম.কে.এস.ৱাই.গী মখাদা লৱার পানাজারা মেদিয়ম প্রোজেক্ত শঙ্গাখি। মসিনা ধুলে অমসুং অকোয়বদা লৈরিবা খুঙ্গং ২১গী হেক্তর ৭৫৮৫গী এরিয়াদা ইথৈ লৌখোং ফংহল্লগনি। মহাক্না মখা তাখি “হৌখিবা চহী ৪দা ইরিগেসন প্রোজেক্ত ৯৯ লোয়শিন্নবা অকনবা থবক পায়খৎলি। মহারা্স্ত্র খক্তদা অসিগুম্বা প্রোজেক্ত ২৬ য়াওরি, পানজারা প্রোজেক্ত অসি মদুগী মনুংদা অমনি। মসি চহী ২৫গী মমাংদা লুপা কোতি ২১ চংনা হৌখিবনি অদুবু হৌজিক মসি মপুংফানা লোইশিনবদা লুপা কোতি ৫০০ চংলি। মসি মহারাস্ত্রগী অকংবা লমদমশিংদা ঈশিং পুরক্নবা ঐখোয়না হোৎনখিবশিং অদুগী মহৈনি।”

প্রধান মন্ত্রীনা জলগাও-উধানা দবলিং অমসুং ইলেক্ত্রিফিকেসন রেল প্রোজেক্ত জাতিদা কত্থোকখি। লুপা কোতি ২৪০০গী প্রোজেক্ত অসি পোৎ চৈ অমসুং মীয়ামগী মুবমেন্ত লায়থোকহন্নবা হৌখিবা চহী মরিদা পায়খৎখিবা ফাস্ত ত্রেকনি। রেল লাইন অসিনা অৱাং অমসুং খা ভারত শম্নহন্দুনা অকোয়বদা লৈরিবা লমদমশিং চাওখৎহল্লগনি।

ভীদিও লিঙ্ককী থোংদা প্রধান মন্ত্রীনা ভুসাবল-বান্দ্রা খানদেশ এক্সপ্রেস ত্রেন লমথাখি। ত্রেন অসিনা মুম্বাই অমসুং ভুসাবলগী মরক্তা দাইরেক্ত কনেক্তিবিতী ফংহল্লগনি। প্রধান মন্ত্রীনা নান্দুরবার-উধানা এম.ই.এম.য়ু. ত্রেন অমসুং উধানা-পালাদি এম.ই.এম.য়ু. ত্রেনসু লমথাখি।

কিলোমীতর ৫১ শাংবা ধুলে-নার্দানা রেলৱে লাইন অমসুং কিলোমীতর ১০৭ শাংবা জলগাও-মনমাদ ৩শুবা রেলৱে লাইন প্রধান মন্ত্রীনা বত্তন নম্দুনা উরেপ উয়ুং তমখি। প্রোজেক্তশিং অসিনা মতম হন্থহবা অমসুং রেল ত্রাফিক মেনেজমেন্তদা মতেং ওইরগনি।

প্রধান মন্ত্রীনা সুলৱাদে জম্ফাল কানোলি লিফ্ত ইরিগেসন স্কিমসু মায়খুম হাংদোকখি। মসিনা তাপি তুরেলদগী ঈশিং পুরক্কনি অমসুং শম্নরিবা দামশিং, পুখ্রিশিং অমসুং কেনেলশিংদা সপ্লাই তৌদুনা খুঙ্গং ১০০গী লৌমী লাখ অমদা কানবা ফংহল্লগনি।
প্রধান মন্ত্রীনা লুপা কোতি ৫০০গী হোৎতোক্লবা শেনফম অমগা লোয়ননা ধুলে সহরগীদমক্তা অমরুৎকী মখাদা ৱাতর সপ্লাই স্কিম অমসুং অন্দরগ্রাউন্দ সেৱর প্রোজেক্তকী উরেপ উয়ুং তমখি। ৱাতর সপ্লাই স্কিম অসিনা ঈশিংগী অৱাবা মায়োক্নরিবা ধুলে লমদমদা থক্নবা ঈশিং ফংহল্লগনি।

প্রধান মন্ত্রীনা হায়খি মদুদি মহাক্কী সরকারনা ভারতকী নাগরিক খুদিংমক্কী পুন্সিবু হেন্না ফবা ওইহন্নবা হোৎনবা য়াবা পুম্নমক হোৎনরি। মহাক্না হায়খি মদুদি আয়ুশ্মান ভারতনা তেনখ্রবা মতম অসিদা চাওরাক্না মীওই লাখ ১২দা কানবা ফংহল্লে, মদুগী মনুংদা ৭০,০০০না মহারাস্ত্রদগীনি অমসুং ১৮০০না ধুলেদগীনি অমদি মসিনা লাইরবা অমসুং শোত্থরবা মীওইশিংদা আশাগী মঙাল অমা পীরি।