ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ভিদিও কনফরেন্সিংগী খুত্থাংদা লৈবাক শিনবা থুংবগী ওক্সীজেন পুথোকপা লুচিংবশিংগা ৱারী শাখ্রে। পি.এম. মোদীনা হৌজিক্কী মতম অসি শিংনবশিং অসি থেংনবতা নত্তনা অথুবা মতমদা ৱারোইশিন পীবগী মতম্নি হায়খি। পি.এম. মোদীনা সরকার অমসুং ওক্সীজেন পুথোকপা মীওইশিংগা নীংথিনা তেংবাংনবগী মথৌ তাই হায়নসু পনখি।

প্রধান মন্ত্রীনা হৌখিবা চয়োল খরা অসিদা ওক্সীজেন পুথোকপা মীওইশিংনা মখোয়গী পোত্থোক পুথোকপগী মশিং হেনগৎখিবগীদমক্তা থাগৎপা ফোংদোকখি। লিক্বিদ ওক্সীজেন পুথোকপগী চাং হেনগৎনবা খোঙথাং কয়া পায়খৎখিববুসু মহাক্না শকখঙখি। ইন্দস্ত্রীদা শিজিন্নবা ওক্সীজেনবু লৈবাক্কী তঙাই ফদবা থেংননবা হোৎনবগীদমক্তা প্রধান মন্ত্রীনা ইন্দস্ত্রীশিংবুসু থাগৎপা ফোংদোকখি।

হৌজিক্কী ওইরিবা ফিভম অসিবু হেন্না ফগৎহন্নবগীদমক্তা, পি.এম.না লাক্কদৌরিবা নুমিৎশিংদা লৈরক্কদবা ওক্সীজেনগী  অপাম্বা পীনবগীদমক্তা ইন্দস্ত্রীনা মখোয়গী ঙমজবী মতিক শিজিন্নদুনা থবক তৌনবা ৱাফমসু ফোংদোকখি। অহাংবা ওক্সীজেন সিলিন্দরগী মশিং হেনগৎনা ফংহনবগা লোয়ননা মসিবু পুথোক-পুশিন তৌনবগীদমক্তা লৈরিবা লোজিস্তিক্সকী ফিভমশিংসু হেন্না ফগৎহনবগী মথৌ তাবা লৈরে হায়না মহাক্না মখা তানা ফোংদোকখি। মহাক্না ইন্দস্ত্রীশিংদা অতোপ্পা গ্যাস পুথোক-পুশিন তৌনবা লৈরিবা তেঙ্করশিংসু ওক্সীজেন পীবদা শিজিন্ননবা ৱাফমসু থমখি।

ওক্সীজেনগা মরী লৈননা রাজ্যশিংগী লৈরিবা মথৌ তাবশিংবু খন্নরদুনা, তেঙ্করশিংনা ওক্সীজেন পুথোকফমদা খ্বাইদগী অথুবা মতমদা য়ৌহন্নবগীদমক্তা সরকারনা রেলৱে অমসুং এয়র ফোর্সসু নীংথিজনা শিজিন্নরি হায়বা ৱাফমসু ফোংদোকখি।

প্রধান মন্ত্রী মোদীনা সরকার, রাজ্য, ইন্দস্ত্রী অমসুং পোত্থোক-পুশিন তৌরিবা মীওইশিং অমসুং হোস্পিতাল খুদিংমক্না অমত্তা ওইনা পুন্দুনা থবক তৌমিন্নবগী মথৌ তারে হায়না ফোংদোকখি। ঐখোয়না নীংথিজনা তেংবাংমিন্নদুনা থবক তৌরিবমখৈ, ঐখোয়না শিংনবা অসি মাইয়োক্নবদা হেন্না লায়না থোক্কনি।

ওক্সীজেন পুথোকপশিংবু থাগৎলদুনা, প্রধান মন্ত্রী মোদীনা মখোয়দা সরকারগী অঙম্বা মতেং খুদিংমক পীবগা লোয়ননা লৈবাক অসিনা শিংনবা অসিবু য়াম্না থুনা মায়-পাক্না মাইথিবা পীবা ঙমগনি হায়বগী থাজবসু ফোংদোকখি।

আর.আই.এল.গী সি.এম.দি., শ্রী মুকেশ অম্বানী,; এস.এ.আই.এল.গী চেয়রপর্সন, শ্রীমতি সোমা মন্দল,; জে.এস.দবল্যু.গী শ্রী সজ্জন জিন্দাল; তাতা স্তীলগী শ্রী নরেন্দ্রন; জে.এস.পি.এল.গী শ্রী নবীন জিন্দাল; এ.এম.এন.এস.কী শ্রী দিলিপ উম্মেন; এল.আই.এন.দি.ই.গী শ্রী এম. বেন্নর্জী; আইনোক্সকী শ্রী সিধার্থ জেন; এয়র ৱাতর জমশেদপুরগী এম.দি., শ্রী নোরিয়ো শিবুয়া; নেস্নেল ওক্সীজেন লিমিতেদকী শ্রী রাজেশ কুমার সরফ অমসুং ওল ইন্দিয়া ইন্দস্ত্রীএল গ্যাস মেন্যুফেকচররগী প্রসিদেন্ত, শ্রী সাকেৎ তিকুসু মীফম অদুদা শরুক য়াখি।

*****