ভারতকী প্রধানমন্ত্রী

নবেম্বর ৩০ দগী দিশেম্বর ১,২০২৪ ফাওবা ভুবনেশ্বরদা পাংথোকখিবা ভারত পুম্নমক্কী পুলিসকী দিরেক্তর জেনেরেলশিং/ইন্সপেক্তর জেনেরেলশিংগী ৫৯ শুবা মীফমদা প্রধান মন্ত্রী শ্রী নরেন্দ্র মোদী শরুক য়াখ্রে।

মীফম লোইশিনবা থৌরমদা, প্রধান মন্ত্রী ইন্তিলিজেন্স ব্যুরোগী ওফিসারশিংদা মশক থোকপা থবকশিং পাংথোকপগীদমক প্রসিদেন্তগী পুলিস মেদলশিং য়েন্থোকখ্রে। মীফম লোইশিনবদা ফোঙদোকখিবা মহাক্কী ৱারোলদা, প্রধান মন্ত্রীনা হায়খি সেকুরিগী শিংনবশিংগী মতাংদা জাতি অমসুং মালেমগী ওইবা তোঙান-তোঙানবা ৱাফমশিং মীফম অসিদা খন্নখ্রে অমসুং খন্নবা অদুদা লাল্লোং কয়া পুথোরকপদা অপেনবা ফাওই।

প্রধান মন্ত্রীনা হায়খি দিজিতেলগী খদ্রকশিং, সাইবর-ক্রাইমশিং অমসুং এ.আই তেক্নোলোজিনা মরম ওইদুনা অকিবা কয়া পোকহল্লে, মরুওইনা দিপ ফেক্না খুন্নাইগী অমসুং ইমুং-মনুংগী মরীশিংদা অকায়বা কয়া পীরে। মসি থেংননবা উপায় অমা ওইনা, আর্তিফিসিএল ইন্তিলিজেন্স অমসুং ‘এস্পিরেসনেল ইন্দিয়া’ গী ভারত এ.আই শক্তি শীজিন্নদুনা দিজিতেলগী খদ্রকশিং, সাইবর ক্রাইমশিং অমসুং এ.আইগী শিংনরকপশিং খুদোংচাবা অমা ওন্থোক্কদবনি।

প্রধান মন্ত্রীনা হায়খি প্রধান মন্ত্রীনা স্মার্দ পুলিসিংগী লাইৱা শন্দোক্না তাকখ্রে অমসুং লাল্লোং খঙনবা, অকুপ্না থবক তৌনবা, চুশিন্নবা ঙম্নবা অমসুং অরোন-অথুপ লৈতনা থবক তৌগদবনি। সহরগী পুলিসগী থবক কয়া পায়খৎলকপা অসি থাগৎনিঙাইনি, হায়রিবা থবক অমমম অসি পুনশিন্দুনা লৈবাক অসিগী সহর ১০০ দা পায়খৎকদবনি। পুলিসকী থবক হন্থহন্নবা তেক্নোলোজি শীজিন্নগদবনি অমসুং দরকার ওইবা মচাক-মথুমশিং ফংহনবদা পুলিস স্তেসন মীৎয়েং চঙগদবনি।

মরুওইবা ৱাথোক কয়া ৱারোইশিন পুরকপদা হেক্কাথোনশিংগী মাইপাকপশিংগী মতাংদা খন্নরদুনা, নেসনেল পুলিস হেক্কাথোনশিং পাংথোক্নবা প্রধান মন্ত্রীনা পাউতাক পীখ্রে। হিথাংফমশিংগী সেকুরিতিদা মীৎয়েং চঙবা হেনগৎহন্নবা অমসুং মসি থবক ওইনা পায়খৎনবা তুংগী থৌরাং অমা শেম্বগী দরকার ওইবা অদু প্রধান মন্ত্রীনা ফোঙদোকখ্রে। 

হোম এফেয়ার্স মিনিস্ত্রিদা সারদার ভল্লাভভাই পতেলনা পাংথোক্লম্বা লাম্বা লৈতবা থবকশিং নিংশিংলদুনা, প্রধান মন্ত্রীনা হায়খি পুলিসকী মিংচৎ, শীনফম অমসুং তৌবা ঙম্বা হেনগৎহন্নবা পান্দম অমগা লোয়ননা, মথং চহিদা মহাক্কী ১৫০শুবা মপোক কুমওন থৌরমদা হোম এফেয়ার্স মিনিস্ত্রিদগী হৌরগা পুলিস স্তেসন ফাওবগী থাক্ত মহাক্কী মফমদা ইকায়খুম্নবা উৎকনি। মতমগা চুন্নবা মওংদা শেমগৎনবা অমসুং ‘বিকসিত ভারত’গী পান্দমগা চৎমিন্ননবা প্রধান মন্ত্রীনা পুলিসতা তকশিনখ্রে।

মীফম অদুদা তেরোরিজম থেংনবা, এল.দব্লিউ.ই, সাইবর ক্রাইম, ইকোনোমিক সেকুরিতি, মাইক্রেসন, সমুদ্র খোঙবাল ঙাক-শেনবা অমসুং নার্কো-ত্রাফিক্কিং য়াওনা লৈবাক অসিগী সেকুরিতিদা হৌজিক থেংনরিবা অমসুং নৌনা থেংনরকপা শিংনবশিংগী মতাংদা কুপ্না খন্ন-নৈনখ্রে। মীফম অদুদা বাংলাদেস অমসুং ম্যন্মারগী ঙমখৈশিংদা হৌজিক ওইরিবা সেকুরিতিগী ৱাফমশিং, সহরদা পুলিসকী থবকশিং অমসুং অরানবা পাউদম কয়া থেংননবা লাল্লোংশিংগী মতাংদশু খন্ন-নৈনখ্রে। মখা তানা, নৌনা চৎনবা হৌখ্রবা মরুওইবা ক্রিমিনেল লোলশিং অমসুং পুলিসগী লমদা খ্বাইদগী ফবা থবকশিং অমসুং য়ুম্লোন্নবা লৈবাকশিংগী সেকুরিতিগী ফিবমশিং অমুক হন্না য়েংশিনখ্রে। 

মীফম অদুদা য়ুনিয়ন হোম মিনিস্তর, প্রধান মন্ত্রীগী প্রিন্সিপাল সেক্রেতরি, নেসনেল সেকুরিতি এদভাইজর, হোমগী রাজ্য মন্ত্রীশিং অমসুং য়ুনিয়ন হোম সেক্রেতরি শরুক য়াখি। হায়ব্রিদকী মওংদা পাংথোকখিবা মীফম অদুদা রাজ্যশিং/য়ু.তিশিংগী পুলিসকী দিরেক্তর জেনেরেলশিং/ইন্সপেক্তর জেনেরেলশিং অমসুং সি.এ.পি.এফ/সি.পি.ওশিংগী লুচিংবশিং হকথেংননা শরুক য়াখি অমসুং রাজ্যশিং/য়ু.তিশিংগী তোঙান-তোঙানবা রেঙ্কশিংগী ওফিসার ৭৫০ ভর্চুএল ওইনা শরুক য়াখি।

***