ভারতকী প্রধানমন্ত্রী

য়োর মেজেস্তী,

এক্সিলেন্সীশিং,

ময়াম পুম্নমকপু অদোমগী মমল য়াম্লবা ৱাখল্লোনশিং অমসুং সজেসনশিংগীদমক থাগৎচরি। ভারত অমসুং ASEANগী মরক্তা কমপ্রিহেন্সিব স্ত্রেতেজিক পার্তনরশিপ মপাঙ্গল কনখৎহন্নবা ঐখোয়না ৱাশক্লি। মীওইবা খুন্নাইগী য়াইফনবা, লমদমসিদা শান্তি, তংদু লৈতাবা অমসুং চাউখৎপা পুরক্নবা ঐখোয় মীওইবগী য়াইফনবা, রিজনেলগী শান্তি, তংদু লৈতাবা অমসুং চাউখৎপা পুরক্নবা মখা তানা পুন্না হোৎনমিন্নদুনা হায়না ঐনা থাজবা থম্লি।

ঐখোয়না ফিজিকেল কন্নেক্তিবিতী খক্তা নত্তনা ইকনোমিক, দিজিতেল, কলচরেল অমসুং স্পিরিচুএল লিঙ্কশিংসু হেনগৎহন্নবা খোঙথাংশিং পায়খৎপা মখা চত্থখিগনি।

মরুপশিং,

চহি অসিগী ASEAN সম্মিৎকী থিম, “এনহেন্সিং কন্নেক্তিবিতী এন্দ রেসিলিয়েন্স”গী মতাংদা ঐহাক্না ৱাফম খরা পনজগে।

ঙসি অসি তরাশুবা থাগী তরাশুবা নুমিৎনি, মরম অদুনা ঐহাক্না খোঙথাং তরা শিয়র তৌবা পাম্মি।

অহানবদা, ঐখোয়গী মরক্তা তুরিজম চাউখৎহন্নবা, ঐখোয়না 2025বু “ASEAN-ইন্দিয়া তুরিজমগী চহি” ওইনা লাউথোকপা য়াই। খোঙথাং অসিগীদমক ভারতনা USD মিলিয়ন 5 থাদগনি।

অনিশুবদা, ভারতকী এক্ত ইস্ত পোলিসীগী দিকেদ অমা নীংশিংনবা ঐখোয়না ভারত অমসুং ASEAN লৈবাকশিংগী মরক্তা তোঙান তোঙানবা থৌরম কয়া পাংথোকপা য়াই। ঐখোয়গী আর্তিস্তশিং, নহারোলশিং, ওন্তপ্রিনোরশিং, অমসুং থিঙ্ক তেঙ্কশিং অসিনচিংবশিং শম্নহন্দুনা, ঐখোয়না থৌরম অসিগী শরুক অমা ওইনা ম্যুজিক ফেস্তিবেল, য়ুথ সম্মিৎ, হেক্কাথোন, অমসুং স্তার্ত-অপ ফেস্তিবেলগুম্বা থৌরাংশিং য়াওহনবা ঙমগনি।

অহুমশুবদা, “ইন্দিয়া-ASEAN সাইন্স অমসুং তেক্নোলোজী ফন্দ”গী মখাদা ঐখোয়না চহিগী ওইনা নুপী সাইন্তিস্তশিংগী কনক্লেব অমা পাংথোকপা ঙমগনি।

মরিশুবদা, নৌনা লিংখৎলিবা নালন্দা য়ুনিভর্সিতীদা ASEAN লৈবাকশিংগী মহৈরোইশিংগীদমক মাস্তর্স স্কোলারশিপ মশিং শরুক অনি হেনগৎহনগনি। মসিগী মথক্তা, ভারতকী এগ্রিকলচরেল য়ুনিভর্সিতীশিংদা লৈবা ASEANগী মহৈরোইশিংগীদমক্তা অনৌবা স্কোলারশিপ স্কিমসু চহি অসিদগী হৌরগনি।

মঙাশুবদা, 2025 ফাওবদা “ASEAN-ইন্দিয়া গুদস ত্রেদ এগ্রীমেন্ত”কী রিভিয়ু লোইশিনগদবনি। মসিনা ঐখোয়গী শেন্মিৎলোনগী মরীশিং মপাঙ্গল কনখৎহল্লগনি অমসুং সেক্যুর, রেসিলিয়েন্ত অমসুং থাজবা য়াবা সপ্লাই চেন অমা শেমগৎপদা মতেং পাংগনি।

তরুকশুবদা, দিজাস্তর রেসিলিয়েন্সকীদমক্তা, “ASEAN-ইন্দিয়া ফন্দ”দগী দোল্লর মিলিয়ন 5গী এলোকেসন তৌগনি। ভারতকী নেস্নেল দিজাস্তর মেনেজমেন্ত ওথোরিতী অমসুং ASEAN হ্যুমেনিতরিয়ন এসিস্তেন্স সেন্তরনা মসিগী লম অসিদা পুন্না থবক তৌমিন্নবা য়াই।

তরেৎশুবদা, হকশেলগী লমদা মপাঙ্গল কনখৎহন্নবা, ASEAN-ইন্দিয়া হকশেল মন্ত্রীশিংগী মীফম অসি ইন্সতিত্যুস্নেল ওইনা পাংথোকপা য়াই। মসিগী মথক্তা, ঐখোয়না ASEAN লৈবাক খুদিংদগী এক্সপর্ত অনি ভারতকী চহিগী নেস্নেল কেন্সর গ্রিদ “বিশ্বম কনফরেন্স”তা শরুক য়ানবা কৌরি।

নিপানশুবদা, দিজিতেল অমসুং সাইবর রেসিলিয়েন্সকীদমক, ভারত অমসুং ASEANগী মরক্তা সাইবর পোলিসী দাইলোগ অমা ইন্সতিত্যুস্নেল ওইনা শেম্বা য়াই।

মাপনশুবদা, গ্রীন ফ্যুচর অমা প্রমোৎ তৌনবগীদমক, ঐহাক্না ভারত অমসুং ASEAN লৈবাকশিংগী এক্সপর্তশিং য়াওহন্দুনা গ্রীন হাইদ্রোজেনগী মতাংদা ৱার্কশোপশিং পাংথোক্নবা ৱাফম থম্লি।

অমসুং তরুকশুবদা, ক্লাইমেৎ রেসিলিয়েন্সকীদমক্তা, ঐহাক্না ময়াম পুম্নমকপু ঐখোয়গী কেম্পেন, “এক পের মা কে নাম (প্লান্ত ফোর মদর) “দা শরুক য়ানবা হায়জরি।

 ঐহাক্না থাজবা থম্লি মদুদি ঐহাক্কী ৱাখল্লোন 10 অসিনা অদোমগী সপোর্ত ফংগনি। অমসুং ঐখোয়গী তীমশিংনা মখোয়শিং অসি ইমপ্লিমেন্ত তৌনবা পুন্না থবক তৌমিন্নগনি।

পুম্নমকপু হন্না-হন্না থাগৎচরি।

খঙহঞ্জবা – মসি প্রধান মন্ত্রীগী ৱাফমশিংগী চাউরাকপা ৱাহন্থোক্নি। তশেংবা ৱারোলদা হিন্দীদা পীখি।

***