ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ঙসি ইজ্রেলগী প্রাইম মিনিস্তর H.E. মিস্তর বেঞ্জামিন নেতনয়াহুগগী তেলিফোন ওকখি।
পি.এম. নেতনয়াহুনা নোংচুপ এসিয়াদা হন্দক ওইরক্লিবা ফীভমগী মতাঙদা পি.এম.দা পাউদমখি।
তেরোরিজমগী থৌওং মশক মওং অমত্তদা চন্নফম লৈতে হায়না পি.এম. মোদীনা ফোঙদোকখি। প্রধান মন্ত্রীনা লম অমগা অমগগী মরক্তা ইরাঙ কনখৎলকপা থিংবা অমসুং ফাজিন্দুনা থম্লিবা মীওইশিং তেক্ত-কায়দনা থাদোকখিবগী মরুওইবা ৱাফমসু থমখি।
ভারতনা ইং-তপ্পা অমসুং মরা চেৎপা ফীভম অমুক হন্না পুরক্নবা শেম শাদুনা লৈরি হায়না পি.এম.না হায়খি।
লুচিংবা অনিনা ইন্দিয়া-ইজ্রেল স্ত্রেতেজিক পার্ত্নরসিপ মখা তানা মপাঙ্গল কনখৎহন্নবা নাকল অনিগী ওইবা ৱাফম কয়া খন্নখি।
পি.এম.না পি.এম. নেতনয়াহু অমসুং মালেম পুম্বদা লৈরিবা জিউ মীয়ামদা রোস হসনাহনা লাকপদা য়াইফ পাউজেলসু পীখি।
লুচিংবা অনিনা মখা তানা পাউ ফাওননবা য়ানখি।
****
