ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ঙসি রিপব্লিক ওফ ইরানগী রাস্ত্রপতী HE দোক্তর সেয়েদ ইব্রাহিম রাইসীগা তেলিফোন্দা ৱারী শানখ্রে।
লুচিংবা অনিনা নোংচুপ এসিয়া অমদি ইজ্রেল-হমাস মুক্নবগী খুদোংথিনিংঙাই ওইবা ফীভমশিংগী মতাঙদা ৱাখল্লোন ফোঙদোক্নখি।
প্রধান মন্ত্রীনা তেরোরিস্তকী থৌদোকশিং, হাৎন শুনবা অমদি মীচম মীয়ামগী পুন্সি মাঙবগী মতাঙদা নুংনাংবা ফোঙদোকখি। মহাক্না ইজ্রেল-পেলেস্তাইন ৱাথোক্তা ভারতনা মতম কুইনদগী খোঙফম হোংদনা লেপ্লকখিবা খোঙফমবু অমুক নৌহৌননা পুখৎখি।
রাস্ত্রপতী রাইসীনা ফীভম অদুদা মহাক্না য়েংলিবা মীৎয়েঙসু থম্লকখি।
লুচিংবা অনিমক্না ইরাং কনখৎলকপা থিংবা, অৱাং অনা তারবশিংগী তেংবাং মখা চত্থবা অমদি ইং-তপ্পা অমসুং মরা চেৎপা ফীভম অমুক হঞ্জিনহনবগী তঙায় ফদবা ৱাফমশিং ফোঙদোক্নখি।
লূচিংবশিংনা মায়কৈ কয়া লোংবা নাকল অনিগী ওইবা মরীগী লৈরিবা খোঙজেলশিংবু য়েংশিল্লদুনা অফবা মায়কৈদা চৎলি হায়বা ৱাফম থম্নখি। মখোয়না রীজনেল কন্নেক্তিবিতীগী ফীভম ফগৎহন্নবগীদমক ইরান্দা চাবহার হিথাংফমগী থবক্তা মরুওইবা মীৎয়েঙ থম্লিববু তরাম্না ওকখি।
নাকল অনিনা লমদম অসোমদা ইং-তপ্পা, ঙাকশেল অমদি মরা চেৎপা পুরকপদা লৈনরিবা ৱাখল্লোনগী য়েংলগা মখা তানা পাউ ফাওননবু য়ানখি।
*****
Good exchange of perspectives with President @raisi_com of Iran on the difficult situation in West Asia and the Israel-Hamas conflict. Terrorist incidents, violence and loss of civilian lives are serious concerns. Preventing escalation, ensuring continued humanitarian aid and…
— Narendra Modi (@narendramodi) November 6, 2023
