ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনাওস্ত্রিয়াগী রাস্ত্রপতি দোক্তর অলেকজেন্দর ভান দর বেল্লেনগা তেলিফোন্দা ৱারী শানখ্রে।

নোংলৈ নুংশিৎ অম্ফান্না ভারত্তা অমাং-অতা থোকহনখিবদা ওস্ত্রিয়াগী রাস্ত্রপতিনা অৱাবা ফোংদোকখি। কোবিদ-১৯ লাইচৎনা মখোয়গী লৈবাকশিংগী হকশেল অমসুং শেল-থুমদা পীরিবা চৈথেংশিং থেংননবা পায়খৎলিবা থবকশিংগী মতাংদা লুচিংবা অনিনা মখোয়গী ওইবা ৱাখল্লোনশিং ফোংদোক্নখি। হৌজিক মায়োক্নরিবা অৱাবশিং অসি থেংননবা মালেমগী ওইনা মতেং পীনবগী মরুওইবা অদুদা মখোয়না য়ানখি।

কোবিদ মতুংগী মালেম অসিদা ভারত-ওস্ত্রিয়াগী মরী পাকথোক-চাউথোক্নবা অমসুং মপাঙ্গল কনখৎহন্নবগী মখোয়গী অপাম্বশিং লুচিংবা অনিনা অমুক হন্না থমখি। ইনফ্রাস্ত্রকচর, তেক্নোলোজী, রিসর্স অমসুং ইন্নোবেসন অমসুং এস.এম.ইশিংগী সেক্তরদা মতেং পীনবা হেনগৎহন্নবগী খুদোংচাবশিং প্রধান মন্ত্রীনা ফোংদোকখি।

মালেমগী হৌজিক থেংনরিবা হকশেলগী অৱাবা অসি য়াম্না য়াংনা লাকশিনবা ঙম্লগনি , মরম অদুনা অকোয়বগী ফিবম ফনা থম্নবা মতম কুইনা চৎনগদবা থবকশিংদা মিৎয়েং চংবা ঙম্লগনি হায়না থাজবা লুচিংবা অনিনা থমখি।