ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা দিসেম্বর ২৬কী নুংথিল পুং ১২:৩০ তাবা মতমদা মেজর ধ্যান চন্দ নেস্নেল স্তেদিয়মদা পাঙথোক্কদবা ‘বীর বাল দিবস’কী পুৱারী ওইরগদবা থৌরমদা শরুক য়াগদৌরি‍। থৌরম অসিদা, প্রধান মন্ত্রীনা বাল কির্তনী চাহুম্লোম্না পাঙথোক্কদবা ‘সবদ কির্তন’ শরুক য়াগনি‍। অসিগুম্বলা থৌরম অসিদা, প্রধান মন্ত্রীনা দিল্লীদা মহৈরোয় লিশিং অহুম্লোম্না চৎকদবা মার্চ-পাস্ত অমসু লমথাগনি‍।

লৈঙাক্না মীয়ামদা, মরুওইনা অঙাংশিংদা, হাসিবজাদেশিংগী ফিদম্নিংঙাই ওইরবা থৌনা ফবগী ৱারীশিং পাউদম্নবা অমদি খঙহন্নবা লৈবাক শিনবা থুংনা ইন্তরেক্তিব অমদি মীয়াম শরুক য়াগদবা থৌরমশিং পাঙথোক্লি‍। থৌরাং অসিগী মনুং চন্না, লৈবাক শিনবা থুংনা স্কুল অমদি কলেজশিংদা এসে ইবা, ৱাহং পাউহং চাংদম্নবা অমদি অতৈ থবক থৌরমশিং পাঙথোক্কনি‍। রেলৱে স্তেসন, পেত্রোল পম্প, এয়রপোর্তনচিংবা মীয়াম তিনবা মফমশিংদা দিজিতেল একজিবিসনশিং খিনগনি‍। লৈবাক শিনবা থুংনা, পাঙথোক্কদবা থৌরমশিংদা শরুক য়াগদবা মীথুংশিংনা সাহিবজাদেশিংগী পুন্সি অমদি মখোয়গী কত্থোকপগী মরমদা ৱারী কয়া লীগনি‍।

জনুৱারী ৯, ২০২২, স্রী গুরু গোবিন্দ সিংহ জীগী প্রকাস পুরব নুমিত্তা, প্রধান মন্ত্রীনা স্রী গুরু গোবিন্দ সিংহগী মচানুপা সাহিবজাদা বাবা জোরাৱর সিংহ জী অমদি বাবা ফতেহ সিংহ জীনা কত্থোকখিববু নীংশিংবা ওইনা দিসেম্বর ২৬বু ‘বীর বাল দিবস’ হায়না পাঙথোক্লগনি হায়না লাউথোকখিবনি‍।

****