ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা মহাক্কী মন্ত্রীমন্দলদা য়াওরিবা মিনিস্তর এল.মুরুগানগী য়ুমদা পাংথোকপা তামিলগী অনৌবা চহি হৌবগী থৌরম শরুক য়াখ্রে।

পুথান্দু শরুক য়ানবা তিনখিবা তামিল ইচিন-ইনাওশিং অমসুং ইচল-ইচেশিংদা হরাওবা ফোঙদোক্লদুনা প্রধান মন্ত্রী শ্রী নরেন্দ্র মোদীনা হায়খি পুথান্দু মমাঙঙৈগী চৎনবীদা পাংথোকপা হৌজিক মতমগী কুহ্মৈ অমনি। অসিগুম্বা অরিবা তামিল কলচর অসি চহি খুদিংগী অনৌবা থৌনাগা লোয়ন্না পাংথোক্লি। মসি তশেংনা শিংথানিঙাইনি। তামিলগী চৎনবীদা মহাক্কী নুংশিজবা অমসুং পামজবা লৈরি। মতম অমদা গুজরাত্তা মহাক্কী এশেমব্লি কেন্দ্রদা মশিং য়াম্লবা তামিল মীয়াম লৈবা অদু নিংশিংলি। মহাক নুংশিবীবগীদমক মহাক্না তামিল মীয়াম তৌবীমল খঙবা উৎচরি।

প্রধান মন্ত্রীনা লাল কিলাদগী ৱা ঙাংবদা ফোঙদোকখিবা পঞ্চ প্রানগী মনুংদা অমা ওইরিবা কনাগুম্বা অমগী হেরিতেচগীদমক চাউথোকপা হায়বা ৱাফম অদু নৌহৌন্না পল্লদুনা, শ্রী মোদীনা হায়খি নাৎ অদুনা হেন্না লীরিবমখৈ, মীয়াম অমসুং নাৎ অদু হেন্না মতিক চারবনি। তামিলগী নাৎ অমসুং মীয়াম মপান নাইদে অমসুং মালেম শীনবা থুংই। চেন্নাইদগী হৌরগা কালিফোর্নিয়া ফাওবা, মদুরাইদগী মেলবোর্ন ফাওবা, কোয়েম্বতুরদগী কেপ তাউন ফাওবা, সালেমদগী শিঙ্গাপুর ফাওবা, অদোম্না মখোয়গী নাৎ অমসুং চৎনবীশিংগা লোয়ন্না তামিল মীয়াম উবা ফংগনি। পোঙ্গাল নত্ত্রগা পুথান্দু ওইগেরা, মখোয় মালেম শীনবা থুংনা পাংথোক্লি। তামিল মালেমদা খ্বাইদগী লীরবা লোন্নি। মসিগীদমক ভারতমচা খুদিংমক্না চাউথোকচৈ।তামিল খোরিলোন অসিসু পাক-শান্না ইকায়খুম্নৈ। তামিল ফিল্ম ইন্দস্ত্রিনা ঐখোয়দা খ্বাইদগী ফজবা ফিল্মশিং য়েংহল্লে।

নিংতম ইহৌদা তামিল মীয়াম্না লৌখিবা থৌদাং নিংশিংলদুনা প্রধান মন্ত্রীনা হায়খি নিংতম্বা ফংলবা মতুংদা লৈবাক অসি চাউখৎনবা তামিল মীয়াম্না অচৌবা থৌদাং লৌখি। রাজ্য অসিদা সি. রাজাগোপালাচারি, কে কমারাজ অমসুং দোক্তর কলামগুম্বা শক্নাইরবা কয়া লৈখি অমসুং মেদিসিন, লো অমসুং লাইরিক-লাইশুগী লমদা তামিল মীয়াম্না লৌখিবা থৌদাং লাম্বা তৌনবা ঙম্লোই।

প্রধান মন্ত্রীনা হায়খি ভারত মালেমদা খ্বাইদগী লীরবা গনতন্ত্র চৎপা লৈবাক্নি অমসুং তামিল নাদুগী মরুওইবা মীওই খরগী থবকশিং অদু লেংবা য়াদ্রবা খুদমশিং ওইরি। উথিরামেয়ুরদা লৈবা চহি লিশিং অমা হেল্লবা অরিবা নুঙদা হকপা ৱারোলশিংদা অরিবা মতমগী গনতন্ত্রগী কাংলোনশিং অমসুং চৎনবীশিং ফোঙদোক্লি। ভারত অসি জাতি অমা ওইনা শেমগৎখিবা তামিলগী নাৎ অমসুং চৎনবী কয়া লৈরি।

য়ুনাইতেদ নেসন্সতা তামিল লোন্দা ৱা ঙাংখিবা অমসুং জাফনাদা গৃহ প্রভেস থৌরম শরুক য়াখিবা অদু প্রধান মন্ত্রীনা নিংশিংখি। শ্রী মোদী জাফনাদা চৎখিবা ভারতকী অহানবা প্রধান মন্ত্রীনি অমসুং মহাক্কী খোঙচৎ মনুংদা তামিলশিংগী য়াইফ-থৌরাংগী প্রোজেক কয়া পায়খৎলমখি। “তামিল মীয়াম লেপ্তনা সেবা তৌনবগী ৱাখল্লোন অসিনা ঐহাক অনৌবা থৌনানা থনহল্লে”, হায়না প্রধান মন্ত্রীনা ফোঙদোকখি।

হন্দক কাসি তামিল শঙ্গমম মাইপাক্না পাংথোকখিবা অদুদা অপেনবা ফোঙদোক্লদুনা প্রধান মন্ত্রীনা হায়খি, থৌরম অদুদা ঐখোয়না অরিবা মতম, অনৌবা অমসুং খেন্নবশিং মতম অমতদা হরাও-তয়াম্বা ফোঙদোক্লি। হিন্দী ঙাংবা মফম অমদা, দিজিতেলগী যুগ অসিদা, তামিল লাইরিকশিং পাম্নরি, মসিনা ঐখোয়গী নাৎকী ওইনা লৈনবা মরীশিং উৎথোক্লি। তামিল মীয়াম য়াওদনা কাসিগী মীয়ামগী পুন্সি মপুংফাদে হায়না ঐনা থাজৈ, ঐ কাসিগী মীওই অমা ওইরে, অমসুং কাসি য়াওদনা তামিল মীয়ামগী পুন্সি মপুংফাদে। সুব্রামনিয়া ভারতকী মিংদা অনৌবা চিয়ার অমা লিংখৎলে অমসুং কাসি বিশ্বনাথ তেম্পল ত্রস্ততা তামিল মীওই অমগী মফম খাক্লে।

প্রধান মন্ত্রীনা হায়খি তামিল খোরিলোনগী কান্নবা অসি তুংলমচৎকী লৌশিংগী হৌরকফম অমনি। অরিবা শঙ্গম খোরিলোন্দা শ্রী অন্ন-মিল্লেতশিংগী মতাংদা পনবা অদুগী মতাংদা প্রধান মন্ত্রীনা হায়খি, ঙসিদি, ভারতকী থৌশিলদগী, ঐখোয়গী চহি লিশিং কয়া শুরবা মিল্লেতশিংগী চৎনবী অসিগা মালেম পুম্বগা শম্নহল্লে। পুখমদা মিল্লেতশিংকী মফম অমা পীনবা অমসুং অতোপ্পশিংশু চানবা পুক্নিং থৌগৎবা ৱারেপ অমা লৌনবা মহাক্না থৌরম অদুদা তিনখিবা মীয়ামদা তকশিনখি।

প্রধান মন্ত্রীনা হায়খি নহারোলশিংগী মরক্তা তামিল আর্ত ফোর্মশিং য়োকখৎপা দরকার ওই অমসুং মখোয় মালেম শীনবা থুংনা উৎকদবনি। ঙসিগী মীরোলশিংদা মখোয় হেন্না পাম্নহল্লবদি, মখোয় তুংগী মীরোলশিংদা হেন্না খঙহনগনি। মরম অদুনা, মসিগী কলা অসি নহারোলশিংদা হৈহনবা হায়বসি ঐখোয়গী অপুনবা থৌদাংনি। নিংতম্বগী অমৃত কালদা, ঐখোয়গী তামিল নাৎ অমসুং চৎনবীশিং খঙবা অমসুং মসিগী মরমদা লৈবাক অসিদা অমসুং মালেমদা খঙহনবা হায়বসি ঐখোয়গী থৌদাংনি। মসিগী নাৎ অমসুং চৎনবীগী পুক্কৈ অসি ঐখোয়গী অপুনবা শক্তম অমসুং ‘লৈবাক্কী থবক্না হান্না’ হায়রিবা ৱাখল্লোন অসিগী খুদম অমনি। ঐখোয়না লেপ্তনা তামিল কলচর, খোরিলোন, লোন অমসুং তামিল চৎনবী মখা তানা চাউখৎহনগদবনি।

Delighted to attend a programme to mark Tamil New Year. Watch. https://t.co/eG410nr0fW

— Narendra Modi (@narendramodi) April 13, 2023

पुत्तांडु, प्राचीनता में नवीनता का पर्व है! pic.twitter.com/VzqngeJ9l8

— PMO India (@PMOIndia) April 13, 2023

Uthiramerur in Tamil Nadu is very special. pic.twitter.com/ejnAgkIzil

— PMO India (@PMOIndia) April 13, 2023

There is so much in Tamil culture that has shaped India as a nation. pic.twitter.com/SaOEq28kFq

— PMO India (@PMOIndia) April 13, 2023

PM @narendramodi recalls his Sri Lanka visit during Tamil New Year celebrations. pic.twitter.com/iv6IYYO5HB

— PMO India (@PMOIndia) April 13, 2023

The ‘Kashi Tamil Sangamam’ has been a resounding success. pic.twitter.com/r1CMDo3fFI

— PMO India (@PMOIndia) April 13, 2023

Further popularising the rich Tamil culture, literature, language and traditions. pic.twitter.com/bbpZGNf3D4

— PMO India (@PMOIndia) April 13, 2023

*****