ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী জনুৱারি ১৩ দা জম্মু অমসুং কাস্মিরগী সোনামার্গতা চৎকনি। অয়ুক্কী পুং ১১:৪৫ রোম তাবদা মহাক্না সোনামার্গ তন্নেলদা চৎকনি অমসুং প্রোজেক অসি শঙ্গাগনি। থৌরম অদুদা মহাক্না মীয়ামদা ৱা ঙাংগনি।

চাউরাক্না কিমি ১২ রোম শাংবা সোনামার্গ তন্নেল প্রোজেক অসি লুপা করোর ২,৭০০ হেন্না চঙনা শেমগৎপনি। মসিদা সোনামার্গ মেন  তন্নেল, এগ্রেস তন্নেল অমা অমসুং তন্নেল ফাওবা য়ৌরক্নবা লম্বীশিং য়াওরি। সমুদ্রা ইমায়দগী ফিত ৮,৬৫০ হেন্না ৱাংবা মফম অমদা লৈদুনা, মসিনা চীং অমসুং উন নিংখায়বা লম্বীশিং নাথৈরম্লগা, শ্রীনগর অমসুং সোনামার্গতগী লেহ ফাওবা চহি চুপ্পা চৎপা য়াবা লম্বী লৈহনগনি অমসুং য়াম্না মরুওইবা লাদাখ লমদমদা অশোই-অঙাম থোকহন্দনা অমসুং অপনবা পীদনা চৎথোক-চৎশিন য়াহনগনি। সোনামার্গ চহি চুপ্পা লমকোয়বা লাকপা য়াবা মফম অমা ওইহন্দুনা তুরিজমদা অচৌবা ইনোৎ অমা পীগনি, নিংথম থাগী তুরিজম, এদভেঞ্জর স্পোর্তসশিং অমসুং লমদম অদুগী হিংনবা লম্বীশিং ফগৎহনগনি।

২০২৮ দা লোইশিন্নবা পান্দম থম্লিবা জোজিলা তন্নেলগা লোয়ননা, মসিনা লম্বীগী অশাংবা কিমি ৪৯ দগী কিমি ৪৩ দা হন্থহনগনি অমসুং গারিগী অয়াংবা পুংদা কিমি ৩০ দগী পুংদা কিমি ৭০ দা হেনগৎহনগনি অমসুং শ্রীনগর তম্পাক অমসুং লাদাখকী মরক্ত এন.ঐচ-১ না শম্নহগনি। মসিগী চৎথোক-চৎশিনগী খুদোংচাবা ফগৎহনবা অসিনা জম্মু অমসুং কাস্মির অমসুং লাদাখ লমদম শীনবা থুংনা প্রোজেক অসিনা ঙাক-শেনগী খুৎলায়শিং পুথোক-পুশিন তৌবা শেন-থুম চাউখৎপা অমসুং নাত অমসুং চৎনবীগী অপুনবা শক্তম শাগৎপা হেনগৎহনগনি।

খুদোংচাদবা ফিবমশিংদা হৈশিংনা থবক শুরিবা শিন্মীশিংগা প্রধান মন্ত্রীগা উনগনি অমসুং ইঞ্জিনিয়ারিংগী মাইপাকপা অসিদা মখোয়না পাংথোকখিবা থবকশিংগীদমক ইকায়খুম্নবা উৎকনি।

**********