ভারতকী প্রধানমন্ত্রী

প্রধান মন্ত্রী কিষান সাম্মান নিধী (পি.এম.-কিষান)গী মখাদা কান্নবা ফংলিবশিংদা ফন্দশিং পীনবা তঙাইফদনা আধার শম্ননবা দেতা দরকার ওইবা অদু কোমথোকপগী অয়াবা প্রধান মন্ত্রী মোদীনা লুচিংবা কেন্দ্রগী মন্ত্রীমন্দলনা পীরে।

স্কিম অসিনা অখন্নবা খরা নত্তনা, চহি অমদা লৌ লৈবা লৌমী অমদা লুপা ৬০০০ মতেং পীরি। শেনফমশিং অসি দি.বি.তি. মওংদা বেনিফিসরীশিংগী একাউন্তা থা ৪গী ইন্সতোলমেন্ত অহুম থোক্নবা লুপা ২০০০/২০০০ পীরি।

স্কিম অসিগী মখাদা ২০১৯গী অগস্ত ১দা, বেনিফিসরীশিংদা অহুমসুবা ইন্সতোলমেন্ত পীখ্রবা মতুংদা, ২০১৮ দিসেম্বর অমসুং ২০১৯ মার্চতা অহানবা ইন্সতোলমেন্ত ফংখিবশিং অমসুং ২০১৯গী এপ্রিল-জুলাইদা অনিশুবা ইন্সতোলমেন্ত ফংবশিং আধার শম্ননবা দেতাশিংদা য়ুম্ফম ওইরগা পীগনি। মসিগা মান্ননা, ২০১৯গী জুলাই-এপ্রিলদা অহানবা ইন্সতোলমেন্ত ফংখ্রবশিং, ২০১৯গী ওগস্ততা থাদোকপা অনিশুবা ইন্সতোলমেন্ত আধার শম্ননবা দেতাদা য়ুম্ফম ওইরগা পীগনি। অমুক হন্না, লেমহৌরিবা বেনিফিসরীশিংগীদমক ২০১৯গী অগস্ত ১গী মতুংদা থাদোকপা অহানবা ইন্সতোলমেন্তগী শেনফমশিং আধার শম্ননবা দেতাদা য়ুম্ফম ওইরগা পীগনি। অসম, মেঘালয় অমসুং জে. অমসুং কে.গী আধার লৈতবা লৌমীশিংগীদমক মসিগী দরকার ওইবা অসি ২০২০গী মার্চ ৩০ ফাওবা কোমথোক্লে।

অদুম ওইনমক, ২০১৯গী ওগস্ত ১গী মতুংদা ইন্সতোলমেন্তশিং থাদোকত্রিঙৈ মমাংদা অপীবা মতমগী মনুংদা ফন্দশিং থাদোক্নবা চাদা ১০০ আধার শম্নহনবা অসি ওইথোক্তবা অমনি। লৌমীশিংনা নীংথম লৌরোক্কী শেম-শাবা হৌরকপদগী মখোয়না মরু-মরাং লৈনবা, লৈবাক খোইনবা অমসুং ইথৈ ফংনবা, মেচিনশিং শেমজিন্নবা অমসুং ৱাইনবা মখোয় শেল দরকার ওইরকই। মসিগী মথক্তা, কুম্মৈ হরাওগী মতম হৌরকপদগী লৈবাক অসিগী লায়রবা লৌমীশিংগী ইমুংশিং শেল হেন্না দরকার ওইরক্লগনি। বেনিফিসরীশিংগী দেতাশিংগা আধারগা শম্নদবা অসিনা মখা তানা ইন্সতোলমেন্তশিং থাদোকপা থেংথহল্লগনি অমসুং মসিনা লৌমীশিংগী মরক্তা পেন্দবা লৈহল্লগনি। মরম অদুনা ২০১৯গী ওগস্ত ১গী মতুংদা থাদোকপা ফন্দশিং ফংনবা তঙাইফদনবা আধার শম্নদবা য়াদবগী নিয়ম অদু ২০১৯গী নবেম্বর ৩০ ফাওবা শাংদোক্লে। মসিনা লৌমীশিং কয়া ফন্দ ফংদনা লৈরকপা ফংহল্লগনি। মসিগী তঙাইফদবা দরকার ওইবা অদু ২০১৯গী দিসেম্বরদগী চৎনবা হৌরগনি। শেল পীথোকত্রিঙৈ মমাংদা দেতা চৎনবা য়ানবা সরকারনা মতিক চাবা থবক পায়খৎলে।

নুংগী ৱারোল :

প্রধান মন্ত্রী কিষান সাম্মান নিধী (পি.এম.-কিষান)গী মখাদা লৌমীশিং চহি অমদা লুপা ৬০০০ পীরি। শেনফমশিং অসি দি.বি.তি. মওংদা বেনিফিসরীশিংগী একাউন্তা থা ৪গী ইন্সতোলমেন্ত অহুম থোক্নবা লুপা ২০০০/২০০০ পীরি। স্কিম অসিগী মখাদা অহানবা ইন্সতোলমেন্তদা বেনিফিসরী ৬,৭৬,৭৬,০৭৩, অনিশুবা ইন্সতোলমেন্তগী বিনিফিসরী ৫,১৪,২৭,১৯৫ অমসুং অহুমশুবা ইন্সতোলমেন্তগী বিনিফিসরী ১,৭৪,২০,২৩০দা পুন্না লুপা ক্রোর ২৭০০০ য়েন্থোকখ্রে।