ভারতকী প্রধানমন্ত্রী

প্রধান  মন্ত্রী শ্রী নরেন্দ্র মোদীনা ওরিসাগী চীফ মিনিস্তর ওইনা ৱাশক লৌরবা শ্রী মোহন চরন মাঝী থাগৎপা ফোঙদোকখ্রে। মহাক্না দিপুতি চীফ মিনিস্তরশিং ওইনা ৱাশক লৌরবা শ্রী কনাক বর্ধন সিংহ দিও অমসুং শ্রীমতি প্রভতি পরিদাগী মফমদা মহাক্কী য়াইফ-পাউজেলশিংশু পীখি।

প্রধান মন্ত্রীনা এক্সতা হায়খি;

“ওরিসাগী পুৱারি ওইরবা নুমিৎ অমনি! ওরিসাগী ঐগী ইচলশিং অমসুং ইনাওশিংগী থৌজালদগী, রাজ্য অসিদা বি.জে.পিগী অহানবা সরকার শেম্লে।

ঐ ভুবনেশ্বরদা ৱাশক লৌবগী থৌরম শরুক য়াখি। ওরিসাগী চীফ মিনিস্তর ওইনা ৱাশক লৌরবা শ্রী মোহন চরন মাঝী থাগৎপা ফোঙদোকচরি অমসুং দিপুতি চীফ মিনিস্তরশিং ওইনা ৱাশক লৌরবা শ্রী কনাক বর্ধন সিংহ দিও অমসুং শ্রীমতি প্রভতি পরিদা অমসুং ৱাশক লৌরবা অতোপ্পা মিনিস্তরশিং থাগৎপা ফোঙদোকচরি। 

মহাপ্রভু জগন্নাথকী থৌজালদগী, কাংবু অসিনা ওরিসাদা রেকোর্দ ওইনা চাউখৎ-থৌরাংগী থবক পায়খৎকনি অমসুং মশিং থিঙমদ্রবা মীওই কয়াগী পুন্সিগী থাক ৱাংখৎহনগনি হায়না ঐনা থাজবা থম্লি”।

It’s a historic day in Odisha! With the blessings of my sisters and brothers of Odisha, @BJP4Odisha is forming its first-ever government in the state.

I attended the swearing-in ceremony in Bhubaneswar. Congratulations to Shri Mohan Charan Majhi on taking oath as CM and to Shri… pic.twitter.com/KOYTk7Epfb

— Narendra Modi (@narendramodi) June 12, 2024

প্রধান মন্ত্রীগী ওফিসনা এক্সতা হায়খি;

“প্রধান মন্ত্রী @narendramodi ওরিসাগী অনৌবা সরকার ৱাশক লৌবগী থৌরম শরুক য়াখ্রে। মহাক্না চীফ মিনিস্তর ওইরবা শ্রী @mohanmajhi_BJP থাগৎপা ফোঙদোকখি। ঙসি ৱাশক লৌখিবা অতোপ্পা মিনিস্তরশিংশু প্রধান মন্ত্রীনা থাগৎপা ফোঙদোকখি”।   

PM @narendramodi attended the swearing-in ceremony of the new Odisha government. He congratulated Shri @mohanmajhi_BJP for becoming the Chief Minister. The PM also congratulated the other Ministers who took oath today. pic.twitter.com/wHytFV6rrb

— PMO India (@PMOIndia) June 12, 2024

***